درباره من
نویسنده و کارگردان تئاتر: همراه 09144430089
ادامه...
گووه نمه ک ...
دئدی بیری گووه نمه هئچ نه یه !
دئدی گئددی
اودا کیمه ؟
مه نه !!!
گووه نمه ک نه یه آخی یولداشیم ؟
مالیما ؟
یوخومدور کی !
بوتون عاله می صاحاب اولساندا اولوم یوخدورمو ؟
گوزه للیگه ؟
چیرکینه م آخی مه ن !
بیرده گوزه للیک قالیبدیر بیر کیمسه یه ؟
دوشونجه مه ؟
آخی اویله ده یوخاری دئییل فیکیرله ریم
اولسادا
هانسی عالیمه قالیبدیر زاماناسی مه نه ده قالا
یولداشلاریما ؟
اونلارین یاخچی پیسی اوزله رینیندیر
آداملیغیما ؟
یوخ گووه نمه ره م بونا
اولسا تانری وئریب
اوزوم ایسته مه میشه م گئده م دالیسیجاق اولماسادا
نه یه گه ره ک گووه نه م ؟
آشکیما ؟
بو زاماندا یوخدور بیر ده یه ری
نئجه گووه نیم بونا ؟!
یوخ گووه نمه که یئریم یوخدور
بیر یاززیق زامانانین یاززیق آدامی نئجه گووه نه ر ؟
دئرام متنی : اصلی که ره م ...
صه حنه ایشلی یه نین سه لقه سینه باغلیدیر .
ایشیق .
آشیق که ره م یاتیبدیر .
گونه ش گویده ایشیق ساچیر ،،، قارا گی یه ن گونه شی گویده ن قوپاردیر آپاریر .
آشیق که ره م حئیران _ حئیران قارا گی یه نه باخیر .
قارا گی یه ن : گونه شسیز قویاجایام سیزله ری ، گونه شسیز قالمالیسیز ،،، دونیانین سون گونودور ، بو سون گونده گونه ش سیزله رده ن
آیری دوشمه لیدیر ، گونه ش بو سون گونده مه نیمدیر ......................
آق گی یه ن کی اوزونو باغلاییبدیر گه لیر و سازین آلیر سینه سی اوسته ساری گه لین هاواسین چالیر و آشیق که ره می اویناماقا چاغیریر .
آشیق که ره م ساری گه لین اویناماقین اویناییر و اوینادیکجاق گونه ش کیمین ایشیقلانیر ،،، گونه ش اولوبدور .
قارا گی یه ن ایلان کیمین اوز دوره سینه دولانیر ، دولانیر ، دولانیر و گه لیر آشیق که ره مله آق گی یه نه ساری .
آشیق که ره م دیسکینیب و یوخودان اویانیر .
قارانلیق . ایشیق .
آشیق که ره م بیر چولده یورقون _ یورقون یول گه لیر ییخیلیر ، ایگیت آشیق اوزاقدان گه لیر و آشیق که ره می گورور .
ایگیت آشیق : بویانلاردا گورمه میشدیم سه نی ؟
آشیق که ره م : قه ریبه م ،،، یولومو ایتیردیم یولوم دوشدو بویانلارا ساری
ایگیت آشیق : قوی گوروم نه اولوبدور سه نه !؟
ایگیت آشیق آشیق که ره مین یارالی قیچین گورور اوت ییغیر قیچینی باغلاییر .
آشیق که ره م : یاشا یولداش ،،، ائی وای قه ریب جانیم هئی
ایگیت آشیق : چوخ حه زین حه زین دانیشیرسان یولداش !؟
آشیق که ره م : ای آغالار ، کؤنول قوشو
هاوایا قالخیر ، اَیله نیر 1
قوربه ت ائله دوشه ن آدام
گؤز یاشین سیلیر ، اَیله نیر
مه له شیر قویون ، قوزولار
هه ره اؤز ائلین آرزولار
اوزاق اولاندا مه نزیلله ر
بیر زامان قالیر ، اَیله نیر
ایگیت آشیق : گویله رده نه مه نه آختاریرسان ؟
آشیق که ره م : دورنالارا سوزوم وار ،،، الیم یئتیرمی یه ن یئرله ره سوز آپارماق ایسته ییره م اونلاردان
دورنام گئده ر اولسان بیزیم ائلله ره
یاخشی سؤیله باشدان کئچه ن حاللاری
قوهوم – قارداش دوست موصاحیب اولانلار
بوندان سونرا گؤزله مه سین یوللاری
بیر چیخایدیم ائیوانینا کؤشکونه
بیر باتایدیم عه نبه رینه موشکونه
آدی به للی اصلی خانیم عئشقینه
اؤلدوره رله ر دورنا تؤکسه ن تئلله ری
که ره م دئیه ر هئچ که س یارین اؤیمه سین
ال اوزالدیب آچام یاخا دویمه سین
هئچ ایگیدین اوخو داشا ده یمه سین
یاد اولماسین مه نیم کیمی ائلله ری
ته رک ائیله دیم وه طه نیمی ائلیمی
الیمده ن آلدیلار قونچا گولومو
اونون اوچون قوربه ته سالدیم یولومو !!
ایگیت آشیق : بیزیم ائل له ره خوش گه لدین قه ریب آشیق ، بوگون سه ن بیزه قوناقسان
آشیق که ره م : بوتون دونیانی گه زدیم یاریمی تاپام تاپا بیلمه دیم ، گه زدیم بوتون یئرله ری گه لدیم یئتیشدیم بورایا ، قوی
خه سته جانیم بوگونده سه نه قوناق اولسون ....................................................
قارانلیق . ایشیق .
آشیق که ره مله ایگیت آشیق اوتوروبلار .
ایگیت آشیق : یاخچی قوناق دئییره م بیرسیرادا ته عریف ائیله ییرسه ن باشی یان گه له نله ری ؟
آشیق که ره م : آی جانیم بو آز زاماندا کی سه نله تانیش اولدوم اون سیرادان چوخ ته عریفله دیم بو ناغیلی
ایگیت آشیق : اوقه ده ر گوزه ل ته عریفله ییرسه ن آدام مین سیرادا ائشیدسه یئنیده ایسته ییر ائشیدسین ، سه نله اصلینین ناغیلی
آشک ناغیلیدی ، مه ن بو ناغیلی گه ره ک یاخچی اویره نه م سونرا آداملارا ته عریف ائیله یه م ، آخی مه ن
ایسته ییره م آشک ناغیلین قاتام گونه شله قارانلیقیین ناغیلینا سونرا اونو آداملارا ته عریف ائیلی یه م
آشیق که ره م : گونه شله قارانلیقین ناغیلی ؟!؟!؟!؟!؟!
ایگیت آشیق : هه ن ، اونودا مه ن سه نه ته عریف ائیلی یه جه یه م ، البه تده لازیم گورسه م ، ایندی گه ل اوز ناغیلی یان
آشیق که ره م : آمان سه نین الینده ن ، قولاق آس ته عریف ائیله ییره م ، سه نده گه ل اورتایا یاردیم ائیله مه نه لازیم اولاندا ،
دئدیکله ریم آداملارین زادلارین یئرینده اوینا مه نه جاواب وئر ....................................................... 2
آشیق که ره م باشلاییر ناغیلی ته عریف ائیله مه ک اوچون .
اصلی ائیله بیل اونون سازینین ایچینده ن چیخیر ائشی یه و لازیم اولاندا اونون ناغیلینا جان وئریر .
لازیم اولان یئرله رده ده ایگیت آشیق ناغیلدا اولانلارین یئرینه اویناییر .
آشیق که ره م بیر طه رلان الینده گه لیر .
بیر آق گی یه ن اوزو اورتولو صه حنه ده ن کئچیر و طه رلانی تومارلا ییر ، آشیق که ره م اوزو اورتولونو گورمور .
طه رلان اوچور و گئدیر ، آشیق که ره م دوشور طه رلانین دالیسینا و گئدیر .
اصلی گول ده ره _ ده ره کئچیر ، طه رلان گه لیر قونور اونون قولو اوسته ، اصلی طه رلانی تومارلا ییر .
آشیق که ره م گه لیر و اصلی ایله اوزبه اوز اولور ، بیربیرینه حئیران _ حئیران باخیرلار .
اوزو اورتولو صه حنه ده ن کئچیر ، آشیق که ره مله اصلی اونو گورمورله ر .
آشیق که ره م : ای گؤزه ل قیز ، صه د آفه رین اصلینه
آلا گؤزلوم ، طه رلانیمی گه تیر وئر !
مه نه م او طه رلانین اووچو صه ی یادی
آلا گؤزلوم ، طه رلانیمی گه تیر وئر !
اصلی : مه ن بیلیره م بو طه رلانین ایشینی
که ره م ائیله ، طه رلانینی گه ل آپار !
طه رلان گه ره ک یئسین اووون دؤشونو
که ره م ائیله ، طه رلانینی گه ل آپار !
آشیق که ره م : اینینه گئییرسه ن گؤزه ل دارایی
شانا آلیب تئلله رینی دارایی
صه ی یاد اولان طه رلانینی آرایی
آلا گؤزلوم ، طه رلانیمی گه تیر وئر !
اصلی : اووون اولوب به ده نینده ن یارالی
بولبول اولان گول گؤرمه سه سارالی
نه اوچون دورورسان مه نده ن آرالی
که ره م ائیله ، طه رلانینی گه ل آپار !
اوغلان که ره م ائیله تئز چیخ بورادان گئد ، کئشیش بابام گه لیب بیزی گؤرمه سین
آشیق که ره م : اوووم ایندی آی گوزه ل قیز سه نسه ن ،،، نه گؤزه ل چیخدین قارشیما ،،،،، ایندی داها مه نده گئدمه ک اوچون
آیاق یوخدور
اصلی : آی اوغلان اوزویه ن ره حمین یوخدور مه نه اولسون ، گه لیب بیزی بورادا بوجور گورسه له ر مه نی اولدوره رله ر
آشیق که ره م : ایندی گئدسه مده سه نه گوره گئدیره م ، آمما بیل اوره ییم قالیر بورادا ...................................
اصلی : دایان ،،،،،،،،،،،، آدی یین دئمه دین ؟؟؟؟؟؟آشیق که ره م : سه نی گورمه میشده ن قاباق آدیم ماحمودیدی ، زی یادخانین اوغلو ، آمما سه نی گوره نده ن و سه نین او گوزه ل
سوزله ری یین ائشیده نده ن بویانا مه نیم آدیم که ره م اولسون ، سه نین آدین اصلی ، ایندی قوشومو وئر ................ 3
اصلی : که ره م قوشون اوچدو قوندو بوداغا
که ره م اوغلان که ره م ائیله قوشون آل !
گؤزله رینه وئرره م قوربان ساداغا
که ره م اوغلان که ره م ائیله قوشون آل !
مه نیمله دوروبسان قاباق - قاباغا
اولوم قامتینه قوربان ساداغا
زی یاد خان اوغلونا اولماز قاداغا
که ره م اوغلان که ره م ائیله قوشون آل !
که ره م بارماغینداکی اوزویو اصلی یه ، اصلیده ایپه ک ده سمالینی که ره مه وئریر ،،، که ره م ایسته ییر گئدسین آمما گئده بیلمیر .
آشیق که ره م : گوزه ل خانیم گئده بیلمیره م .......................................
اصلی : نه گه زیرسه ن مه لول _ مه لول بو یئرده ؟
آمان که ره م مه نی روسوای ائیله مه
سه نی مه نه قیسمه ت ائیله ییب خودا
آمان که ره م مه نی روسوای ائیله مه !آشیق که ره م : آی گوزه لیم قوی بیر آزدا قالیم !!! قورخورسان یوخسا دویوبسان مه نده ن ؟
اصلی : دویمامیشام شه که ر کیمی دیلینده ن
قورخوم یوخدور مه نیم هئچ ده اؤلومده ن
ساریلیبسان اینجه می یان بئلیمده ن
آمان که ره م مه نی روسوای ائیله مه !
آغام که ره م پاشام که ره م خان که ره م
آلیش که ره م توتوش که ره م یان که ره م
اصلین اولسون سه نه قوربان سان که ره م
آمان که ره م مه نی روسوای ائیله مه !
آشیق که ره م : گوزه ل قیز آخی سه نین کئشیش آتان نی یه گه ره ک بیزیم بیربیری سئومه که سوزو اولا ؟ مه ن سه نی سئودیم
سه نده مه نی ، ایندیده ائوله نمه ک ایسته ییریک ، اودا گه ره ک سه نین اوره گی یین سوزونه قولاق وئره
اصلی : گئد اوغلان گئد ..........................
آشیق که ره م : گئده بیلمیره م ........................................
اصلی : ایندی گه له رله ر گئد ................................
آشیق که ره م : گئدمه ک اولمور ..............................................
اصلی : اوندا مه ن گئدیره م .............................................................
اصلی گئدیر ، که ره م ییخیلیر ، اوزو اورتولو توتور بیله سینی آمما آشیق که ره م بیلمیر .
که ره مین آتاسی زی یادخان گه لیر .
زی یادخان : آی جانیم بو بیزیم اوغلان ماحمود دئییل ؟؟؟!!!
آشیق که ره م : آتا ؟؟؟؟؟؟!!!!!!!!
زی یادخان : بو نه حالدی آی اوغلان ؟ نی یه به یئرده اوتوروبسان ؟
آشیق که ره م : باشیم گیجه ل له ندی بیرده ن اوتوردوم بورادا
زی یادخان : آی اوغلان بورادا نه ایشین وار سه نین ؟ 4
آشیق که ره م : هه له سه ن هارا بورا هارا آتا ؟
زی یادخان : مه ن گه لمیشه م قارامه لیکله دانیشام
آشیق که ره م : اونلا سه نین نه آلیش _ وئریشین آی آتا ؟
زی یادخان : اونلا مه ن یولداشیک .................................................................
آشیق که ره م : به نی یه ایندی یه قه ده ر اونو و عائله سین مه ن گورمه میشدیم ؟
زی یادخان : نئجه اوغلوم ؟؟؟؟؟؟؟؟؟ اوغلوم ده ردین نه دیر سه نین ؟
آشیق که ره م : آتا ایذن وئر ده ردیمی سازلا دئییم آخی دیلیمله دئسه م دیلیم آلیشیب یانار
کئشیش باغچاسیندا بیر گؤزه ل گؤردوم
عاغلیمی باشیمندان آلدی نه چاره ؟
داراییب زولفونو تؤکوب اوزونه
سریمی سؤودایا سالدی نه چاره ؟
زی یادخان : آی اوغلان اولمویا سه ن قارامه لیکین قیزینی گوروب اونا وورولوبسان ؟
آشیق که ره م : ها ..........................
زی یادخان : آی اوغلان بیلیرسه ن نه یه ته عه ججوب ائیله دیم ؟؟؟ تانرینین ایشله رینه ،،،، مه نله قاراملیکین اوشاقیمیز اولموردو ، نه
اونون نه ده مه نیم ، بیرگون بیربیرمیزله عه هد ائیله دیک اوشاقیمیز اولسا اونلاری بیربیرله ائوله ندیره ک ، بیزیم
اوشاقیمیز اولدو آخیری ،،،، ایندی بونا حئیران قالمیشام سیز بیربیری گورمه دیز بو نئچه ایل آمما فه له ک
دولاندیردی گه تیردی بیربیره یئتیردی و گوزه لی بو کی بیربیره آشیق ائیله دی ،،، اوغلان ایشله ر اوز الیمده دیر
ایندی گئدیب قاراملیکله دانیشیب و سیزین تویا سوز آلارام ،،،، دور آیاقا گئد ائوه آنایان دئگینه ن آی آنا
نی یه اوتوروبسان ؟ دور آیاقا اوغلویون تویودور ، گئد اوغلان گئد ،،،،،،،،،، ایش مه نیم اوز الیمده دیر .............
آشیق که ره م آغلاییر ، ایگیت آشیق سو وئریر اونا .
آشیق که ره م : ده ردله ریمی سالدین یادیما آی اوغلان
ایگیت آشیق : قالانین ائشیدمه ک اوچون هئچ دوزوموم یوخدور آشیق ،،، دایانما ، سوز آچ ، دانیش ..............
آشیق که ره م : یولا دوشدو آتام گئددی ، مه نده گه لدیم ائوه ،،،، هاممی سئوینیردی ،،، تویوموز اولاجایدی ،،، آتام گه لدی دئدی
ایش تامامدی ،،، قه رارلاشمیشدیلار ،،،،،،،، نئچه گونده ن سونرا یولا دوشدوک گئده ک اصلی گیله ،،،، آتی میندیم
دئدیم سیز یاواش گه لین ، مه ن آتیمی چاپیب سیزده ن قاباق گئده جه یه م ، آتام راضی اولدو ، آتیمی چاپدیم ، بیر آز
گئدمیشدیم گوردوم یولدا بیری گه لیر
آشیق که ره م آت سورور .
پی یادا : بوجور کی سه ن آت سورورسه ن ائیله بیل گویله رده اوچورسان ،،، یورولما آتچی اوغلان
آشیق که ره م : سه نده یورولما ، هارادان گه لیب ، هارالارا گئدیرسه ن ؟
پی یادا : که ندیده بیر کئشیش وار ، اونون یانینا گئدمیشدیم کی کیتابا باخدیرام ، گئدیب گؤردوم کؤل – کولفتیله کؤچوب
گئدیب ...........................................
که ره م آتدان ییخیلیر یئره .
آشیق که ره م : بیرده سویله یالانی یین ، بیرده سویله دئدیغین یالانی اولدوروم سه نی .................
پی یادا : بوراک مه نی ده لی ، بوراک مه نی ، ده لی مه یه مه ن نه دئدیم کی ،،،،،،، ده لی اوغلو ده لی یه تورش گه لدیک ها
باخ بیزیم ایشین دوز گه لمه مه زلیگینه ،،، گئد گوره کدا .....
پی یادا سویه _ سویه گئدیر .
آشیق که ره م : خان اصلیم زنگیده ن فه رار ائیله ییب 5
یول وئرمه گین باشی دومانلی داغلار!
بئله گئدمیش آتاسی ایله آناسی
یول وئرمه گین باشی دومانلی داغلار!
قالخیشدیلار خانلار آغالار تویا
زنگی نین آدامی باتیبدی لویا
اوچوبدو الیمده ن بیر آغسا مایا
یول وئرمه گین باشی دومانلی داغلار!
که ره م ده لی له ر کیمین اوزونو وورور ایگیت آشیق اونو توتور .
ایگیت آشیق : ال ساخلا اوغلان ،،، ده لی اولساندا الین بیر زاد توتماز ، دایان ،،،،، دایان ،،،،،،،،، اوزویه ن گه ل آشیق ...................
آشیق که ره م : داها اولموشدوم بیر ده لی ، ایندیده ده لی یه م هه له ،،،،، اینانماسان سوروش بو سه روده ن نئجه اونلا دانیشماقیمی ،
سویله بونا آی سه رو آغاجی ،،،، دور سه رو ، دور سویله ، دور
دور ، سه نده ن خه به ر سوروشوم
سه رو آغاجی سه نین مارالین هانی؟
گؤزومده ن آخیتما قانلی یاشلاری
سه رو آغاجی سه نین مارالین هانی؟
آلچاقلی – اوجالی قارشیدا داغلار
کؤنلوم اینتیظاردی گؤزوم قان آغلار
خه سته نین حالیندان نه بیله ر داغلار؟
سه رو آغاجی سه نین مارالین هانی؟
گورورسه ن ، اوگونده بوجور بیر سه رو آغاجیلا دانیشیردیم آتاملا آنام گه لدیله ر ...................
که ره مین آتاسی و آناسی گه لیبله ر ایچه ری یه .
زی یادخان : نه اولوب ماحمود اوغلوم ؟ بو نه حالدیر ؟
آشیق که ره م : کئشیش باغچاسینا گه لدیم
گؤردوم نازلی یاریم گئدمیش
باغ گؤزومه خور گؤروندو
ساللانیب گه زه نیم گئدمیش !
جانیم حه سره تدی گؤزونه
شه که رده ن شیرین سؤزونه
سی یاه زولفون آغ اوزونه
داراییب تؤکه نیم گئدمیش !
بویو به نزه ردی فیدانا
اودلار سالدی شیرین جانا
مه نی قویوب یانا – یانا
ساللانیب گه زه نیم گئدمیش !
گولسوز باغا بولبول گه لمه ز
گوللو باغلار وئیران اولماز 6
که ره م سه نسیز بوردا قالماز
هارای اصلی خانیم گئدمیش !
مه نیم آتام سه نین قارامه لیک یولداشین عائله سین گوتوروب بیزیم شه هه رده ن کوچوبدور ،،،،،، گئدیب کی اصلینی
مه نده ن اوزاق ائیله سین
زی یادخان : ایندی کی او نامه رد اولوب اوز وئردیگی سوزو قویوب قیچینین آلتینا قیزی گوتوروب قاچیردیب آی اوغول سه ن گه ل
او قیزین آشکینی اوره گینده ن سیل ! مه ن بورادا کؤنولون ایسته دیگی قیزی سنه آلارام
آشیق که ره م : آتا مه نه اصلیده ن سونرا بیر گؤزه ل لازیم دئییل ، من گه ره ک اونو آختارام تاپام
زی یادخان : اوغول گه ل سه ن بیر کئشیشین قیزیندان اؤته ری دی یاری قوربه ته دوشمه !
آشیق که ره م : آتا ایذن وئر مه ن گئدیم ، قوربه ت منه خوشدور ، به لکه قیسمه ت اولا یاریما یئتیشه م
زی یادخان : اوغول سه ن کی بو سئودادان ال چه کمیرسه ن گئد ، آللاه اوزو سه نه یار اولسون ! آشیق که ره م : فه له ک بیزی داشا چالیب نه اوزله ر
آنا اینتیظاردا قالماسین گوزله ر
که ره م دئیه ر اصلیم یولومو گؤزله ر
آغلا آنا آیریلیغین گونودو!
آشیق که ره م آناسی و آتاسیلا گوروشور و آیریلیر .
اوزو اورتولو صه حنه ده ن کئچیر .
آشیق که ره م یول گئدیر و بو یول گئدمه کده قارشینا چیخانلارلا دانیشیر .
اوزو اورتولو مئشه اولوبدور .
آشیق که ره م بیر مئشه یه گیریبدیر ،،، قه له مه له ره باخیر ، بورکو دوشور یئره .
آشیق که ره م : سه نده ن خه به ر آلیم آی قارا مئشه
قه له می قودره تده ن چه کیلمیش قاشا
بوروموسه ن داغا _ داشا به نؤوشه
مه نیم اصلیم بورالاردان کئچدیمی ؟
مئشه : یارین سالدی سه نی اولمازین غه مه
دایانمازمی یاخشی ایگید بو ده مه؟
گونه ش کیمی قوندو مه نیم سینه مه
اصلی مه نده ن بیر گول آلدی دا گئددی !
اوزو اورتولو چای اولوبدور .
آشیق که ره م گئدیر ،،، چای آخیر ، ده سمالی دوشور چایدا گئدیر .
آشیق که ره م : آبی – حه یات کیمی داییم آخارسان
حاققین سامالینا هه ردن باخارسان
دولانا- دولانا ائوله ر ییخارسان
مه نیم اصلیم بورالاردان کئچدیمی ؟
چای : هه ن اصلی مه نده اوزون یودو کئچدی گئددی !
اوزو اورتولو کورپو اولوبدور .
آشیق که ره م گئدیر ، کورپویه یئتیشیر ، کوینه کی ایلیشیر کورپونون آغاجلارینا چیخیر .
آشیق که ره م : یولوم گه لدی سه نه چیخدی ، کؤرپو اصلیمی گؤردونمو ؟ 7
سئیراغیبلار مه نی یخدی ، کؤرپو اصلیمی گؤردونمو؟
قارا قایاداندی داشین ، به للی دئییل سه نین یاشین
اسکیک اولماز ته ر ساواشین ، کؤرپو اصلیمی گؤردونمو ؟
ده ردلی کرم گه لیب دورار ، قول کیمی بوینونو بورار
اصلی خانی سه نده ن سورار ، کؤرپو اصلیمی گؤردونمو ؟
کورپو : هه ن اصلی مه نیم اوستومده ن کئچدی گئددی !
اوزو اورتولو قایا اولوبدور .
آشیق که ره م گئدیر ، قایالار باشماقلارین ییرتیر .
آشیق که ره م : سه نده ن خه به ر آلیم آی ساری قایا ، مه نیم اصلیم بورالاردان کئچدیمی ؟
موباره ک کؤلگه نله سالیرسان سایا ، مه نیم اصلیم بورالاردان کئچدیمی ؟
قایا : سه نه خه به ر وئریم آشیقلار خاصی
سه نین اصلین بوردان گه لدی ده گئددی
یانیندایدی آتاسی ایله آناسی
له پیرین اوزومه سالدی دا گئددی !
آشیق که ره م گئدیر ،،، هئچ نه یی قالمی ییبدیر .
اوزو اورتولو داغ اولوبدور .
آشیق که ره م : سه نه دئییم سولتان داغی ، نه دوماندی باشین سه نین؟!.
چیسکین تؤکه ر دومان چؤکه ر ، هئچ گئدمه زمی قیشین سه نین ؟!
دؤرد بیر یاننان به سط اولموسان ، ده رده می ته ک مه ست اولموسان ؟!
جومله داغدان اوست اولموسان ، نه اوجادی باشین سه نین؟!
اسکیک اولماز قارین ، یاغار بولودلار ، بیر- بیرین قووار
صاباح گونه ش سه نه دوغار ، جواهیردی داشین سه نین
آلت یانین باغ ایله بوستان ، او بیر یانین گول - گولوستان
آییردیلار مه نی دوستدان ، اؤته ر قریب قوشون سه نین
که ره م دئیه ر اؤلدوم ، ایتدیم ، بو فانی دونیادان گئددیم
قوجالاردان سووال ائتدیم ، کیمسه بیلمه ز یاشین سه نین !
آی اوجا داغ مه نیم خان اصلیم بورالاردان کئچیب ؟
داغ : هه ن اصلی مه نی آشدی گئددی !
آشیق که ره م گئدیر .
اوزو اورتولو جئیران اولوبدور .
آشیق که ره م : سه نده ن خه به ر آلیم ، آی گؤزه ل جئیران
اصلی ، کئشیش بورالاردان کئچدیمی ؟
مینیب عئشق سه مه ندین ، اولموشام ره وان
چوبان کؤرپوسونده ن بیر سو ایچدیمی ؟
جئیران : سه نه خه به ر وئریم ، آی جاوان اوغلان
اصلی آناسیله دوشدوله ر یولا
بیر سه حه ر واختیندا گؤردوم کی 8
بوردان یانیندا آتاسی کئچدیله ر سولا
آشیق که ره م گئدیر گئدیر ، چوخ گئده نده ن سونرا یورولور اوتورور یئره .
گویده دورنا کوچور .
آشیق که ره م : گؤی اوزونده سوزوب گئده ن ته ک دورنا
غه ملی – غه ملی اؤتمه کؤنول شاد دئییل
سه نده مه نیم ته ک یاردان آیریلدین
غه ملی – غه ملی اؤتمه کؤنول شاد دئییل
مه لول – مه لول گؤی اوزونده سوزه رسه ن
سه ییاح اولوب اؤلکه له ری گه زه رسه ن
سوزوشونده خان اصلیمه به نزه رسه ن
غه ملی – غه ملی اؤتمه کؤنول شاد دئییل
آشیق که ره م ایسته ییر دورنالارین دالیسیجاق گئدسین اوزو اورتولو قار اولور ، یاغمور اولور ، توفان اولور هابویله دومان اولور یوللاری گیزله دیر .
آشیق که ره م : بورانلی داغلاردا یولومو ایتیردیم چاغیریرام آمان فه له ک ، آمان هئی !
بیر یانیمدا یاغیش یاغار ، قار سه په ر ، بیر یانیمدا چیسکین بولود ، دومان هئی !
آخشام اولدو ، گؤرمه مه دیم یولومو ، سویوق آلدی آیاغیمی الیمی
گؤزوم آلتدا آلدیم یئنه اؤلومو ، داها یوخدور ساغلیغیما گومان هئی !
داغلار هوممه ت ائدین بوردا قالماییم ، قالیرسامدا قوربه ت ائلده اؤلمه گیم
قاری دوشمه نله ره مؤحتاج اولماییم ، آمان فه له ک مه نیم حالیم یامان هئی !
آشیق که ره م بیر قه ده ر اویان _ بویانا گئدیر بیر قه بریستانا چاتیر و اوتورور آغلاییر .
که ره م ایندی ساتین گه زیر اؤلومو
فه له ک قیردی قانادیمی ، قولومو
دومان گه لدی ، آزدیم ایندی یولومو
چیسکینلی ، بورانلی چؤل له رده قالدیم
چووغون ، بوران آلیب دؤرد بیر یانیمی
سویوق که سیر ایلیگیمی قانیمی
وه عده م تامامدیسا گه ل آل جانیمی
فه له ک مه نه میننه ت ائتمه بئش گونو !
آشیق که ره م اوچولوب - داغیلمیش کؤهنه بیر قه برین ایچینده بیر قورو که ل له نی گورور و آلیر الینه .
بیرزامان بودا بیزیم کیمی اینسانیمیش ، دئییرمیش دانیشیرمیش ، یئییرمیش گولورموش ،،،، بیرزامان اولاجاقدیر بیزده
بویله اولاجاییق و الیمیزده ن بیر ایش گه لمی یه جه کدیر !!!!!
بیر سووال سورایم خه به ر وئر مه نه ، سه نده بو دونیادا واردینمی قافا ؟!
حئیوانمیدین ، اینسانمیدین ، نه ایدین ؟ تورلو مئیوه له رده ن یئییردینمی قافا ؟!
آیریلمیش چه نه سی ، تؤکولموش دیشی ، پوزولموش کیرپیگی ، سوزولموش قاشی
هه میشه بئله دیر فه له گین ایشی ، بئش واخت نامازینی قیلدینمی قافا ؟!
اوزو اورتولو که ل له نین عه وه ضینده ن دانیشیر .
که ل له : مه نده بیر آدامیدیم هاممیلار کیمین ، اونلارین ایچینده بویوک شاهیدیم ، آمما اولدوم ، سه نده اولومده ن قاچما ، قاچساندا 9
یئرین بورادیر ، اولومده ن قورخوب آغلاما
دینله دئییم گه له ن – کئچه ن حالیمی ، بیرزامان دونیادا مه نده واریدیم
بیر شاهیدیم ، به لا گه لدی باشیما ، بوتون عه صه رله ره یادیگاریدیم
مه ن بیر گولویدوم باغچالاردا بیته ردیم ، لوغمانیدیم ائعلمله ره یئته ردیم
آلتمیش ایل یاشادیم ، یوز ایل یئتیردیم ، شوجاعه تلی آدلی نامیداریدیم
بیلمه زیدیم مه ن مالیمین حئسسابین ، دوشونمه زدیم هئچ آخیره ت عه ذابین
عاقیبه ت نوش ائتدیم اجه ل شه رابین ، اؤله ن واختا تامام ایختییاریدیم
مه ن قورو که ل له یه م ، بوردا اوتوردوم ، سه نین موشکول ایشله رینی بیتیردیم
یوز اون ایلدی مه ن بو یئرده یاتیردیم ، مه نده سه نین کیمی آشیکاریدیم !
آشیق که ره م : اولومده ن قاچان دئییله م ، اجه ل گه له نده گه له جه کدیر ، آغلادیم اولمه ک قورخوسوندان یوخ قورخدوم
اصلی یه یئتیرمی یه م اوله م !
آشیق که ره م بو سوزو دی یه نده ن سونرا اوزو اورتولو بیر قیز شه کیلینده آغلایا آغلایا گه لیر بیر قه بیرین اوسته اوتورور .
قاشلاری مئحرابی ، گؤزله ری یاغی
آهو گؤزلوم ، نه دؤنورسه ن مه زاری ؟!
آشیقی به ند ائده ر زولفو ، دوداغی
آهو گؤزلوم ، نه دؤنورسه ن مه زاری ؟!
قیز: آشیق نه سورورسان مه نیم حالیمی
یار عئشقیله دولانیرام مه زاری !
نه مودده تدی یاندیم فیرقه ت اودونا
یار عئشقیله دولانیرام مه زاری !
آشیق که ره م : قارالار گئییبسه ن ، یاسدادیر باشین
قودره تده ن چه کیلیب قارادیر قاشین
آتانمی اؤلوبدور یوخسا قارداشین
آهو گؤزلوم ، نه دؤنورسه ن مه زاری ؟!
قیز: قارالار گئیمیشه م ، یاسدادیر باشیم
قودره تده ن چه کیلیب قارادیر قاشیم
نه آتام اؤلوبدور ، نه ده قارداشیم
یار عئشقیله دولانیرام مه زاری !
آشیق که ره م : گون گؤرمه دیم بو دونیایا گه له لی
آغلاییبان گؤزوم یاشین سیله لی
نئچه ایلدی سه نین یارین اؤله لی ؟
آهو گؤزلوم ، نه دؤنورسه ن مه زاری ؟!
قیز: پاییز اولساق باغچالاردا گول سولار
آغلاییبان گؤزوم یاشی سئل اولار
سئودیغیگیم اؤله ن یئددی ایل اولار
یار عئشقیله دولانیرام مه زاری !
آشیق که ره م : قالخیشیب سونالار ، گؤل له ر قورویوب 10
اطرافینی چاییر - چیمه ن بورویوب
یئددی ایلسه ، ایندی یارین چورویوب
آهو گؤزلوم ، نه دؤنورسه ن مه زاری ؟!
قیز: الیمده ن آلدیلار گول اوزلو یاری
آرتیدی اوره گیمین غه می قوباری
اوره گیمده سؤنمور عئشقیمین ناری
یار عئشقیله دولانیرام مه زاری !
آشیق که ره م : یئری هئی ، یئری هئی ، گؤزو حارامی
اورگیمده قویدون ده ردی وه ره می
خان اصلیمده ن بئته ر ائتدین که ره می
آهو گؤزلوم ، نه دؤنورسه ن مه زاری ؟!
قیز: نازلی دئیه ر بئله قویدوق ایلقاری
آغلاماقدان عؤمروم اولوبمو یاری
آچین مه زارینی ، بیر گؤروم یاری
یار عئشقیله دولانیرام مه زاری !
آشیق که ره م : آشکین اوخشاییر خان اصلیمین آشکینا آی قیز ! اودا مه نی بوقه ده ر سئویر ، بیلیره م !
آشیق که ره م ایسته ییر قیزا ساری گئدسین ، یئنیده دومان اولور ، آشیق که ره مین اولدوقو یئر دونور اولور بیر گولوستان ، اوزو اورتولو آلتی قیز شه کیلینده گه لیر و عیشوه ایله آشیق که ره مین قاباقیندان کئچیر .
آشیق که ره م : آلتی قیزین بیری بانی ، آلتی قیزلار آلتی قیزلار !
بیزه موحه ببه تین هانی ؟ آلتی قیزلار آلتی قیزلار !
آلتی قیزین بیری اینجی ، گؤزللیکده لاپ بیرینجی
قوینوندا ایکی تورونجو ، آلتی قیزلار آلتی قیزلار !
آلتی قیزین بیری پوسته ، ده ردینده ن اولموشام خه سته
قوی قه ده مین سینه م اوسته ، آلتی قیزلار آلتی قیزلار !
آلتی قیزین بیری جئیران ، اولوم گؤزله رینه حئیران
سیزله کاش سوره یدیم دؤوران ، آلتی قیزلار آلتی قیزلار !
آلتی قیزین بیری خه دجه ، قه ددی الیف ، بئلی اینجه
گؤزه ل گؤرمه میشم سه نجه ، آلتی قیزلار آلتی قیزلار !
آلتی قیزین بیری به سدی ، گؤزله ری جانیمین قه صدی
بو ده ردله ر که ره مه به سدیر ، آلتی قیزلار آلتی قیزلار !
قیزلار بیربیر آشیق که ره می اوزله رینه طه ره ف چاغیریرلار ، او قیزلارا باخمیر کئچیر گئدیر و بیر بولاقا یئتیشیر کی قیزلار بیر بیر یئنیده اونو چاغیریرلار .
بولاق که ناریندا پالتار یویانلار ، عئینی مه نیم خان اصلیمه به نزه رسیز
یویوب - یویوب گول دالینا سه ره نله ر ، عئینی مه نیم خان اصلیمه به نزه رسیز
ایریسه قاشی وار اوجو ایمه لی ، که تان کؤینه ک گئییب ، کؤکسو دویمه لی
اودا سیزین کیمی گؤزه ل اؤیمه لی ، عئینی مه نیم خان اصلیمه به نزه رسیز
که تان کؤینه ک گئییب گولده ن تازاجیک ، بولبول سیته م ائیله ر گوله یازاجیک
اودا سیزین کیمی به یاض نازاجیک ، عئینی مه نیم خان اصلیمه به نزه رسیز 11
که ره مه م ، دولاندیم بورایا گه لدیم ، سیزی گؤره ن کیمی شاد اولدوم ، گولدوم
داریلماین قیزلار ، مه ن اصلی بیلدیم ، عئینی مه نیم خان اصلیمه به نزه رسیز
اوزو اورتولو بیر چوخلو عیشوه لی قیز شه کیلینده که ره می اوز یانینا چاغیریر بیر بولاقین قیراغینا .
سو باشیندا دوران گه لینله ر قیزلار ، خاللی گه لین خان اصلیمه به نزه رسه ن
دوغروسون سؤیله رله ر حاققی سئوه نله ر ، خاللی گه لین خان اصلیمه به نزه رسه ن
خان اصلی ته ک یاناغیندا خالین وار ، اینجه ده ن لاپ اینجه ع ه جه ب بئلین وار
ده هانیندا بالدان شیرین دیلین وار ، خاللی گه لین خان اصلیمه به نزه رسه ن
ده ردلی که ره م اوجا – اوجا داغ آشدی ، آشیباندا قوربه ت ائل له ره دوشدو
اوچورتدوم طه رلانی سارا ایلیشدی ، خاللی گه لین خان اصلیمه به نزه رسه ن !
اوزو اورتولو بیر کیشی شه کلینده گه لیر .
اوزو اورتولو : گه ل گئده ک دالیسیجاق ، نی یه دوروبسان به ؟ او سه نی چاغیریر ! گه ل ..............................................
آشیق که ره م : هئی آغالار ، هئی به یله ر ، که ره م غئیری یاری نئیله ر ؟!
ائی حه ضه رات بیلین ، اصلی خانیمین اوزونده خاللاری نازینان گه لیر
بیر خالی الیفدیر ، بیر خالی بئیدیر ، بیر خالی ده فته ره یازینان گه لیر
بیر خالی هئیوادیر ، گه لمه ز ایره نگه ، بیر خالی ایرانی سالیبدیر له نگه
بیر خالی ائلچیدیر ، گئده ر فیره نگه ، بیر خالی صؤحبه ت و سازینان گه لیر
بیر خالی یاخشیدییر ، بیر خالی یامان ، بیر خالی کؤنلومه سالیبدیر گومان
بیر خالی بولوددور ، بیر خالی دومان ، بیر خالی داغلارا آیازنان گه لیر
بیر خالی به ززازدیر ، رومون قئیصه ری ، بیر خالی ایچیبدیر آبی – کؤوثه ری
بیر خالی عاغلیمی ائدیب سه رسه ری ، بیر خالی آغ اوزه دوزوله ن گه لیر
که ره مه گه لیبدیر ته میزلیک ، پاکلیک ، تانری یا گه لیبدیر یالنیزلیک ته کلیک
قاتاردان آیریلمیش آی گؤزه ل که کلیک ، خان اوغلو اوستونه بازینان گه لیر!
آشیق که ره م بو سوزو دی یه نده ن سونرا قیزلار اولان طه ره فده ن اوز دونده ریر اوندا هه ر یئر دونور چول اولور ، آشیق که ره م قاچیر سولا گه لیر ساغا آنجاق آیاقلاری بوتون قان اولور اوتورور یئره .
قارانلیق . ایشیق .
ایگیت آشیق : سه ن دونیانی دولاندین یارالی _ یورقون دوشدون گه لدین بیزیم ائله قوناق اولدون ، یاخچی آدامسان آمما بیر آز
اوزویه ن فیکیر ائیله میرسه ن باخ سه ن گه ل قال بیزیم بو یئرله رده ، سه نه به یه ندیگین قیزی آلاق تویویون
ائیلی یه ک ،،، او قیزدا ، اصلیده ، نه گؤروبسه ن کی اونا گوره بوتون قیزلاری اوتورورسه ن و اوندان
ال چه که بیلمیرسه ن ؟
آشیق که ره م : سه حه ر ایله ایکیندینین آراسی ، آلدی مه نی قاشلارینین قاراسی
کیمسه بیلمه ز نه دیر ده ردیمین چاراسی ، مه لول – مه لول باخیشیما نه دئییرسیز ؟
مه ن که ره مه م ، که ره ملیگیمی بیلدیردیم ، دوستو آغلادیب ، دوشمه نیمی گولدوردوم
اوزون بویلو خان اصلیمی آلدیردیم ، ارسیز - آرسیز گولوشومه نه دئییرسیز؟
آشیق که ره م آغلاییر .
ایگیت آشیق : نه ده ردله آغلاییرسان آی آشیق اوغلان ،،، اوره گیم دولدو ، ایندی مه نده سه نه گوره یارالی دورنانین ماهنیسین
اوخومالی اولدوم .......................
ایگیت آشیق یارالی دورنا ماهنیسین اوخویور . 12
آشیق که ره م : نه گوزه ل سه سین وار ، سه ن مه نه یاردیم ائددین اوت ییغدین قیچیما مه رحه م قویدون ، گه ل مه نده سه نه
آشیقلیق ده رسین وئریم سه ن آشیق اول .............................................. .......
ایگیت آشیق : دوغوردان یاشا اوغلان ، مه ن بیر بو سوزویه ن گوره سه نی بیر بئله ایمتاحانلارا سالدیم ، اوجور حئیره تله باخما ،
ایندی سوزله ریمه قولاق آس گور نه دئییره م ، سه نی مه ن گوزومون آلتینا آلمیشدیم بیر ایشه گوره کی بو
دونیادا بیر سه ن او ایشی گوره بیله رسه ن ، هه ن دوز ائشیددین ، باخ ماحمود ...
آشیق که ره م : مه ن اوز آدیمی سه نه که ره م سویله میشدیم سه ن مه نیم آدیمی هارادان بیلیرسه ن ؟
ایگیت آشیق : مه ن سه نین هه ر نه یی یین بیلیره م سه نده نده یاخچی بیلیره م ...
آشیق که ره م : آخی نئجه ؟ نه جور ؟ سویله گوروم سه ن کیمسه ن ؟
ایگیت آشیق : مه نیم کیم اولماقیمدان بیر بونو بیل ناغیللاردا اوخودوقون ، ائشیددیگین فیریشته له ر، په ریله ر ها بویله جین و
اونلارین تایی یاخچی ووجودلار یالان دئییل له ر ، قورخما ، سه نین ایشین قورخماقدان کئچیب ، قولاق آس
سوزله ریمه ، مه ن سه نی چوخ ایمتاحان ائیله دیم ، اصلی سه نده ن آیریلاندان سونرا سه نین اونا آشقی یین گوردوم
بیلدیم سه ن آشک آدامیسان ، آشک آدامی او ایشی کی مه ن اوندان ایستی یه جه یه م باشا آپارا بیله ر ، آمما
گه ره ک ایمتاحان اولاردین ، پیس گونله ره دوشه ردین کی اوز ایچی یین گوسته ره سه ن ، سه ن ایمتاحانلاردان
چیخدین ، باش اوجا چیخدین ، سه ن او چوخ چه تینلیکله رده ن سونرا مه نیم بیر آز یاخچیلیقیمین قاباقیندا
ده ردله ری یین یاددان چیخارددین و ایسته دین بوتون ده ردله رله اله گه تیردیگین آشیقلیقی مه نه اویره ده سه ن ،
بو مه نه گوسته ردی چه تینلیکله ر و پیسلیکله ر سه نین ایچی یین خاراب ائیله مه ییب ، سه ن یاخچیدین و
یاخچیدا قالیبسان ، ایندی او یئره یئتیشدیک کی سه نه مه ن گونه شله قارانلیقین ناغیلین دی یه م و سه ن بو
ناغیلی ائشیده نده ن سونرا یولویون اوزون تاپیب و سونا یئتیره سه ن ، سه ن اوزون بیله رسه ن هانسی یولا
گئده سه ن ، او ناغیلی دئمه میشده ن قاباق دئییم کی اصلیده بو یاخینلیقدادیر ...
آشیق که ره م : اصلی ؟؟!!!
ایگیت آشیق : قولاق آس اوغلان ، هه ن او بو یاخینلیقدادیر ،،، سه ن ایسته سه ن گئده رسه ن اونون دالیسیجاق و ایسته سه ن
گئده رسه ن او ایشین دالیسیجاق کی مه ن ایستی یه جه یه م ، اوزون بیله رسه ن ، آمما یادی یان سالمالی یام او
قیزی کی قه بریستاندا گوردون ، او اوز یارینا یئتیشمیشدی آمما چونکو بو دونیانین ایشی اولوم ایتمه کدی یاری
الده ن وئرمیشدی ...
آشیق که ره م : باشا دوشمه دیم ؟ سه نین قه بریستانداندا خه به رین وار ؟
ایگیت آشیق : دئدیم کی سه ن اوز شه هه رینده ن چیخاندان مه ن سه نین یانیندایدیم و سه نی ایمتاحان ائیله ییردیم ...
آشیق که ره م : یانی او ایشله ری سه ن مه نیم باشیما گه تیردین ، آی سه نی ..........
ایگیت آشیق : دایان اوغلان ، دایان ،،،،،،،،، بیلیره م چوخ چه تین گونله ر کئچدی سه نه آمما اونلار لازیمیدی ....
آشیق که ره م : آخی نی یه لازیمیدی هان ؟ نی یه ؟
ایگیت آشیق : قولاق آس گور نه ته عریفله یه جه یه م ، سونرا اوزون بیله رسه ن نه ایش گوره سه ن ، ایسته رسه ن او یولا گئد
ایسته مه زسه ن گه ل گئد اصلینین دالیسیجاق ، اونو ایندی اله گه تیره بیله رسه ن آمما نئچه گون به لکه ده آز ،
بیلیرسه ن اوزاماناجاق کی قارامه لیکله ر وار آشیق آداملار بیربیرینه یئتیشمه زله ر ، یئتیشسه له رده آیریلارلار ،،، ایندی
قولاق آس گونه شله قارانلیقین ناغیلینا ،،،،، آتا بابالاردان ، خان نه نه له رده ن بیر ناغیل دیلده ن دیله ، دوشده ن
دوشه دولانیبدیر گه لیبدیر یئتیشیبدیر بیزیم ائل له ره ، او ناغیلی ایندی مه ن سه نه سویله یه جه یه م ، بو ناغیلی
اویره ن و یاخچیدا اویره ن ،،، بو ناغیلدا بیزیم ائلین نئجه گونه شه باغلی اولماسی ، ایشیقلاری سئچیب سئومه سی
دئییلیبدیر ، نئجه قارانلیقلاردان و قارانلیقلاری یارادانلاردان اوزاق اولماسی دئییلیبدیر ،،، ناغیلی اویره نه نده ن سونرا
گه ره ک یولویون تاپاسان ، یولویون یوللاردان سئچه سه ن ، آنجاق ایندی یاخچی اویره نمه لیسه ن ناغیلی ، آمما
گونه شله قارانلیقین ناغیلی ،،، بیری واریدی بیری یوخویدو گویده کی بیرتانریدان سونرا هئچ کیمسه یوخویدو ،،، 13
تانری اوز ته کلیقینده هه رنه یی یاراددی ، هه رنه یی یاراداندان قاباقدا ایشیقی گونه شین ایچینده یاراددی قارانلیقدا
قالماسین یاراندیکلار ، گونه شله ایشیق بیربیره آشیق اولموشدولار ، جانلا روحلا ، یاراددیکلارینین ایچینده آدامدا
واریدی ، تانری ایشیقلا گونه شی بیرگون وئردی آداملارینا ، ایشیقی وئره نده ن سونرا آداما قاراشاه کی بوتون
عاله مین شاهی اولموشدو آجیقلاندی ، آخی قاراشاه قارانلیقین شاهیدی و اونون الیله بوتون عاله مده
سه ره له نمیشدی ، آداملار گونه شین ایچینده کی ایشیقدا بیربیرین گوروب اوره کله رینده آشک یاراندی ،
آداملارین آشیق اولماسی قاراشاها لاپدا چه تین گه لدی آخی او آشکدان هئچ نه آنلامیردی
آشیق که ره م : دئییره م گونه شله قارانلیقین ناغیلی ائیله مه نله اصلینین ناغیلینا اوخشاییر
ایگیت آشیق : آی اوغلان ناغیلا قولاق وئر
آشیق که ره م : آخی باخ مه ن اصلینی گوردوم ، اونا وورولدوم ، ایسته دیم اونلا ائوله نه م آمما قارامه لیک اوز سوزونو
کی مه نیم آتاما وئرمیشدی قویدو قیچینین آلتینا ، دوردو آتامین قاباقیندا و بیزیم ائوله نمه که باش
ایمه دی ، مه نله اصلی اولمامیشدان قاباق اونلارین سوزو ایله بیز بیربیرین آدینا اولموشدوک ، ایشیقلا گونه ش کیمین
ایگیت آشیق : خوشوم گه لدی بورا یاجاق آلدین مه طله بی ، آنجاق ، ناغیلی بویله ته عریف ائیله ییبله ر گونه شین یئری گویله رده
اولاجاق و ایشیقین یئری اونون اوره گینده ،،، آمما قاراشاه آند ایچیبدیر گونه شله ایشیقی اوغورلویا ، ایندی گه ره ک
بیری اولا گئده گونه شده ن گونه ش اولماقین و ایشیق ساچماقین یولونو اویره نه ، بو ایشی بیر آشیق آدام
گوره بیله جه کدیر ، بونا گوره کی گونه شله ایشیقین نئجه اولماسینین اصلی آشیق اولماکداندیر ،،،،،،،،،،،،،،، مه ن
ناغیلی ته عریف ائیله دیم ، ایندی سه ن اوزون بیله رسه ن نه ایش گوره سه ن ، ایسته ییرسه ن گئد اصلینین
دالیسیجاق و نئچه گون اونلا اول ، ایسته سه نده گئد و گونه ش اولماقین یولون اویره ن اونون ته کین ایشیق
ساچ ، اوندا ائیلی یه بیله رسه ن قارامه لیک ته کین آداملاریندا اوره یین ایشیق ائیله یه سه ن و آشک یاراداسان ، بو
ایشی گوره بیلسه ن داها هئچ آشیق اوز یاریندان آیریلماز ، بونودا بیل بو ایش اولماسا قاراشاه گونه شله ایشیقی
اوغورلاسا اونلاریندا کی اوره گینده آشک وار آشکلاری ایشیق اوله نده اوله جه کدیر ............................................
ایگیت آشیق اوزاقلاشیر .
آشیق که ره م ته ک قالیبدیر .
آشیق که ره م : مه ن آغلارام اوره کده ن
قورتارمادیق کئشیش قوران که له کده ن
شیکایه ت ائیله ره م قانلی فه له کده ن
یازی یازان یازیب ، بئیله ایشله ری !
ایندی داها ده ردیم زولف دردی ، خال دردی ، بیرده تئل دردی دئییل
آشیق که ره م حئیران حئیران گئدمه کده دیر ، شاه و قارامه لیک گه زمه له رله ایچه ری یه گیریرله ر .
قارامه لیک : شاه ساغ اولسون بو آدامدیر کی مه نله مه نیم عائیله مین دالینا دوشوب بیزی دونیانیِن دورد دوره سین دولاندیریبدیر
و ال چه کمیر بیزده ن ، بونو جه زاسینا یئتیرین بوتون پیس آداملارا عیبره ت اولسون
شاه : بو سوزله ره نه جاوابین وار ؟
آشیق که ره م جاواب وئره نده ن قاباق اصلی گه لیر ایچه ری یه .
اصلی : که ره مه ره حمین گه لسین شاه ، او مه نه عاشیقدی ، مه نده اونا ، آتام بیزه ظولم ائیله ییر
قارامه لیک : قیز قایید ائوه آنایین یانینا یوخسا وورا ...
اصلی : مه ن گئده ن دئییله م ، یورولدو قاچمادان ، که ره م مه نیم آداخلیمدیر
قارامه لیک : نه ایسته ییرسه ن اوندان ؟ او موسولمان ، سه ن ائرمه نی ، اوندان ال چه ک ، گه ل سه نی گؤزه ل بیر اوغلانا
وئریم
اصلی : مه ن که ره مده ن سونرا آیریسینا گئده ن دئییله م 14
قارامه لیک : که س سه سی یین ...
شاه : آی کیشی دایان ، قیزین سوزون ائشیددیم دور گوروم اوغلانین سوزونده ائشیدیم ، دانیشگینان اوغلان ، قورخما اوره یی یین
سوزونو سویله
آشیق که ره م : مه نیم اصلیله سوزوم وار ، نئچه که له مه اونلا ایسته ییره م دانیشام
قارامه لیک : وای که س سه سی یین آلچاق آدام سه نین مه نیم ناموسوملا نه سوزون اولا بیله ر ؟ گورورسه ن شاه !
اصلی : شاه ساغ اولسون آتام که ره مین آتاسیلا بیزی اوشاقلیقدا بیربیره مه حره م ائیله ییبله ر آمما ایندی آتام سوزونون آلتینا
وورور ، سنه قوربان اولوم گوزه ل شاه ، بو مه نیم سئوگیلیمدیر ، آتام مه نی اونا وئرمه ییب ، بیزی فیراق اودونا
یاندیریر
شاه : دوز دئییر ؟
قارامه لیک : دوز دئییر آمما ...
شاه : آمماسی یوخدور داها ، دانیشا بیله رسیز ، گه لین بویانا دانیشسینلار
شاهین ایشاره سیله هاممی چه کیلیر اویان _ بویانا ، آشیق که ره مله اصلی قالیرلار .
اصلی : بیر بئله وه قت سه نده ن سونرا فیکیریم یوخویدو ، هه ر یئره یئتیشه نده گوزوم سه نی آختاریردی ، بیلیردیم آتام مه نی
گوتوروب هارایا قاچسا گه له جه کسه ن تاپاسان بیله می ، که ره م ایندی داها سه نده ن آیری قالماقا صه بریم قالماییبدیر ،
شاه یاخچی شاهدی ، گه ل سه ن اوره یی یین سوزونو اونا دئگینه ن او بیزه یاردیم ائدسین بیز بیر بیره یئتیشه ک ،،،،،
که ره م بو دانیشان مه نه م، سه نین اصلین ، سه نین فیکیرین هارالاردادیر ؟ مه نیم سوزله ریمی ائشیدیرسه ن یا ایندی کی
یئتیریبسه ن بیله مه گوزونده ن دوشموشه م کی مه نه باخماق عه وه ضینه گوزله رین یئره باخیرلار ؟ که ره م ،
که ره م ............
آشیق که ره م : اصلی بیر سوز ایسته ییره م دی یه م ، سونوناجاق قولاق آسیرسان ؟
اصلی : بیلمیره م سه نه نه اولوبدور ! آمما نه دئییرسه ن دئگینه ن ایندی مه ن یاشلی گوزومله سه نه قولاق آساجایام
آشیق که ره م : گه ل اصلیم ، گه ل گه ل آغلاما ! یانیرام اصلیم ، یانیرام !
جی یه ریم اوددا ، داغلاما ، یانیرام اصلیم ، یانیرام !
بیر آته ش دوشدو جانیما ، آنام یوخ گه لسین یانیما
ائل له ر آغلاسین حالیما ، یانیرام اصلیم ، یانیرام !
چه کدیگیم ده ردله اله م ، مه نده ن عیبره ت آلسین عاله م
بئیله چالینیبدیر قه له م ، یانیرام اصلیم ، یانیرام !
که ره مه م ، سؤیله نیر آدیم ، عه رشه چیخیبدیر فه ریادیم
الیمده ن گئددی مورادیم ، یانیرام اصلیم ، یانیرام !
اصلی : نه اولوبدور سه نه سویله بیلیم که ره م ؟!
آشیق که ره م نه اولانی اصلی یه سویله ییر .
اصلی : ایندی نه ایش ایسته ییرسه ن گوره سه ن ؟
آشیق که ره م : سه نسیز هئچ یئرده یاشی یا بیلمه دیم ، بیلیره م سه نده مه نسیِز یاشامی یاجاقسان ، مه نیم سوزوم بودور ایندی بیز
بیربیره ده یئتیشسه ک بیرگون بیریمیز اولوب گئده جه ییک ، اوندا اوبیریسی قالسادا یاشام اونا بیر جه هه نله م
اولاجاقدیر ، آمما ایه ر مه ن گونه ش اولماق اوچون یانسام سه ن قالساندا داها غه م که ده رله قالمازسان ، سه ن
اوندا گه ره ک سئوینه سه ن کی سه نین آداخلین قارامه لیک ته کین قارا اوره ک آداملارین جانین ایشیق
ائیله مه ک اوچون گئدیبدیر
اصلی : سوزون دوزون سویله دین ، سه ن گونه ش اول آمما بونودا بیل اوندا مه نده بیر یول تاپاجایام گونه شه یئتیشمه که ، ایندی
نه جور ائیله یه جه کسه ن گونه ش اولاسان ؟ 15
آشیق که ره م : گه ره ک اوقه ده ر ساز چالام اود سیمله رده ن قارخا جانیما دوشه
اصلی : سه ن چال سازی یین مه نده اونون سه سیله اویناماقا باشلایاجایام ، بیلیره م سه نی گونه شه دونده ره ن تانری مه نیده سه نه
یئتیره ر ......................
آشیق که ره م باشلاییر ساری گه لین ماهنیسین چالماقا ، اصلیده ساری گه لین اویناماقین اویناییر ،،، آشیق که ره م یانا _ یانا دونور اولور بیر گونه ش ، اصلیده اویناماقیندا ال اوزالدِب اونا ساری ایشیقلانیر .
ایگیت آشیق اوخویور .
ایگیت آشیق : ساچین اوجون هورومه زله ر
گولو سولو ده رمه زله ر
ساری گه لین
سه نسه ن سئوگی اوچون دوغولان منیمله ، سه نسه ن
یئرده ، حه یاتدا ، سه مادا ته ک سه نسه ن بو دونیادا
آیلی گئجه ده سه نه وورولدوم
بیر گونه ش ، بیر اینسان ، بیر ساری گه لین
ته ک اولدوز ، توپراک ، بیر ته ک نه فه سین
مه ن حه یاتی سئویره م ، حه یات سه نده وار
سه نه باخان گوزومده ، جوشوب اینتیظار
ساچین اوجون هورومه زله ر
گولو سولو ده رمه زله ر
ساری گه لین
بو سئودا نه سئودادیر ؟
سه نی مه نه وئرمه زله ر
نئیلیم آمان ، آمان
ساری گه لین
بو ده ره نین اوزونو
چوبان قایتار قوزونو
نه اولا بیر گون گوره م
نازلی یاریمین اوزونو
نئیلیم آمان ، آمان
ساری گه لین
آشیق ائل له ر آیریسی
شانا تئل له ر آیریسی
آیریسی بیر گونونه دوزمه زدیم
اوولدوم ایل له ر آیریسی
نئیلیم آمان ، آمان
ساری گه لین !!!
سون .
دلگرفته ام ...
دلم که میگیرد
ـ میگیرد نه میمیرد !
نه لیلی میشناسم و نه شیرین
نه دلنواز دخترکان خوب چهره را میبینم و نه آهوان خرامان صحرا را
حال هیچم نیست با این دل ریش و غمگین
ـ چه جای لیلی و شیرین !
مجنون نیستم
ـ فرهاد کوه کن هم !
ساده عاشقی به روزگاری که عشق را جز تمسخر جوابی نیست !