گئدیردی ...

باشدان  آتمیش  آشک  سئوداسین 

الده  توتموش    قان  قونچاسین 

ـ سینه ده ن   چیخمیش  بو ؟

اوره گ   دولو    غه م   بوغچاسی 

آرخایا  باخماییردی 

گئدیردی ! 

ایگیت  اوغلان  قوجالمیش  

آشکدان   یارا   آلمیش

یوللار  اونا  گوج   گه لمیش 

داغلار  اوندان  باج  آلمیش 

قیچلاری  قانلی قانلی  گئدیردی ! 

دورماق   یوخویدو   اوندا  !!!

تیکانلار  گولوردوله ر  

یارالارینا 

یارالانمیش   جانینا  !

گولوشله ر  اوزونده ن   اوچوردولار  

اوجا  اوجا  !

گوزله رینده ن  سولار  آخیردیلار  

آخا  آخا  !

باشیندا  ایلدیریملار  چاخیردیلار  

شاخا  شاخا  !

جانی  اوزولموش   گئدیردی  

حه سره تله رله  گئدیردی 

آرخایا   باخماییردی 

گئدیردی ...

باغلی ...

باغلی ! 

بوتون  یوللار 

په نجه ره له ر 

ده ربه چه له ر ! 

ـ دئدین   دارباجالار ؟! 

باغلی 

بوتون   اوزله ر 

اوره کله ر 

ال له ر ! 

سوزلو  یوخ   سوزونده ن  آلینا   ایلهام 

باشچی   یوخ   یولوندان   گئدیله   

یانان  یوخ   ده رده   قانا    دی یه   قادان  آلیم 

اوزومده   نئجه   قالیم ؟ 

هانسی   یولا   باخیش   سالیم ؟ 

باغلی   یوللاردان  آچیلیشا  اومود  یوخ 

اومودسوزلوق   توتوب  جانی 

ال له ر   باغلی 

اوره کله ر   داغلی 

داغلار  اوجا 

سه س   قاییدیر  باغیرانا  ! 

بیزیم روزیگار ...

ده لی  روزیگارین  ده لیلیکله ری   باشلانیبدیر 

اوز   وئره جه یدی  

وئریبدیر  ! 

چوخدان   دئییلمیشله ر 

اسکی  سوزله ر 

اولاجاقلارین  چاغی  باشلانمیش  حالدا 

گولوشلو  آداملار   الینده   اولسادا 

اولور ! 

اوز  وئریر  

اوز  وئره نله ر  اوز  وئریر ! 

پیس  اولسادا 

یاخچی  اولسادا 

یاخچی   پیس  اولسادا ! 

آنجاق   اوز  وئریر  

اوز  وئره نله ر ! 

یئنی  بیر  سوز  دئییل   روزیگارین   ده لی   اولماسی 

آداملارین  یوللاریندان   چیخماسی 

قاریشیکلار   ایچینده  قاتیشدیرماسی ! 

نئیله مه ک 

صه بیر   گه ره کدیر  

آزدان   چوخدان ! 

باشلانیبدیر  

گوره ن   هاممی  اولاجاقدیر   ده لی ؟ 

سون  اینسانلارین   سون   گونو   ده لیلیکدیر ؟! 

باشلانیبدیر

ده لی   روزیگارین   ده لیلیکله ری 

یاخچی 

یوخسا   پیس !