بیر باشلی آشک ...

دئدی بیر  باشلیدی   آشکین  

ـ اولسادا   داشقین

دئدیم : 

اوندا   خاطیره سی  مه نیم 

دینمه دی 

مه نده 

ائیله  یازدیم   خاطیره نی 

بیرجه  خوش  گه له   اوزومه ...

دئرام متنی : داشیازان اوغلان ...

دئرام : داشیازان  اوغلان ...

ایشیق  .

صه حنه بیر  ده خمه نین    ائشی ییدیر   قه بیرصاندیق   یاخینلیقیندا  .

داشیازان  بیرداشین  اوستون  قازاقازا   سوز   اوخویور  .

داشیازان :               قارا گوزون گوزله ری وار  آی   کیمی                 ،          چه کیر  مه نی  دالیسیجاق   گوزله ری

                             گوره ن    او   قیز   گه له جه کدی   بویانا              ،            گه له   تا کی    مه نیم   به ختیم   اویانا

                             گه ل   گوزه لیم   گوزوم  قالدی  یوللاردا            ،           گه لمه سه ن    اول له م   بیرگون   بورادا

                آی   قارا گیله   هئی ،،،،،،،،،،، رویالاریمداکی   یارین   گوزو قارا ، تئلی قارا ، گوزه ل   ساچی قارا ،،، مه نیم  اوز   به ختیم کیمی ،،،،،،،

                نئینه مه ک   بیزیمکیده   قارادان   گه لیبده ،،، آهان آهان ، داشیم   اولدو  حاضیر آمادا ، بودا بوندان ،،، ایندی   یازمالی   اولدو ، دوز و

                دوز ،،، آمما   ایندی   نه یه    یئتیشیب    نوبا   کی   یازام   بو  قارا داشین   اوسته   ، هان ، یادیما   سالیم ، یادیما سالیم ، یادیما سالیم ،،،،،،

                آهان آهان ، دوشه ر  یادا ، دونه ن   قوشدوغوم    شعری  یازاجایامدا ،،، آهان ،،،  قوی   اوتوروم   بورادا ،،،  بو  مه ن  ،  بو   داش ، بودا 

                 سوزله ریم ،،،،،،،،،،،،،، بودا   یازماق ، داشی قازماق ،،،،،،،،،،،،،،،،،،

                                                   بوتون   آداملاردان   ال   اوزموش

                بیر    باشی   هاوالی    اوغلانام    ائل له رده ن    اوزاق   دوشموش  

                نه   واریمدیر   کیمسه له رده ن    بیر   یولداش

                نه   اوره گیم   سئوه ن    بیر   سیرداش

                اوزاق   گه زیره م    هاممیلاردان

                آداملاردان

                آداملاردان

                                                   قونوشماقا

                                                   دانیشماقا

                سوز   آچیب    بیرینه   دئییب   سوروشماقا

                یوخ    هه وه سیم

                گوردوخله ریم    گوسته ریب    به سیمدیر   به سیم

                                                     سوزله ریمی     یازیرام   داشا

                کونلومده کی    سوزله ر   داشا داشا

                داشلاریمی    دوزوره م    بیربیرین   اوسته

                دوزه لیبدیر    ده خمه مده   داشلاریمدان    اوجا   بیر قایا

                سوزله ریم    واللاه   گه لمیر   سایا

                بیرکیمسه نین    یولو   یوخ   گوره   ده خمه نی                    1

                اولوب   گئدسه مده   گه ره ک کی     قاپیسی   باغلی   قالا

                بیری وار   گوره ن   قاپینی   چالا

                سوزله ریمله    یاشی یاجایام    سون    ائویمده

                قوی   آداملار   یاشاسین   بو دونیادا

                یارلاریلا

                آداخلیلاریلا

                خوشلوقلاریله

                ایشله ریله

                مه نده   یاشارام   خه یالیمدا کی   قارا گوزله    او   دونیادا

                اوز    دونیامدا

                اوز   دونیامدا

                هوم   بودورها ،،،، نه گوزه ل ، نه ده   مارال ،،،،،،،،،،،،،،،، ایندی   بو داشیدا   آپارارام   قویارام    اوبیریسی   داشلارین   اوستونه ،،، یاواش

 یاواش   ده خمه مین    داشلاری    بوتونله شیرله ر ،،،،، ده خمه    حاضیر   اولور   اولمه غیمه ،،،   اده   عه زرائیل جان   اوز   جانیما  

شوخلوق  ائیله دیم ها ، آخی   دئییرله ر   سه ن   بو سوزله ری   تئز   ائشیدیب   اوزویه ن   آلیرسان ، آماندی ها ، هه له    مه ن    چوخ

جاوانام ،،، اوتوز سه گگیزده   آخی   یاشدی    اولمه غه  ، یوخ   واللاه  ،،،،،،،،،،،،،،،، هوم   بودو   باخ  ...

داشیازان   داشی    قوجاخلی ییب    باشلاییر    اویناماقا    سونرا  یازدیقی   داشی  گوتورور  گیریر  ده خمه نین   ایچینه  .

آلاگوز  گیریر   صه حنه یه  .

آلاگوز : دی یه سه ن    بیر کیمسه  یوخدیر  بورالاردا ،،، نه چوخ   یول  گه لدیم  ،  نه فه سده ن  دوشدوم  ، قوی  اوتوروم  بیر  دینجه لیم ،،،،،،،،،،

آخی ، یورولدوم ها ،،، نه اوزاقیمیش   بورا ،  مه زاردان   بو  ده خمه یه   نئچه آغاج   یولدو   هه له   شه هه رده ند   مه زارا    هئچ ،،، وای

کی   یورولدوم ها ،،،،،،،،،،،،،،، آهای ، داشیازان  اوغلان ، داشیازان اوغلان ،،،،،،،،،،،، بورادا   بیر کیمسه   یوخدیر ؟؟؟ مه نه    بیر   داش   

یازماق   لازیمدیر ، سه سیمی    ائشیده ن  وار ؟؟؟؟؟؟؟ ائیله بیل   کی    هئچ که س   یوخدیر   قوی  بیر  ایچه ری یه ده     باخیم .....

داشیازانین   سه سی   ایچه ریده ن    گه لیر  .

داشیازان : دایان ...

آلاگوز : وای  بیسمیللاه ...

داشیازان : هارا   باشی یین   سالیبسان   آششاغایا   اینه ک   کیمی    گیریرسه ن    ایچه ری یه ...

آلاگوز : نه گوزه ل   خوش   گه لدین   ائشیددیم  آمما ...

داشیازان : مه یه    قوناقلیقا   گه لیبسه ن   خوش   گه لدین   لازیم   اولا  ...

آلاگوز : آدام  بیر  یئره   گئدسه   اونا   خوش  گه لدین   دئمه زله ر ؟

داشیازان : ایشین   نه دی  ؟

آلاگوز : بیر   شیرکه تده   ایشلی ییره م ...

داشیازان : بابا   مه نظوروم  بودور   ایندی   ایشین   نه دی ؟ بورادا ...

آلاگوز : آهان ،  آخی   بیر   چیخین   ائشی یه .....

داشیازان : سوزویون   دئمه سه ن    چیخاجایام   قاوالی یام ها ، دئگینه ن   گوروم   نه   ایسته ییرسه ن ؟

آلاگوز : اخلاقدا   یاخچی   بیر زادیمیش   بیز   قه درینی   بیلمه میشیک ،،،  مه نه   بیر   داش   یازارسیز ؟

داشیازان : عه وه ضی   گه لیبسه ن ، مه ن   داش   یازسامدا   اوزومه   یازیرام ، اوزگه له ره   یازمیرام ، گئدین ...

آلاگوز : آخی   مه نه   دئدیله ر   بو   ده خمه نین   ایچینده   بیر   داشیازان  اوغلان  وار   کی   یاخچی   داشلار   یازیر ...

داشیازان : بو   ده خمه ده    داشیازان   وارا  قه ده ر  دوز   دئییبله ر   آمما   اوزگه یه   داش یازماقین   یوخ  ، گئدین ، بو  دوروبه رده     داشیازان  

                 چوخدیر  ...                                                 2

آلاگوز : مه ن   اونلارین   ایشینه   باخدیم   خوشوما   گه لمه دی ، سوروشدوم   هاممیدان   یاخچی  یازان   کیمدی   بورانی   مه نه

             گوسته ردیله ر ...

داشیازان : هاممیدان   یاخچی   یازماقیمی   بیلمیره م   آمما   بونودا   بیلیره م  کی  اوزمده ن   سونرا   آیریسینا   داش   یازمامیشام  و  بوندان   سونرادا

               یازمی یاجایام ،،، اولدو ؟؟؟ گئدمیرسه ن   گه لیم   یاپیشیم   الینده ن   قاوالی ییم ؟

آلاگوز : آی    جانیم   مه یه   سیز   بو   ده خمه نی   آچمی ییبسیز   بورادا   داش   یازماق   اوچون ؟

داشیازان   چیخیر   ائشی یه  .

داشیازان : یوخ  دی یه ن   سه ن   اوزده ن    گئده ن   ده ییلسه ن ، باخ   سه نه   هئچ   ده خلی   یوخدیر   مه ن   بورانی   نه یه   آچمیشام   آمما

                 دئییره م    آز   فوضوللوق   ائیله ییب   گئده سه ن ، بورا   مه نیم   ایشله مه ک   یئریم  ده ییل  مه نیم  سون   ائویمدی ، قانماسان  بوجور

                 دئییم   مه نیم   مه زاریمدیر ، قه بیریمدیر ،،، داشلاریدا   یازیرام   اوز  مه زاریما ،،، قانا  بیلدین ؟؟؟

آلاگوز : نی یه   سیز  فئرعونسیز   ده خمه ده   قویلویالار   بیله ییزی ؟

داشیازان : خئیر   ایلیشدیک ، اصله ن   سه نه   نه  مه ربوط   ،،، گئدیرسه ن   یا   بو   تئشه یله   دوشوم   دالی یان   ؟؟؟

آلاگوز : دایانین   جانیم   هئی ، بیلسه یدیم   بوجور   خوشونه ت   گوره جه یه م   گه لمه زیدیم   هئچ  ، گئدیم ...

داشیازان : گوله گوله .....................................

آلاگوز : آقا   نئچه   دئسه ز   وئره ره م ...

داشیازان : خئییر ها ...

آلاگوز : بیر بالا   داش   یازاجاییز   نئچه   ایسته سه ز ، هه ر   نئچه ...

داشیازان : مه ن   پولا   ایشله مه میشه م ، ایشله میره م  و ایشله می یه جه یه مده ، اولدو ؟؟؟؟؟؟

آلاگوز : نئچه   میلیوندا   اولسا ؟

داشیازان : ده لی   شئیطان   دئییر   وور ...

آلاگوز : دایان دایان دایان ، ویی  ائیله   گه لیرسیز   آدامین   اوستونه   آز   قالیر آدامین   باغری  چاتدی یا ...

داشیازان : دئدیم کی گئد ...

آلاگوز : دئدیز  کی  دئدیز ، قوران آیه سی   دئییل کی ...

داشیازان : قاباخدان  گه لمه لیغه   باخ !!!

آلاگوز : آی   جانیم  واجیب   ایشیم   وار  گه لمیشه مده   بورایا ...

داشیازان : اولان   دئییل ،،،،،، گئدین ،،،،،،،،،،،،،،،،،،،،،،،،، هه له کی   دوروبسان !

آلاگوز : سه ن   گه ل   آقالیق  ائیله   مه نیم   ایشیمی   یولا  سال   واللاه   آللاهدا   راضی   اولار   بیله نده ن ...

داشیازان : بونو   ایسته مه سه م   کیمی   گه ره ک   گوره م ؟

آلاگوز : بونو   ایسته مه سه یدیز  نه   ایشی ییز   واریدی   اوزویوزه    فئرعونلار کیمی   مه زار   دوزه لده ز   ...

داشیازان : نه  ره بطی   وار ؟

آلاگوز : سیز   ایسته ییرسیز   اودونیادا   یئری ییز   یاخچی   اولا   ایندیده ن   فیکیرینده سیز  ،،،   بو  گوسته ریر  اویانداکیلارین   راضی   اولماقینادا  

               گوز  تیکیبسیز ، یوخسا   هاممی کیمین   دی یه ردیز  اوله نده   اوله جه یه م   قورتولا  گئده   نه ایشیم وار   اویانا   فیکیر   ائیله یه م ...

داشیازان : فه لسه فه یین   توخودون ؟ ایندی   یولویون توت   گئد ، ایشیمده ن  قالیرام ، ایشیمده ن   قالاندادا   مه نیم   اعصابیم  خاراب   اولور ،

                  بیرده ن   گوردون    ایش   وئردیم   الی یه ن ،،،،،، گئد ...

آلاگوز : پولا  کی  یازمادین  هونه ری ییزین   ارزیشینه   گوره   یازین ؟

داشیازان : بابا   جه هه ننه م   اول   گئد دا ،  استه خفوروللا  ، ایلیشدیک   بویون بونا ...

آلاگوز : پول   یوخ   هونه ر   یوخ   اینسانی ییه ته   گوره ...

داشیازان : گئد خانیم گئد ...

آلاگوز : گه ل   سه ن    قارداشلیق   ائیله   بونو .....                         3

داشیازان : اده   آخی   سه نله   مه نیم   نه   باجی  قارداشلیقیمیز هان ؟

آلاگوز : وای وای وای ...

داشیازان    دوشوب   آلاگوزون   دالیسیجاق ، آلاگوز   قاچیر   گیریر   ده خمه نین    ایچینه  .

داشیازان : گه ل   چیخ    چوله ...

آلاگوزون   سه سی   گه لیر  .

آلاگوز : چیخیم   الینده کی    تئشه یله   ووراسان   اولدوره سه ن    بیله می  هان ؟

داشیازان : ایشیم   یوخدی   گه ل   یولویون   توت   گئد ...

آلاگوز : اینانمیرام ...

داشیازان : آخی  مه نیم   سه نله   نه  ایشیم   اولا  بیله ر   سه ن    یولویون   توتوب   چیخیب   گئدسه ن ؟

آلاگوز : گه ل   بیر   موعامیله   ائیلی یه ک ؟

داشیازان : آی  آللاه   بونو   هارادان   تاپدین   گونده ردین   بویون   بیزیم   ائوه ...

آلاگوز :  جاوابیمی   وئرمه دین ؟

داشیازان : مه ن    موعامیله   آدامی    دئییله م   قانمی یاجاقسان   بونو   سه ن ؟

آلاگوز : اوجور    موعامیله   یوخ ؟

داشیازان : به نه ؟

آلاگوز : سه ن     مه نیم   ایشیمی   گور   مه نده    چیخیم   گئدیمدا ...

داشیازان : گوزله    بو   موعامیله ده    ضه ره ر   ائیله می یه سه ن  ها   بیرده ن ؟

آلاگوز : داها   نئینه مه ک ...

داشیازان : بابا   گه ل   چیخ   گئد   گورومدا ...

داشیازان    ایسته ییر   گیره    ایچه ری یه ، آلاگوز    چیغیریر  .

آلاگوز : ایسته سه ن    گیره ن    ایچه ری یه    چیغیراجایام   هاممی   گه له    دی یه م    بونون   مه نه    پیس  نه ظه ری    واریدی ...

داشیازان : بو  دوروبه رده   بیر کیمسه     اولماز ...

آلاگوز :  نه بیلیرسه ن    مه ن    ته ک   گه لمیشه م   بورایا ...

داشیازان  قالیر  .

داشیازان : عه جه ب   ایلیشدیک   بونا ها ...

آلاگوز : سه ن   نی یه   بیربئله    به رکسه ن  ، ایشی   گور    هه ر نه    قورتولسون    گئدسیندا ...

داشیازان : چیخمیرسان ؟

آلاگوز : دئگینه ن    ایشی   گوره رسه ن ...

داشیازان : په س    ایسته میرسه ن    چیخان  گئده ن ...

آلاگوز : ائشیدمیشدیم    چوخ   گوزه ل   یازیرسان   آمما   بیلمیردیم   بیربئله   گوزه للیک   اولا   بیله ر   یازدیخلاریندا ،،،، بورادا   یئریم    چوخدا  

              پیس   دئییل ،   آدام   داریخماز   بورادا ها ،،، نه گوزه ل   ایشله رین   وار ، مه ن   ته له سمیره م    بونلارلا   مه شغولام  ...

داشیازان : آی هوو ،،،،،،،،، په س   ایندیکی    بوجور   اولدو   مه ن   بورانین   قاپیسین   باغلی ییب   گئده ره م   سه نده   قال   اورادا   مه نیم  

                 یازدیخلاریملا     اولوله رله   حال   ائیله ...

آلاگوز : آی آمان   دایان   هئی ،،،،،،،،،،،،،،،،،،،،،،،،،،،،،،،، وای   مه ن   بورادا   ته ک   قالسام   قورخومدان   اوله ره م ...

آلاگوز   چیخیر   ائشی یه   .

داشیازان : چوخ   شوکور   چیخدین ،  ایندی    یولویون   توت  گئد  دالی یاندا   باخما ها ...

آلاگوز : هه له   مه ن    دئمه میشه م  کی     گئدیره م ...

داشیازان : په س   هه له   ته صمیم  توتمویوبسان   گئده ن ...                 4

آلاگوز : سه ن   مه ن   دئدیغیمه   قولاق آس   و .....

داشیازان : دایان   ایندی   قولاق  آسماقی  گوسته ره ره م    سه نه ...

داشیازان   دوشور  آلاگوزون   دالیسینا ، آلاگوز   قاچاندا   اوزونو    ییخیر   یئره  .

آلاگوز : وای   قیچیم   وای ...

داشیازان : اولار   شه رری یین    بیزیم   باشیمیزدان   که سه ن    گئده ن ...

آلاگوز : وای   قیچیم ، ائیله بیل   سیندی ، سینماسادا   چیخدی ...

داشیازان : ادا   وئرمه   دور    چیخ    گئد ...

آلاگوز : نه   اداسی   آی جانیم ، سیزده   لاب   اوزویوزو   سه ریدیز ها ، گورمورسوز   قیچیم   بورخولوب   آغری ییر ، سینسا   نئیله ییم ؟

داشیازان : او   قیچ   سینسایدی   سه ن   اوجور   اوتوروب   مه نله   آغز آغزا    وئرمه زیدین ، ایندی   هاوارتین   گویه   گئدیردی ...

آلاگوز : آبیریما   گوره   دینمیره م ، بیرده   قورخورام   گوله سیز   مه نه ...

داشیازان : اخی   مه نله   سه نین   شوخلوقوموز  وار   مه ن   سه نه   گوله م ؟

آلاگوز : بو   سوزله رین   عه وه ضینه    ایشیمی   یولا سالسایدیز   ایندی  هه م   مه نیم    ایشیم   گورونموشدی   هه مده    سیز   مه نیم   الیمده ن

                قورتولموشدوز   اوز   ایشی ییزه    یئتیریردیز ...

داشیازان : دور   گئد   مه ن   اوز   سوزله ریمده ن   سونرا   آیری   بیر  زاد   یازا   بیلمه ره م ...

آلاگوز : نی یه   ؟

داشیازان : اونودا   اوزوم    بیله ره م ...

آلاگوز :  سون   سوزویوزو   دئسه ز  مه ن   بیله ره م   نئیله مه لی یه م ؟

داشیازان : مه نیم   سون   سوزوم   ایلک   سوزومدیر ...

آلاگوز : اوندا   گئدمه لی یه م ،،،،،،،،،،،،،،،،،،،، حاییف ،،،،،،،،،،،،،،،،، دئدیم   ایشیمی   گوره رسیز ،،، آمما   گورمه دیز ،،، نئینه مه ک    بوجور

               اولسوندا ، به لکه    ته قدیر   بودور ،،،،،،،  ائیله بیلیره م     او   آشکا   الیم   چاتمی یاجاقدیر   ...................

آلاگوز   ایسته ییر    گئدسین  .

داشیازان : دایان ،،،،،،،،،،،،،،، آشکدان    سوز   آچدین ، او   آشکین   نه جور    اولماقیندان    سوروشا   بیله ره م     ؟

آلاگوز : سیز   کی   اوز   سوزویوزده ن   چونمویه جه کسیز    نئیله ییرسیز    سوروشاسیز  ؟

داشیازان : دوز   مه ن   ایندی   آشکدان    اوزاق   گه زیره م   آمما   آدیدا   گه له نده    آشکین   اوره ییم    تیتره ییر ...

آلاگوز : سیزین ؟!!!!!!!

داشیازان : نی یه    مه ن    آدام   دئییله م ؟!

آلاگوز : دوز   او   ایچه ریده کی  یازدیکلاری ییزدا   آشکدان   سوز   آچیبسیز  آمما  اونلار  بیرجه   سوز   اولا  بیله رله ر  ،  آخی   مه ن   اوزومو  

                 اولدوردوم    سیز   یئری ییزده ن    اولمادیز ، ایندی   مه ن   نئجه    اینانیم   بو   گونو قالین   آدام   آشکی   آنلاییر !؟

داشیازان : ائیله   دئگینه ن    دونگوز کیمین قانمازامدا ...

آلاگوز : توهین   ایسته میره م   ائیلی یه م   آمما ...

داشیازان : دا   سه ن   دئدیغی یین    دئدیندا ،،،،،،،،،، اولسون ،،،،،،، آمما    بونو   بیل   مه نی    تانی یانمادین ...

آلاگوز : یانی   ایسته ییرسیز    دی یه سیز    سیزده    آشیقسیز ؟

داشیازان : یوخ ...

آلاگوز : به نه  ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟   سوسمایین    ، دئییندا  ...

داشیازان : مه ن ...

آلاگوز : دانیشیندا ...

داشیازان : سه نین   نه   ایشین   واریدی ؟

آلاگوز : اینانیم    ایسته ییرسیز    ایشیمی   یولا   سالاز ؟                      5

داشیازان : ایشی یین  دئگینه ن   گوروم   ...

آلاگوز : بیر   داش   اوسته   یازاجایام      " سه ن   اولماسان    گونوم  بودیر "   ،،،،،،،،،،،،،،،،،،،،،، نی یه  گولورسوز   به ؟

داشیازان : ائیله    بو ؟

آلاگوز : آزدی ؟ ؟ ؟ آی جانیم    بو   سوز   بیر   آدامین   یاشاماقیلا    اولمه غینده ن    دئییر ها ...

داشیازان : یوخ ، اوندا    سوزوم   یوخ   نه    دئییر ،،، اوجور   کی   سه ن   یاپیشمیشدین   مه نده ن   ال   چه کمیردین    ایشی یین   گورمه غه   مه ن

                 دئییردیم   به لکه    ایسته ییرسه ن    بوتون   آلپ آروس   داغلارین   بو   باشیندان   او   باشینا    سوز   یازام   بیله یه ن ...

آلاگوز : سیز   بونو   یازین   ایسته مه ز   آلپ آروس   داغینی     تئشه لی یه سیز   ...

داشیازان : یاخچی    بونو   بیر   کاغاذ   اوسته   یاز   وئر   بیله سینه    قورتولسون   گئدسینده ...

آلاگوز : اوقه ده ر   کاغاذیمی    جیریب   جانا   گه لمیشه م ،،، ایندی   ایسته ییره م   داش    اوسته   یازام ، گوزه لده   یازام   آپارام   بئتونلا  

                 قاپلارینین    قاباغیندا   وورام   کئچه   یئره  ، ائوده ن   چیخاندادا   ائوه    گئده نده ده    اونو   گوره ، کاغاذ کیمی   جیرادا  بیلمی یه  ...

داشیازان : آهان ، آنلادیم ...

آلاگوز : یازارسیز ؟

داشیازان : هه یه   یازارام ...

آلاگوز : سوروشا   بیله ره م   بیرده ن   نه   اولدو    سیزه ؟

داشیازان : نه   ایشی ییز   وار   آخی ، داشی  یازیم   آپاریندا ...

آلاگوز : آماندی   ایسته مه سه زده   دئمه یین    آمما   داشی   یازین ...

داشیازان : اوتور   یازیم ...

آلاگوز   اوتورور   بیر   داش    اوسته   ،  داشیازان   بیر  داش   سئچیر   و   باشلاییر   اونو   یازماقا  .

آلاگوز : باغیشلاییندا   اوز   ایشی ییزده نده    قویدوم   بیله ییزی ...

داشیازان : سوزونده   دانیشما ...

آلاگوز : ده خمه ده کی   داشلاردان   آز چوخون    اوخودوم   گوزه ل   یازیبسیز ...

داشیازان : گوزه ل   باخیبسیز ...

آلاگوز : یوخ   دوغورداندا ،،، نی یه   آپارمیرسیز   ساتاز   یازدیخلاری ییزی ؟

داشیازان : یاشامیمدا   آزا   قانیع   اولموشام ، چوخو   اولانلارین   ده ردله ریده   چوخدور ...

آلاگوز : آمما   نه   بو   اندازه  کی   بیر   ده خمه ده    یاشایاسیز ...

داشیازان : بورا   مه نیم   سون   ائویمدی ، داشلارین   یازیرام   اوله نده ن   سونرا   اودونیادا   باخام   اونلارا   اوخویام   داریخمی یام ،،،،،،،،،، گولمه

                هه رکیمسه نین   بیر   اوصول اعتیقادی  وار ، مه ن   بو  دونیایا   چوخ   بئل  باغلامامیشام ، بیلیره م    تئز یا  گئج  اودونیایا   گه ره ک  

                گئده م  ، اودونیاما   یازیرام ، بیر گون  آشکیم  گه له نده   اوله جه یه م ...

آلاگوز : آمما   سوزله ری ییزده   او  دونیادان   یازمامیشدیز ، چوخلو   بو  دونیادان   یازیبسیز ،،،،،،،،، مه ن   اوجور   آنلادیم   چوخلو  آداملاردان  

                 و   آداملارین   بو  دونیاداکی   یاشاییشیندان   یازیبسیز  ...

داشیازان : بو  دونیادان   اودونیایا   یئتیشه جه ییک ،،،،،،،،،،،،،،،،،،،،،،،،، مه ن    بویانی   گورموشه م    آمما   اوجور کی   بویان   آیناکیمین   اویانی  

                 گوسته ریب   مه نه ...

آلاگوز : باخ   سیز   ایسته سه ز   بوجور  قاباقا   گئده ز   بو  دونیادا   الی ییز    بیر زادی   توتا بیلمه ز  ...

داشیازان : توتماسیندا ،،، مه نیم   الیم   نه   یئکه لیقده دی کی   ایه ر   بیر زاد  توتسا   مه نی    خوشبه خت   ائیله یه ؟! اوندان   سونرا   مه ن   اوزومو

                 بوجورده ده    خوشبه خت   بیلیره م ،،،،، سونرا   ایه ر   سه نین   مه نظورون   بودور کی    مه ن    دونیانی   آلام   الیمه   مه ن   بونا   هئچ

                 خوشلوقوم   یوخدیر ، باخ   او  آداملار  کی   دونیانی   توتوبلار   ال له رینده  هارا   یئتیریبله ر ؟ آخیرلاری  اوجور  اولور کی  بیر چوخ

                 یئرله ره   ال  تاپاندان   سونرا   ته زه    هه وه سله نیرله ر   اوبیریسی   یئرله ره ده   ال   تاپالار ، اوندادی کی   قاباقلاریندا   دورانلاری  6

                  اوزله رینه   دوشمان   بیلیب   اونلاری  قیریب اولدورمه غی  گوناه   بیلمیرله ر کی  هئچ   بو ایشی  اوزله رینه   بیر   شه ره ف   بیلیرله ر ،

                  اونلارین   نه ظه رینده   دونیا   بوتون   گه ره ک    اونلارین   اولا   و   چون   اوبیریسی   دونیا   صاحابلاریدا   بوجور   ایسته ییرله ر  بو

                  اولور کی   دوشورله ر   بیربیرینین   جانینا   ،،، باخسان   دونیایا   گوره   بیله رسه ن   نه  پیس   حالا   قالیبدیر   بوجور   آداملارین 

                  الینده ن ، ، قودره ت   فیساد   گه تیره ر   دئییبله ر ،،، ایندی  هاممی  دونیانی   ایستی یه نله رین    ایشی   اولوب   آدام   اولدورمه ک ،   

                  مه ن    آداملاردان   قاچیب   بورا   گیرمیشه م   آمما   اونلاری   اولدورمه ک    ایسته میره م ...

آلاگوز : یاخچی   اوجور   ایسته مه یین   ،،، قودره ته  ساری  گئدمه یین  گئدین   هونه ری ییزی   یایین ، قویون   دونیا   سیزین   هونه ری  

               گورسوندا ...

داشیازان :  ایندی  داها   هونه ره   ارزیش  قویان   یوخدیر ، بیر  نئچه   اوغول  اوشاق   اولوبلار  هونه ر  صاحابی    هونه ر  دونیاسینی   چه کیبله ر

                 گه نده ، باخ   اصیل   دوزگون   هونه ری   اولانلاردان   بیر   خه به ر   وار ؟ یوخدی ، هه ر  گوشه یه   باخیرسان  بیر   نه نه سی اوغلو

                  ایشی   آلیب   الینه  یئره گویه   زینجیر   سالیب ، اوزو  دئدیغینده ن   سونرا   آیری بیر زادیدا   نه  هونه ر   بیلیر  و  نه   قه بول   ائیله ییر ،

                 سوز  بیر  اونون   سوزو   اولسون   به سدی   اونا ،،،،،،، بو  ته ک    هونه ر   ساحه سینده    دئییل ، ایندی   بو   زامانادا   هه ر    نه یی

                 وئریبله ر    گئده گوده یه   اونلاردا   هه ر  نه یی   بیر باشاریرلار   خاراب  ائیله ییب    کورلویالار ...

آلاگوز : دئییرسیز   یانی   ایندی   اونلارا   بیر   ایش   گورمه ک   اولماز ؟

داشیازان : مه ن   قارامان   دئییله م ، الیمده نده   بیر   ایش   گه لمیر ، مه ن   بیر   بونو   یاشاییشیمدا   اویره ندیم   هه رنه ده ن    خوشوم   گه لمه سه

                  اوندان   چه کیله م ، اوزاق   گه زه م ،،، چوخ   ایشله ر  اولدو  یاشاییشیمدا   آمما   مه ن   اونلارا   باش   ایمه دیم ، قاچدیم ،

                  اوزاقلاشدیم ، ، ، هه ر   نه ده ن   خوشوم   گه لمه دی    بوراخدیم   اونو ، گئددیم   اویانا ،،، اوقه ده ر   بو   ایشی   تیکرار  ائیله میشه م

                  کی   ایندی   بورایا   یئتیرمیشه م ،،، بو   ده خمه یه ،،، بورادا   اوزومه   یازیرام ، بو  دونیامادا  یوخ   ،،،،،،،،،،،،   یازدیکلاریمی    اوزوم

                  اوزوم   بو دونیادا   گورموشه م   اونلاری   اودونیاما    یازیرام   اویاندا   بئکار   قالمی یام ، یازدیکلاریمی   اوخویام ...

آلاگوز : آزدان   چوخدان   آشکداندا   یازیبسیز ،،،،،،، آشیقسیز ؟

داشیازان : نه   دئییم   آخی ...

آلاگوز : آشیقسیز ...

داشیازان : اوجور  باخما ، یوخ ، اوجور کی آداملار   عاده ت  ائیله ییب   یوخ ...

آلاگوز : دئییندا ...

داشیازان : ال  چه ک   ایشیمی   گوروم ...

آلاگوز :  دئیین    و   ایشی ییزیده   گورون ...

داشیازان : مه نیم   یاشاییشیمدا   بیرکیمسه   یوخدی  آمما   بیلیره م   بیرگون    بیری  گه له جه ک   مه نی   سئوه   سئچه  ، جانیلا   سئوه ، مه ن

                 اولام   اونون   جانی    اودا   مه نیم   جانیم ، بیرگون   گه له جه ک    مه نله   اوتورا   بیر   داش   اوسته   گوزله رین   تیکه   گوزومه ،،،،

                 گوزله رین   تیکه    گوزومه  و   مه نله   اوچا   گویله رده    یوخ   اولا ...

آلاگوز : وای   نه    رومانتیک ...

داشیازان : هه له  کی   گه لمی ییبدیر ...

آلاگوز : باخین   گوروم   سیزکی   بوجور   گوزه ل گوزه ل    اوز   خه یالی ییزدا  بیرینی   سئوه   بیلیه رسیز   نی یه   گئدمیرسیز  آداملارین  ایچینه

اونلاردان   بیرینی   سئچه سیز   ...

داشیازان : گوز   گوردوغونده ن   قورخار ...

آلاگوز : په س   قاباقدان  بو   ایشی   گوروبسیز ...

داشیازان : اولوب ...

آلاگوز : آهان ...

داشیازان : آیریلیق   بیلیرسه ن  نه دیر؟؟؟

آلاگوز : چوخدا   پیسین   بیلیره م ...

داشیازان : اوجور  بیر زاد ...                                             7

آلاگوز : او   یوخ   اوبیریسی ...

داشیازان : اوبیریسیده   یوخ   بوبیریسی !؟ هوم ،،، اولار  ،،، آمما   قورخورام   عومروم   کیفاف   وئرمی یه   اونو  تاپام   کی   گویلوم   ایسته ییر ...

آلاگوز : آختارماق     اوتوروب  بورادا    داش    یازماقدان  کی   یاخچیدی ...

داشیازان : اوجورده   اولا   بیله ر   آمما   مه ن   بوجور   اولماقدان   خوشوم    گه لیر ...

آلاگوز : هاواغاجاق ؟

داشیازان : بیلمیره م ...

آلاگوز : نه گوزه ل   یازیب   قازیرسیز ،،،،،،،،،،،،،، دئییره م    گوزویوزو  یومون   بیرین  تاپین   به لکه   اودا   سیز   دئدیغی ییز   اولدودا ...

داشیازان : اودا   اولار ،،،،،، آمما   بیلیرسه ن   نه  وار ،،، ایندی   اوجور  دئییل کی   مه نه   خوش   گه له ،،، باخ   ایندی   بیر قیزلا  اوغلان   بیربیریله

                  سه حه ر    چاغی   گوروشورله ر ، گون اورتایاجاق   تانیش   اولورلار ، ناهاری  بیر  یئرده   یئییب   ناهاردان   سونرانی   بیر  بوستاندا

                  گه زیرله ر ، آخشام   آشکلاری   دولور  داشیر    گئجه نی    بیر   اولورلار ، سه حه ر چاغی     کوسورله ر   آیریلیرلار ،،، اوغلان یا

                   قیز   بیربیرینه    جه هه ننه م   اول  دئمه میش   بیر   آیریسی   چیخیر   قاباقلارینا   یئنیده ن   آشیق   اولورلار  ، ائیله ده   آشیق   اولورلار

                   کی   یادلاریندان    چیخیر   قاباقداکینا   قه راریدی   دی یه له ر   جه هه ننه م   اول ...

آلاگوز : چوخدا   بوجور   دئییلدا ...

داشیازان : هه له   مه ن   دئمه دیم    بیرسیراسی   وار     بیری   یوخ   ایکیسی   یوخ   اوچو   یوخ   ، اونده نه   اونده نه   تاپیر ...

آلاگوز : دوز   آمما .....

داشیازان : آمماسی   یوخدیر  جانیم ،،، اوتور   اصله ن ...

آلاگوز : سیز   آختارساز  یاخچیسینیدا   تاپارسیز ،،، ده رسده   اوخویوبسوز ؟؟؟

داشیازان : بیرگون    گئددیم   دانیشگاها ، آیهوو ،،، دئدیم   به لکه   آراییشگاها    گه لمیشه م ،،،،،،  مود     مئیدانینا   گیرمیشدیم ، هه ر جور   آدام

                 گوردوم   بیر   ده رس   اوخویان   گورمه دیم ، ایمتاحان   گئجه سی   واردا ،،،،،، ره پ ، فه شه ن ، هئوی ، مئتال ، نه  بیلیم  آخی   ائیله

                   آدلاری   وار   آدام   قالیر   ،،، اورادان   چیخدیم   گئددیم   خی یابانا    اوقه ده ر   موعتادلار   بیله مه   ته نه   ووردولار   جاندان

                   دوشدوم ،،، باخدیم    آداملاردان    اوزاقلاشام   یاخچیدیر  ...

آلاگوز : یانی   ایندی   داها   ایسته میرسیز    بیرینی   تاپاز   اونلا   بیرله شه ز ؟

داشیازان : قورتولدو   ایشین ، دئدیمدا ،،، اوجور   آدام   تانیمیرام ...

آلاگوز : ال له ری ییز   آغریماسین ،،،،،،،،،،،،،،،،،،،،،، چوخ   گوزه ل   اولدو ،،،،،،،،،،،،،،،،،،، بیلیرسیز   بیر   سوز   ایسته ییره م    دی یه م ،،،،،،،

                دئییم ؟؟؟

داشیازان : دئدا ...

آلاگوز : بیلیرسیز   نه وار ؟ مه ن   اصله ن   بو   ایشه   گوره   گه لمه میشدیم   بورایا ....................

داشیازان : به نه  ایشین   واریدی ؟

آلاگوز : آخی   بیر   آز  دئمه غی    چه تیندیر ، بیلیرسیز  ، نه جور  دئییم  آخی ، مه ن ...

داشیازان : اوره ییم   دئدی   بونون   آیری   بیر   فیکیری   وار ، قولاق   آسمادیم   سوزونه ، ائیله بیل   دوزویموش ،،،،، گه ره ک   اووه لده ن  اوز

                 وئریب   بورایا   قویمویایدیم   گیره سه ن ، دور  ، دور   مه نیم   ایچیمده کی   هه لوو   یاندیرمامیش   بیله یین   بورادان   گئد ، دور کی

                 آز   قالیرام   ده لی اولام ،  دور  دئدیم ...

آلاگوز : یوخ یوخ ، آیری جور  فیکیرله ر  ائیله مه یین   جانیم ،،، مه ن   گه لمیشه م   ایشیمی   یولا   سالاز   آمما   ایشیم   بو  گوردوغویوز  ایش

                 دئییلدی ،،، آیری  فیکیرده    اوره ییزه   یول  تاپسا   گوناه   اولار ...

داشیازان : موطمه ئنسه ن     ایشده ن   اوته ری    گه لیبسه ن   بورایا ؟؟؟

آلاگوز : سیز    موطمه ئین   اولون   چونکی   مه ن   اوزومده ن   امینه م ...

داشیازان : اولار   بیربئله   اوزالدمی یاسان  او   اصلی   سوزویون   دی یه سه ن ؟                                                                     8

آلاگوز : باخین   مه ن   بیر   شیرکه تده   ایشله ییره م ، بیر باخین   سیز آللاه   ساهات   نه  تئز تئز   گئدیر   قاباقا  بیر  ساهات  وه قت   آلمیشدیم  آز

               قالدی   قورتولا ، نه  دئییردیم ، آهان   مه ن   اورادا   ایشله ییره م ، شیرکه تین   صاحابینین   بیر قیزی   وار   چوخ   گوزه لدی ، مارال ،

               دئسه م   تایی   یوخدی   اینانین ، مه ن   اونون   شه کیلین   مودیرین   اوتاقیندان  گوتوروب   گه تیردیم   سیز   اونون   اوزونده ن   مه نه

               بیر داش   اوسته   شه کیل   چه که سیز   مه ن   اونو   گونده ره م   قارداشیما ، قارداشیم   اویاندا   ده رس   اوخویور ، ایسته ییره م  اونو

               ائوله ندیره م ، ایندی یه جه ک   بیز  نئیله میشیک   او   ائوله نمه غه   ماییل  اولمویور ، آمما   بونو   گورسه   ائوله نه ر ،  بیلیره م  ...

داشیازان : آمان   سیز   خانیملارین  الینده ن ،،،،،،، وئر   گوروم   شه کیلی ...

آلاگوز : فه قه ط   بو  شه کیلده ن   موواظیب    اولون ها ، مودیر   سه فه رده ن    قاییداناجاق    گه ره ک     بونو   قایتارام   قویام    یئرینه   یوخسا  

                بیلیره م  شکیل   یئرینده   اولماسا   مه نی   اوتوره ر   ائشی یه ، اولدو ؟

داشیازان : سوزوم   یوخ ، اولدو ...

آلاگوز : موطمه عین   اولومدا ؟

داشیازان : آی   جانیم    ایستی ییرسه ن   اوتور   ایشی   گوروم   الینده   آپار ؟

آلاگوز :  وای   یوخ   چوخ   بئواقت   اولدو   گئدمه لی یه م ، بودا   شه کیل ،،،،،،،،،،،،،،،،،،،،،،،،،،،،،،،،، نه اولدو   سیزه ؟؟؟؟؟؟؟؟؟؟؟ وای کی

                یاززیق   اولدوم   آخی   بئواقتا  قالدیم   گئدیم .....................................................

آلاگوز   گئدیر   .

داشیازان   شه کیلی   گوره نده ن   اونا    حئیران حئیران    باخیر  .

سیاهی  .  نور  .

صه حنه   قاباقداکی   صه حنه دیر  .             

داشیازان : دئدیمدا ...

آلاگوز : نه یی  دئدیز ؟ بو  اولمادی کی   مه نه   سوز ...

داشیازان : ایندی  نئیله ییم  ...

آلاگوز : نئجه   نئیله ییم  جانیم ، بوجور   اولماز کی ...

داشیازان : اولوبدا ...

آلاگوز : نئجه  اولوبدا ، بیرجور   دانیشیرسیز   ائیله بیل   بیلمیرسیز   نه اولوب !

داشیازان : بیر شه کیلین   بیر بئله   سوزو   اولماز کی ، سه ن   ایندی   ایکی   ساهاتدی   مه نیم   بئینیمی   یئییرسه ن ...

آلاگوز : بئینی یین    یئییره م ؟؟؟ بو  نه   سوزدیر   جانیم ،،، هه له   مه ن   داش   اوسته  چه کمه غی ییزی   ایسته مه دیم ، اوزوم  گه تیردیغیم

               شه کیلی   ایسته ییره م  ، بونون   هاراسی   بئینی ییزی   یئمه کدیر ؟؟؟؟؟!!!!!!!!!

داشیازان : باخین   او   شه کیل   ایتیب ، یوخ   یاغمور یاغاندا   قالیب    یاش   اولوب   مه نده   آتمیشام   گئدیب ، بو مین  سئری ، یئنیده   دئییم ؟

آلاگوز : بو   سوزده ن   مه نه   شه کیل   چیخماز ، مه ن   او  شکیلسیز   گئدسه م    شیرکه ته   مه نی   اوتوره رله ر  ائشی یه ، بیرده  او  اولماسا

               بیلیره م    قارداشیم   ائوله نه ن   دئییل ...

داشیازان : بونلاری   نئچه   سئری  دی یه جه کسه ن   آخی ؟

آلاگوز : لازیم اولسا    یوز مین   سئری ،،، مه ن   اونو  گه ره ک   تاپام   آپارام ، یوخسا   بورادان   گئده ن   دئییله م   کی   هئچ   تاپا بلیلمه سه م

               گئدیب    امنیه ایله    بورا   گه له جه یه م  ...

داشیازان : نئیله سه ن   حاقلیسان ، آمما   مه نیم   الیمده ن     بیر  ایش    گه لمیر ...

آلاگوز : بیر  ایش   گه لمیر ؟؟؟؟ بونا باخ   نه ده   راحات   اوتوروب   دانیشیر ، مه ن   او   شه کیلی   ایسته ییره م  ، ائشیددیز ؟؟؟؟؟؟؟؟

داشیازان : دئمیشه م   نه   اولوبدا ...

آلاگوز : مه ن   گه ره ک   هه ر   یئری   اوزوم   آختارام ...

داشیازان : سوزوم   یوخ ...                                               9

آلاگوز   هه ر   یئری   وورور  بیربیرینه    .

آلاگوز : یوخدی !!!!

داشیازان : دئدیم کی ...

آلاگوز : وای   مه نیم    احوالیما ،،،،،، وای  کی   به دبه خت   اولدوم ...

داشیازان : آی جانیم   بیر  شه کیلین   اولوب   اولماسی   بیربئله ده   آغیر  دئییل کی   آخی ...

آلاگوز : سیزه   به لکه    آمما   مه نه   چوخ   آغیردی ،،،،،،، باخین   مه ن   یالواریرام   سیزه ، دوشوره   آیاقلاری ییزا ، قویون   قیچی ییزی   اوپوم

               الی ییزی   اوپوم ، سیز   گه لین   مه نی   قورتارین   بو   حالدان ،،، ایه ر   شه کیل   بو   دوروبه رده دی   وئرین   آپاریم   اونو ، واللاه

               بیر   عومور   مه نی   اوزویوزه   مه دیون   ائیلی یه رسیز ،،، قویون   توپراق   اولوم   توکولوم   قیچی ییزین   آلتینا ..............

داشیازان : آی   جانیم   مه ن   نه قه ده ر   چوخ   دئییره م    سیز    آز   ائشیدیرسیز ، او   شه کیل  بیر زاماندا   اولسایدی   ایندی   داها   یوخدی ،

                 مه ن   بونو   نه جور   ایناندیریم   سیزه ؟؟؟؟؟؟؟؟؟؟

آلاگوز : بو   سون   سوزویوزدی ؟

داشیازان : موطمه عینه م    اوجوردو ...

آلاگوز : هونه ری ییزده ن   دوزلوقویوزده ن    ایشله ری  یاخچی   قاباقا   آپارماقی ییزدان    یالانلاردان   اوزاق   گه زمه غی ییزده ن    اوره ییزده

                 خی یانه ت   ساتقینلیق    اولماماقدان   چوخ   ائشیدمیشدیم ،،، گه لدیم   بورایا  چوخ   دانیشدیردیم   سیزی ، چوخ   سوزله ر   آلدیم  

                  آغزی ییزدان ، دئدیم   بو   اوزودو ، شه کیلی   تاپشیرسام  اونا   هئچ  نه  اولماز ، امین   اولدوم   سیزه ،،،،،،، آمما   سیز   مه نه   بیر یالان

                  دئییرسیز ، بونو   آنلایا   بیلیره م   ، بیلمیره م   نه دی ، آمما   اولماقین   بیلیره م ،،، یالواردیم   شه کیلی  وئره سیز ، وئرمه دیز ، آختاردیم

                  تاپام ، تاپا   بیلمه دیم ،،، ایندی   گئدیره م   و  بونو   دئمه لی یه کی   او   یالانی    کی   سیزده   گوروره م    دوزه   چئویرمه غه   گوره  

                   گئده جه یه م   و   امنی یه ایله    قاییداجایام  بورایا ،،،،، مه ن   او   شه کیلی   سیزده ن   آلاجایام ، بونو    موطمه عین    اولون ...

آلاگوز   گئدیر  .

داشیازان : شه کیلی   آپاریرام   گونده ره م   قارداشیما    ائوله نه !!!!!!! هاع !!!!!!!!! مه نه   نه   آخی ،،،،،،،،،،،،،،، شه کیل   ایتیبدا ، نئیله ییم   آخی ،،،

                آی   جانیم   گورورسه ن    نه   گونه  قالدیم ؟ گئددی  امنی یه   گه تیره ،،، گورورسه ن ؟ اوجور کی   او  دانیشیردی   بیلیره م  دئدیغین

                 ائیله یه جه کدیر ،،، ایسته میردیم   بوجور   اولا  ،،، یاخچی   یوخولار  گورموشدوم   اوزوموزه ،،، ائیله بیل   اولمویاجاقدیر ،،،،،،،،،،،

                 نئیله مه ک ،،،،، اوجور   اولماسین ، بوجور   اولسون ،،،،،،،،، ایسته ییردیم   آپارام   گئده م   دولانماقا   سه نی ، دونیانی   دولانماقا ،،،،،،

                 اولمادی ،،،،،،،،،،،، ایندی   گوزه لیم   قاپینی   آچ   گه لیم ،،،،،،، بو  گئجه   گئدمه لی ییک ،،،،،،، تئز   اول   اونلار    گه لمه میشده ن

                 قاباق   یولا   دوشه ک   گئده ک ،،،،،،،،،،،،،،،،،،،،

                                              یوللار

               قوجاغی ییزی   آچین

               گه له جه یه م

                یوللار

                یارلا   گوله جه یه م

                اونلا   گه له جه یه م  .............................................................

داشیازان   گیریر   ده خمه نین   ایچه ریسینه   .

سیاهی  . 

آلاگوز     و   امنی یه نین    سه سی   قارانلیقدا   گه لیر  .

آلاگوز : بورا دیر ...

امنی یه : بورا کی   باغلیدیر !؟

آلاگوز : اونون   بورادان    سونرا   یئری   یوخدی  ،    ایچه ریده   گیزله نیب   ...                                                               10

امنی یه : او   بیلیردی   سیز  گه لیبسیز   امنی یه خانایا ؟

آلاگوز : دئدیم  اونا   گئدیره م    امنی یه   گه تیره م ...

امنی یه : اوندا   قاچیب  گئدیب ...

آلاگوز : قاچیب   گئدسه ده ، سیز   گه ره ک   بورانی   آچاز ، به لکه   مه نیم   امانه تیمی   تاپدیکدا ...

قیفیلین   سیندیرماقینین    سه سی   گه لیر   .                           

نور  .

صه حنه     ده خمه نین      ایچه رسیدیر  .

قاپی   آچیلیر  ،،، آلاگوزله  بیر امنی یه   گیریرله ر     ایچه ری یه  .

داشیازان   شه کیل  ایله   اوز به اوز   اوتوروبدیر ، آرالاریندا   عه قد    سوفراسی   آچیلیبدیر  ،،، سوفرانین  باشیندا   داشیازان   آلاگوزه   یازدیغی   داش   گورسه نیر  کی   اوستونده   یازیلیبدیر   " سه ن   اولماسان   گونوم   بودیر "  ،،، داشیازان   نه فه س   چه کمیر  ،،،،،،،،،،،،، اولوبدیر  .

آلاگوز   آغلاییر  .

                                             سون   .

۱۴ مورداد ...

اوراباخ
آینالی داغدا
_ اولارمی    گوسته رمی یه    آینا ؟
آتی   قارخیب   قیچی   اوسته  

ـ بیزی  ایسته !

باغیریر   سه رداریمیز 

ائشیدیرسیز ؟

چاغیریر   ائلله رینی  

یوخولاردان   دوراجاقسیز ؟

ـ یاشاسین   بیزله ر   اوچون  آلدیغی   آزادلیق
سه رداریمیز     اوره گله ریمیزده    اولمه ز
اوره گله ر   اولمه سه له ر  

اولمه ز   سه رداریمیز  

اولمه ز ...