مال داوار ...

یوخلامیشدیم 

گوروردوم  اولموشام  چودار ! 

مال داوار  آلیب ساتیرام !  

بیرینه   ساتار   بیرینده ن   آلار !

نئچه ؟ 

_ باخیرام  داواردان داوارا  !

هئچ نه  قانمیر !   

یونوده  وار ! 

نه  یئمه لی  قاتیقی !

اولدورسه نده   چیخماز   سه سی ! 

بیر بئله ! 

بو ؟ 

اینه کدیر  تایی یوخ ها !  

باخدا !

ائوده  یاتیر  ائشیکده  گوزو  بیر  یونجا  گورور !  

آپارسان   گورمه زسه ن   ضه ره رین ! 

اولدو 

نئچه  دئدین ؟ 

یولا   گه له ریکدا !

هه ن   بو   ائششه کده   وار  هه له ! 

ایشله ییر   ایش   اولا !  

ایش   دئییره م  ها  !

یوک  وور  قاپان   چه کمه سین ! 

نه   اولدو   آلدین ؟

داواردان  داوارا 

بالاغدان  بالاغا 

باخیب   کئچیره م !

یه وه ره له ره ده    باخدیم    کاللارادا ! 

اونلاری  مه نه   دئدی  ساتمارام 

ساتمیشدی   بیر   قادینا ! 

ها  بویله   آختاردیم   مه ره حده ن   مه ره یه 

طووله ده ن   طووله یه !  

بیر  اوکوز  دوشدو   دالیما ! 

قاچدیم  آنجاق !

بیرده ن   یوخودان   دوردوم   قاچاندا! 

شوکورله ر   اولسون   تانریما  !  

یاخچی   بونلار  اولدو  بیر  یوخو  !

ایندی   ائو   دولموشدو   مال داوارلا   یوخسا ! 

قانان  اولا   اوزو  سالا  باشین   آششاغایا ! 

یوخسا  دئییره م   بیر  فیریشته  الی باغلی  اولوب  هئچ  ایشده ن  چیخا  بیلمیر  نه  فایدا  اونا ؟ 

بیلمیره م  الی  آچیق   اولسایدیدا  بویله  اولاردی   یوخسا  یوخ ؟! 

ایمانیمی   یاندیرا   بیلمه ره م   سوزون  دوزو ! 

بودا  قوجالار  سوزو !

آمما 

بیلیره م   بونو  کی  

بیلمی یه ن 

آنلامی یان  

هئچ  نه یی   قانمی یان

الی باغلی   اولانین   دوز  اولماسیندان  یاخچی  اولماقین   بیلمه ک   اولماز   

اونو  گوردون   دایان !

الی  آچیق   اولانین  

آزاد  یاشی یانین   تاپ

بیلیرسه ن   آختار  تاپ  بیله نین   ! 

بیله بیله   ائیله مه سه   پیس  ایشی 

گئدمه سه   پیس  یولا 

دوز  اولسا 

اوندا  وار  ارزیشی ! 

بویله   آدام  بیلله ندیریر   ده یه رین !

دوز  اولسا   تاپیبسان  بیر  یاقوتلا  جه واهیر  

_ بیرله شمه ز   آمما   چا ره   یوخ   دیلده ن   گه لیر  بویله   دئمه ک !

سوزون   نه دیر ؟ 

اینانیرام   بونلارا یاشامی  ساده   توتسادا  بو  سوزله ر ...

نه ده ن ؟

هه ر ده ن   آدام   ایچینین   سانجیسین    سویلی یه    بیلمیر 

هه رنه ده ن   دئییر 

هه ر  سانجیسین   گوسته ریر 

آمما 

ایچینین  ایچینده کینی   گیزله دیر    

یاریملا  سوزوم   اولدو  

ـ یاریم ؟!

هه رنه ده ن   دئدی 

یالانلاردا  قاتدی   دوزه  هئی   سوز  آچدی 

سویله دی 

ـ هه رنه ده ن ! 

اوز  اصلی  ده ردین   دئمه دی  

یالانلارین   ائشیده نده    ده لی   اولوب   ایچیمده ن  قوپوردو   هه لوولار !

گوره ن   دئییردی   بویله  اولسا  او   

پیسلیغی   سه نیده    توتار   

اوزویون   اینجیدمه  اوندان   ال  چه ک !  

ده لی   اولورسان  داها !

سویله مه دیم   یالانلارین   بیلیره م ! 

ـ اصلی  ده ردیمی   گیزله دیره م !

آخی   یالانا  ده لی   اولماق   اولار ؟  

او  پیس   دئییل !

اونلا   اولمادان  ده لی   اولسام   یالانلاری   اوچون   دئییلدی

قویون   سویله ییم  

مه نی   اله   سالماسی  اوچون  دئییلدی 

بیله مله   اویناماقی   اوچون   دئییلدی 

بیلیرسیز 

آشکیم  اونا   بیر   دیل  سوزو کیمی  سئودا  آنلانمیشدی !!! 

بیر  ده یاز  سو  توکولمه یله   دوزه لمیش   بولاق  ! 

آشکیمین  جانیملا   بیر  اولماسین 

ایچیمله   ایچ  اولماسین 

روحوملا   گویله رده ن  گویه  قالخماسین 

آشکیمین   داملا داملا   قانیملا  اوره کده ن  آخماسین   گورمه دی ! 

گورمه دی  !

وولکان   اولسا   جانیم 

آلیشیب  یانسا   اوره ییم 

بوکولوب   توکولسه   روحوم   آزدیر !

اینانمادی  آشکیما 

اینانسادا  ایسته مه دی  

زورلا   اولماز   دوز 

زورم   یوخ   اونا  اودا  بیلدی !

آمما 

آشکیمی   اله   سالماق  نه ده نی دی ؟ 

مه نیم   سئوداما  گولمه ک   اولارمی ؟  

اولسون   دئدیم کی  بونلارا   سوزوم   یوخ   

آمما 

نه ده ن  او   اصلی   ده ردین   گیزله تدی ؟ 

دئمه دی ! 

دینمه دی ! 

نه ده ن ؟ 

لاییق  بیلمه سه یدیده   آشکیمی  اوزونه  نه   اولاردی   سویلی یه   سوزونون   اصلیسین ؟ 

ایچینده کی   سوزو   نه ده ن   گه لمه دی   دیلینه ؟

هئچ نه  بیلمیره م 

هئچ نه ...

یوللا ...

هانسی   گوزله ره   یازیم ؟  

باخمادی !

کیمده ندیر    بویله    قارا   به ختیم   ؟ 

هانی    اینتیظار ؟ 

هارالاری   گه زیر   بی وه فا    یار ! 

اوله جه یه م    یوللارا   باخمادان 

نه اولار ! 

توپراقیمدان  بیلیره م   چیچه کله ر    چیخاجاق  

گوره ن   بویله   گولو   یار   بیرینده ن   آلار ؟ 

بیزی   اوندا   یادا   سالار ؟ 

سالسادا   سالماسادا    گوزله رینین   قاداسی   جانیما ! 

نئجه  آغلادیر   شه هریاریمین   سه سی 

گه ل   یوخوما ! 

نازی یان   قوربان   اولوره م   آخی ! 

قالدین  به   سه ن   هارالاردا ! 

زینجیرله ریم   آغریدیبدیر 

نه   اولار   یارالاریما   مه رحه م   یوللا !