دوز ...

لای لای  دیلیم  لای لای   

اویان   ائلیم  اویان

های   یاتمیش   ائلیم   های  ! 

وای وای 

وای  بیزه 

یاتماق  واقتیدیر   ایندی   آخی ؟ 

آی ! 

یوخ   دوران  یوخدور

یاتمیش   ائل دورمور  

بو  اولکه ده

حوپ   توتوب  دیلیم 

ـ ائلیم !

بیزیم  ائل  دامارسیز  دئییلدی 

نه ده ن   سوسوب    بیلمیره م ؟  

گه لیر   قولاقلاریما   لایلا   سه سی

هانسی  دیلده   اوخونوب   بو   آغیر  لایلا ؟  

بیلمیره م ! 

آهای 

هارای  

اویانین ! 

گه لین   یوخودان   دوراقین !

یوخ

اویانمیر  !

هئی 

داماقدا   داد   قالمادی  

دوداقلار   یاندی 

آغیزدا  سوز   قالمادی

آغیزدا   دیل    قالمادی

قالمادی   دیلده   سوز ! 

قالمادی !

ـ اسکی   اوجاقدا   قالمادی  بیر  یانیق  کوز ! 

اوره ییم   ده ردله ره   دوز ! 

دوز !