بالیقچی ...

قولاقلار  ساللانمیش 

ال  اوزولموش 

گوز  آختارمیر  داها  

آخی   ایندی   داها  یاشلا   دولموش  !  

قالدی   یانا  یانا  !

اولمادی    

بیر   سیرادا  قایماق  آتدی   چایا   بالیق  توتا   

توتا  بیلمه دی

ـ قاچدی ! ؟  

بالیقلاردا   اوخوموشدولار  الینی  

قایماقدان   اوزاق   گه زیردیله ر  

بالیقچینین   گئدمه گین    گوزله ییردیله ر ! 

توردا   آتسایدی  اولمازیدی   فایداسی 

ایش   دوز   گه لمی یه نده   بویله دیر ! 

بازار  دورموش 

ال  بوش 

بالیقداندا   یوخ   سوراغ ! 

بالیقچی   بیر   سویا   باخدی 

بیر   دونوب   یولا   باخدی 

بیرده   اوتوروب   قیزینین   گوزله رینی   یادا   سالدی ! 

الی  بوش   نئجه   گئدسین   ائوه ؟ 

گئتدی !  

قیزینی   چاغیردی   ائوه   گیره نده

اونا  بیر   جوت   باشماق   آلمیشدی   ! 

آروادی   سوروشدو   هارادان ؟

یاواشجا   قایماقین   بوش   یئرین   گوسته ریب   اوزونو   دونده ردی ! 

آروادین   گوزله ری   دولدو  

بالیقچی  دئدی   اوزونه   آللاه   که ریمدیر 

اوزونو   دونده ردی   قیزینا   گولدو  

قیزیدا   اوره کده ن    گولوردو ...

گئدیردی ...

باشدان  آتمیش  آشک  سئوداسین 

الده  توتموش    قان  قونچاسین 

ـ سینه ده ن   چیخمیش  بو ؟

اوره گ   دولو    غه م   بوغچاسی 

آرخایا  باخماییردی 

گئدیردی ! 

ایگیت  اوغلان  قوجالمیش  

آشکدان   یارا   آلمیش

یوللار  اونا  گوج   گه لمیش 

داغلار  اوندان  باج  آلمیش 

قیچلاری  قانلی قانلی  گئدیردی ! 

دورماق   یوخویدو   اوندا  !!!

تیکانلار  گولوردوله ر  

یارالارینا 

یارالانمیش   جانینا  !

گولوشله ر  اوزونده ن   اوچوردولار  

اوجا  اوجا  !

گوزله رینده ن  سولار  آخیردیلار  

آخا  آخا  !

باشیندا  ایلدیریملار  چاخیردیلار  

شاخا  شاخا  !

جانی  اوزولموش   گئدیردی  

حه سره تله رله  گئدیردی 

آرخایا   باخماییردی 

گئدیردی ...

باغلی ...

باغلی ! 

بوتون  یوللار 

په نجه ره له ر 

ده ربه چه له ر ! 

ـ دئدین   دارباجالار ؟! 

باغلی 

بوتون   اوزله ر 

اوره کله ر 

ال له ر ! 

سوزلو  یوخ   سوزونده ن  آلینا   ایلهام 

باشچی   یوخ   یولوندان   گئدیله   

یانان  یوخ   ده رده   قانا    دی یه   قادان  آلیم 

اوزومده   نئجه   قالیم ؟ 

هانسی   یولا   باخیش   سالیم ؟ 

باغلی   یوللاردان  آچیلیشا  اومود  یوخ 

اومودسوزلوق   توتوب  جانی 

ال له ر   باغلی 

اوره کله ر   داغلی 

داغلار  اوجا 

سه س   قاییدیر  باغیرانا  !