قانلی قاناد ...

دورنالار   کئچیردیله ر   

ـ ائیله بیل    بیر  یئرده   کوچوردوله ر

یارالی   دورنالار  

یارالی   دورنالار   گئدیردیله ر 

دئییرله ر    بیر  پیس   توفنگچی   آتمیشدی   اوخونو  

- آللاه   جه زاسین   وئرسین !

یارالامیشدی   اونلاردان   چوخونو

بیر  قاناتدان  

قوپدو !

بیر  یارالی   قانلی   قاناتدان 

گویده   بیر  توک   قوپدو !  

آیریلدی   قانلی   قاناتدان

هاوانی   اوپدو !

یاواش یاواش   گویده ن   گه لیردی   یئره

بوتون   آداملار    

دوروب   اونا    گویده ن   دوشه نده   حئیران   باخیردیلار !

بیرده ن  گوردوله ر 

ـ آداملار 

شئیدا    اولوبلار ! 

توکون   گوزه ل   اویناماقینا   وورولوبلار !

قانادین    قانلی   توکو   هه له ده   گویده   اویناییردی 

گه لیردی 

آمما   یئل   قویموردو    دوشه

قویموردو  یئل   توکو   دوشسون   یئره 

توک   هه له ده   یئرله  گوی  آراسیندا   اویناییردی 

هه له ده    اویناییر  

گویله   یئر   آراسیندا !

آداملار  هه له ده   گویله ره   باخیر 

قانلی   گوزله رله ...

نه بیلیم ...

بیرین    ایسته ییردیم 

ـ چوخدان  

اولموشدو   یولداشیم  !

اوزامان   آیریلمیشدیم   بیر ـ آیلیق   آداخلیمدان ! 

ـ بئش ایل   اوندان  قاباق  

بیرگون   سوز  آچدی   یولداشیم    نئجه اولماقیندان  

آداخلیمدان   آیریلماقین   نی یه سینده ن 

اوندان   دانیشمازیدیم    ! 

هئچ کیمسه یه !

ـ آیریلماقین   نه ده ن   اولماقین   دئمه دیم   ! 

آمما

اوزو   بیلدی 

بیلدی   و   گئددی 

یئددی آی   یولداشلیقدان   سونرا   دینمه دی   و   گئددی !

بیری   سوروشدو   نی یه ؟ 

دئمیشدی : 

او   اوغلان   یئددی مین قیزی   اوتوره ر    اوقیزدا   اولان   اونلاردادا   اولسا ! 

دئمیشدی   مه نده ده   وار   اونو   قاچیردان 

ایسته  مه دیم   او   دی یه   گئد 

اوزوم   یولا   دوشدوم ! 

دوز   بیلمیشدی  

بویله دیر !  

دونیالار   اولاناجاق   بویله ده    اولاجاقدیر !

اوتور   بونلاری 

که ده رلی   سوزله ری   سالدین   یادیما ! 

بیر  چوخلو   فیکیره   گئددیم

قاییدیم   ایندی یه  

نه ده ن   دانیشاق ؟  

آهان    چیلله   نئجه   کئچدی ؟  هه ن   چیلله !   

به دا   چیلله !

گه لیم   اوزومه !

دئییره م   چیلله ده ن    دانیشماقدا   پیس   دئییل ها !  

مه ثه له ن    گه ل   قارپیزدان   سوزآچاقدا ! 

اولسوندا !

باخ گوروم  بیر  الده  نئچه قارپیز   گوتورمه ک   اولار ؟  

ـ بیرزاماندا !!!

یئنیده   گئدیره م   فیکیره ...

سیزه ...

ایکیسی  بیربویدا  گه له ن   گوزه ل له ر 

ـ گه زه ن   گوزه ل له ر ؟!  

هارادا   گه زه ن ؟ 

پاتوقدا ! 

هه ر گون    باش ووران  یئرده دا !   

هه ر   نه ! 

ایکی ییز   بیر  اولسازدا 

اولماسازدا 

بیری ییزه   قوربان جانیم 

بیر  اولماقی ییزا    اینانیم ؟ 

گوزه ل   گه زیرسیز  

گئدیرسیز 

گه لیرسیز

گه زین 

آمما   بیزه ده   بیر باش    وورون 

وورارسیز ؟