یاشاسین ...

بیر  یئر گوی   توتان   دئوله ر   الیله  آدی  سیلینمیشدی   کاغاذلاردان

یوخ    

سه نیله یه م    ده رین   سوز  قانان

دئسه ن    سوپورولموشدو    یئر  اوزونده نده   آز   اولماز    سوزون  !

قالمامیشدی   بیر  نیشانه  عیصیانلی   ائلین  عیصیانلاریندان

سوندورموشدوله ر   اودلار   یوردونون   اسکیله رده ن   قالان   کوزون   !

بیر  نئچه    ایللیک   یوخو  آلمیشدی   گوزون

بیلیرسه ن   بونلاری     اوزون ؟!

بویله   اولماق   چه تینیدی  بوتون   تاریخده   باش  اوجا   یاشی یان  ائله !

چه تیندیر   آمما   ائل  بونو   گوردو !

اونا

هه ر نه   اولدو !

اولدو   هه ر  نه   آمما   گه لمه دی   ائل  دیله !

اوز  گه تیرمیشدی     باطیله !

دیلین    بیر  قوش  باشی کیمین   که سمیشدیله ر !

کیم ؟

اونلار کی  دئوله رله  اولموشدولار  گیله !

آنجاق   هه ر   ایش   گه لدی   باشینا   تورکون

اولدو  سورگون

یاززیق

یالنیز

یالقیز

ازیلمیش  اولدو   قیچ  آلتیندا

دئگینه ن   هئچ !

آدی   سیلیندی   آدلار   ایچینده ن

میندیله ر   بئلینه  هه ر   یولدان   یئتیره نله ر

تورک   ائل له ری    دیندیله ر ؟

دینمه دی    بیر  آدام !

دیلسیز   نئیله یه ر ؟

بویله   اولموشدو   ایشله ر !

قوردو   واریدی  

زینجیرده  آمما  !

آلیشمیردی  

کوزو  قالمیشدی   کول له ر  آلتیندا  !

اولمه میشدی   

یارالیدی ! 

بیرگون   بیری   دولاشدی   ائله

ته رپه ندی   یاتمیش   سومورروق   قوشو

گه لدی   دیله

قاناد  آچدی   اوشماق   اوچون

یئر  گوی   گه لدی  قانادلارینین   آلتینا

دوشدو   سولطانلیقی   بیرده   یادینا

چه کدی   قیلینجی

سالدی   هارای هارای   سه سین   داغلارا

اوزو   اولدو  !

بیر  سیرادا   تورک   ائلی   اولدو  گویله ر   قوشو !

قارخدی   آیاقا  کوراوغلونون  یئرده ن   دورماسی  کیمی

دئگینه ن   بیر  ده نیزده ن    توفان  قوپدو !

باش   قووزادی   یئنیده    کوراوغلو

بابه ک

سه ردارلار   دیریلدی 

دارلار   اوجالدی !

اویاندا :

توفه نگین   گه لدی   توفولتوسو

گوتوردو  یئری  گویو  توستوسو

بویاندا ؟

جی یارلار   سوکولدو

قانلار  توکولدو

بیلینمه دی   کیم   قالدی   ائلده ن   کیم   اولدو !

گوزله ر   باخا باخا   گوز  یاشیلا  دولدو

گول له ر   سولدو !

سئلله ر   آخدی !

جاندان   چیخان   فه غان   گئتدی   یئرده ن   گویون   اوزونه   هه ر  طه ره فده !

ازیلدی   آداملیقدا   شه ره فده

آمما  اویاندی   یاتمیش   خالق  یوخولاریندان

گه لدی    اوزونه   !

بیلله ندیردی    بوتون   اولکه له ره   اولمویوب   آسلان  اوغلو

یوخدور  بو   ائلین   اوره گینده     دئوله رده ن     قورخو

دیریلدی   کوراوغلو 

یاشام   ای ییسی   گه لیر

بیزیم  باش  اوجا  ائل   اوله ن   دئییل 

یاشامالیدیر

یاشاسین   ائلیم

آذربایجانیم

توپراقیم   یاشاسین  ...