آتا و آنا ...

آتام  اورمولودور 

آنام  سولدوزلو ! 

آتام  که ند  اوشاقی 

آنام  شه هه رلی ! 

آتام  اوشاق  اولاندا  آناسی  دونیاسین  ده ییشیر 

سون  ائوینه  گئدیر  ! 

ره حمتلی  اولسون !  

آتام  نه قی اوتاقیندا   قالیر

خالاسی  بویودور   اونو ! 

که ند  ائوینده  ایکی  اوتاق  واریمیش 

بیری  یئتیم قالان  اوشاقین  اولور ! 

کئچمیش  اینسانلارین  ایشی   

گوزومو  یاشلا  دولدورور  ! 

آتام  دئییر   آتاسی  ساده  بیر  آدامیدی 

آروادی  اوله نده ن  سونرا  قاییدیر  قیبچاقا  

بو  که ند  شاهیدا ! 

آتامین  باباسی   

تاقی  بابامبن  آتاسی 

بیر  چوخ  بیلمیش   

قورآن  اوخویان  کیشیمیش ! 

ده ده م   دئییر 

بیر  بو  یادیمدا 

ایلده ن  ایله  بیر  سیرا   

باشینا  اولگوش  ووروب   

گئده ردی  آریلارین  یوواسینا ساری 

باشین  توتاردی  سانجالار ! 

مین  آری ! 

نه  ناخوش  اولاردی 

نه  خه سته ! 

بیر  بونلار  گه لیر  یادینا   اونون  

کئچمیشله رینده ن ! 

آنام  قاراپاپاق  قیزیدیر 

سئیید قیزی ! 

اوشاقلیقدا  دئدیغی  ناغیللار  هه له ده  یادیمدا  قالیر  

شه نگول 

مه نگول ! 

ایندی  ایکیسیده  قوجالیبلار  

تانری  چوخ  گورمه سین  بیزه 

ایل له ر   بویو  ساق  سالیم  قالسینلار  

اینشالاه ! 

بو  گئجه   اونلاردان  یازدیم ! 

نی یه سین  بیلمی ره م 

یازدیغیما  سئویندیم ! 

تانری  یارادان  شیرینلیقله رده ن   بیری 

دئییبله ر  اولاد  اولار 

آمما  مه ن  دئییره م 

آتا  آنادا  وار ! 

اوپوره م   ال له رین  

اوپوره م ...

آریخ یار ...

بو  روزیگاردا 

ائوله نمه ک  چه تین  

هاممی یا !

بیری دئدی  نئجه سین  آختاریرسان  ائوله نمه ک  اوچون ؟ 

آختارمیرام  ! 

دئمه دیم ! 

دوز   

آز  چوخ   

هاممی یا   باخیرام  

سای  سالیرام

آمما 

ائوله نمه ک  اوچون  دئییل !  

ائوله نمه که  حالیم  یوخ  واللاه ! 

اولسادا

بیریله  نئچه  ایل  دوشمه سه م 

آلتینا 

اوستونه   

بوتون  اولدوقونا  به له د   اولماسام

اوتایینا 

بوتایینا   

اخلاقین  ره فتارین   دوروب  اوتوروشوقون   دئیی ره م

نئچه  جور  موقعی یه تده  گورمه سه م

باخماسام

کئفینین  ساز  اولماسینا 

پیس  اولماسینا  

بیلیجی  اولماسام  

هه ر  حالینا

ائوله نه ره م  اونلا   مه یه ؟ 

یوخ  واللاه ! 

البه تده  بونلار  هاممیسی  شوخلوقدور  

سوزدور !

ایسته سه یدیم  ائوله نه م    

نه  فه رقی  واری ایدی   آخی ؟ 

قیز  قیزدیردا !!! 

بیرین  سئچیب   آلاردیم 

ائوله نه ردیم ! 

بو  ایشه  حالیم  یوخ 

پولوم یوخ 

ایچه ریده ن  چیخان  ایسته کیم  یوخ ! 

بو  بیر  طه ره فیدیر ! 

آخی  هانی  مه نی  سئوه ن ؟  

مه نه   گه له ن ؟؟؟

اوزاقدان  به لکه م  خوش  اولام  بیرینه 

توتاق  نئچه سینه 

واللاه  

بیلیره م  اوچ گون  مه نی  ته حه ممول  ائیله مه زله ر  باخ ! 

ائیله کی  هاوالاری  یاتدی 

ائوله نمه ک  هه وه سی  دوشدو  باشلاریندان 

گوزله ری  آچیلدی 

گوردوله ر  نئجه   پیسینه  ایلیشیبله ر 

اوندادیر کی  گه ل  بونون  آلاقین  ائیله !!! 

وای   ده ده !!! 

امینه م   بویله دیر ! 

بونا  گوره  دئییره م    

ائوله نمه ک   اوچون   

بیریله  اون  ایل  ایسته کلی  اولاندا   گه ره ک !  

اوزوده  دوزگون  

بئدونه  که له ک !  

اودا  یاخیندان  

ال  اله 

گوز  گوزه ! 

بیر  طه ره فی  بونلار

هه له    

بیر  آیری  سوزده  وار :

هانسی  قیزی  سئومی شه م    

اودا  مه نی  سئویب 

یا  سئومی ییب 

فه رقی  یوخ  بونون 

آنجاق  ائوله نیب  گئدیب  به خت  ائوینه 

هاممیسی  خوشبه خت  اولوب  

آق  گونه  چیخیب  

حه یاتی  آشکیلا  دولوب !  

هاممیسی !

بیرینده ن  سونرا ! 

اودا  مه نیله  آداخلی  اولدو  بوشاندی !!! 

یاخچی 

ایندی  نئجه  اوزومو  راضی  ائیله ییم    

اوبیریسیله رده  بویله  اولسون  آخی ؟  

آی  جانیم  قوی  گئدسینله ر   اوز  یاخچی  به ختله رینین  دالیسیجاقدا ! 

بورادان   اونلارا 

هاممیسینا   

دوعا  ائیله ییره م 

یاخچی  گونله ر  آرزیلاییرام 

خوشبه خت  اولماقلارین  تانریدان   ایسته ییره م  !

آشکیلا  یاشاملاری  دولو  اولسون 

دیله ییم  اونلار  اوچون  بیر  بو !  

بیزه ده  آللاه  که ریمدیر  

واللاه !

بیر  به ختی  باتمیش  

اولدوزو  یاتمیش

اوزون  سئومی یه نده  اولاجاق  گه له    مه نیله   ال اله   وئره  بیر گون  ! 

کیم  اولسادا  فه رقی  یوخ 

اولسون ! 

بیر  بو  اولسون  کی  اوجا  بوی  اولسون 

اینجه  بئل 

قاشی  کامان 

دوداق  غونچا  

نازلی

اوزون  ساچلی  

سوزو  دوزلو

شیرین  دیللی 

بادام  گوزلو 

آی  کیمی  پاریللاسین 

گونه ش  کیمی 

پارلاق  اولدوزلار  کیمی  ایشیق  ساچسین  اوزونده ن  

هونه ر  یاغسین  الینده ن  

ساوادلی 

ده ره که لی ! 

دوقتور  اولسادا  لاپ  یاخچی !

وارلی   اولسون  اوره گی 

سئوینجیله  

آشکیله !

مه نده ن  سونرادا  اوغلان  بیلمه سین  نه دیر  !

آغلاماقیملا  آغلاسین 

گولمه قیمله  گولسون ! 

دونیادا  نه  یاخچیدیر  اوندا  لاپ  یاخچیسی  اولسون !  

آهان    

بیرده  آریق  اولسون !

بیر  بو ! 

آخی  مه ن  نه  ایسته ییره م  اوندان ؟ 

واللاه  هئچ !!!

گوزه ل 

خانیم 

آنجاق  بوتون  بیر  اینسان  اولسون ! 

وه سسه لام ...

سوز ...

یوز  سیرا  قولاق  آسدیم 

اوخودو 

آعلاما  یاغمور  گوزلوم 

اوخودو  سوزو 

قولاق  وئردیم 

آشکین  یالانی  اولماز !

اولماز ؟ 

اوخودو 

اینانمادیم ! 

واریدی  آخی ! 

واریدی ...