متن دئرام : بن بست محلله ...

صه حنه : بیر قدیمی بن بست کوچه دی .

                                                                        1. اوچ راوی اوتوروبلار کوچه ده .

بیر : نه داریخمالی بیر گوندور .

ایکی : هیه واللاه .

اوچ : یاخچی یاخچی ، اوتوروب فکر ائیلمخ ایله داریخما آرادان گئدمز کی .

بیر : به نه ایش گورخ ؟

ایکی : هر نه ایش اولسا سئویندیره وارام .

اوچ : بیر ناغیل ...

بیر : وای نه گوزل .

ایکی : هانسی ناغیل ؟

اوچ : آرشین مال آلان .

بیر : تکراری دی .

ایکی : اوندا مشدی عیباددا تیکراریدیدا .

اوچ : اوزوموز دوزلدریخ . بیری واریدی بیری یوخویدو بیر محلله واریدی ...

بیر : چوخلو آدام ایله ...

ایکی : دئملی یم سیز گوزه للره بو محلله ده بیر آرواد واریدی قیزیلا یاشاییردیلار . بو قیز چوخ ...

اوچ : چوخ ...

بیر : چوخ ...

ایکی : چوخ چیرکین قیزیدی ...

اوچ : اله چیرکین قیز کی هچ کیمسه اونا وورغون اولمامیشدی . او چوخلارین ایستمیشدی آمما اونو ایستیین یوخ .

                                                                        اوچ راوی بیر چیرکین قیزا سوز اوخویورلار .

                                                                        2 . ننه موبایل ایله دانیشا دانیشا گیریر کوچه یه . الینده بیر دولو زنبیل وار .

ننه : به ، نه فکر ائلییبسن بالدیز خانیم ، بو قیزین قاداسین آلیم . گویده گوی اولدوزو یئرده ، یئرده بیر دوزلو قوزو . یوخ ، درسینی قورتاریب گلیب

        بالام ، اوغلویان آلمادین آمما اودوزان منیم بالام اولمادی سنین اوغلون اولدو ، به ، گل گور نه اولوب بالام ، بیردنه سامانچی قیزی ، به ، هان ؟

        یوخ ایندی گئدیب بازارا اوزونه پالتار آلا . نه پالتاری ؟ بیی ، دوقتورلوق پالتاریدا ، دئییرسن بلکه دوقتورخانادا چادیر آتاجاق باشینا ؟ محللده

        چادیر آتمالیدیر آمما بیمارستاندا یوخ کی . گرک مانتو گییه دا ، به . یاخچی یاخچی گئد . هللیخ . گئد . ( موبایلی خاموش ائیله ییر ) یان

         یاخیل .                                                               1

قولو : خالا کیم دوقتورخانادا مانتو گییجخ ؟

ننه : گوزو چیخدی ها .

قولو : کیمین گوزون چیخارددین ؟ مانتو گیینین ؟

ننه : مانتو گیین کیمدی ؟

قولو : سن دئدین دوقتورخانادا مانتو ...                              

ننه : آهان ، آی خالا خالاقیزین سوسنبری دئییرم دا .

قولو : سوسنبر ؟! میه مریض دی ؟

ننه : نه مریضی ! به دوقتور اولمویوب ...

قولو : خالا سوسنبر میه دوقتورلوق درسی اوخویوب آخی ؟

ننه : یاخچی یاخچی ، سنده سوسنری یین عمه سی کیمی پاخیل اولما ، اوغلو پرویز محمد اونو آلمادی آمما ایندی کی ائشیتدی دوقتور اولاجاق

       پاخیللیقدان اولور . قوی گوزو چیخسین ! منیم اوغلوم پرویز محمد دوقتور اولوب ! واه واه . منیم قیزیمدا دوقتور اولدو گوزون چیخارتدی .

قولو : نه دئییم واللاه .

ننه : هچ سوز دئمه . گل بو زنبیلی گوتور گئدخ ائوه ، یورولموشام . ایندی سوسنبرده گلر . قالدی بازاردان اوزونه مانتو آلا .

                                                                   3 . سوسنبر گیریر کوچه یه . بئکار دالیسیجاق گلیر گیریر کوچه یه .

                           بئکار بیر عاشقانه ماهنی اوخویور .

سوسنبر : هان ؟ ندی ؟ نیه توشوبسن دالیما ؟

بئکار : اوزون چکدین دالینجاق ایندی قاباقدان گلملیغ ائیلییرسن ؟

سوسنبر : من ؟ اوغلان من تحصیلکرده بیر قیز سن لاتی چکجاقام اوز دالیمجاق ؟

بئکار : لات ؟!!! عجب ! یاخچی ایه چکمییبسن گئد دا نیه به دوردون .

سوسنبر : اوز محلله میزدی ، خوشوم گلیب دورموشام ، ایندی زنگ وورارام گلیب آپارارلار آغاج ...

بئکار : دئدین تحصیلکردسن دا ، بلی بلی .

سوسنبر : ایندی گورسدرم سنه . الو ...

بئکار : گئتدیم آمما داها آشیق اولدوم سنه .

سوسنبر : آشیق قورخماز .

بئکار : گئدیرم آتان دئمیه لات لوتم .

سوسنبر : من آنام ایله قالیرام ، به بو گوشی نیه خط وئرمیر .

بئکار : یالاندان قولاقی یان دایاما کی اونو شماره توت آخی .                    2

سوسنبر : هوش قویمورسان کی قالا آدامدا ، هله ایشین ندی ؟

بئکار : داییمین یانیندا ایشلییم .

سوسنبر : دایین نه ایش گورور ؟

بئکار : عللاف دولانیر بئکار قالمییا .

سوسنبر : ویششش .                                                   

                                                                   قولو چیخیر ائشیه .

قولو : مشدی جاماهاتین قیزینا دولاشما ، پیسدی .

بئکار : جنابعالی ؟!

قولو : خانیم بویورون گئدین سیز من اوزوم بونلا دانیشارام .

سوسنبر : قولو !!! یانی من غریبه یم بوجور دانیشیرسان ؟!

قولو : ویی خالاقیزی !!! سنسن !!!

بئکار : اوغلان سن کیمسن داها عمه قیزیوی تانیمادین ؟

قولو : خالاقیزی جناب ، بو کیمدی خالاقیزی ؟

سوسنبر : دالیما دوشنلرین میندن بیری .

بئکار : بابا ال چک ، کل خیابانین آدامی اون دنه اولمازیدی .

قولو : خیاباندا نئچه نفر اولماقدا سوز یوخ کی ...

بئکار : نیه اتفاقا ، دوز آمار وئرسیندا . هاممی غلط آمار وئریر بو زامانادا .

قولو : نیه میه سن مامور سرشماریسن !

بئکار : یوخ دده م بالام ، بئکارچیلیقدان آداملاری ساییرام خیابانلاردا .

سوسنبر : بئکارچیلیقدان !!!

بئکار : من اولوم دئدین به ایش میشیم وار ؟! آی جان .

قولو : یوخ دئییب بلکه مهندیسسن مهندس .

بئکار : چکمیینلرین گوزو چیخسین .

قولو : مئیمون سن نسن سنی چکمییم آخی .

بئکار : اوغلان عمه قیزییان گوره دینمیرم یوخسا وورارام میل دورارسان ها .

سوسنبر : اله بیل زنگ وورمالیام پلیسه .

قولو : اوولن عمه قیزی یوخ خالاقیزی ، دوومن زنگ لازیم دئییل اوزوم ایندی قولاقیندان یاپیشیب محلله دن آتارام ائشی یه ...

بئکار : اوولن عمه ن وار اصلن سنین ؟ عمه آیری بیر شی دی ، دوومن میغمیغا سن منیم قولاقیمدان یاپیشاجاقسان ؟

قولو : منی دئییرسن قودورغان بالاسی ؟                                          3

بئکار : آینادا گوروبسن اوزویون ! توت گلدی ...

قولو : ویی ویی ، اوتور منی اوتور گوروم .

سوسنبر : کیم توتوب سنی آخی ؟

قولو : منظوروم بودو .

بئکار : تزه تاپمیشام سنی هارا اوتورجاقام .                         

قولو : به زنگ وور گورخ .

سوسنبر : سنده زورون یوخ بوی دئمه دا قازالاق .

بئکار : لازیم دئییل زنگ ووران ، گئدیرم اوزوم . بای بای کابویی میلچک ، بیرده یئکه جیرما . گوروشه قدر دانشجو خانم . بای .

سوسنبر : کلاسیان یئمیر . سوزه باخ ، بای ! ویششش .

بئکار : کلاسیم اولماسادا نمره م کی وار . دوققوز یوز اون دورد ، دورد یوز قیرخ اوچ ...

ننه ( سسی ائشیکدن گلیر ) : گئده اوکوزبالاسی کیمین قیزینا شماره وئریرسن ، دور گلدیم .

                                                                   بئکار چیخیر ائشیه . ننه گیریر ایچری یه .

ننه : هانی او قودوخ بالاسی قودوخ .

سوسنبر : گئددی مامی .

ننه : وییی ، وای کول باشیما ، بو ندی ! بو نجور گئیینمکدی ، وای یاززیق اولدوخ .

قولو : خالا منده اوول تانیمادیم .

ننه : کول گوزومه .

سوسنبر : وییی ! مامی نییدی آخی ؟

ننه : نیی دئییل ! گور نجور پالتاردی توشوبلر دالییان .

سوسنبر : منیم دالیما چوخلاری توشور .

قولو : هاهاهاهاها ...

سوسنبر : زهرمار .

ننه : یاخچی دا ، گل گئد چیخارد بونو . دایین گلیب گورسه ایکیمیزیده پیچر .

سوسنبر : مامی ...

ننه : مامی درد مامی زهر ! مامی ده یسین باشییان ! یئری چیخارد ، یئری یئری .

سوسنبر : مامی دانشگاهدا بوجور گئیینیریخ دا .

ننه : اوزون دئییرسن دانشگاهدا . محلله ده یوخ کی .

قولو : دوز دئییر سوسنبر ...

سوسنبر : سوزی ، یوز سیرا دئمیشم من سوزی یم ، سوسنبر ندی آخی . ویششش .                                                                            4

ننه : یئری ائوه یاخچی .

سوسنبر : مامی من تمرین پالتاری آلمیشام بیان بدن ایشلییم کوچه ده ، ائوده یئر یوخ کی .

ننه : نه ایشلیین ؟

سوسنبر : بیان بدن .

ننه : بو ندی ؟                                                     

سوسنبر : درسلریم دا مامی .

ننه : مثلن نجوردو بونلار ؟

                                                                   سوسنبر بیر سیرا حرکتلر گئدیر .

ننه : ورزیش وئریرسن بئلی آغرییان خانیملارا ؟

سوسنبر : یوخ مامی .

ننه : دوقتورلوقه مربوطدودا ؟ معاینه ائیلیجخسن ؟

سوسنبر : نه ربطی وار دوقتورلوقه ؟

ننه : به درسین اوخویوبسان دا .

سوسنبر : من دوقتورلوق اوخومامیشام کی مامی .

ننه : مامالیق ؟

سوسنبر : یوخ .

ننه : پرستارلیق ؟

سوسنبر : یوخ .

ننه : ویی کول باشیما بئهیار اولاجاقسان ؟ منه باخ دئییردیم بلکه قیزیم دوقتور اولوب .

سوسنبر : مامی ! من بازیگری اوخوموشام . دوقتورلوق ندی آخی .

ننه : نمنه ؟!!!!!!!!!!!!!!!!!!!! شوخلوق ائیلییرسن ؟!

سوسنبر : ذوقزده اولدون هیه !؟ بیلیردیم ، گورورسن مامی ، من بازیگر اولاجاقام سنده منه افتخار ائیلیجخسن ، بوتون محلله منه افتخار ائیلجخ ،

              قولو خالااوغلومدا ، داییم ، قونشولار ، قوهوملار ، او پیسدیهلی بیبیم اوغلو ، ائششک ، دئدی بلکه آلماسا منی من ائوده قالاجایام ، دئدی

              بلکه هچ کس اولمویاجاق منی آلا ، دئدی بلکه منه صاحاب چیخان اولمویاجاق ، آخماق ، بیلمدی من گئدجم بازیگر اولام ، بیلمدی من

              نیکول کیدمن اولاجاقام ، جنیفر لوپز اولاجاقام ، آنجیلینا جولی اولاجاقام ، مامی گورورسن قیزین نه اولوب ، گورورسن دا ، بیلیرم منه

              افتخار ائیلییرسن اورگینده ، آی من سنین اورگیین قاداسین آلیم ، مامی ، مامی ، گورورم رویالارا گئدیبسن منی گورورسن براد پیت

              ایله دیکاپریو ایله فیلم اوینویورام ، گورورم رویالاریندا گورورسن منیم عکسلریمی ووروبلار دیوارلارا ، هاممی باخیر مات قالیر . مامی مامی

              مامی گورورسن دا ، من سنین قیزین ، سنین سوزی قیزین بازیگر اولوب هاممی مات قالیب اونا . مامی گل اوپ بیلمی ، افتخارلی

               قیزی یین اوپ ، به نیه دینمیرسن مامی ؟ ویی ، ویی . مامی ، مامی .                                                                           5

قولو : خالا ، خالا ، وای دده خالام اولدو .

سوسنبر : نه اولدو سنده ، قاچ سو گتیر ، یئریدا .

قولو : وای وای وای .

                                                                   قولو چیخیر ائشیه .                   

سوسنبر : مامی ! مامی !

                                                                   قولو لیوان الینده گیریر ایچری یه .

                                                                   ننه نین اوزونه سو سپیرلر ، اوزونه گلیر چیقیریر و سونرا دورور توشور سوسنبرین دالینا .

                                                                   اوچ راوی گلیر ایچری و ماهنی اوخویورلار .

بیر : آنجاق ننه قیزین قاوالادی سالدی ائوه .

ایکی : توشدو فکره نه ایش گورسون . آبیری گئدیردی آخی .

اوچ : البتده او قدیم فکره صاحاب اولدوقونا گوره بوجور فکر ائیله ییردی . چاره ائیلدی یول تاپمادی . قیزین داییسی ایله دانیشدی . چاره بو اولدو

         قیزی تئز اره وئرسینلر .

بیر : آمما کیمدی قیزی آلان ؟

ایکی : اوقدر چیرکین قیزیدی کی آلان تاپیلمادی .

اوچ : آخیرده بیر یول تاپدیلار . گورخ نه یولو .

                                                                   4 . ننه اوتوروب فکره گئدیب . قولو الینده بیر قابلانمیش عکس گلیر ایچری .

ننه : گلدین قولو بالا ؟

قولو : ب یو ب یولدایام .

ننه : یاخچی بابا ، منه پ نه پ اداسی چیخارتما .

قولو : نه ؟!!!

ننه : به ، بو قیزین دوقتورلوخ درس اوخومامازدیقی گوزومو آچدی . ایندی بوتون مسائلین دالیسین توتورام . وایبر تلگرام اینستاگرام ...

قولو : دوغوردان آی خالا ؟

ننه : هیه به قولو بالا .

قولو : اله بیل بیر من قالمیشام دالا !

ننه : آنجاق سنده تووا چکیل قویما بوجور قالا .

قولو : یاخچی خالا ، عکسی گالا .

ننه : آهان آهان ، آی سنی مین یاشا . عکسی گتدین دا .                            6

قولو : هیه دا . بودا دئدیقین عکس . آلا .

ننه : ویی . بو کی منم آی بالا .

قولو : یوخ دا ؟!!!

ننه : واللاه . اوغلان سن منیم جاوانلیقیمین عکسین هارادان تاپدین گتدین ؟ آی یادش بخیر جاوانلیخ . هئی ..............                      

قولو : آی خالا نه دئییرسن ...

ننه : گور نه گوزه لیدیم . گور نه اولموشام . هئی .

قولو : خالا ضرر المزسن ؟

ننه : ندن ؟

قولو : آی خالا اله سوسنبرده سنین قیزیندی واللاه .

ننه : نئجه ؟

قولو : نئجه سی یوخ کی . هاواییسیزدا . آی خالا بو هدیه تهرانیدی . یادش بخیر جاوانلیقیم !!!

ننه : یاخچی یاخچی ، بیر بو قالمیشدی منی یانسیلییاسان ها . منیم جاوانلیقیم بوندان گوزه لیدی . هله هدیه تهرانی کیمدی ؟

قولو : هنرپیشه دی دا ، دئدیم سوسنبر هاممییا دئییب هنرپیشه یم ، ایندی کی ایستییریخ روزنامه ده آگهی ورخ بو عکسین صاحابی ایستییر ائولنه

        قوی بیر هنرپیشه عکسی اولسون جاماهات اینانسین .

ننه : ویی . پس بودا هنرپیشه دی .

قولو : بلی . ایه تورکیه سئریاللارینا باخماقدان ماجالین اولسایدی بونودا تانییاردین .

ننه : اونلارین دیلین قانیرام بیلیرم نه دئییرلر باخیرام ، بونلارین دیلین قانمیرام کی باخام آخی خالا . یاخچی ایه هاممی بونو تانییر به نجور آگهیده

       یازاجاقسان سوسنبر ، یوخ ، سوزی سولدوزلو ؟ بیرینین عکسین گتیرردین مشهور اولمویاردی دا .

قولو : آی خالا اوولن تئز گئج ائلچی سوسنبری گورجخ دا ، بوشاسا بوشاردا ، یا هدیه تهرانی عکسیله گله ائلچی یا نیکی کریمی ایله .

ننه : هله قوی آلسین بیلسینی بوشاماقینا آللاه کریمدی .

قولو : اله بونا گوره دادگاهلار دولوب بوشانانلاردان دا .

ننه : منه جامعه شناس اولما گوروم .

قولو : خالا بو اصطلاحلاری هارادان اورگنیبسن باخ ؟ سن کی بو سوزلردن بیلمیردین کی .

ننه : اوتور بو سوزلری . دئییرم اولماز سیبیل جانین عکسین ووراسان آگهی ده ؟ یا او فاطماگولو ...

قولو : یوخ دا !!! غیرمجاز عکسی وورمازلار . اوتور اونلاری . مئد این وطن ...

ننه : من سئریاللارینا باخسامدا او نردوانداندی اردوغانداندی ندی ، اوندان خوشوم گلمیر کی ، دئییرم چیخدی ها ، بیلدین ؟ اوقلان سئچگی دندا ،

        یوزه قیرخ آلتی رای ایله ، اونملی بیر سئچگی اولموش اورادا و اوزگورلوق اوچون پروبلملر باشا گئدیب ، بوجور باخما ، اوتور اصلن .

قولو : هیه بابا . بورالی اولا یاخچیدی .

ننه : یاخچی گئد آگهی وئر گورخ ائلچی گلیر . بلکه وئرخ گئده آبریمیز گئدممیشدن .                                                                   7

قولو : خالا هنرپیشه لیق آبری گئتمخ اولسا به نیه تلویزیونون قاباقیندان چکیلمیرسن اوتایا ؟                                                           

ننه : اوغول بالا سن کی اوزگه دئییلسن ، دایی یین غئیرتی قویماز یوخسا منیم سوزوم یوخ .

قولو : گئدیم آگهی نی وئریم روزنامه یه گلیم .

ننه : بیز کی هرکیمسه یه دئدیخ قیزیمیز گئدیر اره گلدی آمما سوسنبری گوردو قاچدی .

قولو : گوزه ل دئییل آخی .                                              

ننه : یاخچی یاخچی . هم گوزه لدی هم تحصیلکرده . اوزوده هنرپیشه دی . حاییف قارداشیمدان قورخورام یوخسا اره وئرمزیدیم دییردیم گئد فیلم

       اوینا مشهور اول بو جاماهاتین گوزو چیخسین .

قولو : خالا بازیگری اوخوماقینا باخما بو هنرپیشه ده اولسا سیاهی لشگر اولار . هر صحنه نین آخیرینده دورار قیافه سی گورسنمز .

ننه : یاخچی دا . گئد . انشالاه بیری تاپیلار گله ائلچی بونا .

قولو : تاپیلسادا قورخورام گورندن سونرا ائلچی چیخاندان سونرا آلاندان سونرا اوزونو گورندن سونرا قان سالا .

ننه : خئییر سویلمزه دئدیلر خئییر سویله دئدی گئده سن گلمییسن . گئد یاخچی .

                                                                   5 . قولو اوتوروب کوچه ده .

                                                                          بئکار ، ورزشکار و شاعر اوتوروبلار صندلی اوسته .

                                                                          ننه اوتوروب صندلی اوسته و دالی هاممیادیر ، هر نفر دانیشاندان سونرا دونور اونا

                                                                          نمره وئریر .

قولو : آقای ایکسزاده کیمدی ؟

بئکار : من نماینده سی یم .

قولو : اوزو هانی به ؟

بئکار : ایشی چوخدو منی گوندریب دا .

قولو : سنی من هارادا گورموشم ؟

بئکار : یادیندا دئییل بیر چیرکین آمما گوزه ل پالتار پوللو بالاسینین اوسته داوامیز توشدو ؟

قولو : آهان پس اوندا پوللولوقونا گوره توشموشدون دالینا ؟! عجب ! یانی ایندی بئکارلار صفیندن چیخیبسان دا ؟

بئکار : یوخ هله . ایکسزاده دئییب ایه بو قیزی منه آلسان ایش وئرجاقام سنه . قراردی مدیر اولام .

قولو : یوخدا .

ورزشکار : دئدی ایه قیزی آلا بیلسه .

بئکار : آلاجاقام دا .

ورزشکار : زدپور آقام اولان یئرده سن قیزی آلابیلمزسن .                         8

بئکار : اله آلیم کی کئفین کیمین .                                              

ورزشکار : یوخو گوروبسن خئییر اولا .

بئکار : اده بیر شهردی بیر ایکسزاده .

ورزشکار : اله اودور کی دورد آروادی واردا !

قولو : نمنه ؟

بئکار : اوولن دورد دئییل اوچدو ، بونودا آلاجاق دورد اولا ، دوومن دارندگی و برازندگی دئییبلر دا .

ورزشکار : زدپور آقامین اوول آروادی دی . قیز اونو قویوب بونا گلمز .          

بئکار : آلارام .

ورزشکار : قویمارام .

بئکار : آلارام .

ورزشکار : قویمارام .

بئکار : آلارام .

ورزشکار : قویمارام .

                                                                   لوتو قصاب گیریر ایچری یه .

قصاب : آهای ! بو نه سسدی بو نه های هاواردی بیزیم محلله ده ؟

قولو : نوکرم داش قصاب .

قصاب : خوش گوردوخ اخوی . بورادا نه خبردی ؟ داوادی ؟ بیزه دیین نیه اولمویوب به ؟ کیمی اولدورملی یم ؟

قولو : گوزلره قوربان کیشی ، سن بویوکسن بیزه ، آمما سنین محلله نده کیمین جراتی وار داوا ائیلیه سندن بئخبر ؟

قصاب : به بونلار کیمدی ؟ جریان ندیر ؟

قولو : سن کی اوزگه دئییلسن ، سوزون قیسساسی خالامین قیزی سوسنبره ائلچی گلیبلر ...

قصاب : خالایان دئگینن بیزی قابل گورمدی تحقیقلرین وئره بیز ائیلیخ ؟

قولو : آخی هله او یئرلره یئتیشمییب کی ایش ، اورالارا یئتیشسه گوز اوسته ، کیم داش قصابدان یاخچی .

قصاب : من خالانین اوز موشتری سیم ، یانی خالاوا دئگینن ات دیرناق جییار آنجاق نه لازیم اولسا دئسین .

قولو : گوزوم اوسته .

قصاب : گئدیم داها ، خیالیم راحات اولدو ، باخ بورا ، خالایان دئگینن اوزونه ائلچی تاپیلسا داها بوجور خوش اخلاق گورمز منی ها ! بیرده اوزونو بو

          قریبه لر یانیندا خوش اوتسون ، هله بللی دئییل هانسی کوره کنیمیز اولاجاق کی . گئتدیم .

                                                                   لوتو قصاب چیخیر ائشی یه .

قولو : گوردوز نه ائیلدیز ؟ واللاه قاتیشدیرسایدی هاممینی پیچردی . دوعا ائیلیین خالایا خاطر سسی چیخمادی . خالا سنده اوزویون خوش اوت   9

          گورخ . آخی دئیین گوروم سیز نچی کاره سیز ؟ قیز گلمسه نئجه آلارسان ؟ گئدسه نئجه قویمازسان ؟

بئکار : آهان ، دئییم دا نئجه . آقام ایکسزاده ...

ورزشکار : مندن اورگنیب دئییر آقام ، آی ...

قولو : سوس آقا .

بئکار : دئییر بلکه بورادا فوتبال مئدانیدی آتیلیر اورتایا دوزالا چالیر .

ورزشکار : الیندن گلیر سنده چال بئکارخان .

قولو : آقا دئدیم سوسون . دئییردین نجور آلاجاق قیزی .

بئکار : بیری بو کی بو قیزین وزنی قدر قیزیل آلیب سالاجاق بوینونا .

ورزشکار : اکبر عبدی دئدی وزنی قدر می رینم .

قولو : بی ادب ! سوس . داها .

بئکار : ( ورزشکارا ) بئچارا باخ نمره یه وئردیلر منه ، جان ، ( قولویا ) عمه ندی ؟

قولو : خالامدی آقا ، سوزویون دالین توت گورخ .

بئکار : عمه آیری شئی دی . دئییردیم ، ایکیسی یوز ییرمی کارخانا سالاجاق کبینینه .

ورزشکار : دئییرم بوغولدوخ کارخانالار توستوسوندن آزالدین بیر بئله توسعه صنعتی نی سولدوزدا بابام . اله بیر نفت دکلی وورون باخ . آی زیرت .

شاعر : دئییرم بو گوزه ل هاوانی آلمایین بیزدن قویون شعر جوشسون ایچیمیزدن ، بیرده بیزیم مال حئیوانین اوتارماقینا یئر ساخلایین ماحالدا ، هر

          یئر اولدو کارخانا ! هانی بیزیم نفت دکلی ؟                        

قولو : جانیم دکلی بیز هارادان تاپاق بو هایدا هایدا . سوسون گورخ بیر . خب داها .                                                                     

بئکار : قیزین فامیلینین هاممی بئکارلارین مدیر ائیلیجاق .

ورزشکار : یوخ دا ؟! اله بیر سیرا گلسین ائیلسین مدیر کل امور جز بویوک کیچیک ایشلر .

بئکار : بیرده دئییب قیزا اون دنه ائو آلاجاق آدینا سالا .

قولو : یازدیم . بودا اون دنه ائو قیزین آدینا . خالا نمره لری وئردین ؟ یاخچی .

                                                                   قوجا گیریر ایچری یه .

قوجا : آقا یارانه وئریرلر ؟

قولو : عمی نه یارانه سی ؟

قوجا : به بو سیرا نه سیراسی دیر ؟

قولو : عمی بونلار دوروبلار ، یانی سیرا ، باخ بو صف ائلچی صفیدیر ...

قوجا : ویی ! آرواددا سهمیه اولدو ؟ آخیر نفر کیمدی ؟

قولو : جان ؟!!!

قوجا : منیده یاز نوبایا .                                                   10

قولو : آی قوجا آخی سنین نفسین چیخیر قیز آلان ؟

قوجا : اوقلان من سیزین هاممی ییزدان اورگیمده جاواندی کئفیمده . باخ بورایا .

                                                                   قوجا اوخویور و اویناییر .

قولو : آی هوو !!! ایندی گل بونو سیرادان چیخارد ! یاخچی عمی گئد اوتور اورادا . ( ورزشکارا ) آقا نوبا سنیندیردا ؟ دانیش گورخ .

ورزشکار : آقام زدپور دئییب مسی و رونالدونو چاقیراجاق گله سولدوزون عقاب تیمینده توپ اوینویالار .                                                    

قولو : خالا بیر نمره وئرمه گورخ سنده ، عاشق مسی دیر نمره یه باخ وئردی .

بئکار : عمه ندی ؟

قولو : دئدیم خالامدی ، عجب ایلیشدیخ بونا . یاخچی ددیقی یین قیزا نه ربطی وار ؟

ورزشکار : دئییب اونلارین بوتون چیخارلارین آیدان آیا توکجخ قیزین حئسسابینا . دئییب اوچ دنه قیزین آدینا دانشگاه آچاجاق . قیزین آدینا پارک

              دوزلدیب سالاجاق . دئییب سولدوزو منطقه ی آزاد ائیلیجاق عایداتین وئره قیزا . قطار یولون دوزلدجاق قیزی قطار ایله آپارا گئده   

               خوراسانا .

بئکار : گورر . بسدی دا . فرم دا یئر قالمادی .

قولو : سوس دئدیم سنه . سنه نه ربطی وار فرمدان . جناب نوبت سیزین دی .

قوجا : به منیم نوبام اولمادی ؟

قولو : اوتور یئرینده گورخ عمی . آقا دانیش .

شاعر : دئدیم گویلر بیزیمدی یالان دئدیم . دئدیم دنیزلر بیزیمدی یالان دئدیم . دئدیم هاوالار بیزیمدی یالان دئدیم . دئدیم قیز بیزیمدی بو سیرا

          آمما دوز دئدیم . بنده شاعرم و اوزومه ائلچی گلمیشم ، بونودا دوز دئدیم .

قولو : نه یین وار ؟ برنامه ن ندی ؟

شاعر : قیزی آلماق .

بئکار : اصلا پئشیاشدی بو اوزون برنامه یه .

ورزشکار : آبادان اولدو ماحال .

قولو : آقا جان سوسون دا . سیزه نه ربطی وار ، خالا نمره وئر گورخ ! شاعرلر حرمتینه گوره .                                                           

                                                                   چوبان بیر فارسجا ماهنی اوخویا اوخویا گیریر ایچری یه .

چوبان : اومدم من اومدم ، خیلی دلت خواست اومدم . چکیلین گوروم ، بورادی ؟

قولو : هارا بورادی ؟

چوبان : اورا بورادی ؟

قولو : خئییر بورا اورادی ! آی کیشی هارانی ایتیریبسن آختاریرسان ؟

چوبان : وئرین آپاریم ، اوجور باخما منه ، قیزی دئییرم .                     11            

قولو : اده اوچ مین دورد مین نمره لری اولان سیرادا اوتوروبلار قیزی آپارا بیلمیرلر سن ایسته ییرسن بو چوبان آغاجینلا قیزی آپاراسان ؟

چوبان : باخ ، یئتمیش مین باش داواریم وار ، گلمیشم قیزی آپارام .            

قولو : گل بورایا گل بورایا گوروم نه دئییرسن سن ، سن بو قیرقیلیخدا گلیبسن بیزیم آبیریمیزی آپاران ؟ جنسین باشیندان ووران ، اوقلان سنی  

         گورن قاچار ، کیم پول وئریب گلن ائلچی اولان قیزا آبیرین آپاران ؟

چوبان : باخ او منیم اوز همشهریمدی ...

قولو : کیم ؟ سوزی سولدوزلو ؟

چوبان : گئد اوزوین دده م ، هدیه تهرانی ! نیه بوجور باخیرسان منه ؟! من اوزوم بچه تئهرانام ، جنوب تئهران شمال تئهران ، گیشا . بو سوزلری

           اوتور ، باخ ، من بیلمیرم سن نه اویون بزه مخدسن آمما بیلیرم بیر ایشلر گورورسن بورادا ، ایندی ایه ایسته ییرسن کورلامیام نقشه وی بیر

           پول وئر گئدیم یوخسا شتل اولاجاقام . تئز اول دا . ( پول آلیر )  آزدی . دا وئر گورخ ، ( ایت سسی گلیر اوزاقدان ، قولو قورخور )

           قورخما منیم ایتلریمین سسی دی ، ( ائشی یه ساری ) اومدم بابا اومدم ، تئز اول ، آباریکاللا . ( گئدییر ائشی یه ) اومدم جانم اومدم ،

           اومدم سگهای مهربان من ، اومدم .

قوجا : اوغول به منه نوبا یئتیشمدی دده م ؟

بئکار : تلسمه قیز سنیندی . ( قولویا ) آقا بورجون آلدی گئتدی دا به نیه دالیسیجاق مات مات باخیرسان ، گل گورخ ایشیمیز وار . اوزون سوزون

          قیسساسی قیز بیزیمدی والسلام .

قوجا : دئدین به منیم دی آخی .

ورزشکار : دئدی تلسمه عمی . ( بئکارا ) قاچ گئد اوپبانماقیین دالیسیجاق . ( قولویا ) بیزیم آدا یاز گوتوروم گئدیم . منیم بو برنامه لریم وار ، نمره

             وئرین سیزده .

                                                                   ورشکار برنامه لرین اجرا ائدیر .

بئکار : منیمده برنامه لریمه نمره وئر .

                                                                   بئکار برنامه لرین اجرا ائدیر .

شاعر : قیز منی قویوب بونلارا گئدمز . وئرین آپاریم . یالان دئدیم . یوخ دوز دئدیم . بیرین اوتایدان بیرین بوتایدان .

ننه : عمه ن وار ؟ گور نده اوزوندن آرخاییندی !!! اصلن دایانین گوروم ، دورون گئدیم قیزین اوزوندن سوروشوم گوروم هانسی ییزی سئویر .

                                                                   ننه چیخیر ائشی یه .

بئکار : قیز بیزیمدی .

ورزشکار : بیزیمدی .

شاعر : بیزیمدی . یانی منیمدی .

بئکار : قیز بیزیمدی .

ورزشکار : بیزیمدی .                                                         12         

شاعر : منیمدی .

قوجا : آکیشی به من اولموشم ! قیز منیمدی والسلام .

بئکار : قیز بیزیمدی .

ورزشکار : بیزیمدی .

شاعر : منیمدی .

                                                                   بئکار ، ورزشکار و شاعر داوا ائیله ییرلر .

                                                                   ننه آقلی یا آقلی یا گلیر ایچری یه .                                            

ننه : وای یاززیق جانیم وای .                                               

قولو : نه اولدو خالا ؟

ننه : نه اولاجایدی داش توشدو باشیما کول اولدو گوزومه .

قولو : آخی نه اولوب سنه ؟                                                            

ننه : منه هچ . گل اوخو گور نه اولوب دا .

قولو : ( کاغاذی آلیر اوخویور ) ننه من بیر ائرمنی ایله قاچدیم گئدیرم هالیووددا بازیگر اولام . بای ننه .                                         

ننه : وای یاززیق اولدوم . وای بئچارا اولدوم .

بئکار ، ورزشکار و شاعیر : آی هوو ، قوش اوشدو بیز یاززیق اولدوخ ، گئدخ .

                                                                   بئکار ، ورزشکار و شاعر چیخیرلار ائشی یه .

قوجا : میه گلین بو اوزو دئییل ؟

قولو : سن کیمسن عمی .

قوجا : بو اولا اولمویا من گئدن دئییلم . او اولماسین بو اولسون . ( ننه یه ) گل گئدخ .

                                                                   خالا توشور قوجانین دالیسینا قاوالاییر چیخسین ائشی یه .

ننه : وای جانیما وای ...

قولو : نیه آخی ؟ اوزو ایستدیقینه گئدیب دا .

ننه : قارداشیم گلسه پیچاجاق منی واللاه .

قولو : آی جانیم هانی آخی داییم ؟ او کی گلیب سنه اونا منه بیزه صاحاب اولمور ، اله بوجور اولاردا . قورخما گلسه من جاوابین وئررم ، دییرم به

          اینیدیه جخ هارادایدین آخی بیزیم بویوک دایی ؟ بیزیم صاحاب !!!

ننه : دوغوردان ؟

قولو : واللاه .

                                                                          13

                                                                   6 . اوچ راوی گلیرلر کوچه یه .

بیر : گلدیخ بیز .                                                          

ایکی : بودا بیزیم ناغیل .

اوچ : هله قورتولمویوب کی ! سونو قالیر .                                    

بیر : سونون دا دییریخ دا ...

ایکی : قورد کئچینین نه یین یئییب کی .

اوچ : به دا . آنجاق ، ناغیلین سونو بوجور اولدو ...

بیر : قیز گئتدی قالدی سولدوز ماحالی چیرکین قیزسیز . اونا صاحاب اولانمادی ایکسزاده ، صاحاب اولانمادی زدپور ، بیرده شاعر .

ایکی : صاحابسیز قیز قاچاردا ، ائرمنی ایله یادا ...

اوچ : نه فرقی کیم ایله . آنجاق او گئتدی هالیووددا هنرپیشه اولا .

بیر : گئتدی اوزو دیین اولا ...                                            

ایکی : خوش یوخسا پیس ...

اوچ : هله خوشویوز گلدی ناغیلدان ؟

بیر : گلسه ال چالین بیزه .

ایکی : آزدی سس .

اوچ : بیز سیزه ال چالاریخ سیز بیزه چالماسازدا . دئییرم ایندی نه ایش گورخ بیز ؟

بیر : ایندی کی سوسنبر ، یوخ سوزی گئدیب هنرپیشه لیقینه یئتیشه بیزده چالیب اوخویوب اوینویاخ دا .

ایکی : بونا وارام .

اوچ : آقا چالین سازی .

                                                                                سون .

                                                                             94.07.20

                                                                                                                          14