قالمیشام ...

نه اینتیظاردایام    

نه ده  گوزله ریم  یوللاردا   قالیبدیر  ! 

اوره گیمی   بیر  آییقسیز  یوخو  آلیبدیر !

جانیمی   اوزومسوزلوک  توتوبدور !  

یوخام  داها !

گوزله ریم   کیرپیکله ریمی   اوپوبدور !

هئچ کیمسه نی   گوزله میر  جانیم  

اولماسادا    اوزومده   قه راریم !

آخی  سوروشاندا  اوزومده ن : 

یاخچی   بیری   اولسا 

گه لسه 

ال له ریله  ووجودویان  وولکانلار  اودو  سالسا   

جانیلا   بیله یین  اوپسه  

بونلاردان   آرتیق  اولسادا  سه نی  چیخاردا   بیلمه ز کی   ایچینده   یارانان  قویودان ! 

چیخاردا   بیله ر ؟  

هارادان ؟ 

اوزونده ن !

باخیرام   جاوابیم   یوخ ! 

حئیرانلیقیم  آمما  دونیالارجاقدیر 

چوخدور   چوخ  ! 

دئییردیم   آشک  قورتارار 

قورتارا  بیلمه دی ! 

ـ کیم   ایسته مه دی ؟

دئدیم  سئومه سه م   دوزه له ره م 

ده لیلیک   دئمه  ده رمانسیز  ده ردییمیش !  

دوزه لمه ک    یئرینه   اوزولوره م !

یاززیق  یاشامامیشام  عومور  بویو 

یاززیق  تانینسامدا  باش  اوجا  ایچیم  واریدی 

داها   ایندی   بویله   گورموره م   اوزومو !

سینمیشام !

داریخما  داریخمانی  باسیر  جانیما  

واللاه   آز  قالیرام  دوز  یئرده  آشام !

ماجال  یوخ  اوزومه  گه له م ! 

دونیامین   نئجه  اولماسینی   بیله م ! 

یاشلی   گوزله ریمی   سیله م ! 

ایندی

بونلارلا   اوزومو   بوشالدیرام  

اوزومه  دایانیب  دایانیرام !

اوزومه   دئییره م  جالیب  روزیگاردی 

آششاغیدا   اولماقین  هه ر  ایته  قوردا  ایذن  وئریر  پیس  گوزله  باخسین  سه نه  

نئیله مه ک   یاشام  بویله دیر !

آداملیقلار   یازیلیبدیر    اوزله رده 

ائشیکله رده   قازیلیبدیر  !

ایچه ریله رله   کیمین   ایشی  وار  آخی ؟ 

اوقه ده ر  بو سوزله رده ن   دئمیشه م  اوز  یازیلاریمداندا  گه لیر  آجیغیم 

بیلمیره م   نئیله ییم ؟ 

دینیم ؟ 

دینمی ییم ؟  

یازیم ؟ 

یازمی ییم ؟

قالمیشام  آنجاق ! 

ایچه ریمده کی   باغیرتیلاردا   که سیلیبدیر 

بیلیره م   قورویوب   سولمالی یام  

ـ بویله  یاشام   به سدیر !

سولماقدان  باشقا  گورسه نمیر  یول  بو  سونا  یئتیشمیشه !

بیله مده ن   اولومده   قاچیر    

کیم  بیزیم  قارا  به ختی  یازیر ؟ 

قالمیشام ...