خیابانی پیس : یاس ایله توی ...

خیابانی پیس : یاس ایله توی .

گونش اوینویا اوینویا گویه چیخیر .

اکینچی چولده جوت سورور ، بوغدا اکیر ، سونبوللری سوواریر ، گووردیر ، گویده اولان گونشه باخیر و اوز تانری سینا دوعا ائدیر .

قاراتوکور اکینچی نین دوعا ائیلمگین گورور و باغیریر ، قارا پارچالاری آغاجلاردان آسیر ، او بیر ایپلی اوخو کامان ایله گویه ساری آتیر و گونشی گویدن یئره یئندیریر و بو ایش ایله قارانلیقی یاییر .

اکینچی باخیر گویه ، گونش یوخ اولوب ، آختاریر ، تاپا بیلمیر ، سونبوللر سولوبلار ، اکینچی بیر گوشه ده اوتورور آغلاییر .

قاراتوکور گونشی باغلاییر آغاجا و اونو شاللاق ایله وورور .

آی یوخودان دورور و چیخیر گویه ، گونشدن یوخ سوراغ ، آی گونشی آختارا آختارا یئتیشیر اکینچی یه ، اوندان گونشی سوراغلاشیر ، اکینچی دئییر نه اولوبدور و قارا پارچالاری گوستریر اونا .

آی قارا پارچالاری آشماقا باشلاییر .

اکینچی اوتوروب یئره و آیا باخیر .

قاراتوکور گلیر و آیی شاللاق ایله وورور .

گونش اوزونو اوتایا بوتایا چالیر .

آی و گونش اکینچیدن کومک ایستییرلر ، اکینچی ایستییر اونلارا کومک ائیلسین آمما قاراتوکوردن قورخوب و یئریندن دورمور آیاقا .

آی و گونش چوخ چاللاشاندان سونرا اللرین بیربیره وئریب و اولورلر .

قاراتوکور اکینچینی جوته باغلاییر و اوزونه قول ائیلییر .

یاسدیر .

گونش ایله آی اولوبلر .

اکینچی باشینا چالیر و آغلاییر .

آی قارا پارچالاری آشماقا باشلاییر .

اکینچی اوتوروب یئره و آیا باخیر .

قاراتوکور گلیر و آیی شاللاق ایله وورور .

گونش اوزونو اوتایا بوتایا چالیر .

آی و گونش اکینچیدن کومک ایستییرلر ، اکینچی دورور آیاقا و آی ایله ال اله وئریر و قاراتوکورو اوزاقلاشدیریر و گونشی آغاجدان آچیر .

گونش ، آی و اکینچی قاراتوکور ایله ووروشورلار و اونو قاوالی ییرلار .

تویدور .

گونش ایله آی گویده اویناییرلار .

اکینچی سونبوللر ایچینده اویناییر .

                                              سون .

                                                                                                           93.01.23

                                                                                                                                                                                      آس اولدوز . آس اربایجان . ایری آنا .