متن درام : ده نیز ...

ده نیز ... 

صه حنه .

صه حنه نین     سونوندا     _ سون  په رده نین     اوستونده  _   نئچه   سیرا     کیچیک  لامپ    وار  .  بو  کیچیک    لامپلار   ایله    چولون ،  ده نیزین  ،  هه مده    بیر  چادیرین   و   قه صرین    ایچینین    مه نظه ره سی   لازیم اولان

صه حنه له ر ده   دوزه له جه کدیر  .  ساری  لامپلار   گونه ش    شه کلینده  اوسته  ،  قه هوئیی   و  یاشیل   لامپلار   داغ   شه کلینده   اورتادا  ،  اونلاردان   آششاقیدا   گوی   لامپلار   ده نیز   شه کلینده  ، قیرمیزی   لامپلار  چادیرین    شه کلینده    و آق     لامپلار   قه صرین    ایچینین     شه کلینده    په رده یه    یاپیشاجاقلار .

ایشیق  .

چول  .

اورادا بورادا     ائلین    ایگیتله ری     مه شغولدولار  .   بیری     دوشوبدیر     قیز    دالینا ، نئچه سی    آشیق    آتیرلار ، نئچه سی     شیکارا    گئدیبدیرله ر ،،،  نئچه سی     اوینویرلار  .

خان نه نه نین     چادیرینین     ایچی  .

خان نه نه    هیسلی هیسلی    گیریر   ایچه ری یه  ،  دالیسیجاقدا   بویوک ده ده     گیریر . خان نه نه    اوزون   اویانا   چونده ریر .

بویوک ده ده :                        قاش قاباق     ائدمه     مه نه                                      د    گوروم      نئی له میشه م

                                              قاش قاباق     ائدمه     مه نه                                      د    گوروم      نئی له میشه م

خان نه نه : سه ن    هئچ ، آمما ،،،،، نه    دئییم   آخی    بویوک      کیچیک     قالمی ییب کی    آی کیشی ،،، اورمو   ده نیزی    قورویور    ایسته دیم

                 ایگیتله ری    ییقام    آپارام    داغ    دوشونده    یالواراق    تانری یا    یاغیش قار    یاقا   ، هئچ    بیری    سوزومه     قولاق    وئرمه دیله ر ،

                 بیری   دوشموشدی     قیز    دالینا ، نئچه سی    آشیق    آتیردیلار ، نئچه سی     شیکارا    گئدمیشدیله ر ،،، ها   بئله ،،، نه   دئییم آخی ...

بویوک ده ده : په س    بودی    آی   قوجا آرواد   مه نی    سایمادین    گیردین    چادیرا   هان ؟

خان نه نه : قوجا    اوزونسه ن    خالقین     بویوک ده ده سی ...

بویوک ده ده : ایندی    مه نیم    آدیمی    مه سخه ره یه    توتورسان   آی    ائلین   خان نه نه سی ؟

خان نه نه : مه سخه ره    اولماسان     بیر   بو    اوشاقلاری    چاغیر    اینانیم   هه له ده     توستو     کوتوکده ن     چیخیر ...

بویوک ده ده : په س   دور   باخ ...

بویوک ده ده    چیغیریر . ائشیکده کیله ر     توکولورله ر     ایچه ری یه  .

خان نه نه   سئوینیر     و     اوشاقلاری   ییغیر   باشینا    اونلارا    ناغیل    دئییر .

خان نه نه : مه نیم    یاخچی    بالالاریم    ایستی ییره م   سیزه    بیر    گوزه ل      ناغیل     دی یه م  ،،،،، کئچه ن      گئده ن      ایلله رده ن ، اسکی   1 

                  زامانلاردان ،،،،، بیری   واریدی    بیری    یوخیدی     تانریدان     سونرا     هئچ کیمسه     یوخیدی ،،،،،   اوزاق   زامانلاردا     بیر   ساحیر

                  واریدی    کی   آژداهایا     ایشلی ییردی ، او    ساحیرین    ایشی    میلله تی    پیسدیکله ره    ساری     آپارماقیدی ،،، اونلاری    آللادیب   و

                 آپاریردی     آژداهانین   جه هه ننه مینه    طه ره ف ،،، آداملار   کی    جه هه ننه مه     گئدیردیله ر     او   ساحیر    اونلارین   ائو ائشیکله رینه

                 صاحابلانیردی ،،،  بیرگون     ساحیر    گه لدی     اورمو    ده نیزینه  ساری ، گوردو   نه   گوزه ل   بیر   اولکه دی ، ایسته دی    آداملاری

                 یاللادا    یوردولارینا     صاحاب   اولا    آمما    ئلی یه بیلمه دی ،،، بو    اولکه نین    آداملاری    دوشمه دیله ر    اونون    دالیسینا ،،، باخدی

                 گوردو    کئچه   بیلمیر    بو   گوزه ل   اولکه ده ن  ، فیکیرین    ایشه    سالدی    گوردو   بیر    یولو   وار    اودا   بودو کی    اورمو ده نیزین

                 سویون   آپارا   آژداها   ایچه   و   اوزو   ده نیزین    آلتینداکی    یئرله ره    صاحاب    اولا ،،، بو   اولدو کی   ایشینی    باشلادی ...

اوشاقلار    خان نه نه    و    بویوک ده ده    ایله    باشلی ییرلار   اویناماقا  ، اونلار   اولورلار    ده نیز ، توفان ، قوشونلار ، سولماز ، ساحیر ، کئچه ن جان  ، ایندی جان  ، سولطان کیشی ، موباشیر ، لوت لات   .

چول   .

کئچه ن جان     ایله     ایندی جان    یاتیبلار .

اویاندا    ده نیز   اوشاقلارین     حه ره کاتلاری  ایله    گوسته ریلیر .

ساحیر   گیریر    ایچه ری یه  ، یورغوندیر ، بیر   طه ره فده    اوتورور  .

ساحیر : آی   ده ده م   هئی ، دینجه ل   جانیم   دینجه ل ،،، نه   پیس   یورولدوم ، آخی ،،، اوتوروم   بو   داش   اوسته ، آهان آهان ،،،  چوله   باخ   چوله  

             یام یاشیل ، بورا   مه نیم کی    اولسایدی   نه   گوزه ل   گونله ریم   اولایدی ، یاشاییشیمدا   داها  بیر بویله    زه حمه ته    دوشمه زیدیم ، ئله 

             اوتوراردیم   یئییب   ایچیب   یاتاردیم ، هاممیدا    مه نه   ایشلی یه ردی ، اوزوم   هه رده ن    بیر   ئله   بیر چئشمه   سئحر   ئله سه یدیم 

             به سیمیدی ، اودا   ایش   اوچون   یوخ ، ته فریح   اوچون ،،، آمما   نئی نه مه ک     بورانین    آداملارینا    گوجوم    چاتا   بیلمه دی ، مه نیم

             سوزومه   قولاق   آسیب    یولوما    گه لمه دی له ر ،،، ایندی   مه نده    بو    ده نیزی   قورولدارام    یئرینه    صاحاب    اولارام  ...

ساحیر    باشلی ییر   ایچمه قه ، مه ست    اولماقا    و     اویناماقا  . او   ده نیزی    قوروتماق   ایسته ییر .

ده نیز   گورولدویور ، توفان اولور .

سو   ایلاهه سی     ده نیزین     توفانین    آرام   ئلی ییر  .

سو    ایلاهه سی :  یئنی ده    بو   پیس   ساحیر    ایسته ییر    بیر    ایشله ر   گوره  ،،، گه ره ک    قاباقین     آلام ...

کئچه ن جان    ایله    ایندی جان     توفانین   سه سینه     یوخودان   دورورلار ، ساحیری    گوروب   و  اونو    تانی ییرلار .

کئچه ن جان : او   ساحیردی   ، گه ره ک    قاباقین    آلاق  ،،، بو   مه نیم    چوبان    آغاجیم   ...

ایندی جان : مه ن    حاضیرام    ،     بودا     مه نیم     آتالاردان     قالان     قیلینجیم  ...

اونلار   بیر   حیماسی    اوینامقلا   ساحیرین    قاباقین آلماق    ایسته ییرله ر .

ساحیر : بونلاری    آزدیرام    گه ره ک ...

هه ر یانی     توستو     گوتورور .  دومان   اولور . کئچه ن جان    ایله    ایندی جان     بیربیرین   دوماندا   ایتیریرله ر .

سولماز   بیر    ته خت     اوسته    یاتیبدیر .

ساحیر : داها   یاتماق   به سدیر    گوزه ل  قیز ،،، سه نی   یاتیتمیشدیم    ده ردیمه    ده یه نده    اویادام ، ایندی   اوگوندو ...                        2

ساحیر   سولمازی   یوخودان    اویادیر .

سولماز   کوزه نی    گوتورور    گئده     سو    گه تیره  .

 ایندی جان    دوروب   داغ   اوسته    دوربینله    باخیر  ، سولمازی    اوزاقدان    گورور    عاشیق    اولور   اونا  . 

سولماز     بولاقدان   سو  دولدوروب    قاییداندا    نئچه    عه سگه ر    اونو   دوره لی ییر  ، او    ایسته ییر    قوش کیمین    اوچا   و قاچا   آمما   قاچا    بیلمیر  ،،، سولماز    اوچماقدان    قالیر   و   هوشدان   گئدیر  .

ایندی جان    اونا   کومه ک    ئله مه ک     اوچون     یولا   توشور  .

عه سگه رله ر     سولمازین    ال له رین    باغلی ییب   آپاریرلار . 

ایندی جان    دوشور    داللارینا  .

ایندی جان : گئددیله ر    سولطانین   قه صرینه  ، نه جور   اورایا   گیرمه لی یه م ؟؟؟ 

ایندی جان    هه ر   طه ره فده ن    ایسته ییر   گئده    بیر   گه زمه     چیخیر    قاباقینا . گه زمه له ر   آراسیندا    حئیران   اولوبدیر .

ساحیر : بو   بوندان ، ایندی    نوبا     او   بیریسینیندی ...

ساحیر    بیر   قوجا قادین    شه کلینده    ایسته ییر   چایدان    کئچه ،  ئلی یه    بیلمیر  . کئچه ن جان    اونو  گورور   ایسته ییر   اونا    کومه ک    ئلی یه  .

ساحیر : یاشا    اوغلوم ...

کئچه ن جان : هارا   گئدیرسه ن    نه نه ؟؟؟

ساحیر : سولطانین     قوشونو    داوارلاریمی    الیمده ن   آلیب    گئدیره م    اونا    شیکایه ت    ئلی یه م ،،، آمما ...

کئچه ن جان : آمما    نه ؟؟؟

ساحیر : او    قولدور    سولطاندی ، مه نده   بیر   قوجا   قادین ، او   مه نیم    سوزومه   باخمی یاجاق ...

کئچه ن جان : مه نده    سه نله    گه له ره م   ، قورخما ،،، مه ن    قه بول    ئلی یه   بیلمه ره م     او   سه نه     ظولوم     ئلی یه   ...

ساحیر : یاشا  ...

سو   ایلاهه سی     کئچه ن جانلا     ساحیری    گورور  .  کئچه ن جانا     عاشیق    اولوبدیر  . اونلارین     دالیسیجاق     گئدیر  .

سو   ایلاهه سی : گئددیله ر    سولطانین   قه صرینه  ، نه جور   اورایا   گیرمه لی یه م ؟؟؟ 

ایندی جان : بونو   مه ن   اوزومده ن   سوروشدوم   آمما   جاوابین    تاپا   بیلمه دیم ، دورد   دوره نین    گه زمه سی    واردی ...

سو    ایلاهه سی : سیز   آداملار    یول    تاپا    بیلمه زسیز    آمما    بیز    ایلاهه له ر    تاپا    بیله ریک ...

ایندی جان : مه نیده    آپار ...

سو    ایلاهه سی : ایشیمی    خاراب   ئله رسه ن ، گئد    اویانا    قوی   ایشیمی    گوروم ...

ایندی جان : مه ن    گه زمه له رین     آراسیندا   دورموشدوم   گوردوم   سه ن   کئچه ن جانا    خومارخومار    باخیرسان ،   مه ن   گه له نه جه ک    او   

                   گئددی ،   یوخسا     اونلا   گئده ردیم     ایچه ری یه ،،، باخیشین   اونا   دئییردی  کی    سه ن   اونا    عاشیقسا ن ، گئدیرسه ن    گوره ن   

                    هارا   گئددی ، مه نیم  آدیم    ایندی جاندیر ، مه ن   اونلا    دوستام  ، مه نده     سه نین   ته کین    عاشیقه م ، مه نیم    عشقیمی    آپاردیلار  

                    بورایا  ، مه نیده   اوزونله    آپار ،،، سئودالارا   گوره ...

سو   ایلاهه سی : عاشیق    اولسان ، مه عشوقویوندا    آپارسالار   بورایا    بیله یین    آپارمالی یام ، دئدین    آدی     کئچه ن جاندی !!! حاضیرلان ... 3

قه صرین  ایچی  .

سولطان   ایله   موباشیر    اوتوروبلار   ته خت    اوسته ، لوت لات    اوینویور  .  به ساط   موهه ی یادیر  .

موباشیر : آی    سولطان     بوجور    بورولما    گئد    ایشی یین   گور   گه ل ...

سولطان : گوره    بیلمه زسه ن    یئریمده ن    دورام  ،،، آی    موباشیر    گور   بونلار   کیمدی له ر    گه لیبله ر    بیزیم     قه صره ؟

موباشیر : اوهوی    لات لوت    ائشیددین کی ؟

لوت لات : بیریسی   بو کی      لات لوت   یوخ   لوت لات ، ایکیمجیسیده    مه نیم   آدیم    موباشیردی ؟

موباشیر :  گئد     اوغول بالا    ، گوره    بیلمه زسه ن    یئریمده ن    دورام ، گئد   گور   نه    خه به ردی ...

لوت لات : بیرگون   نوبا    مه نه ده    یئتیشه ر     اوتورام    ته خت    اوسته ...

سولطان : اوغول بالا    بیز    چوخ    که مینده   اوتوردوق   کی   ئلی یه   بیلدیک   اوتوراق   بورادا ، بوجور    راحات   الده ن    وئرمه ریک    بورانی ...

لوت لات    چیخیر   ئشی یه    .

موباشیر : آی    جانیم   گئد    ایشی یین    گور   گه لدا  ، لات لوت   گئددی    قورخما ...

سولطان : مه ن   اوندان    سه نده ن    قورخدوغوم جاق    قورخمورام ،،، گوره    بیلمه زسه ن    موباشیر ...

لوت لات    ساحیرله    کئچه ن   جانلا    گه لیر    ایچه ری یه .

موباشیر : یئنیده    بو    قوجا    بیرین    سالیب   دالیسی جاق   گه لیب    بیزیم    قه صریمیزه ...

سولطان : هه ر   نه دی    گه تیردیکله رین    توتاندان    سونرا    اوزو    یوخ    اولور   گئدیر ...

موباشیر : نه دی ؟ یئنی کی   گه لدین !

ساحیر : سیز    مه نه    ظولوم   ئلی ییبسیز ، بو    ظولومو   تانری   قه بول    ئله مه ز    ، بو    ایگیت    اوغلان    گه لیب    مه نیم   حا ققیمی     سیزده ن    

             آلا  ...

کئچه ن جان     چوبان آغاجین    آلیر    الینه    حیماسی    اوینویور .

ساحیر : گئدیم ،  که له ییم    توتدو ...

ساحیر    یوخ    اولور .

سولطان : یئنیده     یوخ    اولدو   او   قوجا قادین ،،،،،،،،،، توتون   بونو   بابا ...

کئچه ن جان   سولطانین    عه سگه رله ریله     جانانه    دویوشور    آمما   توتورلار   باغلی ییرلار   بیله سینی   .

موباشیر : سولطان   ساغ   اولسون   بیزیم    آژداهادان    قالان    کیتابیمیزدا    یازیلیبدیر    بیر   ایگیت    اوغلانی    هوشدان    گئده ن    قیزین    قاباقیندا

              قوربان   ئله سه له ر     او   قیز    هوشا     گه له ر ...

سولطان : موباشیر   گئد   و   او   هوشدان    گئده ن    قیزی     گه تیر    ایچه ری یه  .

موباشیر    ایسته ر  ایسته مه ز   گئدیر  .  لوت لات    تئز    اوتورور    اونون    یئرینده   .  موباشیرله    نئچه     عه سگه ر    قیزی     گه تیریرله ر . موباشیر     ایسته ییر    لوت لاتلا    ساواشا   آمما   سولطانین    ایشاره سی   ایله    گئدیر  دالا .

سولطانین    ایشاره سی   ایله    موباشیر    ایسته ییر    کئچه ن    جانین   باشین    که سه  .

ایندی جانلا   سو   ایلاهه سی     گیریرله ر    ایچه ری یه . سو   ایلاهه سینین     الینده     بیر     قاوال    واردیر .

لوت لات : بیی    بیی  ، بونلار   کیمدیله ر  ؟

سولطان : ایلک    سئریدیر     گوروره م    بیله له رین  ...

موباشیر : مه نده ...

سو   ایلاهه سی : بیز    اوینچویوک  ، مه ن     چالیرام    بودا   اوینویور ، باخین بیر  ...

سو   ایلاهه سی     ایسته ییر    چالا    آمما    سولطانین    ایشاره سی    ایله    قالیر  .                                               4

سولطان : سیز   بیز    ایسته دیقیمیز    ته کین     چالاجاییز ،،،،،،،،، اونون    الین    آچین ،،،،،،،،،،،،،،،،،،، ایندی  ،  سه ن   چال    بو   ایکیسی     

               ساواشسینلار ،،، دئمه لی یه م        ساواشدان    دورانی      لوت لات    تیر کامانلا     ووراجاق     اولدوره ...

کئچه ن جانلا       ایندی جان     چوخ    ساواشیرلار  ،   سون باشدا    ایندی جان    ایسته ییر    کئچه ن جانی    اولدوره    آمما     سو  ایلاهه سی   قاوال  چالماقین     ده ییشیر ، عه سگه رله ر    هاممیسی   هوشدان    گئدیرله ر   ، سولماز    هوشا   گه لیر   دورور    آیاقا  ،،،،،،،،،،،،،،،،،، اویاندا    ایندی جانلا    سولماز    بیربیره    حئیران     اولوبلار ،  کئچه ن جانلا    سو   ایلاهه سیده    بویاندا  .

موباشیر : لات لوت     دوروب   نه یه   باخیرسان   ته ختده ن    دوش   آششاقی یا    بونلارا      بیر    ایش   گور   آخی ...

لوت لات : لات لوت   یوخ    لوت لات ، بیرده  کی   مه ن   دوشه    بیلمه ره م ، ته زه    چیخمیشام   بورایا ...

سولطان : تئز   اولون    بیر   ایش   گورون ...

موباشیر : سیز    دوشون    آششاقی یا    بیر   ایش   گوره کدا   ، ته کیمه     نئله ییم   آخی ؟

سولطان : تئز   اولون ...

موباشیر : دوشون   گوره ک ...

لوت لات : مه ن   دوشه    بیلمه ره م ...

سولطان : مه نده   دوشه   بیلمه ره م ...

سولطان ، موباشیر   و    لوت لات     دوشورله ر    بیربیرینین   جانینا  .

سو   ایلاهه سی : ایندی   آشق    ماهنیسینین    واقتی دیر ...

سو  ایلاهه سی   چالیر ،،،،،،،  سولماز ، کئچه ن جان    و   ایندی جان    سولطانین ، موباشیرین  و لوت لاتین   الین  باغلی ییرلار .

بیر   حیماسی    ماهنی  ایله    جه شن   توتولور ،،، عه سگه رله رده     هوشا   گه لیب    قاریشیبلار    اونلارا  .

سو  ایلاهه سی : ایندی    هاممی    گوزونو   یومسون  ،،،،،،،،،،،،،،،،،،،،،،،،،،،،،،،،،،،،،،،،،،،،،،،،، یاخشی ، ایندی    گوزله ری ییزی    آچین ...

چول   .

هاممی :  بیز    چولده ییک !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

ساحیر    ده نیزین     سویونو    اوغورلاماقدادیر  .

هاممی     ساحیرین      اوستونه      هوجوم     گه تیریرله ر  ،،،،،،،،،،،  ساحیر    قاچیر   گئدیر  .

سو  ایلاهه سی : اورمو     ده نیزی     قالمالی دیر ...

هاممی : اورمو     ده نیزی     قالمالی دیر ...

سو  ایلاهه سی : ساحیر    قاچدی    گئدی    آژداهانین    یانینا ،،، مه نیم    ایشیم    بورادا    قورتولدو ،،، ایندی    گئدمه لی یه م .........................

کئچه ن جان : مه نی    ته ک     قویوب    گئدمه ،،، دوز کی    سه ن    سو  ایلاهه سیسه ن     آمما    قال    بیز    آداملارین   یانیندا ...

سو  ایلاهه سی : مه ن      گئدمه لی یه م .............................................................................................

کئچه ن جان : گئدسه ن     مه نده     اوزومو     اولدوره جه یه م ...

کئچه ن جان     بیر   قیلینجلا    ایسته ییر     اوزونو    اولدوره ،،،،،،،،،،،،،،،،،،،،،،،،،،،،،،،،،،،،،،، سو  ایلاهه سی     گئدمه کده ن    قالیر .

سو  ایلاهه سی : مه ن   قالسام    ایشله ریمی    سیز   آداملار   گه ره ک      گوره سیز ...

هاممی : گوره ریک ...

سو  ایلاهه سی : اوندا ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، مه نده    قالارام ...                                5

خان نه نه نین     چادیرینین     ایچی  .

اوشاقلار     ناغیلا     قولاق    آسیرلار  .

خان نه نه : سو  ایلاهه سی      گئدمه دی    قالدی   ،  اونون    ایشین    آداملار   گوردوله ر ،،، قیز   قادینلارلا      اوشاقلار     دوعا     ئلی یه ردیله ر ،  و

                 اوغلانلارلا      کیشیله ر      ده نیزه     گه له ن       سولارین     قاباقین     آچاردیلار   ، بیرده      گویده ن    بولوتلاری      اوغورلویانلارلا   

                 ساواشاردیلار ،،،،،،،،،،،،،،،،،،،،،،،،،، آمما ،  ایندی   هاممی    اوز   ایشینه    مه شغولدیلار     ،   ده نیزی    یاددان    چیخاردیبلار ، گویده کی    

                 بولوتلاریمیزدا     یاغمامیش    گئدیرله ر ، تانری   بیلیر    کیمله ر     آپاریر   اونلاری ،،،،  بوجور    قالسا     اورمو    ده نیزی    قورومالیدیر ،،،

                 اوزوموزه     گه لمه لی ییک ...

هاممی     دورورلار    آیاقا   و   بیربیر    چادیردان     ائشی یه     چیخیرلار  .

چول   .

قیزلار ، قادینلارلا     اوشاقلار      دوعا    ئلی ییرله ر  ،  اوغلانلارلا    کیشی له ر     بئل    ال له رینده    یولا    دوشوبله ر  .

ساحیر    اوزونده    ییغیشیبدیر     .

یاغمور    یاغیر  .

                                                                                                             سون   .