هانی ؟؟؟

بیری قان قان  دئدی 

بیری 

ـ سه ن   بو  بیریله ری   چوخ   توت ! 

بیری  تانریدان   سوز   آچدی 

ایلده ن   نئچه  گونون   آغلادی 

هه رده ن   اولدور کی  باشینا   ووردو   

چیغیردی 

چاغیردی   اونو  بونو    !

باغیردی  

ایسته دی   ائشیدیلسین   سه سی !

گوردوم  وه قتی  وار  تانرینین   یادینا   دوشمه ک   اوندا ! 

هه ن   وه قتی  وار ! 

هه له  وه قتی  وار  هئچ  آقانین  آقاسیدا  وار ! 

یئر گوی  قارا  گیرسه  بیرجه  آقاسی  گولسه  به سدیر ! 

بوتون   اینسانلار  آیاق  آلتیندا  قالسا  قالسین  آقا   دینمی ییب  کی ! 

اونلارین   یاردیما   چاغیران   سه سی   بیرجه   سه سدیر ! 

آنجاق  آقاسی  اونا  به سدیر !

گوردوم  سویله ییر   دوزلوکده ن   بیری 

یا دا وار  سوزونده  پیسله رده ن    اوزاق   یاخچی  سوزله ری !   

دئمیره م   روزیگاردا  یاخچیدان   سوز  آچان  گورسه نمیر 

گورسه نیر ! 

بو  روزیگاردا 

بیزیم   زامانادا

هه رنه ده ن    سوز  آچیبلار 

هه رنه ده ن   کی   اوبیریسی   اولکه له رده  یئرینه   دوشوب  

گویده ن 

یئرده ن !

گوردوم   بیر  سیرا   وار   اوزگورلوکده ن   دانیشرلار 

بیر   سیرا  ساقدان

سولداندا   دانیشان  وار ! 

باخیرسان   گورورسه ن   گه لیر   بیر  سیرانین   آغزینا  ارنستونون  آدی !   

ـ آلیب  شانانی  اونون  توکون  دارار !

ها بویله  گه لیر  آغیزلارینا  اوبیریسی  آزادلیق  آختارانلارین  آدی !

بیری  های   سالیب  گه لین   بیزیم   سیرایا  آی  قیزلار  ! 

بیری  وار  دانیشیر  فمنیستده ن  ! 

بیری   دئییر   هارای  هارای ! 

سه سی   گه لیر  اویاندان   شاه  سئوه نله رین  

ده یازدیر   سویو 

یوخ   بیر  پینارلاری   اولسون   ده رین ! 

اودوزموش   خالقی   خالقدان   دانیشاندا  وار  

خالق   ایچینده   یئری   یوخ   

نه   قالیب   ناموس   نه ده   عار ! 

باخسان   گورسه نه ر   دئموکراسیداندا   ده م   ووران  وار ! 

هابویله   باخ  گور  هه ر نه ده ن   وار   ایچینده   بو   اولکه نین !

سون  عیصیاندان  سوز  آچاندا   گوردوم  

کیم   کیمی   آختارسین  تاپسین ؟  

وار  آنجاق  هه ر جوره سی   بونلاردان  ! 

مینیش   وئره ن 

مینیش   وئرمی یه ن !

ائششه ک   اولان 

ائششه ک   ائیلی یه نده   !

بیله ن 

بیلمی یه نده ! 

بیری  دئییب  دئدیکله ری   سوزه  باخما   

باخ  یاشاملارینا !

اونلارین   سوزله رینه   قولاق   وئرمه ییب   باخدیم   یاشاملارینا !

گولوش   توتدو   بیله می ! 

یا ! 

آخی   گئجه  گوندوز  آت کیمی   ایشله مه کده ن 

دونقوز کیمی   مینیشمه کده ن  

قارقا کیمی  دئییشمه کده ن 

یادا  ایت کیمی  ووروشماقادان   آییلیرلار ؟ 

یوخ  یالان  اولدو  سوزوم  

سوزومه  بیری  قولاق  آسار ؟

بیر  سیرا  مال داوار کیمی   گه وشه مه کده دیله ر ! 

یا  بیربیرینین   اتین   یئمه کده  

بیر بیرینین  باشینا  بورک  قویماقدا  

اونو  بونو   ساتماقدا !   

ـ بونلا  یوخام !

یادا  ساشماقدا ! 

ـ بونلا  وارام !

پیسی   توتوب   یاخچینی  آتماقدا !  

ـ حارام  حارام  حارام  !

بیر سیراسیدا  مه نیم کیمی   یاتماقدا ! 

هانسیمیزین   یاشامی   سوزویله  بیر   یولدادیر ؟ 

کیم   دئدیغین   آختاریر ؟ 

آخی   هانسیمیزین   وه قتیمیز  وار   فیکیریمیزده   اولسون ؟ 

فیکیرله ری   بیزه   دوزه لدیبله ر ! 

یوللاری   بیزه   به زی ییبله ر ! 

ایشله ری  بیزه   یارادیبلار ! 

هانسی  اینسانی   آختاریرسان   اوزو  اولسون ؟  

اوزو  قالسین ؟ 

اوزو   قانسین ؟

هانسیمیزین   سوزوده   اوزونون   

یولودا   اوزونون 

بیلدیغیده 

بیلمه دیغیده   اوزونوندور ؟ 

هانسیمیزین ؟ 

هانسی   اوزگورو  آختاریرسان ؟ 

قیزلارا   یازیلیب  بیر سیرا  ایشله ر 

اوغلانلارادا   اونلاردان   پیسی  !

آنجاق   اوزله رینده   اولسونلار 

نه چیخسین   سه سله ری 

نه تانیسینلار   یاخچینی 

نه ده   پیسی ! 

دئمیره م   قالمی ییبدیر   آدام 

وار  بیر  سیرادا   ایناملاری  وار 

ـ هه له   دی یه ک   اولسون   بیر  داشا ! 

نه  اولار ! 

دوز

بویله سیده  وار 

آمما 

هانی  یاشامیمیزین  یولو   گوزه للیکله ره   ساری ؟ 

هانی ؟؟؟ 

اوزوموز   پیسه دیر !

اوزاقلاشیریک   یاخچیلاردان 

اولماسا   بونودا  دان !

یوردوم ...

وه طه نیم    

آذربایجانیم 

جانیم 

قیبله م  سه نسه ن  

قوربانلیقین  مه ن ! 

آنام کیمی   سئویره م    جانیملا  سه نی 

آتام الی ایله  بیر  یئرده   اوپوره م   توپراقلاری یین  !

ائلیم   سه ن 

واریم  سه ن 

اولدوغوم  گونده ن   به ری   سئودام   سه ن  !

آشکیم    

عومورومون   تاپدیقی    

مئهریبانیم    

مه نیم   سون   سئوگیم   سه نسیز   یاشاماق   اولماز !

اوزاق  اولسام   یوخسا   یانیندا 

دوداقلاریمدا کی  چیچه کله ریم    سه ن   گولمه سه ن  آچماز !  

اوره ییم   سه نین   آشکینسیز   قالماز !

باشیمین   اوجالیقی   سه نده ن 

سه نی   ساخلاماق  اوچون   جان   وئرمه ک   مه نده ن  

روحومون   راحات   اولماسی 

گوزومون   گئنیش   باخیشی   

ماهنیمین   هه ر  هاواسی 

بیل 

بیل 

بیل   سه ن   اولماسان   اولوم دونیاسیندان  سونرا  یولوم  یوخ !

سه نین   شه ن   یاشاماق   یولوندا   دونیادا  دورسا  قاباقیمدا   چه کیلمه ره م  دالی 

دئوله رده ن   قورخوم  یوخ 

آنجاق 

یاشامیم   سه ن  اوچوندور ! 

ده یه رلی   بیلیرسه ن ؟ 

بیلسه ن    

ده یه ریم   اولسا  گوزونده   جانیمی   قوربان   وئرمیشه م   سه نه ! 

هئچ  نه یینده   گوزوم  یوخ 

مه نی   لاییق   بیلمه سه نده   سوزوم   یوخ 

آمما 

آمما   آشکیم   قاوالاما   قاپیندان !  

قاوالاما !

یئریم  یوخ   گوزه ل  

بیلیردین   قاپیندان   اویانا   گئده   بیلمیره م ؟ 

آخی 

آخی   اوزگه   قاپی  تانیمیرام ! 

ایسته سه ن   قاپیندا   سون   گونومه جه ک    اوتورارام !

شه ن  یاشا 

ایسته ییم   بودور   تانریمدان    

ائل له رین   آزاد  قالا  

گوزه ل   یاشی یا ...

بیلمیره م ...

توولانا توولانا 

بورادان  اورا  اورادان  بورا 

سون گونونده ده   ائوده ن  گورا ! 

بو  آرادا  نئیله ییر ؟ 

باخیر 

چاخیر 

یاخیر 

هه رده نده  ... 

آنجاق  یاشام   بویله دیر 

گئدیب  گه لمه ک 

گورمه ک 

اوپمه ک 

بیرده  به لکه م   سئومه ک 

داها ؟ 

مه ن   بیلمیره م 

بیری   بیلسه  سویله سین 

ایسته ییره م  مه نده   بیله م  ...