کئچمیش بیر ناغیل ...

بوی    آتدی 

ایلله ر  کئچدی   گئددی ! 

هاممی    اوینادی   او   چالان   سازلا  

نه   دئدی   اولدو 

گه نجله شمیشدی 

چوخ   بویوموشدو 

قیزلارین   اوغلان   ایسته مه گین   گوردو 

اویره ندی 

بوتون   قیزلار کیمی ! 

آمما  یوخ 

اونون   اویره ندیگی   سئومه کله رده ن   باشقایدی 

نازلا   بویوموش  خانیم 

بیر   عومور   سوزو   یئریمیش  قادین 

اوزونه   خوش   گه له ن کیمی   چالیردی   سازین ! 

دئییردی   به لکه   سئوگیده   بیر  اویونجاق  گه لیندیر    اویناماق   اوچون 

اوغلانلار   آمما  اونون   سازیلا   اویناماق   ایسته میردیله ر  

او   دئدیگی   اولا   بیلمیردیله ر

آشکین 

ایسته مه کین

سئومه یین   اوز   قایداسی  وار 

هه ر   کیمه   دئمه ک   اولماز  یار ! 

چوخلارین   اینجیددی 

چوخلارین   ساشدی  

ـ ایلان  هئی  !

چوخلارین   قاچیرددی !  

دئدی   مه ن   بیر  سانجانام

بو  سوز  گه لدی   خوشونا ! 

دوشدو   اویونا ! 

یاندیردی 

هه رده نده   یاندی ! 

ایشی   اولدو  بو ! 

چوخلاری   قاچدی   اوندان !

اوزونه   گه لمه دی  

بیلمه دی   نی یه   قاچیرلار 

بوجور   اولدوکجا  ازیلدی  

ازیلدی   آمما   آیینمادی ! 

اوزونو   آلداتدی !

بیله سین   اوتوره نله ری   اوزونه  لاییق   بیلمه دی 

ده ردینین   ده رمانین  تاپماق   یئرینه   گون به گون   وارلیقینا   گووه ندی  

شیشمیشدی   بیر  قه صصاب  الینده   اولان   داوار کیمین 

اویان بویانی   گورموردو 

آمما   آشکسیزدا  قالماق   اولماز  آخی  

بو   اولدو   آختاردی 

اوزونو   آلداتمیشدی 

بیرین   آختاریردی   اوزونه   لاییق   سایا  

اوزونه   لاییقین   آختاریردی   تاپا  !

اونو   به یه نمی یه نله ره   گوسته ره  

: هان   مه ن  بویام ها !  

ـ اوزونو   جئیران   گوروردو   یا  !

واری   چوخ   اولان   ده یه رلی  تانینیردی   شه هه رله رینده

وارلیسین   آختاردی 

آنجاق   چوخلارین   چه کدی  گوز  آلتینا 

ائلی   یاخچی   یئرده نیدی 

دوز 

آمما   جامالدان   آزیدی   به هره سی 

گوزه للیک  اولماسا   هانی  ماراق  ایگیتده   گئدیسین  قیزا  ساری ! 

قالدی   نئیله سین  

اوز   دئدیگین  تاپا   بیلمیردی 

تاپسایدیدا   اونو  یولا  سالا  بیلمیردی 

_ اوز   یولونا ! 

آشکین  اونون   اوره یینه   وورا  بیلمیردی ! 

آنجاق 

چوخ   آختاردی !

آختاردی   و   تاپدی 

آمما   بیر  یئکه  آمماسی   اولدو  تاپدیغینین 

طایفالار  بیرله شمه زیدی 

اوغلان   وارلی  جاماللی  ساییلاردی   اورالاردا 

_ ته زه   دورانی  اله  آلانلاردان  بیری !

ایشیم   یوخ   ایشی  قیزلارلا   اولماقیدی 

قیز 

خانیم 

قادین 

فه رقی   یوخویدو   اونا 

ـ بودا  بیر  قیزدا  !

بونادا   یوخ   دئمه دی 

آنجاق   عومرونده   هئچ کیمسه یه   یوخ   دئمی ییبدیر  

ایشی   بودور   

کئچه ک   اونون  نه  اولماسیندان 

اوزو  بیله ر  آللاهی   بیله ر 

سوز   آچدیک   هارالاردان ؟ 

آهان ! 

قیزلا   اولدو  اوغلان  

سوردوله ر   دووران 

ائوله نمه ک   اوغلانین   مه رامیندا   یوخویدو 

اولسایدیدا  بونلا  یوخ 

قیزی  آلداتدی  

اولماز  بو   ایش  دئدی !

_ ائوله نمه ک !

طایفالاریمیز   بیر   دئییل 

قیزدا   اوزونو  آلداتدی 

نه   اولار  ائوله نمه ک   اولماسین  

آنجاق    

بویله   کئچیردی   زامانا 

قیز  بیرده  باخدی   گون به گون  پیسه لیر 

قیزین  ایندی  داها   اوره یی   سیخیلیر 

_ آینلارا  باخاندا  !

قورخدو   قالا  قارتالا 

پیسه له 

اونو   آلان   اولمویا 

اوغلانی   اوتورمه دی  

_ اونا   اویره نمیشدی  !

آمما   ائوله نمه که   آختاردی   بیرینی 

نئچه سین   به یه نمه دی 

بیری   گه لدی  چوخدا   پیس   اولا  بیلمه زیدی   

_ دئدی   اوزونه   نئیله مه ک   هه له   قوی   گوره ک   نه   اولور  !

بو اوغلاندا  دونیادان   یورولموش  بیرده ن  بیرینی   گوردو   قارشیندا 

ایسته دی   قاچسین 

قورخولو  بیر  کئچمیشی  واریدی 

قیزلاردان   قاچیردی 

قویمادیلار 

اونو   قیزا   ساری   ایته له دیله ر    !

قیزلا   بو اوغلان   دانیشدی 

قیز   زیره نگ 

بو  اوغلان   قانماز !

یولدان   چیخدی   قیزین   شیرین   سوزله ریله 

وورولدو   قیزا 

سئودالاندی   اودا  نه   سئودا 

هئی ! 

بو  اوغلانین   تانریلا  عه هدی   واریدی 

دئمیشدی   آللاها  

: مه ن  یولوندان   چیخمارام     سه نده   گوسته ر    مه نه   پیسله ری !   

پیسله رده ن   اوزاق   سال  مه نی !

قویما   پیسله ره ده   دوشسه م   قالام  پیسده !

تانری   او   به نده سین   اوتورمه میشدی   باشینا 

بو  اوغلان   بیلدی   قیزین   نئجه   اولماسین 

آمما   بو   سیرا   قاچمادی 

قالدی 

ایسته دی   گوره   دوزه له ر 

اوزو    هه ممه شه    ایریلیکله رده ن   قاییدمیشدی 

دئدی   بونو   دوزه لده ره م 

ـ ته ک   قیزدی !

دوزون   سوزو   اوره ییده   یانمیشدی   قیزا  ! 

اوزو   یازیقلارین   یازیقی   اولسایدیدا   اونا   اوره ک   یاندیردی 

قیزدان   قاچمادی 

سوزون   دوزون   آچدی   دئدی   اونا 

_ قطزین  نئجه   اولماسین  !

قیز  بیلدی   هه ر   نه یی   بیلیبدیر ! 

قورخدو 

دئدی   بو  مه نیم   بیریله  یولداش   اولماقیمی   بیلیر 

دوز   آمما

بونو  کی   بیلمیر   هه ر  نه یی   اونا   وئرمیشه م  

بیلسه   قالماز 

او   نئجه   اولماقیمی   بیلیب  مه نی   قاوالامادان  قاباق   مه ن   اونا   یوخ   دئییم !  

بو  اوغلانین   ائلچیسینه   یوخ  دئدی 

بیر  یارا   ووردو    بو  اوغلانین   اوره یینه 

اونو   یاندیردی 

بو  اوغلان   آشکیم   هانی   دی یه  دی یه   قالدی  

یانایانا  بو  اوغلان   قالدی   اوجور !

قیزدا   گورودو   بو اوغلان   ال   چه کمی ییبدیر !

آزدان   چوخداندا   قیزیندا  بو  اوغلاندان   خوشو   گه لیردی 

اصلی   سئوگیلی   اولماسایدی   بونا   آشک   دی یه ردی !

قیز   گوردو   آیریسیلا   ائوله نسه ده   ماجه را   هه ماندی 

ته زه لیغی   اوعلانلارین   هاممیسی   ایسته ییرله ر !  

بیر  فیکیر   ووردو   باشینا 

بیریله   آداخلی   اولدو  

سونرا

آیریلدی !  

بوجور  راحات !

ایکیمجی  اوغلاندا   بونو  تانیمامیشدان   قاباق   آداخلیسیندان  آیریلمیشدی ! 

قیز   اوز اوزونه  دئدی  ایندی  بیر  اولدوکدا   !

دئسه  :  هانی  به !

دی یه ره م  :  مه نیم   آداخلیم   واریدی ! 

آیریلدی   آداخلیسیندان ! 

آداخلیسی   دئییرله ر    چوخلو   آغلادی  

_ یازیق  !

بیرینین    یئدی   باشینی   قیز ! 

ایکیمجی  اوغلان   بیلدی   قیز   آیریلیب 

آمما   اونا   ساری   گئدمه دی

قیزدان   اوزاق   گه زیردی 

داها  قیزی   تانیمیشدی 

قیز   ایکیمجی   اوغلانی   ایسته دی   قایتارسین 

اوغلان   قاییدمادی 

داها  بیلیردی   قیز  نی یه   او   ایشله ری   گوروبدور

اوره یی   اوندان  سینمیشدی ! 

کیمین   خوشو   گه لیر   باشینا   قویولا  بیر  بورک ؟ 

اوغلان   باشین   ایمه دی 

قیز   ایسته دی   اونادا   اوبیریسیله ره ده   اود  وورا 

ائوله ندی   بیر  آیری   طایفادان   اولانلا ! 

اصلی   ایسته دیغینین   طایفاسیندان   تاپدی  بیرینی ! 

کیم  کیمی  تاپدیسینی   بیلمیره م 

آمما 

بیلیره م   قیز  نی یه   بو   ایشی   گوردو  

کیشی  ائولندی   اونلا 

قیز  ناخوش  فیکیرله رله   اونلا  بیر  اولدو  

اوزوده   بیلیر   هانسی   فیکیرله   اونا  بو  فیکیری  دی یه نده   بیلیر ! 

اونا  بو  فیکیری   دی یه ن   گوزله رین   سیلیر 

دئییر   اوزویله   دیلیم   لال   اولایدی   کاش   اونون   یانیدا   دانیشمی یاردیم  

اونا   دئمی یه ردیم ! 

باشیما   گه له نی   اونا   بیلله ندیرمی یه ردیم ! 

او  ده رس    آلماق   یئرینه   اویره نیب  پیس  ایشی !

اوشاق   اولما   نه   خوشدو !     

هه ر   اوشاق   یوخ  آمما ! 

ـ اوشاقدان   سوز  آچماقیم  نه ده ن   اولدو ؟! 

بیلمیره م ! 

آنجاق

آدام   اوشاق   اولاندا   بیلمیر   ده ردی  

بیلمیر   سانجینی 

اوره ک   یانمانی 

آنجاق 

قیز   بو   فیکیرله   ائوله ندی 

کیشیله   یولا  دوشدو   گئددی 

آمما 

او   ایسته دیغی   اولمادی  

قیز   بیلدی   اولمویاجاقدی  اونون   اوره یینده   اولانلار !

کیشینی   اوتوردو   قاچدی 

اونوندا    یئدی   باشین !  

قاییددی   ایکیمجی   اوغلانی   یئنیده   تاپدی 

ـ اوغلان   دئییر   کاش   اوله یدیم  عه لئیک   دئمی یه ردیم   اونون   سالامینا ! 

اوغلان   اونا   ساری   گئدمه دی 

قیزدا   زه هرین   توکدو  اونا ! 

بیلمیره م   سونو   نه   اولاجاقدیر  ! 

آمما   قیزدا   قالیر

اوغلاندا

روزیگاردا ...

آراز قیراغینداکی قیز ...

بیر  یورولموش  جانا  گه لمیش  ایگیت 

دولانا دولانا 

اویانا بویانا  باخاباخا 

ایشیقسیز   گونله رینده   گونه شی   گویده  آختارا آختارا 

سوسوز  آنلاریندا   بولودلارا  یالوارا یالوارا  یوللاردا   گئدیردی  

بیرده ن 

دیسکیندی 

بیر   سه رین   سو   اوزونه   سه پیلمیشدی 

اوزونده ن   چیخدی  

اوزونه   آمما   گه له  بیلمه دی 

ـ اوزونده   دولانماقداندا   یورولموشدو !

بیرده ن   باخدی   بیر   گوزه ل   گوز   آپاریبدیر   اونو   اوزویله 

آراز  قیراغیندا   قیز   سه پدی   سو   اوغلانین   اوستونه 

سه پدی   قاچدی ! 

قاچدی   چیخدی   بیر   آغاج   اوسته  

اوغلانیدا   چاغیردی   گه ل ! 

ایگیت اوغلان   دئدی   اوزویله    ته ک   قالاجایام   بو   مه نده ن   یورولوب   گئدسه 

قورخو   جانیندایدی ! 

اوتوروب   گئدمیشدی   اونو   چوخلاری ! 

قیزی   الده ن   وئرسه ده   ایسته دی   او  آندا   اولسون 

ایسته مه دی   اونا   اویره نه نده ن   سونرا   بو   ایش   اولا 

اوره یینین   سینماقا   یوخویدو    یئری   داها  ! 

بیر سوز  دئدی  قیز   حیرسله ندی 

گئدمه ک   ایسته دی 

آمما   نه   او   گئددی  نه  بو ! 

بیربیرینه   اوخشامالارین   بیلمیشدیله ر   آخی  ! 

اوره کله ریده   آشکین   عه طه شینده   یانیردی  ! 

اولدولار   بیربیرین  دیله کی 

آرزوسو 

آشکی 

سئوگیلیسی 

آمما 

ایچه ریله رینده 

اوزده   یوخ ! 

اوغلان   قیزی   الده ن   وئرمه ک   ایسته میردی  

ـ قیزلیقیندا   نه یی  اولسایدی  یوخسا   اولماسایدی ! 

سئودا   نه بیلیر  وارینی   یوخونو ! 

مه نیمکی   اولاندان   سونرا   مه نیمکی   اولسون ! 

بیر بو !

قیز   اوغلانین   هه ر  نه یین   اله  گه تیرمه ک   ایسته ییردی ! 

دوشونجه سینده 

فیکیرینده 

ایچینده 

دویغولارین   ایسته ییردی   اوزو   اونا   وئره ! 

مه نده   اولمویانلار   اونو   قاچیردسا ؟! 

وای  مه نه ! 

اونسوز   قالا   بیلمه ره م  

گیزله ددی   قورخوسونو  

دئمه دی   اصلی   سوزونو

کاش    اوغلانا   دی یه ردی  نئجه  اولماسین 

آیریلیق   اولسایدیدا   چه تین   اولا   بیلمه زیدی  

قیز   اوزاقلاشدی   آمما   بیلله ندیردی   اوغلانا   گئدمه ز  !

ایگیت   قیزا   ائحتییاجی   واریدی 

الینه 

دیلینه 

سوزونه 

اوزونه 

اوزاقدا  دوروب  مه نه  باخماقین   نه یه   لازیم ؟ 

بولود  اولساندا  مه ن   یاغمورلارا   حه سره ته م 

گوزه ل   اولساندا   مه ن   سئوینجی یه ن   موحتاجام 

سه سین   مه نه   لازیمدیر 

مه نه   سه نین   مه نله   دانیشماقین   گه ره کدیر ! 

تئلله رین   یئلله رده   اویناسا   الیمده   اولماسا  نئیله مه لی یه م   ساچلاری ؟ 

آلا  اولسادا   لالا   اولسادا   مه نه  باخماسا   نئیله ییره م   بادام   گوزله ری ؟ 

قونچا  گول   اولسا  مه نی   اوپمه سه   نئیله ییره م    بالدان   شیرین  دوداقلاری ؟

اوغلاندا   ناراحات   اولدو   قیزا   دئدی   بیرگون : 

سه نده   بیری  

اولدون   اوبیریسیله ر کیمی   بیر  خاطیره   یازیلاریما ! 

سوز   آغیر  گه لدی   قیزا   ! 

مه ن   اویونجاق   اولمارام   یازاسان  مه نی   یازیلاریندا  

دئدی   اوغلانا  بونو ! 

اوزاقلاشمیشدیلار  

قیز   اوزونه 

اوغلاندا   اوزونه   گئدیردیله ر  ! 

هه رده ن    سوزله رین   بیربیره ده   دئییردیله ر ! 

آمما 

سوزون   دوزو   بویویدو : 

بیربیرین   ایسته ییردیله ر !  

بو  اونو   او   بونو    گوزله ییردیله ر !

اوغلان   قیزا   گوره   یازیردی 

قیز  ایسته ییردی   دی یه   ایشله ریله   مه ن   سه نه   تایام  آی   آغلان  

سه نه    اوخشاییرام 

سه نین    خوشون   گه له نی   ایچیمده   آختاریرام ! 

اوغلان   یئنیده   یورولموشدو 

قیزا   بو   اولدو   سون    سوزو : 

مه ن   اوزومه   اوخشاریندا   آختارسام   اوندا    اولان  بیر   ایلقاری  دوز   اولماقدادیر ! 

بیر  بو  !  

ایلقاری  دوز   اولسا   به سدیر  ! 

بیر  بودور   ایلک   ایسته ییم 

سون   ایسته ییم !

یوخسا 

هه له ده     

هه له ده

هه له ده   حه سره تده یه م    او   آراز   قیراغیندا   اوستومه   سو   سه په نه !

اوستومه   سو   سه په نین   هه له ده   حه سره تینده یه م  ! 

سه ن   اولسان   او   گه ل 

گه ل 

گه ل ...

یوللار منیم ...

قاپینی   باغلاییبسان 

اومودلاری   الیمده ن   آلیبسان 

مه نی   ده رده   سالیبسان 

یوللاردا  گئدیره م 

هه له ده   گوزوم   قالیب   باخاباخا

آمما 

اوزوم  سیزه   ساری   دئییل 

اوزاقلاشیرام 

ـ بیل ...