ش | ی | د | س | چ | پ | ج |
1 | 2 | |||||
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
دئییرله ر
اولماز هئچ یئر اوز دی یاری کیمین آدامین
آنا وه طه ن کیمین
اولماز اوزگه دی یار
اوزومله سوروشدوم
گوره ن اوز توپراقیمدا کی ته کین سئویله ر اوزگه یئرلی اولان یار ؟
بیلمیره م !
آنجاق یوخو دئییلدی
ـ آییقییدیم یوخسا یاتمیشدیم ؟
آییق اولماقا به نزیردی
گوردوم بیر جوت گوز تیکیلیب گوزومه
بیرده ن گه لدیم اوزومه
یوخ
اوزومده ن اولدوم
واللاه بیر شاختا وورموش چیچه ک کیمی سولدوم
نائیله دیر بو ؟
هه ن اودور او !
گوردوم دوروب باخیر مه نه
مه نیمده باخیشیم ساتاشاندا گوزله رینه
ـ بوتون قارانلیقدا سئیر ائدیر او گوزله ره باخان !
گوزله رین سالدی آششاغا
قول قانادیم سیندی
قانادسیز قوش هارادان ائیلی یه بیله ر اوچا !؟
اوره ییم تیتره دی !
نئچه ایلده ن سونرا !
هارادان بیلیردیم اودا واردی تویدا ؟!
تویون سونوناجاق اوزومو تاپا بیلمه دیم داها !
وای سئودا الینده ن
وای
بیرزامانلار سئویردیم
دی یه نده آشکیم
دئییردیم نائیله !
خوشبه خت اولوبدور ایندی
ـ بیله م !
اینشالا اولبدور !
ـ مه نه گه لمی یه نله رین هاممیسی آیدینلیقا چیخیر
به ختیم بودور !
بیر اونلاردان سونرا کی اوره کله رینده هه ممه شه لیک بیر پیس خی یانه ت وار !
ایشیم یوخ اونلارلا !
آنجاق گوردوم نئچه ایلده ن سونرا
کئچمیش زامانلاردا کی یاریمی !
باخدیدا
باخدیمدا !
دئییره م گوره ن اوزگه دی یاردان گه له ن یار اوز توپراقیمین قیزی کیمین سئومه لی اولار ؟
بیر قاراپاپاق قیزی کیمین ؟
بیلمیره م
ـ نائیله نین آدین یاواش کاغاذ اوستونده ن گوز یاشیلا سیلیره م !
ائلی سئومه دی مه نی بونو بیله م اونون سئومه غیله !
سه نی سئویره م دئمه دی !
گئددی
مه نی دیندیرمه دی !
نه اولار یوللار اونون !
نیسگیلله ر مه نیم !
بویون بیرده اوره ییم دویونور
نه گوزه لیمیش بیرینی سئومه ک
الینده ن اوپمه ک !
گوزله رینه باخماق
نه گوزه لیمیش !
دئییره م بیر گوزه ل آشکین کئچمیش خاطیره سیده اولور گوزه ل
گئدسه ده
قالسادا
دورسادا
اوتورسادا
نائیله نین آدین گه تیرمه میشدیم شعرله ریمده
بیر گوزه ل خاطیره یدی یادی بیله مه
ساخلامیشدیم دار گونومه
ایندی بیلیره م بو حالیمدا یاخچی آشکین خاطیره سیده یاپیشار الده ن
یاشی سیله ر اوزده ن
باخیشی خه یال ده نیزینه سالار گوزده ن
اوره ییمده دئدیم ساقول خانیم
ـ ایسته مه دیم اوزگه ائشیده
آخی گئدیب اره !
ساقول او یاخچی آشکا گوره !
کاش
کاش اوزگه دی یاردا کی یاردا سئوه ردی مه نی !
گوره ن اوز توپراقیمین سودان ته میز قیزی جاق سئوه بیله ردی مه نی ؟
بیلمیره م
اوره ییم دولوب
به لکه م آغلادیم
گئجه تویدا یاغمور یاغیردی
اوز اوزومه دئدیم
گویده بیلیر خه لوه تیمده نه له ر اولاجاق
گئدیم ...
آی جانیم گه لیر
گه لیر ائل له ره یاز
تانریما دئدیم بو گوزه ل چاغدا بیزله ره یاخچی گونله ر یاز
بیر اولسون دیلله رده ماهنی
بیرده ال له رده ساز !
شه نلیک اولسون بیرده گولوش
یارلا دانیشماق اولسون بیرده گوروش
سه نله مئهریبانیم مه نیله قونوش !
ـ خه یالیما دئدیم !
ائشیدیر تانری اوره ییمده قالان سوزله ری
آغزیم باغلی
گوزوم آختارماز
کونولسوز گوروشور جانیم
بیلیره م مه نی تانی یانلار بونلارا اینانماز
نئجه قالماق اولار آشکسیز ؟
آمما قالمیشام !
بوشام
بیر ایچسیز قویو کیمی بوش اولموشام ...