اودا دوندو ائل ...

یالان قورقوسونون   باشچیسی 

بیر یالان  ساتدی   

ـ اوجو قولاقی   بیلله نمه ز   بیر یالان 

سونرادا 

قارخیب   آیاقا  

باشا   چه کدی  باده نی 

ـ یالانلاردان   مه ست   ائلین باشچیسی 

داها   سونرا 

شاهانه    بیر   به زم    قورولدو 

باسدی    یئری   گویی   توستو 

اوندایدی کی   گونه ش   باتدی   اولدوز   یاتدی 

اوخویان   بولبول   سوسدو 

گئجه   نه   گئجه ؟ 

قارانلیقا   قارانلیق  ده رسین   اویره ده ن   بیر   گئجه 

اودوزموش آداملار   گوردو   یالان   به زمی 

جه زم   ائیله دی   عه زمی 

ووردو   بیربیرینه   نه ظمی 

اولکه  اولدو  مئیدان 

مئیدان   ره زمی ! 

وور  ها  وور 

توت  ها  توت 

های   گوتدو   یئریده   گویوده  

ائویده 

ائشی ییده  

اوله ن   اولدو 

اولمویه ن   دویولدو 

دویولمویه ن   سویولدو 

سویولمویه ن   توتولدو 

توتولمویان   قورتولدو !

دوزدو   یاتدی   های   سونرا  

آمما 

بیلیرسه ن 

اوره گله رده   یاراندی   بیر   ایشیقلی   اود 

بیلدی   خالقیمیز 

سیز 

بیز 

اونلار 

بونلار 

هه ر کیمسه    بیر   اود   اولمالیدیر   قارانلیق   گئجه له رده  

مه ن   یانماسام  گه ر 

سه ن   یانماسان  گه ر 

هانسی   هالوولار   ایشیق   سالار   بو  یوللارا ؟؟؟