آرتاوئرآس ...

آرتا بیر  خه یالسان 

اسکی اسکی  اوفوقلاردان  گه لمیش ! 

آلارسان 

جانیمی  سون  نه فه سیمده 

بیر  زوموررودقوشو  اولوب  آپارارسان  

روحومو  

گویله ر  بیزیم  اولسون ! 

آرتاکان 

اولاجاقدیر  توکسه ن  سه ن  قانیمی 

جانان ! 

ایذن  وئر 

آرتاوئرآس  کیمی 

چیکیم  چیکاک داغیندان  

ـ هانی یارین  الی ؟

کئچیم  کئچه ن اود  کورپوسونده ن  

ال له رین   گوسته ردیغی  یوللارلا  ! 

اولاردا ؟ 

آس  ائلله رین  تورک  اوغلویام 

یولوندا  آسیلسامدا 

یوخ  قورخوم  !

بیرجه  مه نیم  اولسان  

بیرجه بو ...

یول ...

ساهاتلار  کئچیر 

تیک تاک 

گونه ش    چیخیر 

دوغودان 

اوزویون  تاپاناجاق  باتیدا  باتیر ! 

کیم  یاتیر ؟ 

کیم   دورور ؟ 

گوزله ریم  باخیر 

اوزاق   یوللارا 

گه له ن   یوخ !

گئده ن ؟!

تانیمیرام ...

لئیلیده  گئتدی 

به ختینه  دوعا  ائله دیم  

اینشالاه    عومور  بویو   ائوینده   اوزو  گولسون !

کئشگه  مارالدا  گئده 

قیز گئدمه لیدیر  بیرگون  !

ساییسی  چیخیب  الده ن 

سونرادان  گئده ن   کیم   اولاجاق ؟ 

گوره ن   مه نه   بیری   قالاجاق ؟ 

هه له کی   یولا   سالیرام  

بیربه بیر 

داللاریجاق   باخیرام ! 

باشیازیم  هانی ؟ 

تانیمیرام  

بیلمی ره م ...