ش | ی | د | س | چ | پ | ج |
1 | 2 | 3 | 4 | |||
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 |
های هوو
هه له ده گه لیر های هاوار سه سی هارایچیلار کوچه سینده ن
قولاقلاریم باشیملا یورقون
های های هایدی گه لیر ایچیمین ایچه ریسینده ن
ئله بیل مینده نه قوش
ـ یا کی بایقوش
اوخویوبدیر اوجا داغلار آراسیندا
ده ره ده
دوشده
توکوله ن بیر قایانین دیب بوجاقیندا
ماهنیلارین
ـ یوخ کی اول پیس هارایی
حه سره تیم اولدو ئشیدمه ک
آتامیزدان
بابامیزدان
آنالار لای لاسی ته ک
سینه ده ن بیر سینه یه سازلا اوخونموش
ماهنیلاری
ـ حه سره تیم اولدو ئشیدمه ک
سوروشان اولمادی بو قانلی فه له کده ن
تووو توفانلی توفه نگده ن
بو غه می غه مله هارایلا اوخویان
غه مکه ده یه سوز یازانیندان
آخی ای ماته مه باتمیش هارایی
اولمویاجاق بیر آچاسان سازلا سوزو تویلو هاوایلا ؟
آپارا غه م که ده ری ائلله ریمیزده ن ؟
بیزه بیر جان وئره او سازداکی سوزله ر ؟
حه سره تیم اولدو مه نیم
قولاق آسماق
گویده اوخونموش
ماهنیلارا ...
شه لاله آشیب داغدان گه لیر آششاقا
ـ قیزلار ساچی اوینار یئلده توفاندا
اوندا
حه سره تدی باخیشیمدا
چیرپینما
اوره گده جاندا جی یاردا ...
سه نده ن اوزاقام
اوزاق
سه نده گوزوم یوخ
هئچ کیمسه ده یوخدی گوزوم
آخی یوخودادیر گوزله ریم مه نیم
ـ به ختیم ته ک ...