ش | ی | د | س | چ | پ | ج |
1 | 2 | |||||
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
بیرگون الین الیمی توتاجاقدیر
آپاراجاقدیر اوزویله ته زه یولا
بو سئویلمه میش حالدان
او سئویله ن حالا
آپاراجاقدیر !
یاشامدا
بیر اوزون عومورده ن سونرا یئتیردیم بونا
سه نین یولوندان سونرا آیری یول ایریدیر
حارامدیر
او یوللارا گئدمه ک !
بوراخما بیزله ری باشیمیزا
یالقیز قویما بیزی
الیمیزده ن یاپیش
گوسته ر دوزو
دوز سوزو
بوراخما بیزی ...
سه ن بیر اوزاق گوروشله شاد اولورسان
بیر یاددا قالمیش کیچیک خاطیره یله
یازیلا !
سه ن هاوادان آلدیغین قوخویلا
اوینویورسان
هاوالانیرسان !
سه نین گوزله رین یوخولاریندان قاباق
بیر آز گویله ره باخیر
بو اولدوزدان او اولدوزا
بیر او آندا
او زاماندا
یادا سالیرسان آشکی !
سونرا
بونلارلا گویله ره قارخیرسان
اوچورسان !
بیرده یاشاملا ال بیر اولوب
اوزونده قالیرسان !
بویله اولماق چه تیندیر
بیلینیر
آمما
سه نین بویله یاشاما عاده تین وار !
واردا
وار !
ظالیم
مه نه ده فیکیرله ش آخی !
چورودو جانیم
هارالارداسان به سه ن ؟
هان ؟
هارالارداسان ؟
هارالاردا قالیبسان
نی یه گه لمیرسه ن ؟
گه ل
گه ل آپار اوزونله
جانیمیدا
روحومودا
گه ل آشکیم
گه ل ...
یاتمیش ائلیمده ن سوراغیم یوخ
بویله خاراب قالمیش اولکه نی بوراخیم ؟
یوخ !
نئیله ییم دورالار
اولدوزلاری آلالار
بو عاله مده ن او عاله مه سه س سالالار ؟
نئیله ییم ؟
بیلمی ره م !
آخی بویله ده یاشام اولار ؟
داوار
داوار
داوار
مه نده بونلارلا بیرلیکده دونموشه م
جانیوارلارا تای اولموشام
سولموشام
اوزومده نه پیس قالمیشام !
گه له ن یوخ
دوران یوخ
گئده ن یوخ !
باتلاقدا قالمیش ایندی آداملار
گونه شی آختاران یوخ
آخشامدان یاتمیش ایندی آداملار
باتیدا باتمیش ایندی آداملار
خه یالدا قالان گونه ش کیمی
کوسوب گئدمیش سه حه ر گیبی !
واللاه بویله اولماز یاشام
اولدوزلار بیزی گوزله ییر
ده نیزله رده
یاشیل یاشیل گونله رده
باتمیش گونه شله رده !
آیی سه سلی یه ن یوخ ؟
دوغویا گوز تیکه ن یوخ ؟
سویوخودان اسمی یه ن یوخ ؟
آدام اوغلودان یوخدور سوراغ
ساتقین چوخ
یاتمیش چوخ
اوزونده قالمیش
چوخدور چوخ !
گونه شین سوچو نه دیر گه ره ک قالسین داغ دالیندا ؟
اوره گین سوچو نه دیر اوچمادان قالسین گه ره ک ؟
آشکین سوچو نه دیر
ازیلمیش
گیزله نمیش
دئوله ر الینده کیفیرچیلیغه دونولونسون گه ره ک ؟
کیمله گه ره ک دانیشام
کیمله گه ره ک قونوشام
کیمله ؟
یوخودان دوران وارمی ؟
اولدوزلار بیزی گوزله ییر
گونه شله رده
سه حه رله رده ...