دویمور گوزله ریم ...

داها  نه  دئمه ک  یاشیلدان 

چوله دن  

داغدا 

باغدا 

اوجا  یئتیشمیش   گویده  دولدورمور  گوزله ریمی 

سه ن   اولمویان   یئرده ...

بیلیر ؟

یوخسان  گوره م  گوزله ری یین 

هارالارا  باخیرسانی  بیلمیر   

ائشیدمیر  قولاق   سوزله ری یین 

کیمله رله  دانیشماقی یین  بیلمیر 

گوروره م   سه نی  گویده 

یئرده 

بولوتلارلا  اوچورسان 

پاجالاردان  مه نه  باخیرسان 

یارپاق کیمی آغاجلار  اوسته  ائو  سالیبسان 

اولدوزلاردادا  سه نسه ن 

وارسان 

جانیمدا 

روحومدا 

بیر  تانری   اولوبسان   

اولدوغوما  دولوبسان 

والیقیما 

ایچیمه ! 

سه نده ن  قاچماق  اولمور  خه یالیمین  گوزه لی 

اولومه جه ک   بیلیره م  گونوم  بودور 

گوره ن  اودا  بیلیرمی ؟

ناغیلچی ...

ناغیلیم قورتولوب 

یاریمچیلیقدا  قالسا  سوزله ریمن  یاریسی 

اوزله ر   دونوب  هامیسی 

ناغیلچیدان 

آشیقدان 

سوزو  اولاندان

دوزونه  قولاق  وئره ن  یوخ  زامانادا  

هاردا  قالسین  ناغیلی ! 

یازمی یاجام  داها  قالانیندا 

اولسادا 

اولماسادا 

سوزوم 

ناغیلیم ...