نه دئییم آخی ...

الوئداع  دئدیم   بیر آی  اولمامیش 

ـ چوخداندیر   بویله  اولوبدور   ایشیم   !

حه یاتیمدا  بیر  رویالی  آشک وار   قویمور   اوزانا  یالان   آشکلاریم 

آخی   اوزونون  اولماسی  هاممیدان   اوزون  بیر  رویایا   دونوبدور  

کیم   دئییر  آشکیم   سونوبدور ؟ 

بیلیرسه ن   سولماز  خانیم   نه ده ن   قاچیرام   هاممیدان ؟ 

ایچیم  مه نیم   دئییل 

ائشی ییمده   دئییل   هئچ کیمسه یه  قالان 

بیرینی   سایان !

مه نی   سایان   اولماسادا   اولماسین 

اوره ییم   اولا  بیلمیر  بیریله !

هه رده ن   اولور   ایسته ییره م   ائشی ییمله   یولا  گه له م 

بیریله   توتوشام  

بیرینی   ایستی یه م

آمما  یولداشیم   

آز  اولور  بویله  اولماقیم  ! 

چوخدا  آز ! 

هه مده   ده یاز  !

بیلیرسه ن 

سه ن  کیمیله   اولسایدین   فه رقی   یوخ  زه نگیمه   جاواب   وئرمی یه نده 

بیلیره م   واریدی  یانیندا  بیری  

فه رقی   یوخ   کیمیدی

قیزیدی   یوخسا   اوغلانیدی  

آنجاق   سه نیله  بیر  یئرده یدی  او  ساهات !

بیلیرسه ن   

ائشی ییمین  یولداشلاری   بویله   اولاندا     

اینجیده نده   بیله می

قورتاریرلار   یولداشلیقی !

باهانا   دئییل   ایشیم

بیر  بودور باخ : 

اوزومون   دئییل   ایچیم !

ائشی ییمده   ادا  چیخارداندیر  

تئز   سینیر !

آنجاق   باهانایا   به ندی یدیم   گئده م 

سه ن   زه نگیمی  که سمه قینله   وئردین   بو  باهانانی   یولداشیم

آد  قویما   اوستونه 

بویله   اولماقیمی   بیله یه ن   دئمیشدیم   

دئمه میشدیم ؟ 

بیلیرسه ن 

اوره ییم  مه نیم   دئییل   سه نینکیده   اولسون 

بونودا  بیلیردین   سه ن  

ایندیده

ائشی ییم  اینجیدی   سه نده ن ! 

سه ن   اینجیتدین !

اینجی یه نده   قالا بیلمیره م  

بونودا   بیلیردین ! 

بیلیرسه ن

ایه ر   اونلا  قالمیشام    

ـ  رویالاریمین   گوزه لین   دئییره م ! 

ایه ر  اونو   اوزومه   سولطان   تانیمیشام

اوز   الیمده   دئییل  یولداشیم 

باخمیر   سوزومه   اوره گیم   

قولاق   وئرمیر   سوزومه ! 

نئچه  گون   سه نله   اولماقیمدا  اونو   اونودماق  اوچون  دئییلدی 

اونودولماز   اولوبدور  داهی !

اوزومو   اونودماق   ایسته ییردیم ! 

ایندی 

مه نیم  یولداشیم

سه نده   گئد  باش  یازی یین  دالیسیجاق  

مه ن   اولدوم   سه نده ن   قاچاق !

مه نده ن   سه نه   یار   اولماز 

ـ سوزون  دوزو   هئچ  کیمسه یه   اولمور   یار  جانیم ! 

قاینامیر  بیرینه   قانیم ! 

قالمیشام   اوز   الیمده ! 

گئد   یولداشیم  !

گئد !

شه ن  یاشا ...

بویله بویا ...

یوخ  حالیم  هئچ  نه   اوچون 

ایچیم   سانجیلانیبدیر 

الیم  اسیر 

دیلیم ؟ 

دانیشمیرام   کیمسه له رله 

بیریله   یوخ   ایشیم ! 

یاریم ؟! 

آی   سئوداسیز  جانیم   هئی ! 

هئی ! 

نه  یوللاردان   گه له ن  وار 

نه   یوللارا   باخان 

اوره گیم   یارالی 

سه ن   اوخو   دولو قان ! 

یارسیزلیقی 

یالقیزلیقی 

بویله  یالنیز  اولماقی   سه ن  یازیبسان    مه نه   تانریم ؟  

نه بیلیم !؟ 

دئییره م  گوره ن  آیری  یازی   اوچون  بویا  قالمی ییبدیر   یوخ ؟ 

یازدیغی یین   سیلیم ؟

اولمه ز ...

گه لیر  اوجا اوجا  چیغیرتی !

نه اولوبدور ؟  

گه له ن   نه  سه سی ؟ 

کیمین  کیمله  وار  داواسی ؟

کیمله ردیله ر  باغیرانلار ؟ 

توستو  دومان  اولوب  گوز  گورمور  گوزو 

هانی   اویانلار ؟ 

آل   بویانیبدیر  بویانلار !  

سیغماییب   اوزونده   ده نیز  

داغلاردان  گئدیر  گویه  وولکانلار  

ایندی    بوتون   یئرله ره   اود   سالار ! 

دورماییب   یئرینده   ته په رلی   ائل 

آخیر  ایندی  

گه له ن   سئلدی ! 

بیزیم   ائلدی ! 

توفانلی   یئلدی ! 

دورماز   اولدو  آخان   سولاریمیز  

باش  اوجا  قالدی  بیزیم  خالقیمیز   

یئتیردی   یئرینه   ایمانیمیز !

یاشامدا  باش  ایمه دی 

سیندی 

کوتویه  اییلمه دی !   

وورولدودا  دویولدوده ده !

یارالاندی 

آمما   اولمه دی ...