دئرام : یولداش ...
پئرسوناژلار : قایا ، طه رلان ، که ند به یی ، حه سه ن عه می ، یاشار به ی و ایکی نه فه ر که ند آدامی .
صه حنه بیر که ند حه یه تیدیر . اوتاقلارین په نجه ره سی و قاپیسی
صه حنه نین سونوندا و طووله نین قاپیسی ساق طه ره فده حه یه ته
باخیر ، قاپی ایکی پیلله ده ن اوسته دیر . حه یه تین سول طه ره فینده
بیر قویو واردیر .
قایا الینده بیر بئل گیریر ایچه ری یه .
قایا : به ی ،،،،،،،،،، به ی ،،، که ند به یی ،،،،،،،،، هایانداسان به ی ؟
طه رلان اوتاقدان چیخیر ائشی یه .
طه رلان : سه لام ...
قایا : به ی هارادادیر ؟
طه رلان : علئیکیم السلام ...
قایا : سه لام ...
طه رلان : علئیکیم السلام قایا ...
قایا : طه رلان ته له سیره م ها
طه رلان : گوروره م باش گه تیریبسه ن
قایا : که ند به یی ،،،،،، به ی ................................
طه رلان : چیغیرما ،،، گورورسه ن یوخدوردا ...
قایا : زولفوناز خالا ، آی زولفوناز خالا بیر چیخ ائشی یه گوره ک
طه رلان : قایا صاباحاجاقدا چیغیرسان بو قاپیدان چیخان اولمویاجاقدیر
قایا : ...
طه رلان : گئدیبله ر عه میم گیله ،،، آتام آنامی آپاریب بویوک ده ده م گیله یوخاری کاروانسارایا
قایا : به که ند به یی نی یه مه نه دئدی صاباح صوبح گه ل آتین نالینا باخ
طه رلان : ده ده م گئدیب کاروانسارایا آت کی یوخ
قایا : عه جه ب !!!!!!!!!!
طه رلان : نه مه نه عه جه ب قایا ؟
قایا : قایانین طه رلانلا ائوده ته ک قالماسی ..........................
طه رلان : بونون نه یی عه جه ب دئمه لیدیر ؟
قایا : سه نین باخیشینلا یوخ آتان حه ضره ت قولو که ند به یینین باخیشیلا
طه رلان : هه له اوره گینده ن چیخمی ییبدیر ؟
قایا : آت طووله ده دیر ؟
طه رلان : قاچار ها بیرده ن ... 1
قایا : ...
طه رلان : گه ل ایچه ری یه اوتور بیر نه فه سین گه لسین یئرینه سونرا گئد آتین یانینا ، او بئل کیمیندیر الینده ؟
قایا : سولئیمان خوجانیندیر ، دوزه لتمیشه م آپاریرام وئره م بیله سینه ...
طه رلان : هاممی یا ایش گور بیر آداخلی یان یوخ ها ،،، گه ل اوتور دا ...
قایا : نه اولوبدور طه رلان داها آتاندان قورخمورسان ؟
طه رلان : قایا آز آتماجا آتگینان
قایا : آتماجا ؟! سوزون ساقین دی یه نده اولور آتماجا ؟
طه رلان : اولار او آجی دیلی یین قویاسان دینمه ز یئری یه ن
قایا : نه کی سه نین دیلین بالدیر شه که ردیر ...................................
طه رلان : ایسته سه یدین اولاردی ...
قایا : اوگونله ریمه گوردوم
طه رلان : اوگونله ریمه ؟
قایا : آتان مه نه دولاشاندا ...
طه رلان : قایا سه ن ایسته ییردین مه ن آتاما نه دی یه م ؟ قاباقیندا دورام ؟
قایا : یوخ ، آمما آداخلی ییندا جاماهاتین ایچینده باش آششاغا ائیله می یه ردین ..............
طه رلان : سه ن باش آششاغا اولمویوبسان ، ، ، اولساندا مه نیم باش اوجا قایامسان هه له ...
قایا : اوندا بو دیل له ر هارادایدی ؟
طه رلان : ایندی کی وار قه درینی بیلیرسه ن ؟
قایا : سه نین دیلین مه نه لازیم اولاندا دینمه دین ...
طه رلان : نه چوخ گون ، آللاهین چاغی قورتولوبدور ؟ دیلیم لازیم اولاندا دئگینه ن سه نین کی اولسون ...
قایا : اولماسا بو سیرادا ؟
طه رلان : جانیم دئدیم بو سیرا سه نه ساری دانیشارام اولدو ؟ ایندی گه ل ایچه ری یه دا ...
قایا : ...
طه رلان : هارا به ؟
قایا : گه لمه میشه م آداخلی بازلیقا گه لمیشه م آتین نالینا باخام که ند به یینین قیزی !
طه رلان : آت طووله ده دیر ده میرچی اوغلو ..............................
قایا بئلی دایی ییر دووارا گیریر طووله نین ایچه ریسینه ،
طه رلان بئلی آلیر الینه تومارلی ییر . قایا چیخیر ائشی یه ،
طه رلان بئلی قویور یئرینه .
قایا : آتین نالی نین نه ییدیر ؟!
طه رلان : سه ن ده میرچیسه ن مه نده ن سوروشورسان ؟
قایا : ناللار ساق سالیمدیله ر
طه رلان : اوتوردا ،،،،،،،،،،،،،، گه لمیرسه ن ایچه ری یه ؟
قایا : باخ طه رلان نه سه سی یین اوجورده ائیله نه ده گوزله ری یین خومارلاندیر ، بونلاری مه ن گورمویه جه یه م
طه رلان : گوروبسه ن بو سوزله ری دئییرسه ندا
قایا : دئدیم بیله سه ن ، مه ن اوز سوزومون اوستونده یه م
طه رلان : دانیشدیکلاریمیزدان دانیشما ،،، سوز قورتولمویوبدور کی
قایا : گئدیم 2
طه رلان : گئدمی یه جه کسه ن
قایا : باخدا
طه رلان : قایا گئدمه سوز دی یه جه یه م بیله یه ن
قایا : ایشیم وار
طه رلان : سه نین ایشین قورتولان دئییل
قایا : گورولسه قورتولار
طه رلان : آیری سی باشلانار اوندا
قایا : یاشام بویله دیردا
طه رلان : یاشامدا یاخچی ایشله رده وار
قایا : آز دئییل
طه رلان : به سه ن اونلاری نی یه باشارمیرسان ؟
قایا : باشارماسایدیم طه رلان چوخدان یئرده ن قارخیب اوچاردی گویله رده ایته ردی
طه رلان : هه م طه رلانی یئره یئندیرمه ک بیلیرسه ن هه م گویله ره اوچورتماق آمما بیر آز دیلین شیرین اولسایدی گویون لاب سونو
مه نیم اولاردی ...
قایا : باشارمیرام ...
طه رلان : اووه ل له ر باشاریردین ،،،،،،، ایندی نی دئییره م یادیندان چیخیبدیر
قایا : ...
طه رلان : دورما بورادا گه ل گئده ک ایچه ری یه
قایا : گئدیره م ...
طه رلان : باخ ایشه !؟ قیز ناز ائیله مه کده ن اوغلان نازا دوشوبدور
قایا : نازا دوشمه میشه م ، ایشله ری گه ره ک اوسته ن آلتا دوزه سه ن ، اوسته کیله ری تئز گورمه لی یه م
طه رلان : اولمویا سه نین ایشله رییین ایچینده مه ن هاممیدان سونرایام ؟
قایا : وه قت تاپدین گیلئلله نمه که ؟
طه رلان : جاوابین یوخدور ؟
قایا : سه ن مه نیم اوره گیمین ایلکیسه ن ، سونوسان ،،، اولدو ؟؟؟؟؟؟؟؟؟؟؟؟ آمما .................
طه رلان : آمماسی هاراسیدیر به اه ؟
قایا : طه رلان قوی گئدیم
طه رلان : گئده رسه ندا هه له ، ته زه ماهنی اویره نمیشه م سه نه اوخویام ، گه ل .......................................................................................
قایا : وای سه نه ، مه ن گئتدیم
طه رلان : جه هه نله مه گئده سه ن تونه گئده سه ن ،،،،،،،،،، گئتدا ،،،،،،،،، نی یه به دوروبسان ؟ هه ن ؟ نه دیر سه ن یاندیراندا مه نی حاققین
وار آمما مه نیم حاققیم یوخدور سه نه یامان دی یه ؟ گئتدا ...............
قایا : طه رلان ...
طه رلان : طه رلان ده رد طه رلان وه ره م ،،،، طه رلان سه نین الینده ن گئدیر اوله جانی قورتولا
قایا : قیز باخ گوروم هارادیر ؟
طه رلان : سه نه نه ؟ سه ن گئد ایشله ری یه ن یئتیر ، دالا قالیبلار ،،، طه رلان اولسه ده اولوبدا ، بیلیرسه ن کی ائوده بیر بورنو وار ..............
قایا : طه رلان جان بو هایدا هایدا سه نده مه نی داغیدما
طه رلان : سه ن مه نی داغیداندا خوشدور ؟ نئچه گوندور نه گه لیرسه ن نه سوروشورسان ، نه وار کی آتام دئییبدیر حاققین یوخدور
که ندی بوراخیب گئده سه ن ته بریزه ... 3
قایا : ده ردیمی یادیما سالما طه رلانیم
طه رلان : ده ردی یین !!! به ! ته بریزه گئدمه ک سه نه طه رلاندان قاباقدیردا ،،، ده ردیمی !!!
قایا : ته بریزین سوزونو قاتما اوز ایشیمیزه اولار ؟
طه رلان : خئییر اولماز ! ته بریزده نه وار کی گه ره ک مه نده ن قاباقا کئچه سه نین اوره گینده هان ؟
قایا : سه نین یئری یین هئچ نه توتا بیلمه ز .........
طه رلان : مه نیم یئریمی توتا بیلمه سه یدی سوزومه قولاق وئره ردیندا ، به نی یه وئرمه دین ؟! مه ن سه نه دئمه میشدیم گه ره ک
ته بریزین سووداسین باشیندان آتاسان ؟ آتدین مه نه گوره ؟
قایا : طه رلان ته بریزی دورد دوره ده ن سالیبلار موحاصیره یه ، ته بریزلیله ره یئییم ایچیم گئدمه سه آجلاریندان اوله رله ر ...
طه رلان : سه نده ن سونرا آیری بیر آدام یوخدور اونلارا چوره ک آپارسین ؟ یئمیش آپارسین ؟
قایا : آزدان چوخدان واردیر آمما ته بریزین نوفوسو چوخدور باش تاب قیز ...
طه رلان : دیلیم لال ووردو بیر گول له یولون آزدی گه لدی ده یدی سه نه اوندا مه ن باشیما نه داش سالمالی یام هان ؟
قایا : سوزه باخ تاپدی دئدی ...
طه رلان : سه نه بیر شئی اولسا اوندا مه ن اوزومو ............
قایا : آغلاییب مه نیمده اوره گیمی قان ائیله مه دا ،،،،،،،،،،،،،،،،،، طه رلان ، طه رلان
طه رلان : طه رلان اوله ردی جانی قورتولاردی .............
قایا : اوندا مه نده اوله ره مدا
طه رلان : ...
قایا : اولوم ؟؟؟
طه رلان : اینانیم بیله می بیر بئله ایسته ییره سه ن ؟
قایا : ایندی یه جه ک اینانمی ییبسان ؟
طه رلان : ته بریزین سوزو قاباقا گه لمی یه نه جه ک دئییردیم مه نیم بارماقیم قاناسا قایا اوزونو اولدوره ر ، آمما ...
قایا : طه رلان ایندیده سه ن مه نیم جانیمسان ، واللاه ته بریزین موجاهیدله ریده بیزیم باش اوجالیقیمیز اوچون دویوشورله ر ، بو باش اوجالیق
اولماسا نه قایا وار نه طه رلان کی بیربیرینه جان دئییب جان ائشیده له ر
طه رلان : هاممی بونو بیلیر ستارخانلا یولداشلاری بیزیم حاققیمیزا دویوشورله ر آمما جان شیریندیر قایا ، بیز گه ره ک اووه ل اوزوموزو
گوزلویه ک ،،،،،،،،،، آتام دئییردی ره حیم خانین توفه نگچیله ری دورد دوره نی دولانیرلار ، که ندله رین هاممیسینی گوز آلتینا
آلیبلار ، هئچ که ندین حاققی یوخدور ستارخان گیله بوغدا اون یوللویا ، آتام دئییردی توتانی اولدورورله ر
قایا : مه نده بیلیره م ، سه ن مه نی تانی ییرسان ، بیلیرسه ن کی قایا دوشمه ز اونلارین الینه ، سه ن کی بیلیرسه ن مه ن قوجا قوردام ، باغلان
گورموش قوردام
طه رلان : قورد طه رلانی توتاردا
قایا : ایندی گئده بیله ره م مه نیم گوزه ل طه رلانیم ؟
طه رلان : مه نیم قوردومون حاققی یوخدور طه رلانین اوتوره گئده ، سون سوزوم بودور
قایا : بو سیرادا گئدیره م گه له م داها گئدمی یه م اولدو ؟
طه رلان : یوخ
قایا : یانی نه ؟
طه رلان : ائشیتدین
قایا : طه رلان مه ن گه ره ک گئده م ستارخانا دی یه م داها گه لمی یه جه یه م ، او ایندی مه ن آپاران اونون یولون گوزله ییر ، مه نه
اوموددودور ...
طه رلان : آتام دئییردی ره ددی یین توتوبلار 4
قایا : قورخودوبدور سه نی مه نی دیله توتاسان ، هانی بو دوروبه رده دووله تین آداملاری ؟ البه تده بیزیم اوز آداملاریمیز اولان یئرده
اونلار نه لازیم !!!
طه رلان : آتماجا آتما آتاما ،،، بونودا بیل آتام مه نه یالان دئمه ز ،،، سه ن قالاجاقسان مه نیم یانیمدا ...
قایا : اینان بو سیرا سون سیرامدیر
طه رلان : اولماز
قایا : اولاجاقدیر ، چا ره میز یوخدور
طه رلان : اوندا داها مه نی گوره بیلمه زسه ن
قایا : طه رلان اونلار آج قالسا تانری توتار بیزی بیل بونو
طه رلان : تانری جانی یین ساخلاسین دئدیم یوخ
قایا : مه نده دئدیم گئدمه لی یه م
طه رلان : سون سوزوندور قایا ؟
قایا : هه ن سون سوزومدور
طه رلان : اینانیم مه نی آتیرسان گئده ن ؟
قایا : قاییدما ایلک سوزویه ن طه رلانیم ، سه نی آتان یوخدور آمما گئده مه قیمده حه تمیدیر
طه رلان : ...
قایا : هه له لیک ، آخشام گئده جه یه م ...
طه رلان : قایا دایان آخی ، باخ ، سه ن ................................
قایا بئلی گوتورور ایسته ییر چیخا ائشی یه ، که ند به یی
، حه سه ن عه می و یاشار به ی ایله گیریر ایچه ری یه .
قایا : سه لام که ند به یی ...
که ند به یی : سه لام ، خوش گوردوک قایا ...
یاشار به ی : نئجه سه ن اوغلان ...
که ند به یی : آی قیز سه رین سو گه تیر گوروم ، هاوادا ایستیدیر ها ...
حه سه ن عه می : دوغروداندا ایستیدیر ...
قایا : که ند به یی آتین هئچ نه یی دئییلدی ، ساق سالیم طووله ده سه نین یولویون گوزله ییر ، یاخچی ایشیمده ن قویدون ...
که ند به یی : یاشا قایا ، بو قایا سوزه قولاق آساندا اوغلومجا ایسته ییره م بیله سین ، سوزه ده قولاق وئرمی یه نده دئییره م قولاقین بورارام
دوزه له ر ، اوگون بیر ایش گورموشدو دئدیم اوغلان مه ن سه نین آتان یئرینده یه م ، کوره که ن اوغولدوردا آداما ، دئدیم
آنایان یاززیقین گه لسین ، بو ایشده ن ال چه ک ، گئتدی ، سونرا گوردوم اوگونده ن بویانا آغیر گه زیر ،،، اوغلان
بویوک آداما سوز دئمه ز ؟ سه نه نه اولوبدور اوزویون دونده ریرسه ن ؟ هان ؟ سه ن اوز باشی یان دئییلسه ن کی ،،، مه نیم
اوغلوم سه نین او ایشله رین هه م سه نین اوز باشی یین بادا وئره جه یدی هه م بیزیم ، پیس ائیله دیم قایتاردیم ایری
یولدان بیله یین ؟
قایا : مه ن ایری یولدا دئییلدیم ...
که ند به یی : سه ن جاوانسان ، بو ایشله رده ن نه بیلیرسه ن آخی ؟ سه ن نه گوروبسه ن ؟ ائیله اولوبدور که نده آجلیق دوشوبدور آداملار
آدام اتی یئییبله ر ،،، سه ن دورورسان ستارخانا چوره ک اون آپاریرسان ! دئمیرسه ن دووله ت آداملاری توتسا سه نی گه لیب
بورانیدا خارابا قویارلار ؟ سه ن اوزویه ن فیکیر ائیله میرسه ن بو یاززیق خالقا فیکیرله ش آخی ...
قایا : دووله ت آداملاری مه نی توتسالار دئمه ره م هارادان گه لمیشه م
که ند به یی : دئمه زسه ن دوز ، مه نده بیلیره م ، بویله اولماسایدین قیز وئرمه زدیم سه نه ، آمما اونلار بوتون که ندله ری دولاندیریب آخیردا
تاپارلار ائوی یین ،،، اوندا گه ل قورتول اونلارین الینده ن ... 5
قایا : مه نیم هوشوم باشیمدا بیلیره م نه ایش گوروره م
حه سه ن عه می : اوغول ساتقین آدام چوخدور ، تاپیلار بیری ساتا بیله یین اونلاردا تانی یالار سه نی
یاشار به ی : که ند به یی دوز دئییر دووله ت آدامی گه لسه بویانلارا ، بیلسه بورالاردا ستارخانا یاردیم ائده ن وار که ندی باسیب
آجلیق سالارلار که نده ...
قایا : ته بریزده یونجا یئییلیر ، آجلیقدان دئدیز بیلیرسیز اون بیر آی یونجا یئمه ک یانی نه ؟
که ند به یی : آی جانیم داوادا حالوا پایلامازلار کی ، ستارخانین آداملاری داوانی اوتورسه له ر دووله تین نه یی وار بوغدا اونون
گئدمه سینین قاباقین آلا ؟
قایا : اوتورسه له ر داوانی شه ره فله رینده گه ره ک اوتوره له ر ...
که ند به یی : دانیشماقدا دوز آتان ره حمه تلیکسه ن ...
قایا : بالاسی یامدا ...
حه سه ن عه می : دئییره م اصله ن ته بریزده ن بیزه نه ده خلی وار آخی ؟
یاشار به ی : هئچ ده خلی ...
قایا : ته بریزلیله رله یئریمیز ده ییشیلسین ، اونلار اولان حالدا بیز اولسایدیکدا بو سوزله ری دی یه جه یدیز ؟ دئمه زییدیز ، ، ، مه ن اونلارا
یاردیم ائیله مه سه م اوز آداملیقیمدا گه ره ک شه ک ائیلی یه م ....................................
که ند به یی : سوزله ر قولاقینا گیرمیردا ...
قایا : مه نیم سون سوزوم بودور ستارخان گیل ته بریزده دویوشه نه جه ک مه ن اورایا گئدیب گه له جه یه م ..................
که ند به یی : بو اوز سوزونده ن سونرا اوزگه سوزه قولاق وئره ن دئییل ، آی قیز آنان هایاندادیر ؟
طه رلان : آنام ائوده دئییل
که ند به یی : به سه ن !؟ وای مه نیم حالیما ! آی قودورغان اوغلو قودورغان ، سه ن مه نیم ائویمده ته ک باشی یان نه ایش گوروردون ؟
هان ؟؟؟ سه نه مه ن دئمه میشدیم قیزیملا بیر یئرده ته ک اولاماقا حاققین یوخدور ؟
قایا : آکیشی سه ن اوزون دئمیشدین مه ن گه له م آتا باخام ...
که ند به یی : دئمیشدیم دوز ، سه ن گوروردون ائوده آدام یوخدور نه یه قالدین ؟
قایا : سیز گه له نده چیخیردیم گئده م
که ند به یی : سه نین بورادا قیزیملا ته ک اولماقین اوسته سوز وار ، گئدیردیم اولدو مه نه سوز ؟
قایا : سه ن اوزون ایسته دین مه ن گه لدیم ، ایسته مه دین ؟ یالان دانیشمیرام کی ...
که ند به یی : یوخ ایندی مه ن یالانچی اولدومدا ؟ آقالار سیز شاهید اولون ها ، ، ، حه سه ن عه می سه ن ، یاشار به ی ...
حه سه ن عه می : آقا مه ن شاهیده م
یاشار به ی : مه نده ...
قایا : سوروشا بیله ره م سیز نه یه شاهیدسیز ؟
حه سه ن عه می : سه نین بو ائوده طه رلانلا ته ک اولماقی یان ، مه یه یوخ یاشار ؟
یاشار به ی : به دا ...
قایا : ال چه کین بابا ...
که ند به یی : توتون گوروم بونو ...
قایا : اولمویا مه ن قیزین آداخلیسی دئییله م ؟
که ند به یی : اولاندا ! گه ره ک گه له سه ن مه نیم ائویمه مه نی آبیرسیز ائیلی یه سه ن ؟! آکیشی عومور بویو که ند ایچینده باش اوجا
یاشامیشام ایندی سه ن ایسته ییرسه ن آبریمی بادا وئره سه ن ؟!
قایا : آی جانیم بو سه زله ر نه دیر ؟
که ند به یی : جاواب وئرمه ... 6
حه سه ن عه می : اوغلان اوتان ، بویوک کیچیک بیلمیرسه ن نه دیر ؟
یاشار به ی : آخیر زاماندیردا ...
قایا : یاشار به ی ، حه سه ن عه می نی یه مه ن نه دئدیم کی ؟
که ند به یی : گورورسوز کی ؟ یوخ اولمویا گه ل آتیل باشیما
قایا : مه ن آنلامیرام آتیلام سه نین باشی یان ، ایندیده قورد کئچینین نه یین یئییب گئده ره م دالیمادا باخمارام ...
طه رلان : یاشادا ...
قایا : آتان بویله ایسته ییر ...
که ند به یی : یئری ایچه ری یه گوروم سه ن ، نه چه کیره م سه نین الینده ندیر ...
طه رلان : آخی ...
که ند به یی : یئری دئدیم ،،،،،،،،،،،،،،،،،،،،،،،،،،،،،،،،،،، دایان گوروم
قایا : ...
که ند به یی : هارادیر اینشالاه ؟؟؟؟؟؟
قایا : ...
که ند به یی : یوخ سه ن ائیله بوتون اوز باشی یان اولوبسان !!!!! اوگونده ن بویانا باشی یان هاوا گه لیبدیر ...
قایا : که ند به یی قوی چیخیم گئدیم
که ند به یی : دایان گوروم ، سه ن بو ائوده ن چیخمی یاجاقسان
قایا : داها نی یه آخی ؟
که ند به یی : ایندی کی سه ن پوسورسان مه نیم گوزوم اوزاق اولاندا ائوده آدام اولمویاندا اوز باشی یان گه له سه ن قیزین یانینا مه ن
گه ره ک بیر ایش گوره م ایش اولا ، یاشار گئد که ندین آق ساققال کیشیله ریله آق بیرچه ک قادینلارین ییغگینان
گه تیر بورایا ، بوگونده ن بویانا طه رلانین الین وئره جه یه م بونون الینه آپارا اوز ائوینه ...............................
قایا : نه مه نه اولدو ؟
که ند به یی : ائشیددیقین ...
قایا : هه ر ایشین بیر یولو وار آکیشی ...
که ند به یی : ایسته مه ز سه ن مه نه یول اویره ده سه ن ...
قایا : مه ن توی توتمامیش طه رلانی ائویمه آپارا بیلمه ره م ...
که ند به یی : آپارارسان ، یاخچیدا آپارارسان ، گئد یاشار
قایا : دایان یاشار به ی ، سه ن ایسته ییرسه ن مه نی ائوه باغلی یاسان ؟
که ند به یی : باغلامالیساندا ، ده لیلیقه ووروبسان اوزویون ...
قایا : طه رله ن مه نیم ائویمده اولسادا مه ن ته بریزه یوک آپاراجایام
که ند به یی : اوزاماناجاق آللاه که ریمدیر ، سونراسی اونادا فیکیرله شه ره م ، هه له بیر آی چه که ر سه ن طه رلانلا ائوینده یئر به یئر
اولاسیز
قایا : که ند به یی ته بریزلیله ره ره حمین یوخدور موسولمانلیقی یان نه گه لیبدیر به ؟
که ند به یی : مه ن بو موسولمانلارین فیکرینده یه م
قایا : دووله ت هاممیلا بیر یئرده ساواشا بیلمه ز
که ند به یی : دووله ت دووشانی آرابایلا توتار
قایا : سون سوزون نه دیر ؟
که ند به یی : سه نین که ندده ن ائشی یه چیخماقا حاققین یوخدور
قایا : ایندی یه جه ک قاباقیندا دورمامیشام قویما بو ایش اوز وئرسین ... 7
که ند به یی : بیلیردیم الیمین دوزو یوخدور ، سه ن مه نی ته بریزه ساتدین
قایا : مه ن سه نی ساتمامیشام ، آمما ...
که ند به یی : ساتماقین قاشی گوزو اولماز ، الیمه داغ قویارام بوندان بویانا هئچ کیمسه یه یاخچیلیق ائیله می یه م ، آتان اوله نده ن سونرا
سه نین دالیندا دوردوم ، دئدیم یولداشیمیدی ، اوغولو اوغولوم یئرینده دیر ، بودا یاخچیلیقیمین جاوابی ، دوغروداندا ساق اول
حه سه ن عه می : اوغلان اوتان
یاشار به ی : مه ن آز قالیرام گیره م یئره
قایا : که ندی چه ته له ر آلاندا آتام ته ک قالدی قاباقلاریندا ، بیر نه فه ر اولمادی اونا آرخا دورا ، چه ته له ر گوردوله ر بیر نه فه ر
قاباقلاریندا دوروبدور اونودا ووردولار اولدو ، آتامین اولومو سیزی اوزویوزه گه تیردی ، ایشیم یوخ ویجدانی یان گوره مه نی
آلدین قانادی یین آلتینا آمما یاخچیلیقلارین یادیمدان چیخماییبدیر ،،،،،،،،، ده ده م ته ک قالماسایدی اولمه زیدی ، ایندی کئچیب
گئدیبدیر ، مه ن ده ده سیزلیقی چه کمیشه م ، سوزومون سونو ایسته میره م ته بریزده آجلیقدان آدام اوله ته بریزین اوشاقلاریدا
ده ده سیز نه نه سیز قالالار ...
که ند به یی : اوندا گه ره ک مه نیم اولومون اوستونده ن کئچیب گئده سه ن ..........................
قایا : ...
که ند به یی : اوغلان توتون بونو ،،،،،،،،،،،،،،،،،،،،،،،،،،،،،،،،،،،،،،،، وورون یئرینده ن دورانماسین ،،،،،،،،،،،،،،،،،، بو چیخسا بورادان که ندی
گودازا وئره جه کدیر ،،،،،،،،،،،، وورون .................................
حه سه ن عه می ، یاشار به ی ، بیرده نئچه نه فه ر ائشیکده ن
گه لیب توکولورله ر قایانین باشینا اونو وورورلار .
طه رلان : وورمایین ، وورمایین اونو ،،،،،،،،،، بوراخین بیله سین ،،، اوتورون گوروم ...
که ند به یی : دایان قیز ، دایان ، ، ، گه لسه ن قاباقا سه نیده وورارام اوله رسه ن ،،، قایید ایچه ری یه ..................
طه رلان : آتا سه نه یالواریرام ،،،، الی یین اوپوره م ، قیچی یان دوشوره م ،،، دئگینه ن اوتورسو نله ر بیله سینی ،،، دئگینه ن بوراخسینلار ، اولدو
آخی ،،،،،،،،،،، آتا سه نیله یه م آخی ...
که ند به یی : دئدیم گئد اوتاقا .................................................
که ند به یی طه رلانی چه که _ چه که آپاریر اوتاقا
ساری .
طه رلان : آتا آللاها باخ تانری یا باخ ، قایانی اولدوردوله ر آخی ...
که ند به یی : دانیشما ...
طه رلان : دئگینه ن اوتورسونله ر اونو ...
که ند به یی : اوتورسونله ر گئدسین دووله تین آداملارینین آیاقین آچسین بورایا ؟
طه رلان : قایا دئمه لی آخی هانی دووله تین آداملاری ؟ هان ؟
که ند به یی : ایندی یوخدولار آمما گه لسه له ر واویلا توتمالی ییق ...
طه رلان : هه له کی سیز واویلا توتدوروبسوز قایایا ...
که ند به یی : دئییبله ر آتی آتین یانینا باغلاسان ...
طه رلان : آتا یاززیقدیر آخی دئگینه ن اوتورسونله ر اونو ...
که ند به یی : بیر که له مه ده دینسه ن آغزی یین تیکه جه یه م ها ، یئری ایچه ری یه ...
طه رلان : آتا دئدین دیله توت بیله سین باشینی قات گه لیم گوروم نئیله مه لی یه م اونلا سوزویه ن قولاق آسیب اوجور ائیله دیم ،
بیلسه یدیم بوگونه سالاجاقسان بیله سینی سوزویه ن باخمازییدیم ، آخی اونون گوناهی نه دیر کی ؟
که ند به یی : گوناهی که ندی گودازا وئره نده بیل له نه ر ، گه ره ک یاززیق اولاق بیله سیز نه ایش گورور ؟
طه رلان : آی جانیم اولدوردوز ، اوتوروندا ، هه له کی هئچ نه اولمویوبدور ... 8
که ند به یی : گئد ایچه ری یه ،،، گئد ...
که ند به یی طه رلانی ایته لی ییر اوتاقا .
حه سه ن عه می : قویمادیک جان قالا اوندا ، نئچه گون یاتمالیدیر ...
که ند به یی : لاب یاخچی ، گئدین که ندین بویوکله رین چاغیرین گه لسینله ر بورایا
یاشار به ی : طه رلانا دئگینه ن گه لسین بونا یئتیرسین ، مه رحه م ایسته ییر یارالاری ...
که ند به یی : سیز گئدین ، ، ، آللاه اوزو ایشله ری دوزه لتسین ...
حه سه ن عه می ، یاشار به ی و ائشیکده ن گه له نله ر
چیخیرلار ائشی یه ، که ند به یی گیریر اوتاقا ، طه رلان
چیخیر گه لیر قایانین باشی اوسته اوتورور .
طه رلان : قایا ، گوزه ل قایا ، آچ گوزله ری یین ، مه نه م قانادی سینمیش طه رلانین ، آچ گوزله ری یین ، ده ردی یین آلیم ، مه نه م باخ ،،،
قایا ، قایا ،،، مه نیم قایام باخ آخی ،،، یارالارییین آغریسینا قوربان اولوم باخ سه ن ،،، قایا جان ...
قایا : گه لیبسه ن داش قایایین سینماقین گوره سه ن ؟
طه رلان : جانیم سه نه قوربان قایا ،،، ده ردین جانیما ،،،، او پیسله ر نی یه سه نی ووردولار آخی ؟ نی یه ؟
قایا : آتاندان سوروشمادین ؟
طه رلان : اوز ده ردیم اوزومه به س دئییل سه نده سانجیرسان ؟
قایا : بیلیردین آتایین که له کی وار ؟
طه رلان : قایا ، گوزه لیم واللاه بیلسه یدیم ایسته ییرله ر سه نه ال وورالار سوزونه قولاق وئرمه زییدیم ،،،،،،، طه رلان اوله یدی ، مه ن
نه بیلیم آخی ...
قایا : گورورسه ن ، یاخچی هه له هئچ نه ائیله مه میشه م اوندا اولدوره ردیله ر بیله می ...
طه رلان : مه یه مه ن اولموشه م اونلار سه نی ...
قایا : آی آمان سه نین الینده ن آی ....
طه رلان : دانیشما ،،، دانیشما ،،، قوی باغلی ییم قولویون ، نه ایش گورورسه ن به ؟
قایا : باغلاسان آت داشقاسین سوره بیلمه ره م ...
طه رلان : ...
قایا : طه رلان بویله باخما مه نه ،،، مه ن نئجه راضی اولوم ستارخانلا ته بریزلیله ر آج قالسینلار ؟
طه رلان : قایا مه نه گوره ال چه ک ...
قایا : سه نه گوره ؟!
طه رلان : اولمویا اوره گینده ن سیلیبسه ن مه نی ؟
قایا : ...
طه رلان : دانیشدا .................
قایا : اولار سه ن مه نه گوره بیر ایش گوره سه ن ؟
طه رلان : دئگینه ن ...
قایا : باخ یارالی یام ایسته سه م گورسه نمی یه م دالدالارلا داشقانی سوره م ته بریزه گئده م یورولارام ، گه لیرسه ن ایکیمیز گئده ک ؟
سه ن آرابانی سور مه نده بوغدا تایلاری نین اوستونده اوزانیم ...
طه رلان : دووله ت آداملاری بیزی گورسه له ر ؟
قایا : مه ن گئده ن یولو هئچ کیمسه تانیمیر ...............
طه رلان : ایشدیدا گورسه له ر ؟ مه ن بیر قیزام ها !؟
قایا : دئمه دین ائوده بیر بورنو وار ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ 9
طه رلان : آتام ؟!
قایا : توفه نگی گه تیر یولا دوشه ک ، ته بریزین موجاهیدله ری دووله تی قیچ آلتینا سالمی یاناجاق بورایا قاییدمی یاجاییق ،،، تویوموزودا
اورادا توتاریک ...
طه رلان : ...
قایا : مه نه یئتیرمه ک ایسته میردین ؟
طه رلان : قورخورام ...
قایا : مه ن سه نیله یه م .............................................................
طه رلا ن : اوله نه جه ک ؟
قایا : او دونیادادا .............................
طه رلان گئدیر اوتاقا ، بیر توفه نگ الینده چیخیر ائشی یه ،
طه رلان قایانی یئرده ن قووزاییر .
سون .
علی قبچاق
25 . 08 . 89
سولدوز . آذربایجان . ایران .
10