اوتور ...

سه ری یه نی    سه ری یه ر   باشاران   اولسا   ایشله ری

چه تین   دئییل   اویون  اویناماق  

ـ دونیامیز   چوخ   اوینامالی !

آمما   بیلیرسه ن   اوزونو  آلداتان  آلچی  یولداش   نه  وار ؟ 

بویله   ایشله رده ن   سه نه  تومان   اولماز ! 

بیر  سیرا   

قاباقدان   !   

چوخدان

یولداشلاردان  بیرینه   گه لمیشدی    

اودوبسان  چوخلو  اودمالی  

یالان   اولدو     سونراسی ! 

یالان !

سه نده   گوزه ل   ایمتاحانا   چه کیبسه ن  بوتون  یانمیش   ایمتاحانلاری  !  

دئمیشدیم   بیله یه ن ؟

یاشامدا   هئچ  نه   قالمی ییبدیر   گورمویه م  

گورمه میشده ن   بیلمی یه م !

اوزومده   اولماسادا   بویله   ایشله ری  اوزگه له رده   گورموشه م ! 

بیر   سوز   سوروشا   بیله ره م ؟

سه ن   اوزویه ن   نه ده ن   ایذن   وئریبسه ن   بویله   ایشله ره ؟

یئرله ریمیز   عه وه ض 

اوندا   اوزویو ن   بویله   ایشله رده   ایذنیلی   گورورسه ن ؟  

وارین  بو   ایذنی   وئریر   سه نه ؟ 

یوخسا   هوشون ؟ 

بیر   سوز   دئییم ؟ 

دوشون ! 

غورورو   دوشون !

بویله   اولماقی   اوتورجه کسه ن ؟ 

اوزویه ن   گه له جه کسه ن ؟  

اوتور  ...

دئرام متنی : ستارخان ...

پئرسوناژلار : ستارخان ، اصلان ، سهند ، گونش ، ساچلی ، ایلخیچی اژدر  و  توفه نگچیله ر  .

صه حنه   بیر   سه نگه ردیر    مه شروطه  دویوشله رینده  .

ایشیق    .

اوزاقلاردان   گول له   سه سی   گه لیر  .

اصلان : کیشیسه ن    تایین   یوخدور  ستارخان ...........

سهند : نه  تاپباتاپ  دوشوب ...

اصلان : کئشگه   اورالاردا   اولاردیم ...............

سهند : بیزیم   شانسیمیزدان   گه ره ک   بوگون   بیز   بورادا   قالاردیک ...

اصلان : ائیله بیل   ایش    چه تیندیر   اورالاردا یوخ ؟

سهند : بوجور کی  سه س   گه لیر  چوخدا  چه تیندیر

اصلان : آی  رحیم خان ، رحیم خان ...

سهند : دئییرسه ن   سه ردار   امیره قیزی   آلا  بیله ر   الینده ن ؟

اصلان : نئجه   ایسته دی    بیر   ایشی  گورسون   او  ایش  گوروله جه کدیر  داها

سهند : بوندا   سوز  یوخ ، اونلار  چوخدورلار  اورالاردا .......................................................

ایلخیچی اژدر  گیریر   ایچه ری یه   .

ایلخیچی اژدر : واللاه   کیشیدیر ، اشهه ده ن بیللاه    کیشیدیر ...

اصلان : نه له ر  وار  اژدر دایی ؟

ایلخیچی اژدر : دئمیره م   قالاسیز   یانایانا ...

سهند : آکیشی   دانیش  گوره کدا

اصلان : بیر  مه ن  اولوم  دئگینه ن   گوره ک   نه  اولور  اورالاردا

ایلخیچی اژدر : اوغلان   دوشمانین   اولسون

اصلان : اینشالا

سهند : دئییرسه ن  نه  اولوب   یوخسا   اوزوموز   گئده ک   سوراغلاشاک ؟

ایلخیچی اژدر : گئده ز    بورانیدا    اوتوره ز   باشینا !؟

سهند : آی هوو ...

اصلان : اژدر دایی   دئدا

ایلخیچی اژدر : سون  سوز  بو  گه لدی   رحیم خانی   قاوالادیک   امیره قیزدان ..........................

ایلخیچی اژدر   گئدیر  بو  بیریسی   سه نگه رین   ایچینه  .                                                                                                                        1

اصلان : اوغول بالا   گوردون   اونلار  نه قه ده رده   چوخ  اولسالار  اولسونلار ، سه ن کی    بیلیرسه ن    بیزده   اولان   اولاردا  یوخدور 

سهند : هه ن   بیزده ن   اولانلارلا   ایش   گئدیریلسه   قاباقا   دئدیغین   دوزدوردا ............

اصلان : خوشوم   گه لیر   سوزو   آلیرسان  باخ

سهند : دئییر   سوزو  آت  یئره    صاحابی   گوتورسوندا

اصلان : والسلام

سهند : آی   قوربانام   بویله   حالا

اصلان : مه نده   قوربانام   بویله   حالی   یارادانا  ، یاشاسین   ستارخانیمیز

سهند : یاشاسین

اصلان : واللاه   کیشیدیر ...

سهند : بویله   اولسا   تبریز   نئچه  گونده ن   سونرا   مه شروطه چیله رین   الینده دیر

اصلان : قوجا تبریز  ایندیده     بیزیم   الیمیزده دیر ، مونتاها   آرادا   بیر  نئچه  گوته گیره ن    وار کی  گه ره ک   یولدان   گوتوروله له ر ...

سهند : گوتوره ریک   اولاریدا   یولدان   اوغلان

اصلان : اینشالاه ، سه نده   حاضیرلان  بیزیم   بورجوموزو  وئردا ...

سهند : هانسی   بورجویوزو   اصلان  به ی ؟

اصلان : شوربانی   دئییره م  سهند  یولداش ...

سهند : آی   ایش   ایش   اولاجاقدیر ها ، اصلان   خوشوم   گه لیر   بوتون   هونه ری یین   تویومدا   گوسته ره سه ن ، اویناماق   اوینویاجاقسان ها ، بیر

             توی   توتوم   توی   اولا ،  گور   نئیله یه جه یه م  دا

اصلان : اوینارامدا ،  کور  آللاهدان   نه  ایسته ییر ،،، بودور باخ ..................

اصلان   اویناییر   .

سهند : یاشاسین  اوز  یولداشیم ، بودا   مه نیم   اویناماقیم   سه نین   تویوندا ...................

سهند   اویناییر   .

اصلان : ها ، یاشا  بابا ،  گور    مه نیم   تویوم   نه   اولاجاق   سه نین   اویناماقلارینلا 

سهند : بیر   اصلانیمیز   واردا

اصلان : ایه ر   مه شروطه نین    ایشی   باشا    گئده ر   تبریز   آزاد   اولار   تویلاری  باشلاریک

سهند : مه ن  کی   داها   دوزوموم   یوخدور

اصلان : یاززیق بالام  هئی ...

سهند : دوغرودان  دئییرسه ن   چوخ   چه که جه کدیر ؟

اصلان : فیکیر   ائیله میره م   ، بوجور  کی   باخیرام   نئچه   گون   چه کمه ز   بوتون   دوله ت آداملارین   قاباقیمیزدان   گوتوروب   ایشی   باشا  

               آپاراجاییک ...

سهند : اینشالا ،،،،، قورخورام   چوخا   چه که    گونش   داریخمایا   دوشه ...

اصلان : اوغلان   گونش  یوخسا   اوزون ؟

سهند : فه رقی   نه دیر  آخی ،،،،،،،،،،،، هه رده ن    اولور   اوره ییم   ائیله   توتولور  قالیرام    اوز   الیمده ،،،،،،،،،، نه   اولاردی   بو   دویوش   تئزلیکله

           قورتولاردی ،،،،،،،،،،،،،،، بیلیرسه ن   اصلان   مه ن   اولمه کده ن    قورخوم   یوخدور آمما   بیلیره م   گونش   اولومومه   دوزمویه جه کدیر !

اصلان : سهند کیم   دئییر  سه ن   گونشده ن   تئز   اوله جه کسه ن ؟

سهند : اوغلان   او   مه نده ن    قاباق   اولسه   مه ن   اوزومو   اولدوره ره مدا

اصلان : آی   ساق اولسون   بیزیم   ده لی   که ره م ...

سهند : هه ن   بویله   فیکیرله ر   باشیما   ووراندا   که ره م کیمین   دوشوره م   یانماقا .............................

سهند  باشلاییر   یانان که ره مده ن    سوز   اوخوماقا   ، اصلاندا   اونا    قاریشیبدیر   .                                                       2

اصلان : هه له   گونشین  آتاسیلا   نئیله دین ؟

سهند : سوزو  قورتولدو ؟

اصلان : بودا  سوزدور دا

سهند : اوتور ...........

اصلان : آلدیم آقا  آلدیم

سهند : گور    بونودا   سوز  ائیلی یه بیله رسه ن ...

اصلان : آداخلی نین  آتاسی   قاپیدان قاوالاماق  سوزدور  آخی

سهند : اوزومده   بویله   دئییرسه ن    گور  دالیمدا   نه له ر   دی یه جه کسه ن   اونا بونا ؟

اصلان : مه نه     نه  ده خلی    وار  اوغلان   سه نده ن   سوز   آچام   اونا بونا   ؟   

سهند : سه ن   جینه   آیاق قابی  تیکیرسه ن  !

اصلان : سوووسان   گونشین آتاسینین  آجیغین   مه نده ن  آچ !

سهند : قالدیم  الینده ؟

اصلان : دانیشیریکدا ، دئمه دین ؟

سهند : اصلان    هئچ نه   یوخدور  ،   سه نده   اوتوردا

اصلان : احوالاتیندان   به للیدیر  هئچ نه یین    اولمامازدیغی

سهند : اده   سه نه   نه  وار  بیر  زاد   وار  یوخسا   یوخ  ؟

اصلان : دوشونوره م   یولداش ، چه تیندیر ، آخئی ................

سهند : جه هه نله م   اولدا

اصلان : گونشین   اوزو  بیر  سوز   دئمه دی ؟

سهند : آکیشی   باشین   آغری ییر ؟

اصلان : مه نیم   حالیم   چوخدا   گوزه لدیر ، یانیق   ای ییسی    اویانلاردان   گه لیر !

سهند : هه یه  ،  یانمیشام ، لابدا  چوخ ، راحات  اولدون   فوضول  به ی ؟

اصلان : مه ن   اولوم   نه  اولدوسون   دئگینه ندا  ..................

سهند : اوز   دئییل  کی  ............................

اصلان : مه ن  کی   اوزوم   بیلیره م   دئمه سه نده   سهند  به ی ...

سهند : سه ن   بیله ن    اولسایدین   اوزویه ن   گون  آغلاردین

اصلان : گونومون   نه ییدیر   مه یه ؟

سهند : گه ره ک   نئچه   آدام   توتاسان   اوتورالار  گونویه ن   آغلی یالار  

اصلان : دئمه   اوزومده  آغلارام  ها  ...

سهند : دوزسه ن   آغلاماقی یاندا   یئتیره ریک   ،،،،،،،،،،،،،،،،،،،،،،،،،،،، گه لدی  اصلان  ، اصلان   سه نیله یه م ...

اصلان : سه ردار  گه لدی ؟

سهند : خئیر جانیم ، ساچلی خانیم  .......................

ساچلی  بیر  کوزه  چی ینینده   گیریر   ایچه ری یه ، دولو   کوزه نی   قویور   بوش   کوزه نی   گوتورور   گئدیر  .

اصلان : وای   ده ده ................

سهند : آخدی   یئنیده ، هوم ،،،،،،،،،،،،، بئچارا   سه ردار   اوره یی   خوشدو   توفه نگچیسی  واردا

اصلان : سه ن   گئد  یات   دانیشما ، ایندی   صاباحاجاقدا   اویاق   قالیب   بورادا    اوتورسام    یوخوم   گه لمه ز

سهند : دئییره م    یاخچی   سایمیر    بیله یین   یوخسا    قاباقیندا   اوزویون   قوربان   ائیلی یه ردین

اصلان : ائیله ره مدا                                                                                                                                                                                                      3

سهند : سایسا   ائیله دا ...

اصلان : آخی   سه ن  نه   قانیرسان   بونلاری !؟ او  ایچه ریسینده   ساییر   مه نی

سهند : دوز   گه لیب   دوز   گئدمه گین   دئییرسه ندا ؟  سایماغیدا   آنلادیم ...

اصلان : سه فئه آدام    سایماسا   نی یه   گونده   سه رین سو   گه تیریر   بیله مه ،،،،،،،،،، بو   سویون   دادیدا   فه رق   ائیلی ییر ،،،  هوم ............

سهند : اولمویا   دئییرسه ن   به لکه   سویو   سه ن اوچون   گه تیریر ؟

اصلان : گونش   اولسایدی   هه ن   مه ن  اوچون  دئییلدی

سهند : اوندا کی    یوزه یوز  مه ن  اوچونویدور  دوز ، آمما   بودا  سه ن اوچون     گه ترمیر   سویو ،  سه ردارا   گوره  گه تیریر   جانیم .....................

اصلان : مه نده   اونون   توفه نگچیسی یه م دا ، اورا   سه ردارین   سه نگه ریدیر   بورادا   مه نیم

سهند : نه دئسه ن   دئگینه ن   آمما   سو   سه ردارا  گوره   گه لیر

اصلان : گه ل   توت   سویویون   ایش  بابا  ...

سهند : دئدین   یانیق   ای ییسی   هایانلاردان   گه لیر ؟

اصلان : گوله رسه ن به  ، ، ، دئییرسه ن گونشین آتاسین   چاغیریم   بیرلیکده   گولون  هان ؟

سهند : بیر  بونو  باشار ها ، سه ردار   گه لیر   ...

ستارخان   گیریر   ایچه ری یه   ، ایلخیچی اژدری   چاغیراندا   او  بو بیریسی   سه نگه رده ن   گه لیر  ایچه ری یه  .

ستارخان : یورولمایین ،،،  اژدر دایی   گه ل   گوروم ،،،،،،، آتی  بوگون  چوخ   یورموشام ، اونا  یاخچی   یئتیش ...

سهند : سه ردار    ال له ری ییز   وار ،  رحیم خان  امیره قیزدان   چیخدی ؟

اصلان : چیخارتدیلار    دئگینه ن ...

ایلخیچی اژدر : سه ردار   میرهاشیمله  ایسلامیه له ر   ده وه چی نی   آلیبلار ...

ستارخان : ائشیدمیشه م ...

سهند : نئیله ییبله ر ؟

ستارخان : اونلار  بیزله   ایشله ری   اولماسا   بیزیم  اونلارلا   ایشیمیز  یوخدور ، بیز   اوز  یئرله ریمیزی   گه ره ک   ساخلی یاخ   رحیم خانین   الینه  

                  دوشمه سین

اصلان : رحیم خان   بیر ایش   قاباقا   آپارا بیلمه ز

سهند : میرهاشیم   آرایا  گیرسه   آپارار ...

ایلخیچی اژدر : نایب باقرخان   سوز  یوللامیشدی   ، میرهاشیم    ده وه چیله رله   بیر  اولوب   مه شروطه نی   ایسته میرله ر

سهند : آی بالا   بیر  بو  آزیدی  باخ  ...

ستارخان : ایسلامیه له ر  چوخداندیر  دئییبله ر   مه شروطه نی   ایسته میرله ر

سهند : چوخداندا   دئسه له ر  ده وه چیله رین    اونلارلا   اولماقی   یئنی   بیر   سوزدور ، تبریزی   اوزه ر   بو   ایش

ستارخان : دئدیم  کی   اونلار  مه شروطه نی   هئچ  واقت   ایسته مه میردیله ر    

اصلان : مه یه   مه شروطه   اونلاری   ایسته ییردی ؟!

سهند : اونلار   مه شروطه نی   ایسته میردیله ر   دوز   آمما   اونلا   دویوشموردوله ر ، دویوشسه له ر   ایش  باشقا   اولار ؟

ستارخان : بیزیم   داوامیز  مه شروطه نی  آیاق  آلتیندا   ازه ن   دوله ت  آدامی  رحیم خانلادیر  ایسلامیه یله    ایشیمیز  یوخ ...

سهند : اونلارین   بیزله   ایشله ری   اولسا   نئجه ؟

ستارخان : هئچ  نه  دی یه  بیلمه ره م   هه له ...

ایلخیچی اژدر : دالا  قاییدماق   یوخدور  کی ؟

ستارخان : بیز  بو  خالقین  آزادلیقی اوچون   حاقلاری اوچون   چاللاشیریک ، گه ره ک   بونلار   آلینا   بو  میلله ته ..............

سهند : چوخ   چه که جه کدیر   ایشله ر   سه ردار ؟

ستارخان : اینشالا  یوخ ،،، رحیم خان   دایانا   بیلمه ز   قاباقیمیزدا ...                                                                                                                               4

سهند : میرهاشیم  ...

ستارخان : اونداندا  قورخوموز  یوخ  آنجاق   بیزیم   ایشی   چوخالدیرلار

سهند : قورخوموز  یوخ   آمما   ایسلامیه  گیرسه   آرایا   تبریز   مه شروطه ده ن   دونه ر

ستارخان : ایسلامیه  اوز  مه ذهه بین   آپاریر   قاباقا ، بیزده  اوز   مه ذهه بیمیزی

سهند : اونلارلادا  دویوشه جه ییک ؟؟؟؟؟؟؟؟؟؟؟؟؟؟؟؟؟؟؟

ستارخان : سوزو   اوزالدیرسان  سهند ، دئدیم   بیلمیره م

ایلخیچی اژدر : اوغلان    سه ردار  یورقوندور ...

ستارخان : مه ن   بیر  نه فه ره م ، بو ایشی   هاممی   گه ره ک   ایستی یه ، بیرده   گه ره ک   باخاق   نه له ر   دئییرله ر   بیله میزه  ...

سهند : کیمله ر ؟؟؟؟؟؟؟؟؟؟؟؟؟

ایلخیچی اژدر : سهند  اوتوردا ..........................

ستارخان :  سهند  اصلانلا  بیرلیکده  گئده رسیز خی یابانا ، بازارا  ، لئیلاوایا   بیرده  نوبه ره   گوره رسیز  اورالاردا  نه  لازیمدیر ، باقیرخانلا  حسین باغبانا 

                  بیرده شیخ علی اصغرله   علی میسیویا  دئیین  امیره قیزدان   رحیم خانین آداملارین  قاوالدیک ، بورالار   بوتون   بیزیم   الیمیزده دیر ،

                  چابوک  اولون  گوروم ...

سهند : سه ردار ...

ستارخان : اوغلان  بئواقتا  قالدیز   گئدین   دئدیغیم   ایشله رین   دالیسیجاق  ، دانیشماقا  واقت  چوخدور  ...    

اصلانلا  سهند   چیخیرلار   ائشی یه   .

ایلخیچی اژدر : بوجور کی  باخیرام   ایش   اوزونا   چه که جه کدیر   هان ؟

ستارخان : گه ره ک   گوره ک    اوبیریسیله ر   بو  ایشی   نئجه   گورورله ر ، قورخورام   ایسلامیه له رین   سوزونه   آلدانیب   توفه نگله رین   قویالار 

                  یئره ،،،،،، بیلیرسه ن   اژدر دایی   نه یه   فیکیرله شیره م  ، دوله ت   بونلاری   سالیب   قاباقا   بیزی   ییخا ، تبریزی   بیر  بونلار   بیزده ن   

                  آیری   سالا  بیله رله ر ...

ایلخیچی اژدر : تبریز    سه رداریندان   آیریلماز

ستارخان : ایسلامیه   ایسلام   آدیلا   آلداتماسا   بیله سین   سوزون   دوزدور

ایلخیچی اژدر : تبریزه   ایسلام   بیر  ایسلامیه   دئدیغی   دئییل  

ستارخان : قانانلارا   هه یه ، مه نیم   قورخوم   قانمی یانلارداندیر

ایلخیچی اژدر : ایندی   داها  هاممی  آنلاییر   کیم کیمه دیر    سه رداریم ..............................

ستارخان : موجاهیدله رین    باشچیلاریلا    گه ره ک    دانیشاق

 ایلخیچی اژدر : هاممیسی    سه نیله   ال اله   وئره جه کله ر 

ستارخان : کئشگه   بویله   اولا ، قورخورام   ایش   اوزانا  اژدر دایی ...

ایلخیچی اژدر : بو   ایشین   سونو   بیزیمدیر

ستارخان : هئچ  نه  دئمه ک   اولماز ، گه ره ک   دوزه ک   گوره ک     نه له ر    گه لیر   قاباقا

 ایلخیچی اژدر : بویوک  سه ردارین   دوزومو   گه ره کده   چوخ   اولا  ...

ستارخان : مه نده   دوزوم  وار   اوبیریسیله رده ده   اولسا 

ایلخیچی اژدر : تورک   اولادی   گه ره ک   دوزوملو  اولا ، ایسته سه ده  ایسته مه سه ده ...

ستارخان : آکیشی   آتا   یئتیردین ؟ دایان ، تئلگیراف   یوللامالی یام  ، بورالاردا   گوزون   اولسون ..................................                                                                                                                  

قارانلیق   .   ایشیق    .

سهند : بیلیردیم   بوراداسان ...

گونش : بوش  قالان   یئر  دولادا   گه ره ک

سهند : بوش   قالمالی   یئر   بوش  قالا   یاخچیدیر                                                                                                                                                        5

گونش : بوش  قالمالی  اولسا   هه یه ...

سهند : قالمالییدی  کی    قالیبدیر

گونش : گورورسه ن   قالمی ییبدیر

سهند : سه نین  یئرین   بورا   دئییل ...

گونش : کیم   دئییر   بو   سوزو ؟

سهند : مه ن

گونش : مه ن   بورادایام  ، سه نده   بونو   گورورسه ن

سهند : ائوده   دی یه رسه ن   نی یه   گه لمیشدین   بورایا

گونش : گه لسه یدیم    هه ن   دی یه ردیم

سهند : ایندی  گه له جه کسه ندا

گونش : بو  تئزلیکله   قاییدان   اولسایدیم   بورا   گه لمه زیدیم

سهند : چیخ   گئده ک  ائوه

گونش : سوزومو   دئدیم

سهند : مه ن   سه نه   گوره   بورادان   گئتدیم

گونش : گئدمیشدین   نه ده ن به   قاییدیبسان ؟

سهند : گونش

گونش : نه دیر  سهند ؟ قاییدیم  ائوه   نه  اوچون ؟

سهند : سه ن  بیر  قادینسان   یئرینده   ائودیر

گونش : زینب پاشادا   قادینیدی !

سهند : مه ن   ایسته میره م   سه ن   او   اولاسان   ، سه ن  گونش   اولسان  مه نه   به سدیر

گونش : سه نه   به سدیر ؟ به   مه ن  ؟

سهند : مه ن   سه نین   کیشینه م ...

گونش : گوروره م  کیشیلیقده ن   دانیشانلار  بورانی  بوراخمی ییبلار

سهند : گونش   قورتار

گونش : سه ن  قورتار  سهندخان ، مه ن   بورادان   قاییدان   دئییله م

سهند : سوروشا   بیله ره م   نی یه ؟

گونش : سهند   دورد دووره یه ن   باخیبسان   بیر ؟ دوله تین   قوشونو   تبریزی   آلیب   آلتینا   ، اولمویا   اونلاری   گورمورسه ن  ؟

سهند : گورمه سه یدیم   بورالاری   تانیمازیدیم

گونش : یاخچی   سهند  تانی ییردین    نه ده ن   اوتوردون   گئتدین ؟

سهند : گئده ک   دی یه ره م

گونش : سوزون   اولسا   بورادادا   دی یه   بیله رسه ن

سهند : بورادان   خوشوم   گه لمیر  داها

گونش : ساق اولدا ، ساق اول

سهند : گونش  ایسلامیه   بوتون   ائوله رین   اوستونه   آغ بایراق   باغلی ییبدیر ...

گونش : گورموشه م

سهند : ده وه چیله ر   مه حه ل له سی   اونلارین   سوزونه   اوتورور  دورور

گونش : سه ن   هازامندان  ده وه چیله ر   مه حه ل له سینده ن   گه لیبسه ن ؟

سهند : ته ک   اونلار  دئییلله ر ، بوتون  تبریز  دونوب  مشروطه چیله رده ن                                                                                                                   6

گونش : تبریز  اوزونده ن   اوز  دونده رمه ز ، مه شروطه یله  تبریز  بیر  آددیر

سهند : گونش   مه نه   ناغیل  دئمه ،  آغ بایراقلارلا   روسلارین  بایراقی   هه ر   ائوین   اوستونده  وار ، قورتار  گئده ک

گونش : سه ن   مه نه   ناغیل  دئییرسه ن   سهندخان ، مه ن  تبریزین  قیزی یام ، ایندیده   بورادایام ، ستارخانین  سه نگه رینین  یانیندا ، دونه نه جه ک  

               کیشیم   بورادایدی   اوزوم   قالمیشدیم   ائوده   ایندی  کی   او   اوتوروبدور   بورانی   اوزوم   گه لمیشه م   یئرینی    دولدورام ،  ایندیده  

                اولدو  وار  دوندو  یوخ   ، سه نده   اوزون   بیله رسه ن   ، قالیرسان  قال  گئدیرسه ن   گئد  آغ بایراق  آل ، یوخ   اصله ن   گئد  روسلاردان 

                 بایراق  آل ...

سهند : یاخچی ، یاخچی ،   دانیشما  داها  ...

گونش : گورورسه ن   سوزون   یوخدور 

سهند : مه یه  بیز  بیربیرله   ائوله نمی یه جه یدیک ؟

گونش : بویله   یوخ ...

سهند : نه جور  یانی   یوخ ؟

گونش : مه ن   بو   هایدا هایدا   توی  توتوب  گه لین    چیخا   بیلمه ره م ...

سهند : توی   توتمویاق ، اولار ؟

گونش : سهند  ائیله بیل   سه ن   مه نیم   سوزله ریمی   قانمیرسان ! قانین   ایچینده   کئفین   دوروب   سه نین ؟

سهند : بو   قانلار  موفته   توکولور ...

گونش : سهند ...

سهند : ستارخان   قورخوبدور  ، بویله   نی یه  باخیرسان ؟ هان ؟ اینانمیرسان ؟ اوزونه   اینامی   اولسایدی ، یولونا  اینامی  اولسایدی    نی یه  به 

           ایسلامی یه له رین   آغ  بایراقلارین  گوره نده   سوسدو ؟ هان ؟ نی یه   ده وه چیله رله   ایشی   یوخدور ؟ ایه ر   ستارخان  یولونا   اینامی وار

           دوشسون   قاباقا   گئدسین  بایراقلاری  ائندیرسیندا ؟ نه ده ن  گئدمیر ؟ مه نیم  اوره ییم   بو  دویوشده ن  سووویوبدور ، اینامیم  یوخدور  یولومون

           دوز   اولماقینا ، ایسلامیه له ر   آللاهدان    دانیشیرلار

گونش : مه ن   ستارخان   دئییله م   سه نه   جاواب   وئره م ، اوندان   سوروشوبلار   دئییب   گوزله ییر  بیر  ایشی ، دئییب  گه ره ک   دوزوله  بو  ایشه ...

سهند : نه یه   گه ره ک   دوزوله ؟ تبریز   بوتون   آغ بایراقلا   روس بایراقیلا   دولوبدور

گونش : گئد   سه نده   بیرین    وور  قاپی یین   اوستونه دا

سهند : اوتور  بو  سوزله ری ، یولا  دوش   گئده ک

گونش : یولون   آچیکدیر

سهند : گونش

گونش : مه نیم   سوزومو   ائشیدیبسه ن ...

سهند : آخی   مه یه   سه نین   ائوین ائشی یین    یوخدور ؟ بورادا   سه نین   نه   ایتین   اولوبدور  هان ؟

گونش : مه نیم   ائویم   بورادیر  ایندی ، تبریزین   گوزو  بورا  باخیر ، بویله  بیر  حالدا  نئجه  قی ییم   گه لیم   اوتوروم  ائوده   سهند ؟ گه لیم  گه لین

              اولماقدان   دانیشیم   آتامین آنامین   گوزونده ن   دوشوم ؟ دئمه زله ر  اوتانمیر  بو   احوالاتدا   توی  توتور ؟ مه ن   بورادا   قالاجام   بیر

              موجاهید کیمین ، زینب پاشا خانیم کیمین   خالقیمین   آزادچیلیغینین   دوشمانلاریلا  دویوشه جه یه م

سهند : گونش   تبریز  دوله تله  دویوشه نده   مه نده   واریدیم   ایندی  ایسلامیه دیر   بونلارین   قاباقیندا

گونش : هه ر کیمسه   دوز  اولماسا   دوز   دئییل  ،  آدا   نه   ره بطی  وار  دوز  اولماقین ؟  اونلار  دوز  دئییل له ر ،  گه ره ک   اونلارلا  دویوشوله ...

سهند : آروادا   جاهاد   حارامدیر ...

گونش : کیشی   اولان  یئرده ...

سهند  گونشی   سیلله یله   وورور  .

سهند : دوش  یولا

گونش : اوتور  الیمی                                                                                                                                                                                                    7

سهند : دئدیم ...

گونش   توفه نگی   توتور   سهندین   اوستونه  .

گونش : گئد ، داها   گئد

سهند : گونش !!!

گونش : ایسته میره م   گوره م   بیله یین ،،، گئد .........................................

سهند : باغیشلا   مه نی

گونش : گئد  .........................

سهند : دئدیم   باغیشلا ،،،،،،،،،،،،،،،،،،،،، اوزومده   دئییلدیم ، باغیشلا ، گونش ، گونش ، باخ بیر ، سه نیله یه م  گونش ! سوزلریمه   قولاق  وئر ،

             باخماساندا  قولاق   وئر  گور  نه   دئییره م ، مه ن   بورانی   اوتوردوم    گه لدیم   سه نیله   تویومو   توتام ، تویومو  توتام   آپارام   سه نی  

             ائویمه ، الینده ن  یاپیشام   گئده ک   اوز   ائویمیزه ، داها   دوزه   بیلمیره م ، بیلیرسه ن   سه نسیز   قالا   بیلمیره م ، به سیمدیر ، گه لدیم   آپارام  

             سه نی ، ایکیمیز  اولاق   ائوده ، سه ن  بیرده   مه ن

گونش : اوتانما   دانیش

سهند : سه نسیزلیک   اولدورور  مه نی   داها ...

گونش : سه ن   داها   اولدون   مه نه

سهند : گونش !!!!!!!! گونش ، سه ن ، سه ن   نه   دئدین ؟؟؟؟؟؟؟؟؟؟؟ گونش  باخ   بو  مه نه م   سهند ! یاخچی ، یاخچی   سه نده  گه ل   مه نی  وور ،

             ووردا ، ووردا ،،،،،،،،، گونش ، سه نیله یه م  ها ،،، سه ن  کی  مه نیم   ناراحات  اولماقیما   دوزه بیلمه زیدین  به نه  اولوب  سه نه  آخی ؟ هان ؟

             سه ن کی   مه نی   که ده رلی   گوره نده  آغلاماقدان   گوزله رین  یاشلا   دولاردی   به   نه   اولدو   او  گونشه ؟ هان ؟ سهندی یین   آشکین 

             نه ده ن   آتیبسان   اوره گینده ن ؟  بیر  نئچه   ایسلامیه  آداملاریندان   قورخان   ستارخان  اوچون ؟ اینانیم   بونا ؟  ائشیدیرسه ن   گول له له رین

             سه سی   یاخینلاشیر ، ائشیدیرسه ن ؟ باخ ، باخ  اورایا   دالی  چه کیلیرله ر  ، باخ  بیر ....................

گونش : اولمویه نه جه ک    دایاناجایام ...

سهند : بئواقت   اولمامیش  گه ل   اوزوموزو   قورتاراک   گئده ک

گونش : عومور  بویو  اونون بونون   پیس   باخیشینین   آلتیندا   یاشی یان   دئییله م

سهند : گئده ریک   تبریزده ن !

گونش : اوزگه  زامان  اولسایدی   سوزویه ن   قولاق آسیب   گه له ردیم   هارایا   دئسه یدین   آمما   ایندی  بو  احوالاتدا   بو   توپراقدان   باشقاسیندا 

               یاشاماق   حارامدیر   مه نه ...

اصلان  ته له سیکده   گیریر   ایچه ری یه .

اصلان : نه  اوزالدی  ایشین  سهند ، ائیله بیل   دالا  قاییدیرلار ، رحیم خانین  آداملاری   باسیب   گه لیبله ر  قاباقا ، ایش  کورلانیبدیر ......

سهند : گونش  گئده ک ...             

ستارخان   نئچه توفه نگچیله   گه لیرله ر   ایچه ری یه  ، گونش   تئز   اوزون   توتور  .

ستارخان : یاتین   سه نگه رله رین   دالیندا ، اصلان ، صمد  ، سهند  یاخچی   قاییدیبسان  ، هانی   توفه نگین به ، یاتین   ...

اصلان : چوخدورلار ؟

ستارخان : اژدردایی   توفه نگ  آل   الی یه ن  ، آتی  اوتور  گه ل   اوسته ، بیر طه ره فده ن  آغ بایراقلار  بیر طه ره فده نده   روسلارین  بایراقلاری   

                  ایش   وئریب   الیمیزه ...

اصلان : روسلار   نه ایسته ییرله ر   بیزده ن  باخ ؟

سهند : هاممی   دئدی   ایسلامیه   تبریزین   فیکیرین   ده ییشه جه کدیر    ، اینانمادین !

ستارخان : ایندی   بو   سوزله رین  یئریدیر ؟ دئدیم   توفه نگین   هانی  ؟

اصلان : گه ل   گئد   بویانا   سهند

ستارخان : اویانی   گوزله یین ،،، صمد   نه یه   مات   قالیبسان   فوشه نگین   یوخدور ؟ آتدا ،،، اصلان   گئد  بویانا   سه ن ، عابباس   چابالا  گوروم ،  8

                 بیری   یئتیشسین  بونا ، صمد  دوروب  باخما   گه ل   حسنین   یاراسین   باغلا ، یارالاندی ،،، یاشار   حسنین   یئرین  دولدور ، صمد  به  سه ن

                 نی یه   ته رپه شمیرسه ن   آخی   ؟؟؟ !!!!!  سهند  سه نه   نه   اولوبدور  به ؟

سهند : مه ن    قاپیمیزین    اوسته   آغ بایراق   وورموشام .....................................................................................

گونش    گئدیر   و   سیلله یله   سهندین   اوزونده ن   وورور  .

ستارخان : صمد .....................................

گونش : اول باخ ، گئد  اول ...

سهند : گونش !!!!!!!!!!!!!!!!!!!!!!!!!!!!!

ستارخان : گونش ؟؟؟؟؟!!!!!!!!! یاتین   یئره ، چه کیل   اویانا ...

گونشه   گول له   ده ییبدیر  ،  ییخیلیر  .

سهند : گونش ،،،،،، گونش ،،،،،،،،،، گونش ...

ستارخان : چه کیل  گوروم   اویانا ...

سهند : ال   ده یمه   بونا  ،  الی یین   ورما   بونا ،،،،،، آداخلیما  الین   ده یمه سین  ،،،،،، اولدو ، اولدو ،،،،، ایندی   راحات   نه فه س   چه که   بیله رسه ن

           ستارخان ، اولدو داها ، گونش  ،،،،، بونون   قانی   سه نین   بوینویاندیر ،،، سه نین ...

اصلان : سهند  ...

سهند : داها   سهند  اولدو   اصلان ، اولدو   سهند ،،، اولدو ...

ستارخان : اویاندا   نه  هایدی ، عابباس   بیر  سوز  گه تیر   اویاندان

عباس : گوزوم   اوسته  سه ردار ...

عباس   چیخیر    ائشی یه  .

ستارخان : بورادا   نه   اولوب ؟

اصلان : گونشدیر ، سهندین   آداخلیسی ، سهند   گئده نده ن   سونرا   اوغلان   پالتاری  گئییر   گه لیر   اونون    یئرین   دولدورا ، صمد آدیلا ...

ستارخان : بیز   اولموشدوک ؟

سهند : دوزونو   گورسه یدین   هه ن   اولموشدوک ، ایسلامیه   باش   قووزویاندا ، سوزه  قولاق   وئرمه دین ، هاممی  توفه نگین   قویدو  یئره ، بیر سه ن

             قویمادین   بو   نئچه   توفه نگچیله ، سوزو   آلمادین   کی    تبریزین   ایشی   قورتولوبدور ، مه شروطه نین    ایشی   قورتولوبدور ، اوشاق کیمین

             دئدین   گه ره ک   سوز    مه نیم   سوزوم   اولا  ،  قالدین ، آمما   باخ ، گورورسه ن ؟ گورورسه ن ؟ بو   مه نیم   آداخلیمدیر ، اولدو ، سه نین

                عینادلیقین   اونو   اولدوردو ،  سه ن   اونون   قانین   توکدون   سه ن ،،،،، سه ن ،،، سه ن .................

عباس   گه لیر  ایچه ری یه   .

عباس : سه ردار  ائیله بیل   حسین خان باغبانلا   آداملاری   اویاندان   گه لدیله ر  ،  دالی   آپاردیلار   دوله تین   قوشونون ، چیخاق   سه نگه رده ن ؟

ستارخان : یارالینی  آپارین  مه نیم   سه نگه ریمه ، سهنده  کومه کله شین   بونو  آپارسین  ،  قورتولدوز   قاریشین  باغبانین  آداملارینا ، مه نده   بویاندان 

                  گه له ره م  ...

سهند : بو   گوناهسیز   قیزین   قانی   سه نین   بوینویاندیر   ستارخان .................

ایلخیچی اژدر : اوغلان  دانیشما ، گئد ...

ستارخان : اوتور  اونو  اژدر  ، گئدین ...

سهندله   یاشار   گونشی   آپاریرلار   ائشی یه ،  گونشین   قانلی   چارقادی   دوشور  یئرده   قالیر  ،  حه سه نیده   آپاریرلار  ستارخانین   سه نگه رینه  .

ستارخان : اصلان   قال  ...

اصلان : گوزوم   اوسته   سه ردار ...

ستارخان : سه ن   بیلیردین   صمد  سهندین   آداخلیسیدیر ؟                                                                                                                                            9

اصلان : بوگونه جه ک   یوخ ! سهند   قاییداندا   بیلدیم ...

ستارخان : مه ن   اولموشه م   بیر  قیز  گه ره ک   گه له   توفه نگ   آلا   الینه ؟

اصلان : سه ردار    او   قیز   دئییلدی   قافلانییدی ،،،،،،،،، سهند   ائوله نمه ک    اوچون   بورانی   اوتوروب   گئدمیشدی ، ایسلامیه له رین   بایراقلارین

               باهانا    ائیله میشدی ، گونش   ایسته می ییب   بو  هایدا هایدا    توی   توتولا ، چیخیب   گه لمیشدی   بورایا ...

ستارخان : بویله   آداملار  اولماسایدی   ستار   چوخدان   تبریزده ن    چیخیب   گئدمیشدی !

اصلان : سه ردار    آغ بایراقلار   ایش   وئره جه کدیر   تبریزین    الینه  ، اونلارا   بیر   فیکیر   ائیله !

ستارخان : دوزولسه   ایشله ر   دوزه له ر ...

ساچلی  بیر  کوزه  چی ینینده   گیریر   ایچه ری یه ، دولو   کوزه نی   قویور   بوش   کوزه نی   گوتورور   گئدیر  .

یاخینلاردان   بیر گول له    سه سی   گه لیر  .

اصلان : یا ابوالفضل ، وای ، وای   ده ده م ،   ووردو ، وورولدو ، ووردولار ،  ووردولار ،،،،، ساچلی ، ساچلی ،،، ووردولار  اونو ،،، وای  ،،، ساچلی ...

ستارخان : اوتور  ، اوتور  یئره ، گول له   گه لیر ..

اصلان : دوشدو ، دوشدو ، وای ، وای ...

ستارخان : اوزویون  وئره جه یه ن   اولومه ؟؟؟ اوتور  یئره ........

ستارخان   گو ل له یله   بیرین   وورور  .

اصلان : اوتور  مه نی ، اولدوره جه یه م ...

ستارخان : دئدیم ...

اصلان : اولدو ؟!! وای   مه نه ، وای ...

ستارخان : دایان  اوغلان ........................

اصلان : ساچلی ، ساچلی ، ساچلی .............................

اصلان   چیغیرا چیغیرا   دالبادال   گول له  آتیر  ، ستارخان   اصلانی   ییخیر   یئره   .

ستارخان : دایان ، دایان ...

اصلان : اولدوره جه یه م ، اوتور  مه نی ، اولدوره جه یه م   اونلاری

ستارخان : اوزویه ن   گه ل  اصلان ، بیلیرسه ن   نه  ایش  گورورسه ن ؟ بو  گول له له رین  هه ر  بیری   بیر  جان  آلا  بیله ر

اصلان : آلسین ، آلسین ، اولدوره جه یه م   اونلاری ، اوتور  مه نی ...

ستارخان : دئدیم  دایان ، گوزو باغلی  گول له   آتماق   اولماز

اصلان : اولدوره جه م    اونلاری    ، توفه نگیمی  وئر ...

ستارخان : بیلیرسه ن   کیمه   گول له   آتیردین  ؟

اصلان : هه ر  کیمسه یه   اولسا  

ستارخان : سه نین   هوشون   باشیندا   دئییل ،  آتدیقین   گول له   ده یسه   بیر  گوناهسیزا  ؟

اصلان : اونلار  گوزو  باغلی  گول له   آتیب   ساچلینی  ووروبلار   سه ن  مه نی  توتورسان ؟

ستارخان : ووردوم   بیله سین ،  قورخودان   قاچیب  گئده   بیلمه میشدی  حسین باغبان  گه له نده

اصلان : ایندی کی  آتیبلار  گوناهسیزلاری   اولدوروبله ر  گه ره ک   مه نده   آتام   اونلاری   اولدوره م   توفه نگیمی   وئر

ستارخان : گوناهسیزلاری   اولدوره جه کسه ن ؟

اصلان : اولدوروبله ر   اولدوره جه یه م   مه نده

ستارخان : قورتار  بو  سوزله ری

اصلان : قورتارمیرام   سه ردار ، قورتارمیرام ، چه کیل   گئدیم ، کیمسه   چیخسا   قاباقیما   اولدوره جه یه م   مه ن  ...

ستارخان   سیلله یله   اصلانی   وورور  .                                                                                                                     10

ستارخان : بیز میلله ته  گول له  آتماق اوچون  توفه نگ   اله  آلمیشیق ؟ هان ؟ کیم اویره دیبدیر  بونلاری  سه نه ؟ مه ن ؟ هان ؟ دئدیم   دایان  توولاندین

                 لابدا ، بو   توو ایله   گئدیرسه ن   هارایا ؟ خالقی  اولدوره ن   گوزو  یومولو   گول له   آتماقلا ؟ هان ؟

اصلان : اولدوردوله ر  ،  اونلار  اولدوردوله ر ، ساچلینی   اولدوردوله ر ،،، اونلاری   گه ره ک    وورام ، گه ره ک   وورام

ستارخان : ووراجاییک   دورسان ، گوناهسیز   توکوله ن   قان   یئرده   قالار ؟

اصلان : به  نه  زامان ؟ هان ؟ نئچه  ساچلی   گه ره ک  اوله  ؟ هان ؟ نئچه   گونش   گه ره ک    اوله ؟ اون ، اوتوز ، یوز ؟؟؟؟؟؟؟

ستارخان : دوزسه ن   قویمارام   ایش   او یئرله ره   یئتیشه ، آمما   گه ره ک   دوزه ک  بو  اولومله ره  ، گه ره ک  ...

اصلان : نئجه   دوزوم   سه رداریم  هان ؟ نئجه   دوزوم ؟  او  جانیمییدی ، روحومویدو ، اوره ییمین   اوزویدو ، نئجه   دوزوم  ، نئجه  دوزوم ...........

ستارخان : اوغلوم  قانی  یئرده  قالماز  اونون ، نه  اونون   نه   گونشین    نه ده   اوبیریسی   شه هیدله ریمیزین ، سه نه   سوز   وئره ن   مه نه م ...

اصلان : سوز   ایسته میره م   ایش   ایسته ییره م  ، ایش  ...

ستارخان : دوزسه ن   اودا ...

اصلان : دورورسان   گئده ک ،، مه ن   دورورام ، گئدیب  اونلاردان   اینتیقام  آلاجایام ،،، دور  گئده کدا ،،، هاممی   سه نین  یولویون   گوزله ییردی 

              چیخاسان   امیره قیزدان   اوز   گه تیره سه ن      ده وه چی یه ،   آغ   بایراقلارا   بیر  ایش  گوره سه ن ،،، سه ن   هئچ   ایش    گورمه دین ،

               دئدین   گوزله ییرسه ن  !  نه یی  گوزله ییرسه ن   به ؟  دئدین  ، دئدین   هه له   تئزدی    ، هاممی  گئتدی   ، ته ک   قالدین ، ایندی   دوردا ،

               هاممینی   بیرده   ییغگینان  باشی یان   ایشی   قورتار ، دورورسان ؟  مه ن    دورموشام    سه نده    دوردا ،،، تبریزی   گوتوروب   روس بایراقیلا  

               آغ بایراق ، گوناهسیزلار   اولور   دالبادال ،  دوردا    سه ردار  ...

ستارخان : آغ بایراقلاری    ائندیره مه ک  اوچون   دئمیشه م   دوزمه لی ییک ، دئمه میشه م ؟؟؟؟؟؟؟؟؟؟

اصلان : هازاماناجاق ؟

ستارخان : بیلمی ره م ، گه ره ک     دوزوله   هه له  ...

اصلان : وای  ،،،،،، اولدو ،،،،،، اولدو ،،،،،،،،،،،، ایندی   داها   مه نده  گئدمه لی یه م  ، سه ن  قال   نئیله ییرسه ن   ائیله   بو  دوزمه کینله  ، چوخ   اوزومو

              ساخلادیم ، اوزومون  قاباقیمی   آلدیم ، قویمادیم   سوزله ره   اینانام ، دئییردیله ر   ستارخان   قورخودان   اویانلارا   گئده بیلمیر ، آجیغیم  

              گه لیردی   بو     سوزله رده ن  ،  اوزومه    شه ککیم   واریدی   سه نه   یوخ ، بونا گوره ده   قالمیشدیم ،،،،،،،،،،،، گئدیره م   داها ، سه نده  بو 

               قانلاری   عه زیز   بیلسه ن   قویما   ته بریزین   غئیره تی   قالا   اوره یینده   بوغولا ، قویما   سووویا   میلله تین  جوشا   گه له ن   غئیره تی  ، بو  

               ایش  اولسا  داها   هه ر نه یی   الده ن   وئره جه کسه ن ، بیرده  ته زه ده ن   بو خالقی   جوشا   گه تیره  بیلمه زسه ن ،،، اویله   اولسا   اوزویون  

               باغیشلی یاجاقسان ؟؟؟ سه نده  اوزویون  باغیشلاسان   اولکه ن   سه نی    باغیشلامی یاجاقدیر  ، آذربایجان   سه نی   باغیشلامی یاجاقدیر  ،

               سهند  دئمه لی   سه ن    بوگون    گوناهسیز   توکوله ن   قانلارا   جاواب   وئرمه لی سه ن  ...........

ستارخان : اصلان   دایان ،،،،،،،، اصلان ...............................................

اصلان   چیخیر   ائشی یه ، ستارخان  قالیب   نئیله سین ، ایسته ییر   اصلانین   دالیسیجاق   گئدسین    اذانین   سه سی   مه سجیتده ن  گه لیر  ،  قالیر ، آیاقلاری   سوستلاشیر ، اوتورور   یئره   .

ایلخیچی اژدر    گیریر   ایچه ری یه   .  

ایلخیچی اژدر : حسنین   حالی   خوشدور ، قالار ...

ستارخان : اژدر  سه نده  گئد ، مه ن   بو   ایشی   باشا  آپارا  بیلمه دیم ، اوجور  باخما  مه نه   دئدیم   چیخ   گئد ، ایسته ییره م   ته ک  قالام ، گئد .........

ایلخیچی اژدر : سه ردار ...

ستارخان : دئدیم   گئد .......................

ایلخیچی اژدر   ایسته ر ایسته مه ز  چیخیر   ائشی یه   .

ستارخان   گونشین    چارقادین   گوتورور   آغلاییر  .

اصلان   الینده   بیر کاغیذ   گیریر   ایچه ری یه  .

اصلان : آقام ، سه ردار   گه لدی ،،، یئتیشدی ،،، سه ردار  گه لدی   او کی   گوزله ییردین   اونو ، گه لدی   تئلگیراف ، تئلگیرافچی  گه لیردی   بورایا

              توتدوم  یولونو ، بیلدیم  گه لیر  سه نی  گورسون ، اونو گوزله ییردین  دوزدور ؟  الینده ن  آلدیم  کاغاذی ، اوخودوم ، یازیب ، نه جه فده   11

               اولان آقا  یازیبدیر   ته بریزین   مه شروطه چیله له ریله   دویوشه نله ر   آقام حسینین   قاباقین   که سه نله رینله رده ندیله ر ، ایمام زامانین  

               قاباقیندا   دورانلارداندیلار ،  سه ردار   بیزه  یازیب ، گئدیم    چاغیریم   گه لسینه ر ؟ هاممینی   چاغیریم ؟ آغ   بایراقلاری   ائندیره جه کسه ن

               ایندی  ؟؟؟؟؟؟؟  گوناهسیزلارین   اینتیقامین   آلاجاقسان  داها ؟؟؟؟؟؟ گئدیره م   چاغیرام  مه شروطه چیله ری ،  هاممیسینی ، توفه نگله رین

                یئره   قویانلاریدا ، هاممینی ،،، ایندی   داها    تبریزین   قاباقیندا   کیم   دوراجاقدیر ؟؟؟ گئدیره م   آقام  ، گئدیره م .................................

اصلان   چیخیر   ائشی یه   .

ستارخان   گوزله رین    سیلیر  ،  دورور  آیاقا  ،  چیخیر    سه نگه رین    اوسته   اوزاقلارا  باخیر   .

ایلخیچی اژدر   گیریر   ایچه ری یه .

ایلخیچی اژدر : گئده بیلمه دیم   سه رداریم ، ایسته دیم  گئده م  اولمادی ، گئتدیم  آتینلا  گوروشوب   آیریلام  ایکیمیزیده   آغلاماق   توتدو ، سه ردار  

                          عومور   بویو  ایلخیچی  اولموشام ، شوکورله ر   اولسون  آللاها ، آزدان  چوخدان   اولوب   آپارام  آرواد  اوشاقیما ، آروادین  

                          آداملاری  بویوک  طایفاداندیلار ، اونلارین   یانیندا  هه ممه شه   باشیم   آششاغا  اولوردو ، آمما  ایندی  نئچه آیدی  باش  اوجا 

                          دولانیردیم  اونلارین   یانیندا ، آروادا   دئمیشه م   ایندی   بیر آدامین  آتینا   یئتیشیره م   کی    آداملاری یین   بونلارین   اونلارین  

                          اوبیریسیله رینده   بوبیریسیله رینده     شه ره فین   ساخلاییر ، بیزیم  هئچ   بو  توپراقلاریندا   شه ره فین   ساخلاییر ، سه رداریم   اوتورمه 

                          باشیما    مه نی  ، بو  باش   اوجالیقی  آلما   الیمده ن ، اوپوره م   الینده ن  ...

ستارخان : اژدر دایی   بو   چارقادی  آپار  باقرخانا   دئگینه ن   قره داغلی ستار  دئدی   مه نین   بایراقیم   بو  قانلی چارقاتدیر ، سیزین  خی یاباندادا   بویله 

                 قئیره تدی   قیزلار  وار    قانلارین   وئره له ر   آزادلیق   یولوندا ، توپراق  یولوندا  ،  شه ره ف   یولوندا ،  دوز   مه ذهه بله رینین   یولوندا  ؟

                  دئگینه ن   ستار   گئتدی   روسلارلا   میرهاشیمین  آغ بایراقلارین  ائندیره ، دئگینه ن  دئدی   گوزوم  یولون  گوزله ییر  ،  توفه نگین   آلسین

                  الینه     گه لسین  ،،،،، آتیم   حاضیردیر ؟

ایلخیچی اژدر : آیاقلارین   چالیر   یئره   مینه نین   گوزله ییر  ...

ایلخیچی اژدر   گونشین چارقادین  ستارخاندان  آلیب   الین  اوپور  چیخیر   ائشی یه  .

ستارخان    توفه نگینین   گه له ن گئده نین   چه کیر   .

                                                                                                                                           پایان   .

                     89.04.20

پارا ...

بیری  اوتورموشدو  آغاجلار  آراسیندا 

بوستاندا 

کئفسیز 

حالسیز 

توتولو ! 

سوردوم   نه    اولوبدور ؟ 

دئدی  آتام  قوماردا  نئچه  میلیون   اودوبدور ! 

جانیم   سئوینمه کده ن   توتولوبسان ؟  

بیرده   اودوزاجاقدا ! 

تئز   یوخسا   گئج ! 

گولدوم   دئدیم   هه ن   باددان   گه له ن   گئده ر   بادا  ! 

دئییره م   هه له   گه لسین    هه ن ؟

کیمین   پارادان   گه لمیر   خوشو ؟  

گئتدی   پارا   آختارماقا   عومورون   چوخو  ...