بویله دیر ...

مه نه  نه وار   الی   کیمین   الینده 

دئدیم  کی   حالیم   یوخ   فیکیرله شه م  یالان   خه یالا   

بیر باشلی  سئودایا !

به سیمدیر  ایکی  ایل  یالانلارلا   یاشاماقیم ! 

یوللارا   باخماقیم !

هارادا   اولور   اولسون   

گه لیر  گه لسین 

گه لمیر  گه لمه سین !

گورسه   گوروب   گورمه سه ده   هئچ 

آزاد  اولموشام   خه یالدان ! 

ایندی   واقت  اولوب   اوزومه   دی یه م   هان   اوغلان   گئد   بیرینی   سئچ ! 

جانی   اولسون 

جاناوار   اولماسین ! 

اوزو   گولسون 

قیرجانما  گولوشویله   آدام  اولادین   اینجیدمه سین ! 

گوزه ل   اولسون 

گوزه للیقیله  ایگیتله ری   بیربیرنه   زینجیرله مه سین ! 

ـ بیر  باشی   بورا    بیریده   باغداد  باغلاریندا !  

قاپلاریندا   گوزه للیقی  اوچون  بیر  سیرا   ائرکه ک

ده وه له ر   یاتیب   یان یانا ! 

هاممیسینا   سویله ییر  جانا !  

یوخ  بویله   گوزه ل  ایسته مه ! 

نه   یولداشلیقا 

نه ده   ائوله نمه ک  اوچون ! 

اولدودا ؟

ائوله نمه ک   دئدین  بونودا   بیل 

یا   گه ره ک   هه رنه یین   اولا  

قالمی یا  هئچ  نه  کی  وار  یاشام  ایچینده

دی یه سه ن   اوزویه ن   آلارام   بیرینی  اولا   ائوده   آروادیمدا !  

اودا  اولسون  ائوده   اولانلاردان  بیری !!!

یا 

آشیق  اولاسان   بیرینه  کی  اولمویا  گوجون   اوزاق   گه زه سه ن   اوندان  

چه که   سه نی  اوزونه  ساری ! 

اوندان  قاچانمی یاسان !    

یادا 

ائوله ندیغینله  یار  اولاسان ! 

نئجه ؟ 

یاری   اوندان 

یاری   سه نده ن ! 

او   سه نین   یارین 

سه نده   اونون  یاریسی ! 

سه ن   دی یه نده   هانی   یاریم   گوره سه ن   یارین   اودور 

او   دی یه نده   یاریم  هانی   سه نده   گوره   اوز  یاریسین ! 

مه ن   اوزوم   اوچومجونو   آختاریرام  عومور  بویو 

اینشاللاه   دئ  به لکه م   بیرگون  بیزیمکیده   گه لسین  تاپیلسین ! 

مه نیمده   بو   باغلانمیش   اوره گیم   آچیلسین ! 

ائوله نمه ک  اوچون   ته له سمیره م   

یاریمچیلیق   قالیب  جانیم  

اوزومو  آختاریرام   

بوتون   اولماق   ایسته ییر  ایچیم  

آمما   یوخ   تانیمامیش 

گورمه میش 

گوزو  یومولو ! 

مه نیله   ائوله نه ن  یاریم  اولماسا   یوز  ایلده   ائوله نمه ره م 

یاریمی   تاپاناجاق   مین  ایلده    اولسا   دوزه ره م !

ایندی   هه رنه   اولور   اولسون ...

قالمادی ماراقیم ...

بیرزامانلار  واریدی  بیر  ایشاره یه   گئده ردیم   داغدان داغا 

یوخ   

دئگینه ن  بورادان  قافا  

یئنیده  آزدیر !؟!

آیدان  آیا  !

اولدو ؟ 

بو  اولدوزدان  او   اولدوزا ؟!؟

هه ن   گئده ردیم ! 

اینانمیرسان ؟ 

مه ن   دئدیغیمی  دئدیم !   

سه نده  اینان !

ـ قالمادی  ماراقیم !

اینانسان  اینان 

اینانماساندا   اینانما ! 

ایندی به ؟ 

آی  جانیم  دئییرله ر  اولوبدور   قوجا 

ـ بو  سوز  دوزدور ها ! 

داها  ایشاره  کی  هئچ  

ـ قولاق  آسیرسان  بونا ؟ 

بیر  باتمان  قاش  گوزله ده  قانمیرام   سوزله ری ! 

یوخدور  داها    گئدمه ک   اوچون   قیچیم    آنلاسامدا !   

یارین  ایشاره سی   اولسایدی  جاندا   وئره ردیم !

قورخورام   گه له  بیرگون  اونو  تانیمی یام  داها ! 

هانی  آخی   گوزله رده   ایشیق ؟ 

ال قولدا  یاراشیق ؟ 

یورقون  جانیم  یاللانمیر   سوزه   سوزون  دوزو ! 

دئییر  گه لسه   گه لسین  اونون   اوزو ! 

قالمی ییبدیر   اعتیبار  اوندا 

هارا  آپارا   بیله ر   بیزی  یارین   سوزو ؟ 

گوروره م   هه ن   یاواش یاواش   قالمیر  گوجوم  یول  آپارماقا  جانی 

جانان   هایاندا  قالدی ؟ 

بیلمیر   بونلاری  اوره ک   

اولار  بیر  سیرادا  تیتری یه   ایچیم ؟ 

اسه   یار  اوچون   الیم ؟ 

باخا   یوللارا   حه سره تله   گوزوم ؟ 

اولار  هه ر   یئرده   گوره م  یاری ؟ 

اونون  اوچون   مه نده   اولمویا   دوزوم ؟ 

نه   بیلیم ! 

ایندیسی   بویام 

ـ یورقونلار   یورقونو ! 

صاباح   نه   اولاجایام ؟ 

یاری   یاددا   ساخلایاجایام ؟ 

هئچ نه   بیلمیره م 

بیرجه   حالیمین  یوخ  اولماسین   آنلاییرام ...

هانی ؟؟؟

بیری قان قان  دئدی 

بیری 

ـ سه ن   بو  بیریله ری   چوخ   توت ! 

بیری  تانریدان   سوز   آچدی 

ایلده ن   نئچه  گونون   آغلادی 

هه رده ن   اولدور کی  باشینا   ووردو   

چیغیردی 

چاغیردی   اونو  بونو    !

باغیردی  

ایسته دی   ائشیدیلسین   سه سی !

گوردوم  وه قتی  وار  تانرینین   یادینا   دوشمه ک   اوندا ! 

هه ن   وه قتی  وار ! 

هه له  وه قتی  وار  هئچ  آقانین  آقاسیدا  وار ! 

یئر گوی  قارا  گیرسه  بیرجه  آقاسی  گولسه  به سدیر ! 

بوتون   اینسانلار  آیاق  آلتیندا  قالسا  قالسین  آقا   دینمی ییب  کی ! 

اونلارین   یاردیما   چاغیران   سه سی   بیرجه   سه سدیر ! 

آنجاق  آقاسی  اونا  به سدیر !

گوردوم  سویله ییر   دوزلوکده ن   بیری 

یا دا وار  سوزونده  پیسله رده ن    اوزاق   یاخچی  سوزله ری !   

دئمیره م   روزیگاردا  یاخچیدان   سوز  آچان  گورسه نمیر 

گورسه نیر ! 

بو  روزیگاردا 

بیزیم   زامانادا

هه رنه ده ن    سوز  آچیبلار 

هه رنه ده ن   کی   اوبیریسی   اولکه له رده  یئرینه   دوشوب  

گویده ن 

یئرده ن !

گوردوم   بیر  سیرا   وار   اوزگورلوکده ن   دانیشرلار 

بیر   سیرا  ساقدان

سولداندا   دانیشان  وار ! 

باخیرسان   گورورسه ن   گه لیر   بیر  سیرانین   آغزینا  ارنستونون  آدی !   

ـ آلیب  شانانی  اونون  توکون  دارار !

ها بویله  گه لیر  آغیزلارینا  اوبیریسی  آزادلیق  آختارانلارین  آدی !

بیری  های   سالیب  گه لین   بیزیم   سیرایا  آی  قیزلار  ! 

بیری  وار  دانیشیر  فمنیستده ن  ! 

بیری   دئییر   هارای  هارای ! 

سه سی   گه لیر  اویاندان   شاه  سئوه نله رین  

ده یازدیر   سویو 

یوخ   بیر  پینارلاری   اولسون   ده رین ! 

اودوزموش   خالقی   خالقدان   دانیشاندا  وار  

خالق   ایچینده   یئری   یوخ   

نه   قالیب   ناموس   نه ده   عار ! 

باخسان   گورسه نه ر   دئموکراسیداندا   ده م   ووران  وار ! 

هابویله   باخ  گور  هه ر نه ده ن   وار   ایچینده   بو   اولکه نین !

سون  عیصیاندان  سوز  آچاندا   گوردوم  

کیم   کیمی   آختارسین  تاپسین ؟  

وار  آنجاق  هه ر جوره سی   بونلاردان  ! 

مینیش   وئره ن 

مینیش   وئرمی یه ن !

ائششه ک   اولان 

ائششه ک   ائیلی یه نده   !

بیله ن 

بیلمی یه نده ! 

بیری  دئییب  دئدیکله ری   سوزه  باخما   

باخ  یاشاملارینا !

اونلارین   سوزله رینه   قولاق   وئرمه ییب   باخدیم   یاشاملارینا !

گولوش   توتدو   بیله می ! 

یا ! 

آخی   گئجه  گوندوز  آت کیمی   ایشله مه کده ن 

دونقوز کیمی   مینیشمه کده ن  

قارقا کیمی  دئییشمه کده ن 

یادا  ایت کیمی  ووروشماقادان   آییلیرلار ؟ 

یوخ  یالان  اولدو  سوزوم  

سوزومه  بیری  قولاق  آسار ؟

بیر  سیرا  مال داوار کیمی   گه وشه مه کده دیله ر ! 

یا  بیربیرینین   اتین   یئمه کده  

بیر بیرینین  باشینا  بورک  قویماقدا  

اونو  بونو   ساتماقدا !   

ـ بونلا  یوخام !

یادا  ساشماقدا ! 

ـ بونلا  وارام !

پیسی   توتوب   یاخچینی  آتماقدا !  

ـ حارام  حارام  حارام  !

بیر سیراسیدا  مه نیم کیمی   یاتماقدا ! 

هانسیمیزین   یاشامی   سوزویله  بیر   یولدادیر ؟ 

کیم   دئدیغین   آختاریر ؟ 

آخی   هانسیمیزین   وه قتیمیز  وار   فیکیریمیزده   اولسون ؟ 

فیکیرله ری   بیزه   دوزه لدیبله ر ! 

یوللاری   بیزه   به زی ییبله ر ! 

ایشله ری  بیزه   یارادیبلار ! 

هانسی  اینسانی   آختاریرسان   اوزو  اولسون ؟  

اوزو  قالسین ؟ 

اوزو   قانسین ؟

هانسیمیزین   سوزوده   اوزونون   

یولودا   اوزونون 

بیلدیغیده 

بیلمه دیغیده   اوزونوندور ؟ 

هانسیمیزین ؟ 

هانسی   اوزگورو  آختاریرسان ؟ 

قیزلارا   یازیلیب  بیر سیرا  ایشله ر 

اوغلانلارادا   اونلاردان   پیسی  !

آنجاق   اوزله رینده   اولسونلار 

نه چیخسین   سه سله ری 

نه تانیسینلار   یاخچینی 

نه ده   پیسی ! 

دئمیره م   قالمی ییبدیر   آدام 

وار  بیر  سیرادا   ایناملاری  وار 

ـ هه له   دی یه ک   اولسون   بیر  داشا ! 

نه  اولار ! 

دوز

بویله سیده  وار 

آمما 

هانی  یاشامیمیزین  یولو   گوزه للیکله ره   ساری ؟ 

هانی ؟؟؟ 

اوزوموز   پیسه دیر !

اوزاقلاشیریک   یاخچیلاردان 

اولماسا   بونودا  دان !