ش | ی | د | س | چ | پ | ج |
1 | 2 | 3 | 4 | |||
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 |
بیر چولده دوشموش داشام
داش !
ـ اسکی زامانلار دئییردیم قوشام !!!
هه ر گوندوز گونه شه قوناقام
یوخ او قوناقیمدیر
آیدا
بولوتادا
یئلده !
اوزاقلاردان گه له ن دورنالاردا !
ـ نئجه گه لمه دی دورنام !
آخی
چولده سوسوز قالیب
مه نیم کیمی !
کیم قوناق گه له ر چول له ره ؟
یابانلارا ؟
داشلارا ؟ ؟ ؟
چولده دوشموش بیر داشام
داش !
بیر قایایام سوسوز چول له رده !!!
یئل اوزونو چیرپیر اوزومه
گونه ش یاندیریر
اوستومه گه له ن جانیوارلاری آی گوسته ریر !
چولده دوشموش بیر داشام
یالنیز
یالقیز ...
یاشام وار باشلانیشیندا یاشام گولور
یاشام وار آغلادیر عاله می !
سون سوزچودور
سون یازی صاحابی
اولدوزلاردا گولور
بیری
ایکیسی
هاممیسی
گول له ر بوتون آچیب
آخی
سون سوزچودور یاشامین باشلایان
سون یازیلا گه له ن ...