سوغان ...

تین توتموش دویغولارلا   یاخالانمیشام 

ذئهنیم  آچیلمیر  !

قالمیشام 

بیر سیرا  آنلاق  الینده ! 

کیملیغیمیز  ایتمیش 

کئچمیشیمیز  دومانلار  ایچینده  قالمیش 

یادا 

توپراقلار  آلتیندا  باتمیش ! 

یالان  توتوب  یئریده 

گویوده 

پیس  توتموش  ایچه ریله ریده ! 

هانسی  ال  قیراجاقدیر  زینجیرله ری ؟ 

ایچیمیزده ن  به نده   چه که ن  که له فچه نی ؟ 

ائلله ر  بوتون   یاتمیش 

گونه ش  داغلار دالیندا  گیزله نمیش  

اینسانلار  بیر بیرین  چوخ اوجوزا  ساتمیش 

ـ سوغان قابیغینا ! 

دویغولار  دوماندادیر  

بیلیجی  یوخ 

اولاندادا  چیخا  بیلمیر  اوزونده ن  

بولاغ  قورویوبدور  کوکونده ن ! 

قاراچیلار 

آیری یئرلیله ر  آلیبلار  اولکه له ری 

سوز  اونلارین 

ایش  اونلارین 

کوز  اونلارین 

اوددا  قالمی ییبدیر  ائلله ریمیزه !