گولوش ...

دئییره م   نه   گولمه لی   زاماندیر   

ـ اصلینده   آغلامالی  دئییم   گه ره ک !

چوخدا   گولمه لیدیر

بیر  عومرودور   پیسلیک   ائیله دیر   اونون   بونون  الیله  

ـ هاممی یا    بیزه ده !

سونرا  

الین   سالیر  قاباقا

پیس  ائیلی یه نله ری   قورخودور 

: آماندیر   گوزله یین !

گه له ر   پیسلیک   ائیلی یه ر   سیزله ره !  

اوزویوزو  گیزله دین !

وای   بو   ایبلیسین   الینده ن ...

سانجیم وار ...

بیلیرسه ن  

بیرگون   بیری   دئدی   

: آژداها   هارادا   اولسان   زه هرین   توکه ر  !

دئدیم : آژداهادان   قاچسان  نئجه   توکه ر   زه هرینی ؟

گولدو 

گئددی 

بیرگون  بیر آژداهایا   راست  گه لدیم 

بیلمه دیم 

پیس   ساشدی ! 

قاچدیم ! 

دئییردیم   اوزومله   یاخچی   قورتولدوم ! 

آنجاق 

آژداهانی   اوره ییمده   اولدوردوم 

زامان   کئچدی   گئددی 

گون  باتدی 

آی چیخدی  

نه   گوزه ل  گئجه له ر  باخدیم  آیلا  اولدوزلارا !

آی  باتدی   

گون  چیخدی 

روزیگار  اوز   مه داریندا  دولانیردی  بویله ! 

بیرگون  ائشیددیم   آژداها   قویودان   چیخیب   ائشی یه 

دئدیم   اوزومله  

: مه نله   نه  ایشی ! 

مه نیم   اونلا   ایشیم   یوخ ! 

آمما  بیلمه دیم   آژداها   زه هرین   توکمه سه   دینجه لمه ز  

سه نیله   ایشیم   یوخ   او  بیلمه ز  ! 

نه  اینجی ییر   جانیم ! 

مه ن  اوزومه   بورولمادا 

آژداها   مه نیله   اوزاقلاشمادا  

گوزله ریم   قارالیب ...

اوزوم ...

جیلغیر   دئییلدیم

جیلوووم   اوز   الیمده یدی

پیس

یاخچی

نه   اولسایدیم   اوزومه یدیم

اولمازیدی   اوزگه له رله   ایشیم

بویودوم

دونیامیزدا   اوقه ده ر   پیسلیک   واریدی  بیزیده   توتا

یاخچی    اولدوم

پیسینده نده    قاچانماسام   آنجاق   پیس   اولمادیم

آشیق اولماقی   اویره ندیم

_ کاش   اویره نمی یه ردیم

باشلاندی    ده ردله ر

ده رد   ییغیشدی   ده رد    اوستونه

باغلانمیش   بیر  به ختیم  وار   دئمه

_ نئجه   اولماسین   تاپشیرمیشام    روزیگارلار   تاپسین !

آنجاق

نه فه س   چه کدیکجه  بو   قارا  به خت   اوغلان

ازیشدیردی   ده رد   اونو

_ یوخدو    هه له ده   سونو  !

سون   آشکیما    یئتیردیم

_ اونو   گوره نده   بونو   اوزومه   دئمیشدیم  !

نه   بیله ردیم   بودا   اوبیریله ره   تایدی   آخی !

ازدی

ازیشدیردی

سیخدی   ده ردی   بونوندا   مه نی !

اوزولمه ره م   بیلیره م  

ایندی   داها   ایتله ر کیمی   جانیم   به رک   اولوبدور !

بیلیرسیز   هاممیسی    سورورله ر   دوورانلارین

فه رقی    یوخ   کیمله

نئجه

هارادا  !

آنجاق   سونوندا

فه رقی   یوخدور   هانسی   دئسه   یئتیردئیک   سونا 

سونوندا   یالان   سئودالارینین

یوللارینی   آیری   ائیله ییرله ر

دونه نه جه ک    بیربیری   تانریدان   آرتیق   ایسته ییردیله ر

بویون   اولوبلار   دوشمان !

یوللاری   آیری

آیریدا   اولوبدور   سوزله ری !

هه له   هئچ    اوزله ری

بیربیرین   وارلیقینداندا    گه لیر   آجیقلاری   !

سه ن   هارالیسان ؟

نه   آجیقیم   گه لیر    اورالاردان !

سه نین   دیلین   نه ؟

وای   کی   گئدیر   زه هله م   اوندان !

ها   بویله

بویله   اوزله رینه   یئنی  بیر   یول   تاپیرلار

یئنی   بیر   آدام   اولورلار !

ایچه ریله ری   دونمویوب   آخی   ایندی

نه  وار   ائشیکده دیر

بودور   گئدیب   ائشیکله رینه   اوخشویان   بیرین  تاپیرلار  

اونلا   یولداش   اولورلار

آنجاق  

بوتون   ایشله ر  بونا  گوره دیر  قاباقداکیلااردان   بوجور   اینتیقام   آلسینلار !

یاززیق   مه نیم ته کین   آز بیلمیش    سا ده له ر

اویونجاق   اولورلار !

سورونورله ر !

دوز   یولداشلیقدا

آشکدا

اویونجاق    اولورلار !

مه نده    سون   آشکیمدا   بوجور   اولدوم !

یئنیده   یادیما   دوشدو

آغلامارام   آمما   دولدوم !

وولکانلار   سیزه   نیشان

اینانماز   اولساندا   بونا   اینان !

بودا   کئچه ر   گئده ر

اوزو قارالیق   کوموروندور !

یولوم   چوخ   قالیر

اوزوندور

دورمارام   بو   ایشله رله !

دئییلسین   پیس   ایبلیسه !

بیر   اوزون   عومور بویو    آیاخدان  دوشمویوب  جانیم 

یارالارا  ال  چه که نده   بیلیره م  یاشیمی !

اسرینمیش    اوره کده   قالماسادا  یئر  بوندان  آرتیق قابارمایا 

ساتیلان  دئییل 

_ دئییلسین    بو   وارینی  قاباقا   چه که ن   آداما !

اله  دوشه ن   دئییل 

بو   اوره کین   صاحابی   اولماسادا  !

وئرمه ره م   اونا !

دئدیم !

ائشیددی !

ایسته دی   سانجا   اوزونو   ساشدی !

بیر  یالانچی  ایلانی   قاوالادیم   

یالان  دئسه م  قاییدماغینی   روزیگار   اوزومه   توپورسون !

قاوالادیم !

نئچه سینین  باشین  یئییب   قاییدمیشدی ! 

نی یه سین   بیلمه دیم  !

پیس   زامان   دونوب   گه لمیشدی !

آزدان  چوخدان  

ـ قورخورام  چوخلارین چوخو  دی یه م  یالان   دئییله   سوزومه ! 

آنجاق

آزدان  چوخدان   سئویردیم   بیرده  بیرینی 

یارالاریمین   ایسته ییردیم   مه رحه می   اولسون 

بیلمیردیم   کیمدی 

نه دی 

نه اولماسین  بیلمیردیم 

آنجاق  بیر گون  اوره ییمه  ال چه کمیشدی  !

مه نه   سای  سالمیشدی !

نه  امیشمه  ایسته دیم 

نه  مینیشمه !

ال له رین   ایسته دیم 

اوپمه کین   ایسته دیم 

بیرده   گوزه ل   گوزله رین !

تورکو   سوزله رین !

اوتورمه   الیمی   دئدیم 

نه   بیله ردیم 

ـ گه ره ک   بیله ردین   آی  اوغلان ! 

نه  بیله ردیم    قارا  به ختین  گونه شی   گوزله رده ن   چیخماز 

داغلار  دالیندا   یاتان   گونه ش   مه نیمیدی !

بیر  عومور  بویو  ! 

ایندیده   دئمه   مه نیمدیر !

پیسله ری   تانی یاندان  بویانا   قاچیردیم !

قاچیردیم   

اوزومه تای اولانین آختاریردیم  

ایریملی   یئرله ره   گئدمه ده ن   اوزاقلاشیردیم 

دئدیم  به لکه   تاپمیشام !

دئمه   یاتمیشام !

آیدین اولسون   گوزله ریمیز !

بیرده   به خت  یاتدی 

یوخ  یاتمادی 

بیرده   دوندو 

دوندورولدو 

نی یه سین   زامانایا   تاپشیردیم   سویله سین !

بیلیره م   اونو  مه نه   ساری   چه که ن   تورکو   دیلیمیدی !

بیلیره م

_ ایندی !

نئجه  او   اوز   روزیگارینا   اوخشامی یاردی !

اودا   بیرینده ن   اینتیقام   آلماق  اوچون   سئچمیشدی   مه نی !

نه   پیس  روزیگار !

آشکادا   یالان   چه کیبله ر !

آشکیدا  یالانلارا   آلداتیبلار !

آشکیدا  ال له ره   سالیبلار  !

چوخدان   اینسان   اولماقی  هه ر   نه ده ن   آرتیق   بیلمیشدیم !

اینسانلیق  یولون  آختارمایا   باشلامیشدیم !

نه  چه تین   اولوبدور  یول  تاپماق   روزیگاریمیزدا  

هه ر   طه ره فه   گئدیرسه ن   گئد    آمما   دوزه   یوخ   گئده   بیلمه زسه ن !

ایسته سه نده   گئده   بیلمه زسه ندا !

ایندی   داها 

داها   اوزومده نده   یورولموشام 

یولداندا 

اینسانلاردان   یورولماسامدا   ایشیم   یوخ   اونلارلا 

اوزومده   قالماق   هه ر   نه ده ن   گوزه ل   اولاجاق   مه نه 

یالان   اولسامدا   اوزومه م 

اوزومونکویه م 

اوزومده   قالماق   هه ر  نه ده ن   گوزه ل 

بونا   یئتیشدیم

سون   یولوم   اوزوم   اولام   گه ره ک  ...