ته رسا قیزی ...

نه ده ن   اولماسین  بیلمه دیم  آنجاق 

نی یه سینده 

نئجه سینده 

قالمیشام  هاراداندیر 

مه ن  کی  ته رسا  قیزی  گورمه میشه م    

یاخیندان   گوروب   سئومه میشه م  

به  هاراداندیر  اوره گیمده  اولان   آشک    

ته رسا بالاسینا ؟ 

هارادان   گه لیر   

بو  اوزومده ن  اولماق   آدی   گه له نده ؟ 

آخشام   اوستو   بیری   دئدی   

صه نعان   دینینده  وئردی  ته رسایه !

هاوالاندی  کونولوم 

اوچدو 

گویله ری  آلدی  بیرده   اوره ک   ائشیده نده  ته رسا   آدینی 

بیرده   یادا   سالدی  ته رسا قیزینی !

بویله  سئودا  اولارمی ؟ 

گورمه میش 

تانی مامیش 

دوداقلارین   اوپمه میش ...

بیر ...

اولور  گئده م  فیکیره 

هه رده ن 

ده رین  ده یازیلا   ایشیم  یوخ   هه له ! 

دئییره م  اوزو  گوزه  گورسه نمه سه ده  

گورسه نیر  گوردوغو  ایشله ری  

قوردوغو  قورقولار !

تانریلا   قونشو  اولوبدور 

اولوب  اونا  اوخشار !  

دئییبله ر   آدام   گه ره ک  اوخشویا   تانریسینا  

بوتون  آداملار 

دوز  

آمما  دی یه رسیز  گوره ک  نه ده ؟ 

بیر  گیزله نمه کده ؟ 

آرادا  اولماماکدا ؟ 

داها ؟ 

تانری  مین  شه کیلده دیر    

ـ شه کیله   دوشمه سه ده !

اوزونو  گوسته ریر 

اونو  هه ر   نه ده 

هه ر  یئرده 

هه ر  طه ره فده   گورمه ک   اولور !

تانریدان   اویره نه ن   اینسانلار  نئجه ؟ 

گورورسه ن   بیرینی   باشاریرلار 

تانرینین   ایشله رینده ن   بیریسینی   اویره نیبله ر 

بیر  باشاردیکلارین   بئجه ریرله ر ! 

اوبیریسی   ایشله ر ؟ 

هئچ   سوراغ  توتا   بیلمه زسه ن ! 

مین بیر  آدی  اولسا  تانرینین 

مین بیر  باشارماق  باشارسا 

مین  بیر  یولو  اولسا 

بونلار  بیر  بیریسین  بیلیرله ر 

مین بیرده نه ده ن   بیرجه  بیر ده نه سین 

بیریسین   بیلیرله ر !

بودور  کی   تانری   اولا   بیلمیرله ر  

اولادا  بیلمی یه جه کله ر 

آخی 

اولا  بیلمه زله ر  ...

کئشگه ...

توپراقلار  آغیر آغیر 

بیر  بیر 

یوز  یوز 

اوستویه ن    گه لیر  ! 

ایری    

دوز 

دوز    

ایری  !  

توپراقلار  قالخیر   هاوایا   اولور   توز 

توز توپراق !

باخیرسان   سه نده   اولوبسان  توز 

توپراق  اولوبسان ! 

گورورسه ن

هه ر   بیر  توزلا  قاریشیب   اوزاقلاشیرسان 

یاواش  یاواش   گویه   قارخیرسان 

اوچورسان ! 

بیرده   دونوب  گورورسه ن   هاممی   قالیب  یئرده 

بیرجه    سه نسه ن    گئده ن 

گویده !  

اوجا  اوجا  !

گوره ن  هانسی  سامان یولوندا   قوناجاقسان   یئره   بیرده ؟ 

ایل له ر   کئچیب   گئده جه کدیر 

سه نده ن   بیر  او   توز  قالاجاکدیر 

بیرگون  بیر  تانیش  آیاقین  آلتیندا   باش   قووزویوب   اوزونه   گوله جه کسه ن ! 

کئشگه   سامان  یولودان  کئچه ن 

نئچه  ایل   دالداسیندان   اویانا

سه ن   اولاسان ! 

کیم ؟ 

بیر   اسکی  یار 

اوزاقلاردان   گه لمیش   یولداش 

بیر  شیرین  دیللی   دیل داش 

کئشگه  

کئشگه   سه ن   اولاسان  

جانان !

آخی 

سون  گولوش   اوزومده   قالیبدیر 

سولموش 

دورموش 

آچیلماق   ایسته ییر   اوزوم 

اولدوزلاردان  سوروش  !

سوروش    یئریمی 

گه ل ...