متن نمایشنامه : ائولی لر ...

آداملار : قولو ، سوسان ، ممی ، جاوان ، نینا ، نازی

                                                                                                  صحنه : مختلف یئرلر .

                                                                                                  بیریمجی تابلو . حیاط ایچی .

سوسان : نه اولدو ؟

نینا : شیکایت ائیلدیم دا .

سوسان : سن یا او ؟

نینا : من . دئییرم نه خوشدو .

سوسان : نمنه ؟

نینا : بوشانما باخ .

سوسان : یوخ ؟!

نینا : طالاقیم حالال جانیم آزاد .

سوسان : بوشویور آخی ؟

نینا : آی جانیم کیشی لرین آللاهلارینداندی آروادلارین بوشویالار .

سوسان : دئمه سن آللاه ...

نینا : نییه قورخورسان قولو ائشیده اودا سنی بوشویا ؟

سوسان : نمنه ! بونا باخ بونا ! میه قولو اوبیریسی کیشیلره تایدی .

نینا : یوخ ایمام بالاسیدی سیزین قولو .

سوسان : ووی ، آی قیز سن قولونو نه تانی ییبسان ؟!

نینا : گودزیلا ...

سوسان : نینا ، باخ منه ، قیز نئجه اورگیندن گلیر .

نینا : بونا باخ بونا ، میه کیشی دئییل ؟

سوسان : نی یه ...

نینا : به دینمه دا . اله هاممیسی بیر بئزین قیراغیدیلار .

سوسان : واللاه من بیلمیرم ریضا داییی ...

نینا : آقا رضا ...

سوسان : من بیلمیرم آ ریضا سنه نه گوستریب ...

نینا : نه گوسترجخ کی ؟

سوسان : اله اودا ، بیلمیرم ، آمما بیزیم قولو بیر پارچا آقادی واللاه .

نینا : اله بیل بیز هچ کیشی گورممیشیخ دونیادا .

سوسان : سن گوردوقون کیشی لر گودزیلا اولسالاردا بیزیم قولو ...

نینا : ووی نییه من میه نئچه کیشی گورموشم ؟ اله سوز دئییرسن ها . بیزیم ایشیمیزه باخ بیر . من گوردوقوم بیر اله او قان قوسموش آقا رضادی

        کی اونداندا بوشانیرام جانیم قورتولا . واللاه بوشانسام ایللرله کیشی آدی چکمم .

سوسان : سنله ایشیم یوخ آمما من قولونو بیر ساهات گورمسم اولرم ...

نینا : او نئجه ؟

سوسان : نمنه او نئجه ؟

نینا : او سنی گورمسه نئجه ؟

سوسان : من یاخچی یام هله ، او یاریم ساهات منی گورمسه اولر .

نینا : یوخدا ؟!

سوسان : واللاه .

نینا : باشییان بورک کئچیب ، بترده کئچیب ...

سوسان : هچ ده کئچمیییب ...

نینا : واللاه جانین ایستیدی خبرین یوخدو . بتر کئچیب .

سوسان : اولمویا سن بیرزاد بیلیرسن دینمیرسن ؟

نینا : نه بیلجیم آخی .                                                                                                                                                    1                      

سوسان : به نییه قولونو بوجور تانیتدیرماخ ایستییرسن منه ؟

نینا : باخ سوسان ، منیم سوزوم بودور باخ ، قولو رضاسی یوخدو ، هاممی کیشیلر آللاهلاریندان دی آروادلارین بوشویوب تزدن بیرین یوخ بلکه اولسا

        نئچه سین آلالار .

سوسان : ریضادایی ...

نینا : آقا رضا ...

سوسان : گورورم آ ریضا سنین گوزویون قورخودوب . من اوز سوزوم اوسته وارام . قولو من اولسم ده آرواد آلماز .

نینا : اوستونده دوراجاخسان دا ؟

سوسان : نه یین ؟

نینا : سوزویون دا ...

سوسان : نجور یانی ؟

نینا : من دئییرم قولونو ایمتحان ائیله ریخ ، من دیین دوز اولسا سنده منیم تاییم بوشان ، سن دیین دوز اولسا من گئدجم آقا رضانین کنیزی اولام .

سوسان : قبول . نه ایش گورملییخ ؟

نینا : سن اولجخسن ...

سوسان : دیلیین دیشله آی قیز ...

نینا : یالاندان بابا ...

سوسان : آها ، فیلیم اوینویوروخ دا مثلن ؟

نینا : هیه ...

سوسان : اولوم ده اولدو فیلیم آخی ؟ گنه دییردین گدئجم دنیزقیراغینا ، پاریسه دولانماقا ، بیلمیرم کی سواحل آنتالیا ...

نینا : سنینده دولانماق گویلوین دوشوب بو هایداهایدا . قولاق وئر ، اولندن قاباق قولودان ایسترسن سن اولسن ائولنمییه تزه دن .

سوسان : بو ایش اولاندی آخی ؟

نینا : منده دئییرم ائولنجخ دا ...

سوسان : قولونون ائولنمقی یوخ کی ، بیلیرم ائولنمز ...

نینا : به نه اولان دی ؟

سوسان : منیم اولمقیم ، قولونون اینانماقی ...

نینا : سن رضایت وئر ایشین اولماسین . قولو کیمین سوزوندن چیخماز ؟

سوسان : ممی نین .

نینا : بیزیم ممی ؟ لاپ گوزل ، ایندی من نئچه نفره زنگ وورارام هماهنگ اولاریخ . ایندی گل گئخ ایچری یه .

سوسان : یوخ دا . گلمیشدیم گورم آ رضا ایله هارا یئتیردین . گئددیم من .

                                                                                                ایکیمجی تابلو . قاپی قاباغی .

قولو : اوز ائویندی آ کیشی ، هله گل ایچری ...

ممی : یوخ دا بئوقتدی ، گئدملی یم ، ائوین آباد . فقط بیر سوز ، میراژدری تانییردین دا ؟ بویون ایلیدی ...

قولو : بیر ایل کئچدی ؟ آی روزیگار . نه توولو کئچیر . دئییرم چوخدا قوجا دئییلدی ها رحمتلیخ ، اونون کی مشکلی زادی یوخویدو .

ممی : آی جانیم کیمین ایچیندن خبر وار آخی ، نه بیلیرسن مشکلی یوخویدو آخی ؟ اولوب دا .

قولو : دئییرم یانی پوللو پادارییدی ...

ممی : آروادین الیندن سکته ائیلدی با . آروادین پیسینه آللاه لعنت ائیلسین .

قولو : نه دئییم واللاه . من کی فکر ائیلمیرم آدام آروادین الیندن سکته ائیلیه ، بورجو دئمیرم آمما ...

ممی : سنین آروادین هله او پیس اوزون سنه گوسترمییب ، سن یاخچی اوزون گوروبسن قارداشیم ، مخلص دئدیم جریاندا اولاسان اوزوندن

       گوزلویه سن .

قولو : بیزیم آرواد شوکور آللاها جان دئییب جان ائشیدندی . دئسم اول دئمز نییه . نییاران اولما .

ممی : بوجور اولسا بیردن گوردون عزرائیل گلیب قاپی یان دئگینن آرواد سنین یئریین جانین وئرسین با .

قولو : وئرر دا ، حاضیردی اوله منیم قیچیما تیکان باتمییا .

ممی : نه اولار بودا بوجور اولسون ، آنجاق من سوزومو دئدیم ، عزرائیل دن گوزله . گلسه دئگینن آروادی آپار منیم یئریمه .

قولو : منیم نه یاشیم وار کی آخی ؟ هله من له آرواد گئدیب گزممیشیخ دویونجاق . گزملی یئریمیز چوخدو .                                           2                      

ممی : آللاه دیلخوشلوق وئرسین هممشه . گئددیم .

قولو : گئد . بو کیمدی گلیر بو قیرقیلیقدا ؟

ممی : کیم ؟

قولو : باخ اوراقینا زادینا .

ممی : کیمی دئییرسن سن ؟

قولو : گورمورن به ؟ اودو قاپلارین اوستون اوخویا اوخویا گلیر دا .

ممی : ووروب تپه ین ؟ من کی هچ کیمسه نی گورمورم .

قولو : شوخلوق ائیلمه گورخ . قوی سوروشوم گوروم کیمین ائوین آختاریر .

ممی : واللاه سن قاتیشدیریبسان .

قولو : عمی بری گل گوروم کیمین ائوین آختاریرسان ؟ پلاک لاری نیه اوخویورسان ؟

                                                                                                  جاوان گیریر ایچری یه .

ممی : خئیر ها ، اوتورمویجخ ...

قولو : سن بو یئکه لیخده آدامی گورمورسن یانی ؟

ممی : عجب ایشدی ...

قولو : آقا کیمله ایشین وار ؟

جاوان : سیز منی گورورسوز ؟

قولو : کور دئییلیخ کی ، نیه گورمویخ گرک ؟

جاوان : منی هر آدام عومرونده بیر سیرا گوره بیلر . تعجب ائیلییرم سیز نجور گورورسوز .

قولو : به ، اله بیز گورریخ . نه ایشین وار بیزیم کوچه ده ؟

ممی : بیز نه یی گورریخ ؟ اوز اوزوین نییه دانیشیرسان به ؟

قولو : بونلایام با .

ممی : هانسی ؟

جاوان : دئییرم آخی گورمویز گرک ، بو گورمور منی پس .

قولو : من کی گورورم ، دئمدین نه ایشین وار ؟

جاوان : نه دئییم آخی ...

قولو : اولمویا اوغورو موغورو اولاسان ؟

ممی : نه دئییرسن سن ؟

قولو : بونلایام .

جاوان : گورمسه گورمز ، اوتور اونو . باخ منه ...

قولو : سن باخ منه ، یانی دانیشماسان گوزویون چیخاتمیشام دا ...

جاوان : توولو گئتمه گورخ آی کیشی ...

قولو : گئدرم بیر آزدا اوتایا ...

ممی : کیشی دایان گورخ .

جاوان : آی هووووو ، آللاه شاهیددی اجلی گلیب بونون .

قولو : اولان منیم اجلیم گلیب یا سنین ؟ ووروم اوتوز تیکه یه بولونه سن ؟

ممی : آی کیشی قان سالما گورخ کیمله سن آخی ؟

قولو : بابا سنده لاپ بیزی ایپه باغلادین ها ، بونو دئییرم دا .

ممی : اله دئییر بونو دئییرم ، بونو دئییرم اله بیل دوغوردان آدام وار بورالاردا . کیمی دئییرسن ؟ منله سندن سونرا بورادا هانسی فلان شده وار کی ...

جاوان : اونا دئگینن وقتی یئتیشنده دییرم فلان شده کیمدی ...

قولو : هله قاباخدان گلملیقه باخ ائیلییر ! اولان سنی قویمورام کوچه ده دولاناسان ، سن دوشویون قاباقا وئریب اونا بونا بوی دئییرسن ؟

جاوان : قالدیخ بونون الینده بویون . آقا گئد یوخسا گوردون ...

قولو : گوردو نه ها ؟ گوردوم نه ؟

ممی : نه زور وئریرسن اوز اوزوین سن آخی ؟ دایان گورخ بیر .                                                                                                   3

قولو : اونون دالیندا گیزلنمه کی ، گل بوتایا گور نئیلییرم سنه دا .

جاوان : تانری حکم آلماسایدی جانلاری دوز آلام اله سنین جانی یین ایندی آلاردیم واللاه .

قولو : سن ؟

جاوان : منیم نه ییمدی کی ؟

قولو : سن دوز یئرده یول گئده بیلمیرسن ایستییرسن منله باش باشا وئرن ؟ جانین آلاردیم ! گور نه یئکه یئکه دانیشیر ...

ممی : واللاه سنین باشییان هاوا گلیب . گئد ایچری قونشولار بوجور گورممیش .

قولو : بونا بیر سوز دئگینن با ، منه یوخ کی ...

ممی : آخی من هچ کیمسه نی گورمورم کی ...

قولو : بابا سنده قورتار گورخ دا . اولان سنده چیخ گئد گئدیب ائودن ناجاقی گتیرممیش .

جاوان : یاخچی گئدیرم ، بیر آز دایانسان گئدیرم . باخ گوروم دئدین بورا ائویندی ؟ اوندا گرک بیله سن قولونون ائوی هارادی دا ؟ ائوی بو کوچه ده

           دئییب لر ...

قولو : کیم دئییب ؟

جاوان : سنین بونلاریلا ایشین اولماسین ، تانییرسان گوستر جانین آلیم گئدیم ، ایشیم چوخدو ...

قولو : گنه ده یئکه دانیشدی ، سن جان آلانسان ؟ اولسون دا ، من قولو ، گل گورخ کیم کیمین جانین آلاجاق دا .

جاوان : عجب ها ، ایشیمیزه باخ . تانیمیرسان دئگینن تانیمیرام دا . تانیماسان گئدیم من ...

قولو : باهانا آختاریرسان قاچان گئدن آمما من اوتورن دئییلم ، قولو اله منم با ...

ممی : یوخ منم ، به سنسن دا ، بو نه سوزدو .

قولو : ائشیددین ؟ گوردون قولو منم .

ممی : قولو واللاه من بیلمدیم سن کیمله دانیشیرسان .

قولو : بو آمما یاخچی بیلیر .

جاوان : آدی یین دئدی قولو هان ؟ یاخچی دا ، اله توتورام قولو سنسن . آللاه خئیر ائیلسین ، حاضیرلان گئدخ دا ...

قولو : خئیر اولا ؟ هارا گئدخ ؟

جاوان : به بیر ساهاتدی ناغیل دئییرم ؟ گلمیشم جانی یین آلام دا .

قولو : گنه باشلادی ، ایندی کی بوجور اولدو سن عزرائیل اولساندا من سنه جان وئرمرم با ...

جاوان : عزرائیل لیقینه کی عزرائیلم ، داها شوخلوق بسدی یولا دوش گورخ ...

قولو : ووی ووی به من نیه اوز اوزومه یول گئدیرم ؟

ممی : هارا یولا دوشدون سن ؟

قولو : ممی منی توت ، من نیه دوشموشم بونون دالیسینا به ؟

جاوان : ایندی ایناندین من عزرائیلم ؟

قولو : یوخ واللاه ، آمما دایان ایناندیر دا .

جاوان : باخ ، او سئرچه نی گورورسن ؟ هیه اونو ، ایندی جانین آلاجاقام . گوردون ؟

قولو : دوشدو یئره !

جاوان : ایناندین منه ؟

قولو : بیر چئشمه ده گل ؟

ممی : نه چئشمه سی ؟

قولو : او پیشیگی ده اولدور اینانیم ...

ممی : پیشیگی اولدوروم ؟ ووی ...

جاوان : یاخچی سن عزرائیل دئییلسن . قیرقین سالاردین . بودا پیشیک ، گوردون ؟ ایناندین ؟ یاخچی دوش یولا ...

قولو : به من نیه ؟

جاوان : به کیم ؟ نوباندی دا ...

قولو : گل بو ممی نی آپاردا ...

ممی : ممی نی هارا آپارسین ؟ کیم هله ؟

جاوان : اونون وقتی دئییل ، دوش یولا گورخ .                                                                                                                        4

قولو : منی آپارما ، من یازیقام ، جاوانام ...

جاوان : اله ده جاوان دئییلسن ، اللی یاشین وار .

قولو : اللی اولسون دا ، هله اولملی دئییلم کی ...

ممی : اولمویا عزرائیل گلیب سوراغییان ؟ وای دده .

قولو : ممی سن بیر سوز دئگینن ...

ممی : بورادا ؟ اووووووف ، من گئتدیم ...

قولو : بابا هارا به ؟ منی آپاریر سن له ایشی یوخ کی ...

ممی : اونلا شوخی ائیلمخ اولماز . من گئتدیم ...

قولو : من اولوم گئتمه ...

ممی : وضع خارابدی گئدم یاخچی دی ...

قولو : هارا آخی ، منی تک بوراخما سن آللاه .

ممی : آند وئرمه گورخ ...

جاوان : گئدخ ؟

قولو : سنده بیر دوز گورخ . گئدخ گئدخ . دوز دا . اوز جانین اولسادا بوجور تلسه جخسن ؟ دایان دا .

جاوان : نه ایش گورملی سن تئز اول دا .

قولو : دئییرم اولار آیری سی منیم یئریمه اوله ؟

جاوان : کئفین سازدی ...

قولو : قادایین آلارام ، اوز کئفین نئجه دی ؟

جاوان : بابا دئییرم کئفین سازدی ها ، کیم ایستر اوزگه سینین یئرینه اوله آخی ؟

قولو : سنه نه آخی ، یانی دئییرم سنین نه ایشین وار ، بلکه بیری تاپیلدی دا .

جاوان : تاپیلماز کیشی ...

قولو : سن قبول ائیله من تاپیم دا .

جاوان : تاپیلماسا ؟

قولو : دا چاره ندی اولرم دا .

ممی : نیه به منه بوجور پیس باخیرسان ؟

قولو : پیس ندی ، لاپ محبتلی باخیرام سنه . منیم سندن سونرا کیمیم وار ممی جان .

ممی : سود داشیر ؟

قولو : اله من همیشه سنه وورغونان با .

ممی : گنه نه فیلمین وار ؟

جاوان : دا قورتار گورخ بئوقتی .

قولو : منیم یئریمه اولرسن ممی ؟

ممی : نه ده مظلوم ، اولردیم .

قولو : اولرسن دا هیه ؟

ممی : سن منیم یئریمه اولرسن ؟

قولو : یئریمیزی دییشسخ سنین وقتین گلنده اولرم دا .

ممی : ایندی باخ ...

قولو : هله سن اول ...

ممی : واللاه منیم بو ایشلرده الیم یوخ . هله من فیکیرده یم آروادا دییم منیم یئریمه ده او اوله . به سنه دئمیردیم عزرائیل گلسه آروادی یوللا قاباغا .

قولو : اله سن اوجور شوخی ائیلرسن بوجور اولار دا .

ممی : هله نه اولوب اولوم فیکیرینه دوشوبسن ؟

قولو : گورمورن عزرائیل دایانیب قاپیما ال چمکیر ؟

ممی : ووی دوز دئییرسن ها ، سن بیر ساهاتدی عزرائیل له دانیشیرسان . من گئتدیم ...

قولو : قورخما ، قاچیر یئکه کیشی . بری گل . سنین اجلین گلمی ییب کی . منیم گئدمخ وقتیمدی .                                                     5

ممی : دوغوردان ؟ یاخچی به نییه اولمورسن ؟

قولو : تلسیرسن ؟ اله دئییر اله بیل بو راحاتچالیخدادیر . دئییرم سن ...

ممی : من یوخ ، دئدیم کی آروادییان دئگینن با .

قولو : حاییف دی آخی .

ممی : بیز چولدن تاپیلمیشیخ دا .

قولو : قبول ائیلر ؟

ممی : دئگینن دا ، قبول ائیلر ائیلییب ائیلمز سن اونو تانییارسان دا .

قولو : شام ناهارسیز قالارام او اولسه ...

ممی : اوزون بیلرسن ، یا اول یادا اوندان ایسته او اولسون .

جاوان : تئز اول گورخ .

قولو : تک قالارام آخی ...

ممی : آهان ، من گلمیشدیم دییم میراژدرین آروادی بو گئجه گلسین سیزده قالسین ، نازی نی دئییرم . دول اولدوقونا گوره بیزیم آرواد اونا حساس

         اولوب ...

قولو : پس گلمیشدین بونو دیین منه ؟

ممی : دئدیم دا میراژدرین ایلیدی ...

قولو : دئدین هیه . بونو دئمدین آمما .

جاوان : یادش بخیر . اونون بیلدیر جانین آلدیم . نه اولدو به ؟

ممی : گئد آروادا دئگینن ، تئز اول ، عزرائیل اوتورن دئییل ، منده میراژدرین آروادینا دییرم قوناق گلر قالار سیزده تک قالمازسان .

                                                                                                  اوچومجی تابلو . کوچه .

سوسان : ( موبایل ایله دانیشیر ) یاخچی ، بیلدیم دا ، سیزی تاپشیریرام آللاها ، خداحافظ . ( قولویا ساری ) آنامین سلامی وارییدی .

قولو : علیک السلام . چادرانی خوش اوت .

سوسان : آللاهین فرشته سینه ده قلبی قره اول ها .

قولو : کوچه دن کئچن اولار .

سوسان : کیم وار بیزدن سورا آخی .

جاوان : هئچ بوجور ایلیشممیشدیم . سنین یئریین اوتوز جان آلابیلردیم ها . اله معطل اله یین ها ...

قولو : من دییم چوخ دوزگون ایشین وار ، تلس چوخون اولدور با ...

جاوان : آللاهین ایشینه باش اوزاتما ، ایشیمدی دا . آللاه وئریب . بونادا سوزون وار ؟

سوسان : نه ایشین بونلا آخی ؟ دوز دئییر دا ، آللاه دئمسه بو جان آلا بیلر ؟

قولو : ایندی سن گئدیرن من قالیرام یوزدنه غم کدرله ، دئییرن بلکه هاساتدی ؟

سوسان : اله جانیندان ها ، دئمه آغلارام ها ...

جاوان : دئییرن اوز جانی یین آلیم دا ؟

قولو : سن خانوادگی مسائله نیه قاتیشیرسان آخی ؟ اوزوموزه ربطی وار ...

جاوان : گئد دوعا ائیله آللاه قبول ائیلدی بونون جانین آلام سنین عوضیین یوخسا اله جان آلاردیم بیلندن جهننم ده دا آدیمی ائشیدنده اوزویون ...

قولو : یاخچی بابا ، قورتار گورخ سنده . آدام اوز شوغلوندان موقعیتیندن سواستفاده ائیلمز کی .

جاوان : یوخ دا ؟ نه کی سن هئچ سواستفاده اهلی دئییلسن ؟ حاییف بو قادینا سنین سوزوندن چیخمیر .

قولو : یاخچی سنده ، اوز ایشینده اول . ( سوسانا ) سنده چادرانی دوزلد گورخ .

سوسان : داها گئدملی اولدوم . ایشین سوزون یوخ او دونیایا ؟

قولو : او دونیایا نه سوزوم اولاجاق آخی منیم ؟

سوسان : بویوک بابادان ، خان ننه دن زاددان یوخوندو ؟ ووی ...

قولو : سلام یئتیر گورسن .

سوسان : علیک السلام . ساغلیقلا قال .

جاوان : دایان گورخ ، بوندان آرتیخ گئدمه قاباقا .

قولو : سنه نه ربطی وار ؟ هله جانین آلمییبسان کی ، اوزوموز بیللیخ ...                                                                                         6

جاوان : یوخ اله کوچه ده اوپوشون با ...

سوسان : اریمدی دا ...

قولو : دوز دئییر ، کوچه دی . اوتور بونلاری . اوزوندن موغایات اول .

جاوان : دا یولا دوشندن سونرا بونون اختیاری قالمییاجاق اوزوندن موغایات اولا . اله بیل گئددیخ شوکور آللاها .

قولو : آللاه آمانیندا .

سوسان : قولو .

قولو : سوسان .

سوسان : قولو .

قولو : سوسان .

سوسان : قولو .

قولو : سوسان .

جاوان : خئیر اولدو هندوستان . یاللاه دوش یولا گورخ .

سوسان : نه بی ذوق فرشته سن . قولو گوروشه قدر .

قولو : بئهشتده گوروشریخ انشالاه .

سوسان : قول وئریرسن بئهشتده حوری لره باخمییاسان منیم قولوم ؟

قولو : من سندن سونرا هئچ موجودا باخا بیلمم ، انسان اولسون یوخسا حوری ...

جاوان : هله نه بیلدیز بئهشت ده گوروشه جه ییز ؟ دوش یولا .

سوسان : قولو شوربا چراغ اوسته ، یانماسین آج قالاسان . گئجه لر اوستویون خوش اوت سویوخ وورماسین . یخچال دا هر نه وار نییاران اولما .

            حبلری یین وقتینده آت . داها سوزوم اولسادا یادیمدان چیخیب ، آنجاق حلال ائیله منی . گئد ائوه سویوخ دیر . منده گئددیم .

قولو : خوش گئددین .

سوسان : آغلاماها سسین توتولار .

جاوان : واللاه بونون هئچ خییالینادا دئییل .

قولو : یاخچی سن بشر دئییلسن ، نه فضول اولاردین آمما . ایچیمدن نه خبرین وار سنین ...

جاوان : چوخ دانیشسان اوزویون آپارارام ها . ایچیمدن نه خبرین وار ؟! زرت . حواسین اولسون دا . آی ساغول ، اله اوجور دال دالی گئد گیر ائوه .

                                                                                                  دوردومجو تابلو . ائو .

قولو : واقتی دئییلدی آمما عومورون وئردی سنه دا .

نازی : به نه یاخچی مراسم توتمویوبسوز ؟

قولو : آخی معمولی اولمدی کی ...

نازی : ووی ، یانی نجور ؟

قولو : واللاه نجور دئییم آخی . قرار دئییلدی اوله ، اولدو دا ، بیردن بیره ...

نازی : من کی باشا دوشمورم نه دئییرسن ...

قولو : خلاصه سین دئییم ، قرارییدی من اولم ، عزرائیل له دانیشدیخ ، او منیم یئریمه گئددی اونلا . اوجور باخما بیلیرم اینانمالی دئییل . مخصوصن

         کی جسدی ده گئددی او دونیایا . گوردوم نه نعش وار نه معمولی اولمخ دی مراسم توتمادیم دا .

نازی : منی اله سالیبسان ؟

قولو : یوخ واللاه . اله بو لاپ سوزون دوزویدو .

نازی : ایندی اینتظارین وار اینانام دا من بو سوزلره ؟

قولو : واللاه منده سنین یئریین اولسایدیم اینانمازییدیم ...

نازی : یاخچی به من نجور اینانیم ؟

قولو : اله بونا فیکیرلشیرم ...

نازی : اولمویا کوسوب گئدیب ...

قولو : سوسان کوسوب گئدن دئییلدی ...

نازی : مسافرته گئدمییب ؟

قولو : منسیز ؟                                                                                                                                                             7

نازی : بلکه ده اوزون اولدوربسن جنازه سین گیزلدیبسن ...

قولو : تلویزیون سریالیدی میه ؟

نازی : آخی نجور سال چیخ ائیلییرم سوزلریین اینانا بیلمیرم .

قولو : سنی ایناندیرماقا گرک آیری ایش گورم ، یوخسا اینانماسان حاقلیسان ...

نازی : من یوخ سن ...

قولو : ایه سنه بیر پیشنهاد وئرسم اینانارسان ؟

نازی : نه پیشنهادی ؟

قولو : پیس منظوروم یوخدو . دئدیم رحمتلیخ میراژدردن سونرا سن تک قالیبسان ...

نازی : آللاه سیزین ده اولولره رحمت ائیلسین . اوزوم بوجور ایستدیم .

قولو : یئری جنت اولسون . اله ایندی من ده تک قالمیشام ...

نازی : هله نه اولوب سنه ! تزه بویون اولوب سوسان رحمتلیخ ...

قولو : نه فرقی وار ، بیر گون یوخسا مین گون . سن تک قالیبسان بیلیرسن تکلیخ چوخ چتیندی ...

نازی : من راحاتام .

قولو : اله سوز دئییرسن کی ، بیلیرم او رحمتلیغی چوخ ایستییردین اونا گوره دئییرسن آمما ...

نازی : یوخ بابا . دوغوردان دا راحاتام . او رحمتلیخ یئرینده ، اوزوم بوجور تکلیغه عادت ائیلمیشم .

قولو : هر نه اولاندان سونرا تکلیغین چتینلیقین دانماق اولماز .

نازی : هه ، او کی باشقا سوزدو ...

قولو : گوردون چتیندی . سنده بیلیرسن منده . آنجاق دئییرم او گئددی سون ائوینه . منده گئدجم ، آمما کیم بیلیر نه زامان . بوتون اینسانلار کیمی

         منه ده زندگی لازیمدی دا .

نازی : اوجوردو .

قولو : بونا گوره دئییم سن تک من تک ...

نازی : آها ...

قولو : نجور دئییم آخی ...

نازی : نجور راحاتسان .

قولو : سنده راحاتسان ؟

نازی : هه ، چوخ .

قولو : گل بیر اولاق دا ...

نازی : من او آروادلاردان دئییلم ها ...

قولو : پیس منظوروم یوخدو . دئییرم اله گل ال اله سورتخ ایش قورتولسون گئدسین ...

نازی : نجور یانی ؟

قولو : منیم آروادیم اول ...

نازی : قویاردین بیر کفنی چورویردی رحمتلیخ سوسانین .

قولو : قاییتما اول سوزه ، نه دئییرسن ؟

نازی : منی آلماق بو راحاتچیلیخدا دئییل ها .

قولو : چتینلیقین حل ائیلرم سن ایستسن .

نازی : نجور ؟

قولو : سن دئدیقین کیمی .

نازی : ائو ...

قولو : سنین .

نازی : باغ ...

قولو : سنین .

نازی : ماشین ...

قولو : سنین .                                                                                                                                                               8

نازی : قیزیل ...

قولو : سوسانین قیزللاری بیرده نه پولوم وار وئریم قیزیلا هاممی سی سنین .

                                                                                                  سوسان گیریر ایچری یه .

سوسان : ائوی ، باغی ، ماشینی باغیشلادین ایشیم یوخ داها قیزیللاریمین باغیشلاماسین گوره بیلمزسن ...

نازی : ووی کول باشیما ...

قولو : سوسان به سنی عزرائیل ...

سوسان : هن آپارمیشدی آمما گورورسن قاییتمیشام دا .

قولو : عزرائیل ده قدیم عزرائیللر ...

سوسان : نییه خوشویان گلمدی ؟

قولو : یوخ ، دئییرم یانی ...

سوسان : دانیشما . دانیشما . داها تانیدیم سنی . کس سسی یین . سوس . اوتان باخ . گیر یئره . دانیشما . کس سسی یین با . سوس . اول با ...

قولو : منده گوناه یوخویدو بو منی یولدان چیخاردیب واللاه .

نازی : من ؟ نییه من نئیلدیم سنه ؟

سوسان : هاممی سین گوردوم او اوتاقدان . دانیشما . اوتان . گیر یئره .

قولو : به سن نجور اولوبسن کی ...

                                                                                                  نینا ایله جاوان گیریر ایچری یه .

جاوان : تزه مدل دی بوجور اولمخ .

قولو : بورادا نه خبردی ؟

نینا : ساغلیقین ، نه خبر اولاجاق کی ، سوسان اودوزدو .

قولو : نه یی ؟

نینا : شرطی . شرط ائیلمیشدیخ او اولندن سونرا سن آرواد آلارسان یوخسا آلمازسان .

جاوان : منده یالان عزرائیلم .

قولو : بابا دئیین دا . چوخ شوکور سن دوغوردان اولمویوبسن ...

سوسان : چکیل اویانا چکیل . منه ال وورما . داها تانیدیم سنی . اوتان . اول . هله ایستییر گنه ده یالانلاریلا منی تومارلییا .

قولو : سن منیم جانیمسان .

سوسان : سوس . دانیشما دا . کس سسی یین . مندن اوزاق دور . داها سن اولدون منه .

قولو : اوجور دئمه . منه باخ بیر . سنین جان قولونام ها .

سوسان : اوزه باخ بوندا .

قولو : باخ گوروم سن دئییردین بلکه من بیلمیردیم سن اولمویوبسن ؟

سوسان : یانی بیلیردین من فیلیم اوینویورام ؟

قولو : بلی ...

سوسان : لاپ پیس . بونو بیله بیله منیم اوستومه آرواد آلیردین ؟

قولو : یوخ . من ده سنین کیمین فیلیم اوینویوردوم .

سوسان : نه ایستییرسن دیین با ؟

قولو : من بیلیردیم سن اولمویوبسن و ایستییرسن منی امتحان ائیلیسن اونا گوره منده ایستدیم فیلیم اوینویام سنی امتحان ائیلییم .

سوسان : نجور امتحان ؟

قولو : ایستییردیم گورم من یالاندان آرواد آلسام سن نه ایش گوررسن ...

سوسان : آها ...

قولو : هئچ دا . سن منیم اوره گیمی سیندیردین . من ایندی بیلیرم سن او اندازه کی دئییردین منی ایستمیرسن .

سوسان : دوز دئگینن ...

قولو : واللاه .

سوسان : ایندی اوره گین مندن سینیب ؟

قولو : آز یوخ .                                                                                                                                                              9

سوسان : دئمگینن ...

قولو : یوخ دا . سیندی اوره گیم . سیندی . سیندی .

سوسان : آغلاما . اولرم من ها ...

نینا : آی قیز بو فیلیم اوینویور ، گل بوتایا گورخ .

قولو : اله سن بیزیم گول آروادی بوجور ائیلییبسن .

سوسان : نجور ؟

قولو : اوره ک سیندیران .

سوسان : دئمه قولو جان . دئمه .

قولو : دئگینن منه اینامین وار .

سوسان : اوندا اوره گین دوزلر ؟ منی باغیشلارسان سیندیردیم اوره گی یین ؟ پس اوندا بیل کی من سنه امینم قولو جان .

نینا : ووی .

جاوان : آی هووووووووووو .

قولو : بویورون ائشیه . بویورون . بویورون گورخ دا .

نازی : من ده ؟

قولو : سن قوناقسان ...

سوسان : قولو .

قولو : سوسان جان بونو ممی گتیریب قوناق قالا بیزده . ممی دن پیسدی .

سوسان : نینا میه ممی ده بیزیم فیلیم ده یوخویدو ؟

نینا : وارییدی .

جاوان : منی او اورگتدی دا .

سوسان : گوردون . بودا یالان قوناقییدی .

قولو : یالان دا اولسا قوناق عزیزدی . سن کی بیلیرسن ممی منه نه قدر عزیزدی . قوناقین اوتوروم ائشی یه ؟

سوسان : اوجور اولسا یوخ پیسدی اوتورخ ائشیه .

نینا : اوتورز ائشیه ؟ میه سن بورادا قالاجاقسان ؟

سوسان : ووی آی جانیم ائویم دئییل به ؟

نینا : سن کیمسن دا .

قولو : ائشیددیز سوزو ؟ بویورون گورخ .

نینا : گلین گئدخ . اله بیز آروادلاردا گوناه وار کیشی لری پیس اورگتمیشیخ . کئچین گئدخ . سوسان سنده قال ذلیل اول .

نازی : به من ؟

قولو : سن قوناقسان ، سوسان قوناق دان پذیرایی اله من بونلاری یولا سالیم گئدسینلر . بویورون ائشیه گورخ .

                                                                                   سون .

                                                                                96.11.12

                                                   آس اولدوز . آس اربایجان . ایری آنا .

                       10