ش | ی | د | س | چ | پ | ج |
1 | 2 | 3 | 4 | |||
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 |
دالدان گه لیب آلیب ایشی اله
زورلا ایسته ییر آپارسین قاباقا سوزونو
قووزاییب گویه بورنونو
ایبلیسده ن یول آلان
پیس ایت بالاسی
دونیانی موندارا چونده ریر ایچینین هاواسی !
داریخیر اینسان بالاسی
گوره نده اونو
اوره گی سیخیلا سیخیلا !
کئچیب گئده ر بویله سی روزیگارین
کئچمیش پیس زامانلارکیمین !
گوزله یین
باخا باخا یوللارا
یاغمورلو بولوتلاردا گه له ر
اوزمه سه ز گویده ن گوزله ری
ال له ری
بیرده
ایناملی اوره گی ...
کاسانلیلار
هیتله ر
ماننالار
هورریله ر
بوتون ایشغوزلار
اورارتو اولکه له رینده یاشایانلاردا بوتون
بیلیرله ر
بیلیرله ر قانیمدا اونلارلا بیردی
جانیمدا
دیلیمده
یولومدا ...
آنام تومروس که سه نده باشینی کوروشون
آراز قیراغیندا
باشی اوسته دوراندا
دئدی :
ایچ قانیندان ایندی
دویمادین ایچمه ده ن قانی دونیادا
وقت قورتاردی
گئد جه هه نله مه داها
تونه !
ایچ
ایندی ایچ اوز قانیندان !
به لکه م دویاسان ...