ش | ی | د | س | چ | پ | ج |
1 | 2 | |||||
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
دایانمیر کونولوم بیر یئرده
اوچان گوزله ریم آختاراندا اوزاقلاری
ـ سئوینمه ک اولسون دئییر !
که ده ر آلیبدیر ایچیمی !
دوشه نیب اوتوروبدور
اوره گیمده
توتقونلوقدور
قوناق اولوبدور
سالاجاقسان گیلیمی اوتورا !
داریخماسین داریخما گه تیره ن دویغولار
داریخان کونولده !
خئیمه قوروب وورور چادیرین
بیر سیخینمیش اوره کده !
غه مسیز قالمیشدی بو دولدو ایچه ریسینه ؟
دئییر یاشام بویله دیر !
ده رد
داریخما
توتقونلوق
سیخیلما !
گوره ن هاممی یا ؟
آغاریبدیر
اوزاقدان ماوی چالان ده نیز دونوبدور
ماویده ن دونوب آغ اولوبدور !
آغ بویا سولطان بویادیر
دوز
اوره گیم سئویر آغ گونله ری آغ بویا کیمی
آغلاری
آغلیقی
هه ن
سئویر جانیم آمما ده نیزده یوخ
گولون گوزه للیغی گویه به نزه ز ره نگینده دیر
ماوی اولسون گه ره ک ده نیز !
سئومیرسیز بویله سین سیز ؟
آذربایجان گه لینی
اورمو گولو سولور
گوزله ر اونو گوردوکجه آغلاییر
دولور !
اوره کده ن باغیریر
توپراقین سئوه ن ایگیت
باخاندا
چوله دونموش ده نیزه !
بولودلار گه لمی یه جه کدیر قوناق به بیزه ؟
یاغسین یاغیشلارین
دولسون گول له رین
آخسین سئل له رین !
بولاقلار قایناسین
چیچه کله ر اویناسین
شه نلیک یاقدیر یوردوموزا تانریم !
اویاقسان ؟
یوخسا قولاقلاریندا گئدیب یوخویا ائشیدمیر سه سیمی ؟
هایانداسان ؟
دایانیبدیر بوغازیما باغیرتیلاریم
ایچه ریم وولکانلارلا دئییشیر
اوزونده ن اولوبدور ایچه ریم
یانیر جانیم !
هایانداسان ؟
سوسوز اولدورمه بیزی
اویاد یاتمیش ده نیزی
گونده ر یاغیشی هه مده قاری
گویله ر چاخان اولسون
چایلار آخان اولسون
گوزله ر ماوی ده نیزده له په یه بیر باخان اولسون !
یاغدیر یاغیشی گویده کی تانریم
گوزه لیم
ـ یاتماسا به ختین !
قوروموش اولسادا ده ریا ته په جه کدیر ایسته سه تانریم
ایستی یه جه کسه ن ؟
سه ن بیزه بیرده گوله جه کسه ن ؟
یاغدیر یاغیشی
هه مده قاری
گویده کی تانریم
گوزه لیم ...
سو آخسا
یول تاپیب گئدسه
دورماسا
یئتیره ر !
یانقین اوره کله ره
یئرله ره
به لکه مده ده نیزه !
بیر بولاق اولوب یولا دوشوبدور
ـ شئیطانین قولاقی کار اولسون اینشالاه !
ایشیمیز دورمویوبدور
ته رپه نیر آزدان چوخدان !
اومودوم اوزولمویوبدور
چیخار !
یورقونلوق توتماسا جانیمیزی
ایشی اوتورمه سه ک
بوراخیب آیری ایشه گئدمه سه ک
ده نیز دوزه له ر !