اوجالماز ...

تانری    اوزوده   مات  قالیبدیر   یاراددیکلارینین   الینده ن  

بویله ده  ایش  اولارمی ؟ 

بیر  قونچا  گول  اولمامیش   سولارمی ؟

دونه ن   چه کیردیله ر   اودا  

یئریده   گویوده

بوگون   ائیله ییرله ر   جانینا  دوعا ! 

دئییره م 

ـ اوز اوزمه ! 

چیخار   اولماسا  

ـ ایش باشا آپاران  چیخار ! 

یازیلماسا  قانلا  ایلقار

بیر  اولماسا  دوشونجه 

باشا   گئدمه ز  ایشله ر !

اولماسا   قاناجاق   اورتادان   اوسته

ایچه ریده ن   چیخماسا   دوزگون   بیلگی  

قیفیللارین   دوزه لمه سه   اوز   کیلیدی

گه لمه سه   تانری ساریندان  ایشیق

بیر آچیق  دویغو  اولماسا  ایشین   دالیندا  

قورد  ایگیتله ر   قالخماسا   آیاقا 

قارتاللار  قاناد  ووروب   اوچماسا

هئچ  بایراق  اوجالماز !