ش | ی | د | س | چ | پ | ج |
1 | 2 | 3 | 4 | |||
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 |
بوگون بیر سیرادا کونولوم هاوالاندی
بیر قالا ایسته دی
ـ بابام بابه ک کیمی ؟!
جانیم قوربان یولونا
باخ تاریخ بویو اوجا بویونا
یاشا
ایل له ر بویو یاشا !
کونول توپراقیمین قالالارین یادا سالدی ماراغلاندی
قاناد آلیب گویله رده اوچدو
روحومدا جانیملا اوجالارا کوچدو !
رویالاریمدا واریدی بیر دوزگون ایلقار
ـ جانین جانانه وئره نله ر ایچینده !
واریدی خه یاللاریمدا مین ایل قارلی داغلار
یاشیل باغلار
قئیره تلی آقالار
قاناجاقلی قیزلار قادینلار !
بیر اوجا قایا
بیر جوت گوز باخاباخا
بو داغدان او داغا !
واریدی رویامدا اصلیده که ره مده !
سوروشمورسان داها کیمله ر وار ؟
وار بیزیم قالادا قورقودبابایلا کوراوغلو
هه مده نیگار
نیظامیله شه هری یار
نه سیمی فوضولی بیرده سه هه ندیم !
ره شید
بولبول
عالیم
آشیق په ریم
شه مسی که سمایی
زینب پاشام
تومروس آنام !
خاقانیله ساعیدی وئریبله ر دیزدیزه
اوتوروبلار زئهتابیله اوزاوزه !
شه مسله موله وی
اورمه وی روشدییه
صه مه د عه می
ساهیر
جه فه ر کیشی
خی یابانی
لطفی زاده
ته قی خانلا هه شته رودی
واهابزاده
باخ اورا گور کیم گه لیر
یول وئرین
یول وئرین سه رداریم گه لیر
باقیرخانلا ال اله وئره ن سه رداریمدیر
سه تتارخاندیر
سه تتارخان !
اویانیندا حوسئن خان باغبان
بویانیندا عه لی موسویو !
اونلاردان اوزاقدا حئیده ر عه م اوغلو !
اورادا باخچابان
بورادا صه فه رخان !
هاممی جان
جانان !
یادیمدان چیخان چوخدور بیلیره م
بو یوردون داشلاریدا بویوکدورله ر آغاجلاریدا
سویودا
توزودا
توپراقیدا
یاشاسین
یاشاسین
یاشاسین ...