دئرام متنی : یاریمچیلیک تیکیش ...

دئرام    :   یاریمچیلیک  تیکیش   .

                                                                         پئرسوناژلار   : آسکان ، افرا ، آبکان   .

                                                                                                 صه حنه    بیر  یاریمچیلیک   تیکیشین   قاباقیدیر  .

ایشیق   .

آسکان : آبکان ، آبکان گل گوروم ...............................

آبکانین سسی : الیمده  ایشیم وار ...

آسکان : نه  ایشین  اولسا  اوتور  گل  بورایا ، تئز  اول  گوروم .

                                                                                                 آبکان گیریر ایچری یه .

آبکان : جانیم آقام ؟

آسکان : گلن وار ، باخ گور گوره بیلیرسن ؟

آبکان : هانی گلن ؟

آسکان : دیققت ائیله ...

آبکان : گوردوم .

آسکان : کیم اولا بیلر ؟

آبکان : اوزوده  تکدیر .

آسکان : آتسیز   دوه سیز ...

آبکان : قوی گلسین یئتیشسین گورک .

آسکان : یئتیشسه  کی بیلجییک   ، اویان بویانا  بیر  باخ  گوروم   آیریسیدا  اولماسین ،،، قادینا اوخشامیر ؟

آبکان : هئچ  نه  یوخدور  بوبیریسی  طرفلرده ، ، دئدین  قادیندیر ؟

آسکان : گئد توفنگی  گتیر منه .

آبکان : بیر  یالقیز قادین  اوستونه  چکجکسن ؟

آسکان : بلکه م   لازیم   اولدو .

آبکان : لازیم  اولار ! ؟

آسکان : تئز  اول  یئتیشممیش .

آبکان : گتیریم .

                                                                                                 آبکان   چیخیر   ائشی یه  و توفنگیله قاییدیر .

آسکان : گئد ، لازیم اولسا چاغیرارام بیله یین .

آبکان : قالسام یاخچی دئییل ؟

آسکان : یوخ گئد داشلاری چک آپار قیراقا .

آبکان : اوزوجو بیر ایشدیر ها ...

آسکان : تنبللیکدن  هوچ  نه  چیخماز ، گئد ، گوز  قولاق  اول  گلن  اولماسین .

آبکان : گوزوم   اوسته  آقا .                                                                                                                                                                                          1

                                                                                                 آبکان   چیخیر   ائشی یه  .

                                                                                                    افرا گیریر ایچری یه .

آسکان : خوش   گوردوک .

افرا : یورولموش  یولدان  یئتیشمیشه   سو  هر  ندن  چوخ  یاپیشار .

آسکان : دینجه ل  یورقونلوقون   چیخسین .

افرا : سو  اولسایدی ...

آسکان : باغیشلا ،،، آبکان ، آبکان  سو   کوزه سین   گتیر  ،،، بویانلاردان   آز  آدام  کئچر !

افرا : ایش  بویله   گلدی .

آسکان : کیمسیز  سیز ؟

افرا : آدیم  افرادیر ...

آسکان : افرا ...

افرا : ...

آسکان : هارادان   بئله ؟

افرا : اوزاقلاردان ، چوخلو  داغلاردان   اویاندان  ، هیند  اولکه سینده ن .

آسکان : بیزیم   یوردا   خوش   گه لیبسه ن .

افرا : یابانا   دئگینه ن .

آسکان : گوردوغون   لوت  یابان  بو  اولکه نین بیر قیراقیدیر ، گووه ره نتی یئرله ریمیز   بورالاردان اوتایدا .

افرا : هه ن   بورا   یاخینلاشاندا   گووه ره نتی  گوروشور .

آسکان : گووه ره نتیله ریمیز   هه م   بورادا  وار  ، قاشقای  ائلین  یوردوندا   ، هه مده   بورادان   اوزاق  اویانلاردا .

افرا : یابانلاری  چوخ  قورودور .

آسکان : یوردون   دوزوده   اولار  داغیدا ، یابانیدا  چولوده ، اورمانیدا  مئشه سیده ...

افرا : باخیشیلارین   گوسته ریر   یوردویون   چوخ   سئویرسه ن  !

آسکان : آدامین  جانی   یوردونون   توپراقینداندیر  ...

افرا : دئییرم  سودان   سوراغ  اولمادی ...

آسکان : آبکان ، آبکان ، سو  نه  اولدو  به   آبکان ؟

افرا : بو توفنگ نه اوچوندور ؟

آسکان : اوو وورماق  اوچون .

افرا : نه ایستیدیر ...

آسکان :  آبکان   ...

                                                                                                 آبکان   گیریر   ایچه ری یه   .

آسکان : گل  گورک به ،،، بویورون  ایچین  .

افرا : ساق اولون .

آبکان : نوش ...

آشکان : داشلاری   چه کدین   اورتاردان  قیراقا ؟

آبکان : چه کدیم   آقام ...

آسکان : قالماسین .

آبکان : گوز  اوسته ...

آسکان : گئد .....................................                                                                                                                                                                         2

آبکان : قوناقیمیز  وار ؟

آسکان : قالسا .

افرا : ال آیاقا  دولاشماسام  ...

آسکان : ناهارین  فیکرینده  اولا  بیله رسه ن .

آبکان :  اووون   اتینده ن  آز  قالیر ...

افرا : مه ن  گئده جه یه م   ،  بیرده ن  مه ن  اوچون ...

آسکان : گئد  ناهارین  فیکرینده  اول ، چوله   چیخیب  اوو  ووروب  گه تیره ره م .

                                                                                                 آبکان   چیخیر   ائشی یه  .

افرا : موزاحیم  اولمویاجایام ، یورقونلوقوم  چیخسین  گئده ره م .

آسکان : اوره ییزه  آلمایین ، آبکان   ته زه   گه لیبدیر  بورایا ، اودا  اویانلاردان  گه لیب ، هه له   اویره نمی ییبدیر   قوناقین  یئری   گوز  اوسته دیر .

افرا : بیز طرفلردن گلیب ؟

آسکان : اویله دئییر ، هله  نه  یاخچی  بویله  چیخیبسیز  ائشیگه ، یالیقیز ، مرکبسیز ؟

افرا : دئدیم کی  ایش  بویله  گلدی ، ، ، حاقلیسیز  شک ائیلی یه سیز ، سوزون  دوزو  اریمین  الیندن  باش  قویموشام   چوللره ، آند   ایچمیشم  گئدم 

          یئتیرم  یئرین سونونا .

آسکان : بیر بئله  کینلیسیز ؟

افرا : آتیم   داوام   گتیرمدی ، ، ، کین ؟ چوخ   اینجیدیب  بیله می ، سوزه  گلمز .....................

آسکان : باغیشلایین  یادی ییزا   سالدیم ..................

افرا : سیز  اوزویوز  بورالی سیز ؟

آسکان : مه ن  یوخ ، آکباتاندان  گه لمیشه م   بورایا ،،، او طرفده اولور .

افرا : نه  یاخچی ؟

آسکان : بو  تیکیشه   نیگاهبانام .

افرا : بو  یاریمچیلیق   تیکیشه ؟

آسکان : بیرگون   بیری  گه لدی   خانا   دئدی  بورالاردا  بیر   سیرا   ایشله ر   گورولور ، تیکیشله ر   دیر که لدیلیر ، خان  یوللادی  گه لدیک   بورایا ،

              ایشلی یه نله ری   توتدوق   ، ایشله ری   یاریمچیلیق   قالدی ، من   شاهین   طرفیندن  خانا  سوز  گتیرمیشدیم ، چاپارام ، ایندی بورادا  قالمیشام 

             گورم    ایشین  دالیسین  توتان  وار ؟  ایشین   سونو  نه  اولاجاق ، خانا  دئدیم   اوزوم  بورادا  قالاجام  سوزون  دوزون  آپارام   شاها  .

افرا : نه  اوچون ؟

آسکان : خان   و  خانین   آداملاری  بورانین  بویله  ایش  باشلانماقین  شاها  دئمک   ایسته ییرلر  ، گرک   بیلله نسین   ایشین   کوکو  ندیر ، دئدیم 

               گئدنده   یولومون   اوسته   اوزوم  شاها  دی یرم  نلر  اولوب  بورالاردا ...

افرا : دوز سنین توفنگین وار آمما تک الیندن نه ایش چیخار ؟

آسکان : هارادان  بیلیرسیز  چوخلاری  اولا  بیلر  بو   ایشین  دالیسیندا ؟

افرا : بو  تیکیشین  چوخلوقوندان !!!

آسکان : اوردوموز وار بو یاخینلیقدا .

افرا : اوردو ! چوخدور عسکری ؟

آسکان : آز دئییل .

افرا : چوخلاری بیلیر  بو  ایشی ؟

آسکان : هانسی ایشی ؟

افرا : بورادا باش وئرن ایشلرین نئجه اولماسین ،  بورانین دوزلمغین ...

آسکان : نئجه ؟                                                                                                                                                                                                            3

افرا : سوز گلدیسی ایدی ، یوخسا منیم نه ایشیم وار بو سوزلرله ، من بیر قوناقام ، گلدیغیم کیمین گئدملی یم  .

آسکان : اوره گه آلمایین سوزومو ، سوزون دوزو   بیر آن شک گوتوردو بیله می ...

افرا : حاقلیسیز ، بیر یالقیز  قادین  بو  چوللرده  !  اودا  یئتیشمکله  باشلاسا  دانیشا  گور  نه  اولار ،،، دانیشیق  سیزله  خوش  گلدی یوخسا ...

آسکان : شککیمه  ناراحات  اولمایین ...

افرا : ایستسز   یورقونلوغوم   چیخمامیش  گئدرم .

آسکان :  کدرلیسیز    مندن ؟!

افرا : ...

آسکان : نه  زاماناجاق  ایسترسیز  قالین  بورالاردا ...

افرا : ساق اولون .

آسکان : گئدیرم چوله سیز اوچون اوو   وورام ، گلیرسیز تاماشایا ؟

افرا : یوخ ، یورقونام ، سیز گلنجک بیر هوشلانارام .

آسکان : تئز قاییداجایام  ،،، آبکان ، آبکان  گور  خانیما  نه  لازیم   اولسا  یئتیر  بیله سینه ، قوناق   آللاهین  حبیبیدیر .

                                                                                                 آسکان   چیخیر   ائشی یه  .

                                                                                                 آبکان   گیریر   ایچه ری یه   .

افرا : بویله  باخما ، سن  آز  گورمویوبسن  منیم کیمین  قادینلاردان ، دئییردی  سنده   اوتایلاردان  گلیبسن ، دئییرم  ...

آبکان : قالما   بورالاردا ، گئد ...

افرا : گوزه لدیر ...

آبکان : گوزه لده   اولسا   بیزیم   دئییل .

افرا : گلجک اوشاقلاریندیر !

آبکان : بونلار  بویله   ایستمزلر .

افرا : اونلارین   یئرینه   دانیشیرسان ؟

آبکان : تانی ییرام   بیله لرین .

افرا : تانیماقین  دوزوده  وار  ایریسیده  .

آبکان : چوخدان  بورالاردایام  .

افرا : یئرلریمیز  بیر  دئییل .

آبکان : سنده   اوجا   یئردن  دئییلسن .

افرا : نه بیلدین ؟

آبکان : تک بیر  قادین  چوللرده !!!

افرا : سونراسیلا  ایشیم  یوخ   بوگونه کیمین   خوشویدو    یئریم .

آبکان : قالاجاقسان ؟!

افرا : خوشوم  گه لدی  بورالاردان .

آبکان : اوندا   گرک   باشلی یاسان  ...

افرا : نه یی ؟

آبکان : آشکان  بویوکدور  ،   بیگ  چاغیریلیر   ،   آبکان   ایش آدامی !

افرا : دئمه دین   نه یی  گرک باشلی یام ؟

آبکان : دئدیم ،،،،،،،، آدیم آبکاندیر ........................

افرا : بیر  قادین  اوره کلرده  یول  تاپا  بیله ر ، دئدین  آسکان !؟ آسکانین  مندن  خوشو  گلیب ، ایه  اونونکو  اولسام ...

آبکان : بویله   باخما   ایشه ...                                                                                                                                                                                        4

افرا : نی یه ؟

آبکان : چتیندیر او سنی اوزونه بیر خانیم بیله .

افرا : منیم صبریم چوخدور ............................................

آبکان : نی یه   مه نیم   اولمویاسان  ؟

افرا : هان ؟

آبکان : اولسان   نه  اولار ؟

افرا : کونولوم ایستمسده  ؟

آسکان : او چوخدا یاخچی دئییل .

افرا : بیلسه یدی   دالیسیجاق   بویله  دانیشیرسان  قاوالاردی   بیله یین   یوخ ؟

آبکان : یوخ  قاوالاماز ...

افرا : نی یه ؟

آبکان : مه ن   ایشتی ییره م   اونا ، بیرده   او  منی  آلچاق  یئردن  بیلیر ، اوره گیمدکینده بیلمیر .

افرا : قورخمورسان ؟

آبکان : ندن ؟

افرا : من   اونو   باشا   سالام .

آبکان : سنین   گلدیغین   یئرله   منیم کی  بیردیر ، سن   منی   اونا   ساتمازسان .

افرا : ساتسام ؟

آبکان : ایستسن  ساتا  بیلرسن   آمما   یادیندا   اولسون   بیر  سوز  دئمه میش     اوله   بیلرسن ...................

افرا : گلر  الیندن ؟

آبکان : ایستمه  سینایاسان  بو  ایشی .............................

افرا : نی یه  اوره گی یین  سوزون  دئدین منه ؟

آبکان : ایستدیم  اوندان  قاباق  دی یم   گوزوم  توتوب  سنی .

افرا : اوندان  قاباق ؟

آبکان : او  بیر  کیشیدیر  منیم کیمین ، سن  بیر قادین ....................................

افرا : اولا  بیلر  او  منی  سئومی یه ...

آبکان : سئومسده  صاحابلاشا  بیلر  بو   چولده .....................

افرا : زور ایله ؟

آبکان : دئمک  اولماز  یوخ ............

افرا : سنین  اولسام  سوز  کیمین  اولاجاقدیر ؟

آبکان : منیم  اولساندا  اولماساندا   سوز  منیمدیر .

افرا : بیر  خانیم کیمی  باخدی  منه !

آبکان : اونو  فیکریندن   چیخارد .

افرا : بو  ائو  چوخ  بویوکدور ، ال اله  وئرییب  بورانی  قورتارساق  اوشاقلاریمیز ...

آبکان : اونون  سنه  وفاسی  اولماز ...

افرا : وای  نئچه  اوتاقیمیز   اولا  بیلر ...

آبکان : قولاق وئر  سوزومه ...

افرا : هر اوتاق بیر  اوشاقین ...

آبکان : آسکان  سن  دئدیغین  آدام  دئییل ...                                                                                                                                                                 5

افرا : نئچه   اوتاقدا  اوزوموزه ...

آبکان : او  بورالارا  فیکیرلشمیر ...

افرا : بورانین  تاقی  اولسا  تامامدیر ...

آبکان : او  گئدملیدیر ...

افرا : بویوکدور ، هاممیسینا  تاق  ووروب   قورتارماق  اولماز ...

آبکان : اونون  دیلیده  دینیده  یولودا  سنیله  فرق  ائیله ییر ...

افرا : وای  نه  گوزل  اوتورمالی  یئرلری  وار ...

آبکان : بورا  آیری  ایشه  دوزلیبدیر ...

افرا : نه   ایشینه ؟

آبکان : یاریمچیلیک  قالماسایدی  بیر  قصر  اولاجایدی ، او  شاه  دئییل ...

افرا : منه  اولا  بیلر .

آبکان : اولا  بیلمز .

افرا : نی یه ؟

آبکان : بو  الکه نین  شاهی  وار  ، بیرده  بورانین  تقیدا  وورولسایدی  یئنیده  هئچ  کیمسه نین  اولمویاجایدی !

افرا : نی یه ، سن  نلر  بیلیرسن ؟

آبکان : چوخ  دئدیم ، بیر  بونا گوره  کی  گئدسن  و  قالمی یاسان ، بوندان  آرتیقدا  ائشیدمزسن ...

افرا : هاممیسین   ایستمدیم ، بورادان  بیر  تیکه سی  بیزی  گورر ، بورادان  بوراجاق ، بیز ...

آبکان : قولاق  وئریرسن   سوزومه ؟

افرا : آخشاملار ...

آبکان : سنیله یه م  ...

افرا :  بوراک  الیمی ...

آبکان : گور  نه  سویله ییرم  سنه ...

افرا : اوتورمسن  جیرماق   چکیب  اوزویون  جیرارام  آسکان  گلنده  دی یرم   ایستدین ال آتاسان  منیم ...

آبکان : آسکان   آسکان   آسکان  ! نه  گوردون  اوندا چکیلدین   اونا  ساری ؟

افرا : اوندا  هئچ  گورمسمده   گورممیشم ، سندن  هئچ  نه  گورمدیم    ، اوزوندن  بیر  هونر  گوستر  گلیم  سنه  ساری ، نه  واریندیر؟

آبکان : من ...

افرا : سن  نه ؟

آبکان : منیله  سن  بیر  اولکه دن  ...

افرا : نه  اولسون کی ؟

آبکان : سن  منی  اونا  ساتیرسان ؟

افرا : من  سنی  ساتمیرام ...

آبکان : ساتیرسان ، منیده   اوزویونده ...

افرا : من  یاخچی  بیر  یئر  آختاریرام ، بونون  هاراسی  ساتماقدیر ؟

آبکان : من ...

افرا : من ، من ، من ، سنین  نه یین  وار ؟ اونا  بیر  قولسان ، دئییلسن ؟

آبکان : اولاندا ؟

افرا : من  بیرین  آختاریرام  ده یرلی  ایشی  اولا ، سن  دئسه ن  آیری  ایش  اوچون   اونا  ایشلی ییرسن   بیر  سوز ، بویله  اولسا   گلیم  سنه  ساری ...

آبکان : ...                                                                                                                                                                                                                      6

افرا : سوسما  ،  دانیش ، بیر   سوزون  وار  سویله ...

آبکان : باخ ...

افرا : آیری  سوز  آرادا  اولماسین ، دئدیغیم  وار  دانیش ، یوخدور  داها  دینمه ..................

آبکان : سوزوم  یوخدور  داها .

افرا : اونون  اولسامدا ؟

آبکان : هیه .

افرا : بیزیم  ائوده  قول  اولساندا ؟

آبکان : هیه .

افرا : گوزویون  قاباقیندا  اونلا   خوشلوقا  باخسامدا ؟

آبکان : هیه .

افرا : بویله  اونون  قاباقیندا  اویناسامدا ( اویناییر ) .

آبکان : هیه ، هیه ، هیه ...

افرا : گوزویون  توتمامیشدیم  سنین ، بیر  آن  ایستدین  آتی  مینن  جیدیر   آتان ...

آبکان : یوخ .

افرا : هیه .

آبکان : ایستدیم   اونون  اولمویاسان .

افرا : منیم  گوزللیقیم   سنی   توتمادی ؟

آبکان : یوخ یوخ یوخ .

افرا : یالان  دئییرسن ، چیغیرماقیندان  بللیدیر ، حیرسلنمگیندن   بللیدیر ، بویله  یارالی  چاققال کیمی  باخماقیندان  بللیدیر ...

آبکان : باخ  بیر ،،، گور  نه  دئییرم سنه  ،،، منی  بوندان  آرتیق  سیندیرسان  اولدوررم  بیله یین   اوستوندنده  بیر  تووسو  سو  ایچرم  قادین ...

افرا : خوشوم  گلدی .

آبکان : ...

افرا : یولدان  چیخمادین ، چیخمادین  هئچ  منی  وورماقدا   ایستدین ،،، منیم  گوزللیغیمله   یولدان  چیخمی یان  هئچ  نه ایله   یولدان   چیخماز .

آبکان : بونون  نه یی  سنه   خوش  گلدی ؟

افرا : اوزویون  حاضیرلا .

آبکان : نه  اوچون ؟

افرا : آسکان  گلنده  گرک  اوندان   سوروشاق   کیملر  بیلیر  بورادا  نلر  اولوبدور ، آدلارین  گرک  آپارام   داغین دالیندا  یولداشلاریمیزا ...

آبکان : یولداشلاریمیزا ؟

افرا : هیه ، ایکیمیزین  یولداشلاریمیز ...

آبکان : منیم  هئچ کیمسه ایله   یولداشلیقیم  یوخدور ...

افرا : بسدیر  بو  اویون  اویناماق ...

آبکان : من  اویون   اوینامیرام ...

افرا : منیله   دوز  اول  آبکان ...

آبکان : سن  کیمسن   نی یه ؟

افرا : هر  کیمسه  اولسامدا  ایندی   بورادایام ، او  آدلار  لازیمدیر ، هاممیسی  اولمه لیدیرلر ، هئچ کیمسه  گرک  بیلمه سین   بورادا  نلر  اولوبدور ...

آبکان : اوزویون   تانیتدیر  منه .

افرا : اوزون  گرک  تانی یاردین .

آبکان : اوزون  تانیتدیرماسان  تانیمارام .                                                                                                                                                                        7

افرا : دئدیم  اوزون گرک ...

آبکان : اوچ  قورتولاندا  اولمه لیسن ،،، بیر ، ، ایکی ...

افرا : بو  اوزوک ، تانیدین ، اولدو ، اونلار کی  بیلیر  بورادا  نلر  اولوب  گرک   اوله ، بو  سوز  داغیلمامیش  گرک  قاباقی  آلینا ، زامان  بیزله   اوز اوزه

         دوروبدور  .

آبکان : تلسمک  اولماز  بو  ایشده .

افرا : سوز  داغیلسا  ییغماق   اولماز  اونو ، بورادان  چوخلو  ایشلر   چکه جیدیک   اولمادی ، گرک  الیمیزی  یئنیدن   قاباقا  سالاق  یوخسا ...

آبکان : بو  اولکه  اونلاریندیر ...

افرا : سوزویون   سونون  دئگینن ...

آبکان : بیلرلر ...

افرا : بیلمزلر ، بیز  ایشتیباه   ائیله مسک  ...

آبکان : به   نه جور  بیلدیلر  و  ایشیمیزین   قاباقین   آلدیلار ؟

افرا : بیر  یئرده   ایشتیباه  اولونوب ، اونلاردا   اویاقدیلار  دوز ، آمما  بیزیم  دالا  قاییدماقیمیز   یوخدور ، ایش  بیر  یئرده  دایانسا  آیری  یئردن  گرک

         دالیسینی   توتاق ، ایندی  بو   ایشی   آیری جوره   قاباقا   آپارمالی ییک ، سن  اوزون  آزدان  چوخدان  بونلاری  بیلیرسن ...

آبکان : بیلیرم  کی  بورادایام  ،  بیر ................

افرا : سوسما   دانیش ...

آبکان : سونرا  بورانی   دوزلدیب قورتاراجاییک ؟

افرا : آسکان  گلیر   گئد .

                                                                                                 آبکان   چیخیر   ائشی یه  .

                                                                                                 آسکان   گیریر   ایچه ری یه   .

آسکان : آبکان  اووو   حاضیرلا ، توفنگیده  قوی  یئرینه  ، ، ، ، ، قوناقیمیز  نه  حالدادیر ، ، ، دینجلدین ؟

افرا : ائیله بیل  یاخچی  اووچوسان ، قویدون  دیریسیده  قالا  ؟

آسکان : چوخدور ...

افرا : چولده  اوو قاچا بیلیر  الیندن ؟

آسکان : قالیب  اوز  زیرنگ  اولماسینا .

افرا : آتین  اوسته  یاتسان  زیرنگ  اوودا  قاچا  بیلمز  ...

آسکان : هارامدان  بیللنیر ؟

افرا : گئدنده  گوردوم  نئجه  میندین  آتین  بئلینه   قوودون  چولده  بیله سینی  .

آسکان : ...

افرا : جوت  قیچین  قووزادی  گویه ، یئره   یئتیرمکله   چاپدیردین  آتی ، توزو  قووزانمامیش  گوزدن  ایتدین ، اوچوردون ؟

آسکان : اوچماقدا  اولار ...

افرا : اولار ، کئشگه  آت  مینمک  باشاراردیم  سنیله  آت  چاپدیراردیم   بو  چوللرده .

آسکان : خوشون  گلیر ؟

افرا : آز  یوخ ، ایکی  گوزل  آت ، ایکی  گوزل  آت  مینه ن ، بیر  دوز  چول ، آتلارین  آیاق  سسی ، چولده  توز  گویه  قارخماسی ...

آسکان : گوزل  باخیرسان  ایشه .

افرا : آتلار  قاچیر ، ایکی  آت  مینه ن  یاتیبلار  آتلارین  بئلینه ، آتلارین  آیاق  سسی  چولو  گوتوروبدور ، نفسلرینین  سسیده ...

آسکان : ...

افرا : آتلار آتلار آتلار ، چاپین  بو  داغلاری  داشلاری  دوزلری  دوشلری ، آتلار  آتلار   آتلار   آیاق  سسین  سالین  فلکین  قولاقینا ، اوچون  اوچون  

        اوچون  بو  اولکه لرده ، آغ  آت  قیرمیزی  بوز  ، چولون دولوسو  آت ، چاپدیرین  آتلاری  هئی ...                                                                     8

آسکان : آتلار آتلار آتلار ، چاپین  بو  داغلاری  داشلاری  دوزلری  دوشلری ، نه گوزلدیر  بو  سوز ...

افرا : آتلار آتلار آتلار ، چاپین  بو  داغلاری  داشلاری  دوزلری  دوشلری ...

آسکان : اویره نسن   یاخچی  آت  مینه ن   اولارسان .

افرا : اویره درسن ؟

آسکان : نی یه  کی   یوخ ...

افرا : بیر  اویناماقیم  وار  آت  مینمک  اویونودور ( اویناییر ) .

آسکان : گوزل   اویناییرسان .

افرا : گل ..............................................

آسکان : اویناماقیمیز  بیر  دئییل ...

افرا : گل ...................................................................

آسکان : گوزلسن ، چوخ .

افرا : باخیشلارین  گوزلدیر .

آسکان : گوزلرین   اوو  گوزودور .

افرا : ال لرین  ایش   بیلندیر .

آسکان : دوداقلاریندان  بال  سوزولور .

افرا : قیچلارین  یول  گلندیر .

آسکان : غمزه ایله   یولومو  کسیبسن .

افرا : یاخینلاش  .

آسکان : یاندیریر  ایستیلیغین  بیله می .

افرا : قاچما  مندن .

آسکان : دایانا  بیلمیر  اوره گیم ...

افرا : گل ، قاچما  دئدیم ...

آسکان : قاچماقا  یول  یوخ  آیاق  یوخ ، زینجیره   چکیبسن  منی .

افرا : سسیمه  سس وئر ، نفسیمه  نفس .

آسکان : سسده   سنیندیر  نفسده .

افرا : اوچ  منیله   گویلره .

آسکان : قاناد  وئریر  باخیشلارین   جانیما .

افرا : اوچ .

آسکان : اوچورام .

افرا : اوچ  اوچ  اوچ ........................................................

                                                                                                 آسکان   ایله   افرا   اویناییرلار .

آسکان : گویلر  بیزیم .

افرا : یئرلر  کئشگه   بیزیم   اولسون .

آسکان : اولار .

افرا : اولماسا ؟

آسکان : دونیالار  قاباقیمدا  دورسا  گئدرم  قاباقا  یئری  سنین  ائیله رم .

افرا : قاباقی یین   آلسالار ؟

آسکان : آلا  بیلمزلر .                                                                                                                                                                                                    9

افرا : چوخدورلار .

آسکان : قورخوم  یوخ .

افرا : بیلیرم آمما .......................................................

آسکان : ندن   سوسدون ؟

افرا : اولان  دئییل .

آسکان : نه ؟

افرا : دی یه   بیلمرم ..........................

آسکان : بویله  سوسما ...

افرا : دئملی  دئییل آخی .

آسکان : قاچما  مندن ...

افرا : قاچماقا  یول  یوخ  آیاق  یوخ ، زینجیره   چکیبسن  منی  آمما ........................................

آسکان : گوزلرینده  یاتان  دردی  ساخلاما  اورادا  سال  جانیما ، نه   اولدو  سنه ؟

افرا : ال  چک ...

آسکان : دئگینن نه  اولدو ؟

افرا : الیندن  بیر  ایش    گلمز .

آسکان : ایش  یوخدور  الیمدن  گلمی یه .

افرا : بیلیرم ..............................................................

آسکان : به   ندن  سوسورسان ؟

افرا : الیندن  گلر   ایسته سن آمما ...

آسکان : آمما  نه ؟

افرا : سنی   گوردوم  عاشیق   اولدوم  سنه ، دانیشدیم  ایلیشدیم ، اوینادیم  باغلاندیم  ،،، قورخورام  ایندی ...

آسکان : ندن ؟

افرا : آیریلیقدان !

آسکان : ایسته مسک  اوز  وئرمز .

افرا : کئشگه   گورموییدیم   سنی .

آسکان : جانیمی  اوزمه  ،  اوره گینده   اولان   سوزو   سویله  .

افرا : سوز  وئریرسن  سوزومه   گولمویسن ؟

آسکان : ...

افرا : سن   ایسته سن   بورا   بیزیم   ائویمیز   اولا   بیلر ، سن  من  ، و  ، و ، و  ، اوشاقلاریمیزین  ...................

آسکان : سوسما   دانیش ...

افرا : بیزیم   اولا   بیلر   آمما   اونلار  کی   بیلیرلر  بورادا   نلر   اولوبدور  قویمازلار ..........................................

آسکان : آنلامیرام .

افرا : گوردون .

آسکان : اوزاقلاشما   مندن .

افرا : گئد ...

آسکان : نی یه ؟ نه یی  گوردوم ؟

افرا : سن   آنلادین   من  نه  دئدیم   آمما   ایسته دین   دی ین   آنلامادین .

آسکان : اینان   باشا   دوشمدیم ...                                                                                                                                                                               10

افرا : یاخچی   دئییرم  باشا  دوشن ، منی   سئودین ؟

آسکان : گورنده  اوره گیم   چیرپیندی ...

افرا : ایسته دین  منیله  سن   بیرلشک ؟

آسکان : جانیملا ...

افرا : ایسته ییرسن  آز  اولماسین  بو  تانیشدیغین   زامانی ؟

آسکان : کئشگه   سون  گونوموزه جک  اولسون  .

افرا : من  بورادان  خوشوم  گلدی  ایسته ییرم    سنیله   بورادا  یاشی یام ، بورا  بیزیم   اولسا   ایش   تامامدیر ، آمما  سن  دئییرسن  خان  و  بیر  سیرالاری

         بورانی   تانی ییبلار  و   ایسته ییرلر  گورلر   کیم  بورادا  بو  ایشی   باشلاییبدیر ، خان   شاها  سوز  یوللاسا  داها  بورا  بیزیم   اولا  بیلمز .

آسکان : منیم   الیمدن  نه  ایش  گلیر ؟

افرا : بیلمیرم .

آسکان : من  اوز  یوردوموزدا  یئریمده  وار  یووامدا ...

افرا : منیم   بورادان   خوشوم   گلدی  ...

آسکان : بورا بیزیم  دئییل ...

افرا : منی  سئوسن  بیزیم   اولا  بیلر .

آسکان : نه جور ؟

افرا : یولون  آختارسان  تاپارسان ...

آسکان : فیکیریم  بیر  یئره   یئتیرمیر ...

افرا : اونلار کی  بورانین  اولماقیندان  بیر  سوزلر  بیلیرلر  اولماسالار  هئچ  کیمسه   داها   بورادان  سوراغ   توتماز .....................................

آسکان : آمما   اونلار  واردیرلار .

افرا : آزدیرلار ، چوخ کی  دئییل لر !

آسکان : آزدا  اولسالار  واردیر  بیر  سیرا ...

افرا : نئچه  آدام ؟

آسکان : ...

افرا : توتاق  بئش  یا  اون ، آرتیق  اولمازلار ، اولارلار ؟

آسکان : سن  نه  دئمک  ایسته ییرسن ؟

افرا : اونلار  اولماسا   بورا  بیزیمدیر ................................................

آسکان : اولماسالار !!!

افرا : دئدیم   اولماسالار ...

آسکان : باشا  دوشمورم  نئجه  اولماسالار ؟

افرا : یولو  چوخدور ...

آسکان : ...

افرا : باشا  دوش ،،،،،،،،،،،،،،،،، فیکیرلش ،،،،،،،،،،،،،،،،، بیر  یولو  ، بیری   ایه   اونلار   اولسه لر .

آسکان : اولسه لر !!!

افرا : اولسه لر ............................................................................

آسکان : نه جور  اولسه لر ؟

افرا : سن  آدلارین  بیلیرسندا ...

آسکان : بیلیرم ...

افرا : دئگینن  ، فیکیرلشیب  بیر  یول  تاپاریک   اونلارین ...                                                                                                                                         11

آسکان : سن   نه  اوچون  گلیبسن  بورایا ...

افرا : سنه  بیردن  نه  اولدو ؟

آسکان : جاواب  وئر  سوزومه ...

افرا : باخ  آسکان ...

آسکان : من آدیمی  سنه  دئمه میشدیم ...

افرا : آبکان  دئدی ...

آسکان : داها  نه دئدی ؟

افرا : سن  نی یه چوندون  بیردن بیره ؟؟؟

آسکان : سن  کیمسن  ؟ بورا  نه  اوچون  گلیبسن ؟ دانیش  ، دانیش  دئدیم ...

افرا : آسکان ...

آسکان :  دانیش  دئدیم  ووروب  اولدورممیش  ...

                                                                                                 آبکان   توفنگ   الینده  گیریر   ایچه ری یه   .

آبکان : قایید  دالا  آسکان ، اولدورمه لی  سنسن .

آسکان : سیز   ایکی ییز ...

افرا : آبکان   توفنگی  وئر  منه ،  بونو  باغلا  ، تئز  اول .

                                                                                                 آبکان   توفنگی  وئریر  افرایا ، آسکانین  الین  باغلاماق   ایسته ییر ،

                                                                                    آسکان   ایسته ییر  آبکانی  توتا  افرا  بیر  گول له  وورور  قیچیندان و او

                                                                                    ییخیلیر  .

افرا : سن  ایستمدین  خوشلوقلا  دانیشان ...

آسکان : سیزین  الی ییز  هئچ   ایش   توتا بیلمز ...

آبکان : بیزیم   الیمیزدن  دانیشما  ، بیز  ایستدیکلریمیزدن  دانیش .

آسکان : سیز  مندن  هئچ  نه  ائشیدمزسیز ...

افرا : آبکان  اود  یاندیر .

آبکان : گوزوم  اوسته .

افرا : ایندی  دانیش ...

آسکان : گورمویجه ییز  منیم   دانیشماقیمی .

آبکان : دوز   دانیشمیر  آمما  آی  چوخ  دانیشیر ها ...

افرا : دوزده   دانیشار ...

                                                                                                 آبکان   اود   یاندیریر .

                                                                                                      سون   .

                                                                          90.09.20