یاشامیم ...

توکومدن دئییلیم
اوره گیم داملا داملا یاغیر گئدیر
آخیر !
گوزلریم اوچور تاپماسادا اوتورماقا یئر
اللریم گول دریر
وئریر یئله آپارسین اولمویان یارا !
بوغازیم گلیب هارایا
کیمسه یوخ ؟
قاییدیر اوزومه  سه س
گلمیر داها نفس
بسدیر بس !
قانادیم یوخ گویلری آلام !
قیچیم گئدرلی یول تاپمادی
گرک بورادا قالام !
یاشامی آختاردیم عومور بویو
بیری دئدی توپراق
بیری دیل
چوخو دئییر هله گل خوش اولاق
آزی آختاریر آزادلیق !
یاشامی تاپا بیلمدیم
آنلامادیم
نئجه بونلاردان دانیشیم ؟

حه سره ت ...

ساچلارین  ساری  

اوزون اوزون 

الیم  داراق  اولماسا  نه  اولسون ؟

گوزله رین ؟ 

باخمامیشام  دویام   ده نیزله رده ن !

گویله ره 

اورمانلارا   

بوتون   بویالارا    

گوزله رینه   حه سره تیم ...

اویره نجی ...

بیر قیچیم  بورادا  بیری  تئهراندا 

یورولدوم  داها 

قورتولسایدی بیر ! 

یازیرام 

پوزورام 

به لکه م   سونا  یئتیره م   ده رسیمی ! 

قوجالیق چاغیندا   آشمیشیک  اوزوموزه   توکان بازار  !

الیم  یازار 

بئینیم  دورار  

روحوم   اوچار ! 

آمما 

گوزه لدیر   بویله   یاشام  

اویره نجی   اولماق   بیر  موتلو  حه یات !

بویله سینه  بازام 

اوله نه جه ک    کئشگه   بویله   اولسون  

اینشالاهین   یئتیر  سه نده   دوستوم ...