ش | ی | د | س | چ | پ | ج |
1 | 2 | 3 | 4 | |||
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 |
قازانمادی
ایتدی ایشیمیز ال له رین کولگه سینده
باتدی
زه حمه تله رده
قاچمالاردا !
یورقونلوق قالدی بیزه !
یالان بیر قورولوش ایسته دیغین آژاردی اوسته
بیزده قالدیک باخا باخا !
یورقونلوقلار بیزیم
اوغورلو اولماق اونلارین !
یاراتماغا مئیدان یوخ بو اولکه ده
یاراتدیغین قالیر الده
ده یه رسیز !
مئیمون اولوب
اونون بونون ایشین ته قلید ائیله مه ک لازیمدیر
موشته ریسی باشی اوسته دیر !
یورقونلوق بیزیم
اوغورلو اولماق اونلارین ...
یئرده ن گویه دولو یالان تانریلا
هه ر تانری اوز یولوندا
اوزوم اولماق ایسته دیم
اوز یولومو تاپماق
اوز یولومدا گئدمه ک
ایسته دیم بویله اولسون ایشیم
بیر تانری کیمی !
آمما
مه نی
هه ر تانری اوز یولونا آپارماق ایسته دی
چه که چه که !
نه باخدی ایچیمه
نه ده ایشیمه !
بیر بولاق
ـ پینارسیز اولماسین یوردلاریمیز !
آخارلی سویویلا آخسا جانیما
جانیمی سوسوزلوقدان قورتارسادا
قورتارماسادا
آخارلی سو اولارام آخارام
سوسوز ده نیزیمیزه ...