نی یه ؟

اوزو  

گه لدی 

آپاردی  یئل  بیله سینی ! 

بیر  سیرا 

ایکی سیرا 

مین  سیرادیر  بویله دیر ! 

بیله ن   یوخ   نی یه سینی ؟

اودجاق ...

توتولو بیر هاوا 

گوی گیزله نیبدیر  بولوتلار  دالیندا !

یئر ؟ 

یئل ایله  اسیر !  

بیزده  اوزوموزده  ادیریک   سئیر ! 

هئچ  دئگینه ن  

باتلاق  یادا ! 

ازیلمیش 

توتولموش 

سولموش !

بیر  یاددان  چیخمیش  اودجاق  دئگینه ن !

یاشامیم ...

توکومدن دئییلیم
اوره گیم داملا داملا یاغیر گئدیر
آخیر !
گوزلریم اوچور تاپماسادا اوتورماقا یئر
اللریم گول دریر
وئریر یئله آپارسین اولمویان یارا !
بوغازیم گلیب هارایا
کیمسه یوخ ؟
قاییدیر اوزومه  سه س
گلمیر داها نفس
بسدیر بس !
قانادیم یوخ گویلری آلام !
قیچیم گئدرلی یول تاپمادی
گرک بورادا قالام !
یاشامی آختاردیم عومور بویو
بیری دئدی توپراق
بیری دیل
چوخو دئییر هله گل خوش اولاق
آزی آختاریر آزادلیق !
یاشامی تاپا بیلمدیم
آنلامادیم
نئجه بونلاردان دانیشیم ؟