اویره تمه مه نه ...

اله سالماق اله سالماقدیر 

یوخ  فه رقی  کیمده ن  کیمه  اولسون  بویله  بیر  ایش   

بیزده ده  اولا  بیلیر !

یولداشلاردان  بیری  دئدی نئچه گون  بوندان  قاباق 

جانیم  بیری  گئدیر  جاهازینا  بیر زادلار  آلا 

بورادان  یوخ  آمما 

اوزاقلاردان ! 

اوره ییمده  نه  اولارین  دئدیم ! 

ـ دوغروداندا  نه  اولار ؟

دئدیم  کیم ؟ 

آدین  دی یه نده   گولدوم 

نی یه سین  دئمه دیم !

اوزومه  دئدیم  اولمویا  بیزیم  بیزده ن  اوزاق  گه زه ن   یولداش  یولو  گوسته ریب  اونلارا ؟ 

ـ بویله  اولسایدیدا  اولماسایدی  سئویندیم !

بویله  فیکیرله شدیم   نه  اولار  بیزده ن  بیر  خئییر  یئتیشه   بیرینه  

اونون  اوزونه ده  اولماسا   قوهومونا

بو  یاخچیلیق   مه نیم  الیمیله   اولماسادا  ! 

بوگون  بیری  یازمیشدی  گئدیر  صاباح   به خت  ائوینه 

تانری  موباره ک   ائیله سین 

مه نده   ایجه شمه ک   اوچون  بیر  سوز  یازدیم 

بیرینی  اله   سالماق  ایسته دیم  

آمما  تئز  گه لدیم  بونو  یازدیم 

سوزون   دوزو 

ایسته میره م  اله سالماقیدا  اویره نه م  

اوره ییمین  یارالانماقین  اوزومده   یئر به یئر  ائیلی یه بیله ره م 

اله سالماقی  ؟ 

یوخ ...

نه دئییم واللاه ...

هه رده ن   اولور  اونون بونون  سوزون  یازیرام  اوز  آدیما  

هه رده نده   اوز  سوزومو  آیریلارین  آدینا 

یازیرامدا ! 

سوزو  توتون  سیز !  

کیم   دئمه سیله    اولماسین   ایشی ییز ! 

سوزدو   گه لیر  دیله  آنجاق !

بیری  دئدی  بیرینه   

یئریده  سالسان  آدی یان  یوخام   سه نیله !  

هه ر   سوزو  آلیرلار   اوزله رینه  !  

آیریلیق   بیر  سیرا   اولار 

اودا  اولوبدور ! 

اودا  بیلیر  بودا ! 

بیلمیره م   نه ده ن   سوزله ریمی  آلیرلار   اوزله رینه  

دئییره م   گوره ن   ایلان   ته زه   یووا  تاپیبدیر ؟ 

بویله   اولسا   سئوینه ره م 

بونا   امینه م ...

آدام ...

تانی ماق  اولمور  آداملاری 

اویونلار  چوخالیبدیر 

ایندی  داها  اویونلاردا  یالانلار  هه رنه ده ن   آرتیق   گورسه نیر !  

هه رده نده  یوخ   یالان  دئییلله ر

اویره نیلمیشدیرله ر !

ایچه ریده ن   چیخمی یان   بیر  سوز 

بیر  ایش  

سونموش  بیر کوز !

بیر  دویغو  آدامین  ایچه ریسینده ن  چیخماسا   

هه لوولو  اولماز    

گوزه ل  اولسادا   ! 

یاشامدا 

باخماقلا 

بیر  کیمسه نین   ایچه ریسین  آختارماقلا   اونو  تانیماق   اولار  

بیر  سیراسین   چه تینلیکله 

بیر  سیراسین  راحاتلیق  ایله ! 

بیر  سیرالاریدا  وار  اوزله ری   اولورلار  عومور  بویو 

آمما 

گون  یوخدور  اونلار   ته زه له نمی یه له ر   

ده ییشیلمی یه له ر 

اونلار  بیر  اوزله ری   اولورلار  بیرده  بوتون  یارانمیشلار ! 

اوزله ری   بیر  یئرده  دورموش 

بیلدیکله ری   گون به گون   ده ییشیلمیش ! 

بو  حالدان  اوبیریسی  حالا  چونموش ! 

بونلاری  تانیماق  اولماز ! 

ساده  اولورلار 

آمما 

بیر  حالدا   قالمی یان 

بیر  یئرده   دورمویان ! 

آدام   ده ییشیلمه سه   چورویه ر  

گه ره ک   ده ییشیله ! 

ده ییشیله

آمما  گه ره ک   آدام قالا 

آدام  اولماسادا 

چاللاشا   آدام اولا ...