قافام ...

دولانا دولانا   سورودوم   جانیمی   

یاواش یاواش  چیخدیم   کوهنه  قالانین   اوستونه  آخشام باشی    

نئچه  ایل  وارییمیش  بو  باشی   اوجا   قالا ؟  

تاریخ  بویو ؟ 

یوزه یوز   بو  گه ره ک   دوز  اولا ! 

یاغیش     که سمیشدی   داها 

گون  داغلار  دالیندا   یوخا   چه کیلمیشدی 

یولون   سئچیب   گئدمیشدی !

بولوتلار  داغیناق   اورادا  بورادا   

هه رده ن   اوزومه   ده ییردی  بیر داملا  !

قارانلیقا  خوش   گه لدین   دئدیم ! 

اوره ییم   قارا 

باخیشیم  قارا 

گوروشوم 

هه ر  ایشیم   قارا ! 

قارا  توپراق  قیچیم  آلتیندا   

آز  چوخلو  بولوتلو  گوی   باشیم  اوسته  

قارانلیقدا   گه لیردی   یولدا  !  

ته په   یالنیز   اوتورموشدو 

یوخ 

گوزله رین   یوموب   یاتمیشدی ! 

غه می  غوصصه نی  آتمیشدی ! 

سویو   توپراقا  قاتمیشدی ! 

باشماقلاریم   چومورلو 

اوزوم  سولو 

باشیم هاوالی 

ایتیرمیشدیم  روحومو ! 

چیخدیم   ته په نین   اوستونه  

قوجا  قالا 

یاشا یاشا ! 

سه ن  قال  باشی  اوجا ! 

باخیردیم   داغلاریمیزا 

هه م  اویاندا  هه م   بویاندا 

دویره لی ییبله ر    بیزیم   باش  اوجا  سولدوزو  ! 

گویه   باخدیم

گوردوم  اوزاقلاردا  بولوت   آلتیندان   چیخان  بیر پارلاق  اولدوزو !

هاوا   خوشویدو    

قیش   گئدیب   داها   قالمی ییبدیر  سویوقو !

ته په   یالقیز 

مه نده   گئدیردیم  یالنیز ! 

دئییرله ر  آدام آتامیزین   بئهیشتی    یئر  اوزونده  بورادایمیش  

گوره ن  آل آلما  حه ووانین   الینده  قوخویوبدور ؟ 

یوخسا  قالیر ؟  

گوره ن   آدامین   اوره یینده کی   آشک   سولوبدور ؟ 

یوخسا   هه له ده   اودو   یانیر ؟ 

گوزوم   آغلاییردی   آمما   بیرده ن   گولدوم  

اونلاردان  بیزه   یئتیشه نه جه ک   آلمانی   جانی وارلار   ده لمیشدیله ر !  

پیسی   قالمیشدی 

یاخچیسینی   یئمیشدیله ر !

ته په ده   سووود آغاجلاری   مه نله  بیرلیکده   گولوردوله ر ! 

اویناماقلارین   قیزلار   ساچی کیمی  یئل  الینده  گوره نده      بیرده ن   دولدوم 

هاوادا   دولموشدو !  

مه ن  بیرده ن   سولموشدوم !

ته کیدیم 

قارانلیقدا   دورموشدوم 

بیر  سونسوزلوقدا   اومموشدوم ! 

سوردوم   اوزومده ن   نی یه   بویله دیر ؟ 

هانسی   نیفرین   توتوبدور   خالقیمیزی ؟ 

نی یه   ایبلیس   دونده ریبدیر   یولوموزو ؟ 

نی یه   چئویریبدیر   ایشله ریمیزی ؟ 

یئل   اسیردی 

بیرده   باخدیم   اوره ییمده   اسیر ! 

روزیگارین  پیس   سانجیسی   جانیمی   که سیر ! 

نئجه   اولموشوک  زامانایا   قولو  باغلی   بیر  اسیر ! 

دیلی   باغلی    

اوره یی  داغلی 

جانی  یورولموش 

قانی   قوروموش 

اولو   گوردوم   اوزوموزو ! 

قافامی  توپراق   اوسته   گوردوم  ته په نین   باشیندا 

مینله ر   ایل   بوندان   قاباقدان   قالمیش 

قیچلارین   آلتیندا   ازیلمیش 

بیلدیکله ریم    بئنیمده ن   سیلینمیش 

اولو   گوردوم   اوزومو ! 

بو  یورولموش   روحومون   یوخدور  داها   دوزومو 

کیمه   دئییم   یانمیش   اوره ک   سوزومو ! 

یانیر   آخی   جانیم 

وولکانیم  

اودلو  بیر   وولکان ! 

یوخدور  ده ردیمی  قانان ! 

ده ردیمه   یانان ! 

باشیمی  دیزی   اوسته   قویوب  حالیما  آغلی یان !  

یوخدور ! 

یوخ   یوخدور  ! 

یوخ !

دوشوره م   یاواش یاواش   ته په  اوسته ن    آششاغی یا !  

قافام   قالیر  هه له ده   دانیشا دانیشا   قوجا   ته په ده ! 

چیراغلار  گوزومو   اینجیدیر 

آداملار  بیر به بیر  مه نی   دیندیریر 

نه بیلیم   سوزله ری   نه دیر ! 

قافام  قالیب  قوجا قالادا ...

پیس به نده یه م بیلیره م ...

یاخچی بیر  به نده   اولمامیشام    

بیلیره م   تانریم 

مه ن   هئچ 

بیر بئله  سوز  یازدیم 

حاییف   دئییلدی  که له مه له ریم ؟ 

سه ن کی    بیرگون   گوزه ل    که له مه یه   آند  ایچیبسه ن ! 

نئجه   قییدین   گه له له ر   قه له میمه ؟ 

وای   یازدیکلاریما 

وای   دیلیمه ! 

بیر بئله   آدام   ایچینده   نی یه   مه ن ؟ 

بیر  بئله  آدام   ایچینده  نی یه   او ؟ 

یئنیده   دینمیرسه ن ! 

بونادا   دوزه ره م  

نه   اولار   دوزسه م ! 

هئچ ! 

بیلیره م ! 

بیلیره م   سیررین   آچاجاقسان   بیرگون !

اوزویون   اوتایلارا   توتما   تانریم  

بیزه ساریدا  بیر دون ! 

نه  اولار ! ؟ 

بو  گئجه م   سه حه ر   اولسایدی  

گونه ش   بیرده   دوغسایدی 

گوزله ریم   اوفوقلارا  باخسایدی 

آختاراردیم   اوزومو 

اوزاقلاشان  روحومو !

بیر  جئیرانا  داش   آتدیم 

بویون   خه لوه تیمده   واللاه   یوز   ره حمه ت   اونا   دئدیم  ! 

اوزگه ده ن   ایسته سه یدیده   توتا  سونبول ! 

شه ره فین   ساتیشین  آلماق   ایسته سه یدیده !

اوندان  پیسینه ده   احسه ن   یوللادیم !

چیرکین   روزیگارین   هه له ده  وار  بوندان  آرتیق  موندارا   دوشموشو ؟ 

دئشیب   یئتیردیم 

لاب   دیبینده کینده  بیلدیم !

ـ یوخ   اولا  بیله ر   هه له ده   اوشاقلار کیمی   آزینا   راضیلاشمیشام ! ؟

بیلمیره م ! 

آمما   ووجودومون   تیتره مه سین   گوروره م 

نه  پیس   اوشویوره م  !

یوخ 

بیر  قورخولو  سیچان کیمی  بوزوشموشه م  !

سانجی   که سیر  باغریمی 

جانیم  بیلیر  آغرینی 

قورتارمی یاجاقسان   بو  دار  گونو ؟  

هانی   بویله   سئودالارا  راست گه لمه یین   سونو ؟ 

کاشیا   گورمویه ردیم   اونو ! 

اولسا   بویله  کیفیر   یاغار   سولار 

گور  باتلاقلاردا    نه له ر   وار  ؟

به سیمدیر 

جانیم   داها   آشک   آختارماق      ایسته میر  

ایسته میر  ! 

ایسته میر  !

اوزومده ن   ائشی یه   چیخمارام  داها 

وای   بوگونکو   حالیما 

وای   بویله   روزیگارا  

وای ...

باخما ...

اوره ییمی   که ده ر   آلیبدیر  

جاوابسیز  سوزومه  فیکیرله شیره م  

بیر  شئی   سه نده ن   قالیبدیر ؟ 

سه نین عاده تله رین   سه نیله   قالمالیدیر  

سون گونه جه ک ! 

یارالیسان   بیلیره م ! 

ـ یولدان   بیرین  گوتورمه کله ری یین   ته رک  ائده  بیله جه کسه ن ؟!  

اوره کده ن   اونا   گوله جه کسه ن ؟ 

بیر   آشک کیمی ؟

سه نله  آرامدا  آشک   یارادیردیم 

ایندی   بیلیره م 

نه ده ن   اولمامازدیقین   ایندی  قانمیشام  

ـ ایچه ریده ن   یانمیشام !  

چوخ   گئدیبسه ن   گیزلین   یئرله ره ؟  

هه ر   نه یی   آتمیشام ! 

نه له ری   دانیبسان ؟

ـ بویله   اوچماق   اولار ؟ 

بیلیرسه ن 

داها  اولماز   مه نله   اوچماقین 

بیرله شمه غین !

سه نی  مه ن  او یئرله ره  آپارا  بیلمه ره م 

نی یه   اولاردی  آیریسی ایله  گئدمه سه یدین    !

آمما   سه ن   بیر   اویره نمیش  اولوبسان 

گولوم  ایندی   داها   سولوبسان !  

اویره نمیش   اولما ! 

اولما ! 

بونلاری   اویره نمه ! 

گئدمه !

کئچمیشین ایله  ایشیم   اولمازیدی  

چه تینیدی 

آمما   سوزوم  اوسته  واریدیم !

گه له جه کده  عاده تله رینله   ساواشا  بیلمه ره م  

گئدیره م 

نه  دانیش 

نه  یولا  سال 

نه ده  دالیمجا  باخ !

قال 

اوزونله  قال 

ایسته سه ن  دالی یاندا  باخ 

گور 

گور  نه له ری   خاراب  ائدیبسه ن ...