پاییز ...

گئدیر  ایستی  گونله ر 

پاییز  یولدان  گه لیر  بیزله ره  قوناق  اولسون 

بویله دیر  ایلله ر 

بیری  گئده ر 

بیری  گه له ر ! 

گون  آیدان  سونرا 

آی  گونده ن  ! 

عومور  آرتیریر  اوزونو 

داغا  چئویریر  دوزونو 

دوزوده  داغا ! 

اییر  روزیگار  آغاجین  بئلین 

اوجا  گویله ره  باخسادا ! 

آخان  سو  دورور 

باتلاق  اولور 

ده نیزله ر  قویویور ! 

باخیرسان 

بیرده  گورورسه ن  توپراقلار  آلتیندان  بیر  سونبول  قینیندان  چیخدی ! 

گووه ردی ! 

یاشام  باشلانیر   بویاندا 

اولسه ده  اویاندا ! 

یادا

اولسه  بوتایدا 

باشلانیر  اوتایدا ! 

روزیگار   

بویله  گه لیر   

بویله  گئدیر 

دورماقا  گه لمه ز !  

بویله دیر 

ایشی  

روزیگارین !  

بیزیم  ایشیمیز  گه لیب  گئده نله ره  باخماق 

اونلاری  یولا  سالماق 

یادا 

گوزله مه کدیر !

پاییز  گه لیر ! 

گوزله یین ! 

گه لیر  پاییز ...

اولسا بیرگون ...

گوزله ریمده  یوخ  اینتیظار  کولگه سی 

آغزیمدا  دوعا 

اوره ییمده  چیرپینما ! 

یوخومدور  اینتیظار !!! 

هئچ  نه  اوچون 

دولو  اولسادا  یوللار ! 

اولماسادا !!!

توتاق   

بویله ده  اولار 

توتساق  بویله

گه له ن  اولسون  یوللاردان  

یوزوده 

مینیده !  

توتاق  اینتیظاریم  یئتیرسین  باشا 

بیلیره م  بویله  اولماز ها  

بیلیره م !

آمما 

توتاق   

اولاجاقدیر  

بویله  اولاجاق !

گوروم    اوندا

بویله  اولسا 

اولا  بیلسه

گونه شین  یولو  دونه جه کدیر   اوز  مه داریندان ؟  

دولانا  دولانا ؟

یوخسا  قار  یئرده ن  گویه  قاییداجاق ؟  

آی  پاتلایاجاقدیر  اولمویا ؟  

هان ؟ 

هانسی ؟  

هانسی  اولاجاقدیر  بونلارین ؟ 

نئچه سی ؟

اولان  دئییل !!!  

بیلیره م !!!

بونلار  هه له  هئچ 

باخ 

اولا  بیله نله ری  بیر به بیر  سئچ 

دئییره م  مه نده   اونلاری :

بیر  سینمیش  اوره کده  دوزه له ن  دئییل 

قالسین  سامان یولولارین  چاتلاماسی ! 

یوخ 

بیلیره م 

قوی  بوتون  عاله مده  بیلسین 

اوله نله ر  دیریلسین 

لال  ائل له ر  دیل  آچسین  !

ـ اولسا  هه له !

یئر  یئرینده ن  اویناسا 

قارانلیق  آغا  دونسه

آغلار  دونوب  قارالسا

عاله م  بوتون  ته پچووور  اولسادا 

هئچ  نه  اولمویاجاقدیر !  

هئچ  نه !!!

کونولوم  دونمویه جه کدیر !  

اصلا !!!

هه رکیمسه  اولورسان  اول   

سه نیله یه م   

هئی   

سه نه  دئییره م :

یوللاردان  گه له ن  قوناق  

ائو  صاحاب 

اوزگه 

تانیش 

هه ر  کیمسه  اولورسان  اول 

سه نیله ییم 

سه نه  دئییریم

هه ر نه  خوشون  گه لیر  گه تیر 

آپار  

آزدا  اولسا 

چوخدا !

سیل 

توت 

وئر 

خوشون  گه لسه ده  آل ! 

گئدیرسه ن  گئد 

قالیرسان  قال 

باخیرسان  باخ  

قیچین  آلتا  سالساندا  سال  

جانیمی  آلساندا  آل 

ایسته سه ن  جاندا  وئره   بیله رسه ن !!!

یاتیرسان  یات 

توتورسان  توت  

آتیرسان  آت  

باتیرسان  بات 

چیخیرسان  چیخ

خوشون  گه لسه ده  اونود !  

اونود !!!

ایسته رسه ن   گویده  توت 

باشین  اوسته  قویساندا  قوی  

ایسته مه زسه ن   

بوراق  آخار  سویا !

آت  ده نیزه 

باغلا  داغا 

داشا  

تیکانا !!!  

ده ن  کیمی 

وئر  قوشلارا ! 

توک  یوللارا  

آت  چول له ره  

چایلارا !

آنجاق   

الینده ن  نه  گه لسه  ائیله !

قورباندا  که سه  بیله رسه ن 

مه نیده 

قاباقیمدادا ! 

هانسیندان  خوشون  گه لیر  اویله  اولسون  

گول له ریم  مه نیم  قوی  سولسون 

اوره گیمده  اولسون ! 

دیریلده  بیله رسه نده !!!

آمما 

بونو  بیل  

بیل  بونو  سه ن    

سه ن

سه ن  مه نیم  گوزله ریم  گوزلویه ن  دئییلسه ن ! 

نه    سه ن 

نه ده  اوبیریسیله ر ! 

بورادان  آیاجاق 

گونه شده ن  گویه جه ک  

گویده ن  اویانلاراجاق  

هئچ  یئرده 

هئچ  حالدا   

یازیلمی ییبدیر  گوزله دیغیمین  آدی ! 

مه نیم  گوزله ریم  اینتیظاردا  دئییل !!! 

بونو  بیل  

بیل !

بیل  بونو !!! 

اینتیظاردا  دئییل  گوزله ریم 

ایچیم 

ال له ریم ! 

هئچ  نه یه !!! 

سه نه ده ! 

بیر  گون  اولسا 

اوره گیمده   اینتیظار  گولو  بیته نده 

یاراناندا

بویله  گون  گه له نده 

بوجور  اولاندا 

اوزو    گه له جه کدیر !   

کیم ؟ 

اینتیظاریمین  صاحابی !!!

دئمه میش 

سه س سیز   !!!

هاوا  کیمی 

نه فه س  کیمی  

گونوزده ن  آیریلان  گئجه   کیمی

گئجه ده ن  اوزاق  دوشه ن  گونوز  کیمی !

عومور ...

قالمادی  عومورده ن  فورصه تله ر 

گئدیبدیر  چوخو 

کئچیب  گئده نله ر 

قالیبدیر  آزی ! 

گورموشوخ  پاییزی  یازی 

قیشین  قار  ایچینده 

یاییدا  گئدیر  بوگون ! 

بیلیرسیز 

عومورده ن  گئدیر  بونلار  بوتون  

اوزاقلارا  کوچه ن   قوشلار  کیمین !