دوز یالان ...

دوزون  یالانین   بیلمیره م 

اویون   اولماسی ایله  اولماماسیندان   خه به ریم   یوخ 

آمما 

اوره ییمین   سینیخلاری   یالان   دئییل 

جانیمین  یانماسی   یالان   دئییل 

گوزومون   یاشی 

باشیمین   دولانماسی   یالان   دئییل ...

سوزوم وار روزیگارلا ...

عومورومون  هاممیسی   اولماسادا 

ـ اولوب  آیری   ایشله رده   گوره م  آخی !

چوخوسون   دویوشموشه م

قارانلیقی 

پیسی 

موندارلیقی 

هه ر   کیفیر   چیرکینلیقی   یارادیب   داغیدانلارلا   دئییشمیشه م !

وارلیقیمدا   گونه ش   اولا بیلمه دیم   اونلاری   یاندیرماق اوچون  آمما 

بوتون   قارانلیقلاردا   یانیب  ایشیق   ساچمیشام  !

ده یه رسیز   روزیگاردا   یاخچیدان   اینسانلارا   سوز   آچمیشام 

ایچی  موندارلارین   قاباقیندا   دایانمیشام !

ازیلمیشه م 

دویولموشه م 

قیچ آلتیندا  آیاخلانمیشام 

آمما   پیسلیکله ره   اییلمه میشه م 

اوزولموشه م 

دوز 

سینمیشام 

دوز   

ساق  قالماییب  ایچیمده  فیکریمده  دیلیمده  

آمما

بوگونه جه ک  قاچمامیشام  

دایانمیشام !

له جه نه   دوشسه مده 

باتلاقدا   قالسامدا 

چیرکینلقله ره   سالینسامدا 

پیس   اولوب   مونداردا   قالمامیشام  

کیفیرلیکله    بیرله شمه میشه م !

آز چوخ  یاشامیمدا   قورد   اولا   بیلمه سه مده    داواردا  اولمامیشام 

یاخچی   یاشامی   اله   گه تیره  بیلمه سه مده   یاخچینی  کوکونده ن   دانمامیشام 

هئچ  کیمسه نین   قاباقیندا   هئچ نه  اوچون  اوزانمامیشام 

نه  آشک  اوچون  دیله نمیشه م 

نه  چوره ک   ده ردی   الیمی   آچیبدیر 

دیلله ره  دوشموش    آد  تاپماق اوچون  اوزومو  آد  ساتانین   الینه    وئرمه میشه م 

زوروم   اولماسادا  زورا   باش   ایمه میشه م 

یالان   سئودالارا   کونول   سالمامیشام 

اوزومو   آلا   آلداتمامیشام !

اوزومده   قالسامدا   پیس  باخیش  ایچینده   قالمامیشام 

دئمیره م   سو  کیمی   ته ممیز    آی کیمی   ال  ده ییلمه میشه م  

دئمیره م  تانریمین   مه له کی یه م 

یوخ 

آمما   بیر  بئله  پیس   ایچینده   دئوه ده   چونمه میشه م  !

یولوم   ته رسه   دوشوب  دئوله ر  یولونا   گئدسه مده    او  یولدا   قالمامیشام  

یولومو   سئچیب   سئومیشه م 

سئوه نده ن   سونرا   یولومدا   ییخیلسامدا   دورمامیشام 

گئدمیشه م  !

یولدا   اوتوروب   گئده نله ره   باخمامیشام ! 

ـ نه  گوزه لدیر   تانریمین   مه نه   وئردیکله ری  !

یاشام   مه نه  بویونه جه ک   بویله   اولوب    

ایسته ییم    بوندان   سونرالارادا    

بویله  اولماقدیر ! 

بو   هاوادا   قالماقدیر !

دورسامدا 

یورولسامدا 

گئری   دونمویه جه یه م 

اوله نه جه ک   تاپدیغیم   یولو   گئده جه یه م 

اوزومه   امینه م !

قیچلاریم   یورقون 

اوره ییم  سولغون 

آشکیم   سویغون 

سه سیم  بوغازیمدا   باتقین   اولسادا   قورخوم   یوخ 

گویله ره   آند   ایچیره م 

قانیملا   باغلاییرام   ایلقار 

اولسه مده  

یوخا  چه کیلسه مده 

سویولسامدا 

داغلیلسامدا 

واریمی  یوخومو   اودوزسامدا 

قان  قوسوب  جانا  گه لسه مده   قاییدمی یاجایام    یولومدان !

یوللار  مه نیمدیر 

اوفوقلاردا  گوز  ووران   اولدوزلار   مه نیمدیر 

بویون   مه نیم کی   اولماسادا 

گه له جه کله ر 

اوغورلار   مه نیمدیر ...

قافام ...

دولانا دولانا   سورودوم   جانیمی   

یاواش یاواش  چیخدیم   کوهنه  قالانین   اوستونه  آخشام باشی    

نئچه  ایل  وارییمیش  بو  باشی   اوجا   قالا ؟  

تاریخ  بویو ؟ 

یوزه یوز   بو  گه ره ک   دوز  اولا ! 

یاغیش     که سمیشدی   داها 

گون  داغلار  دالیندا   یوخا   چه کیلمیشدی 

یولون   سئچیب   گئدمیشدی !

بولوتلار  داغیناق   اورادا  بورادا   

هه رده ن   اوزومه   ده ییردی  بیر داملا  !

قارانلیقا  خوش   گه لدین   دئدیم ! 

اوره ییم   قارا 

باخیشیم  قارا 

گوروشوم 

هه ر  ایشیم   قارا ! 

قارا  توپراق  قیچیم  آلتیندا   

آز  چوخلو  بولوتلو  گوی   باشیم  اوسته  

قارانلیقدا   گه لیردی   یولدا  !  

ته په   یالنیز   اوتورموشدو 

یوخ 

گوزله رین   یوموب   یاتمیشدی ! 

غه می  غوصصه نی  آتمیشدی ! 

سویو   توپراقا  قاتمیشدی ! 

باشماقلاریم   چومورلو 

اوزوم  سولو 

باشیم هاوالی 

ایتیرمیشدیم  روحومو ! 

چیخدیم   ته په نین   اوستونه  

قوجا  قالا 

یاشا یاشا ! 

سه ن  قال  باشی  اوجا ! 

باخیردیم   داغلاریمیزا 

هه م  اویاندا  هه م   بویاندا 

دویره لی ییبله ر    بیزیم   باش  اوجا  سولدوزو  ! 

گویه   باخدیم

گوردوم  اوزاقلاردا  بولوت   آلتیندان   چیخان  بیر پارلاق  اولدوزو !

هاوا   خوشویدو    

قیش   گئدیب   داها   قالمی ییبدیر  سویوقو !

ته په   یالقیز 

مه نده   گئدیردیم  یالنیز ! 

دئییرله ر  آدام آتامیزین   بئهیشتی    یئر  اوزونده  بورادایمیش  

گوره ن  آل آلما  حه ووانین   الینده  قوخویوبدور ؟ 

یوخسا  قالیر ؟  

گوره ن   آدامین   اوره یینده کی   آشک   سولوبدور ؟ 

یوخسا   هه له ده   اودو   یانیر ؟ 

گوزوم   آغلاییردی   آمما   بیرده ن   گولدوم  

اونلاردان  بیزه   یئتیشه نه جه ک   آلمانی   جانی وارلار   ده لمیشدیله ر !  

پیسی   قالمیشدی 

یاخچیسینی   یئمیشدیله ر !

ته په ده   سووود آغاجلاری   مه نله  بیرلیکده   گولوردوله ر ! 

اویناماقلارین   قیزلار   ساچی کیمی  یئل  الینده  گوره نده      بیرده ن   دولدوم 

هاوادا   دولموشدو !  

مه ن  بیرده ن   سولموشدوم !

ته کیدیم 

قارانلیقدا   دورموشدوم 

بیر  سونسوزلوقدا   اومموشدوم ! 

سوردوم   اوزومده ن   نی یه   بویله دیر ؟ 

هانسی   نیفرین   توتوبدور   خالقیمیزی ؟ 

نی یه   ایبلیس   دونده ریبدیر   یولوموزو ؟ 

نی یه   چئویریبدیر   ایشله ریمیزی ؟ 

یئل   اسیردی 

بیرده   باخدیم   اوره ییمده   اسیر ! 

روزیگارین  پیس   سانجیسی   جانیمی   که سیر ! 

نئجه   اولموشوک  زامانایا   قولو  باغلی   بیر  اسیر ! 

دیلی   باغلی    

اوره یی  داغلی 

جانی  یورولموش 

قانی   قوروموش 

اولو   گوردوم   اوزوموزو ! 

قافامی  توپراق   اوسته   گوردوم  ته په نین   باشیندا 

مینله ر   ایل   بوندان   قاباقدان   قالمیش 

قیچلارین   آلتیندا   ازیلمیش 

بیلدیکله ریم    بئنیمده ن   سیلینمیش 

اولو   گوردوم   اوزومو ! 

بو  یورولموش   روحومون   یوخدور  داها   دوزومو 

کیمه   دئییم   یانمیش   اوره ک   سوزومو ! 

یانیر   آخی   جانیم 

وولکانیم  

اودلو  بیر   وولکان ! 

یوخدور  ده ردیمی  قانان ! 

ده ردیمه   یانان ! 

باشیمی  دیزی   اوسته   قویوب  حالیما  آغلی یان !  

یوخدور ! 

یوخ   یوخدور  ! 

یوخ !

دوشوره م   یاواش یاواش   ته په  اوسته ن    آششاغی یا !  

قافام   قالیر  هه له ده   دانیشا دانیشا   قوجا   ته په ده ! 

چیراغلار  گوزومو   اینجیدیر 

آداملار  بیر به بیر  مه نی   دیندیریر 

نه بیلیم   سوزله ری   نه دیر ! 

قافام  قالیب  قوجا قالادا ...