سئودام هانی مه نیم ؟

حه سره تله ر   اولدوردو   گوزه ل   ایسته کی 

یادیمدان   چیخیبدیر  سوزلو  یازقیلار 

ساوالان   باشیندان   باخمیرام  داها 

آششاغی   سالیبدیر   باشینی   داغلار 

صه ده فلی   سازیمی   چالمیرام   داها  

بوغازیم   توتولوب   سوزوم یوخ  یارا

کونولوم  ایسته میر   گورسون  کیمسه نی 

سئوداسیز   اوره گی   کیم   ایسته ر   آچا ؟ 

دوروبدور  ایچینده   داها   گوزله ریم     

کاسانی  یوموبدور  باخارسیز   گوزله ر

اولدوزدان   اولدوزا   اوچمور  به به ییم 

یورولوب   یاتیبدیر  چه کمیر   اینتیظار

قالمی ییب   هاراییم   هه مده   هه وه سیم  

آیادا   باخمیرام    گئجه له ر  ایندی ! 

بیلمیره م   نه  اولدو   گوناهیم   مه نیم 

بیلمیره م   گوزه لیم   نه ده ن   اینجیدی !