X
تبلیغات
نماشا
رایتل

درام

متنهای دراماتیک

دئرام متنی : سون اوبالی آس ...

سون اوبالی آس .

چئویرن : دوقتور میرعلی رضایی

 

آدملار : بی ، گلین ، نقی خان ، پاشا خان ، خانیم ننه ، آسلان ، اوینویان ، قاراپاپاقلار ، پاسکویچ ، روس قوشونو و آشیق .

 

 

                                                                                 صحنه 1 : آس اوبا ؛ بوزچلو ائلینین یاشام یئری . 

                                                                                 1 .                

گلین : دئدی ، اوره‌یی ائویم اولموش ، گؤزلرینه زیللننده اوره‌ییم کؤکسومده سوسمادان دؤزمور ، دؤیونتو دؤیونتو دؤیونتو ، ایستی باخیش‌لاریندا   

         آشک دالغالانیر ، فیرتانایا اوغرامیش د‌ه‌نیز کیمی بولودلارا قدر یوکسه‌له‌رک بولودا یاغیشا دؤنور دویغولاریمین زیروه‌سینه یاغیر و اورادان دا

         سئل اولوب داشیر سرینلدیر مئهریبان باخیشیندان کئفلنن قان دامارلارینین ایستیلیین ، بو گون بخت ائوینه گئدیرم ، اسکی ائودن اوره‌ییمی

         اوزوب سئوگیلیمین اوباسینا اورک باغلامالییام ، آس اوبادان آیریلمالییام ، سالام یئنی ائویم .

به‌ی : آیری قالماغیما دؤزه بیلمیرم ، اورک ‌له آیاغیم ال‌بیر اولوب منی ایشدن سالیب ، داها قوتوم یوخ آیاغا قالخام ، عاشیقلیک دردی یامان

        درد ایمیش ! یازیق مجنون ، حاققیندا چؤللره دوشمه‌لی ایمیش ، شهلا گؤزلرینی گؤرمه‌یینجه باشا دوشموردوم شهلا ندیر ، بیلمیردیم هارادا     

        یئییب یاتیردیم ، هله بونلار بیر قیراقدا قالسین ، یاشین اؤتمه‌سی بئله وئیجیمه گلمیردی ، ایندی ایسه گئجه سحر اولونجا من قورو جان مین

        یول اؤلوب دیریله‌رم ، داها بو گون گلینی ائویمه آپاراجاغام ، ائل گؤزله‌ییر بیزی .

ناغی خان : بو ائل ناغی خانین جانی‌دیر ، بیرینین بورنوندان قان آچیلسا گؤیومو بولود آلار دونیام قارالار اوره‌ییم قان اولار ، خالقین یوکو چینیمده

              چوخ آغیر ایمیش ، فیرتانا قوخوسو گلیر ، منسه ائلین چادیرینین قایغیسینا قالمیشام کی چادیرلار و آس اوبا داغیلماسین ، بو اوره‌یین

              خالق اوچون چیرپینماسینا یالنیز باشیمیز اوستده گؤی ده اولسا یئتر ،

              آغری مایان اوره ک اولا باش اولا / جان سیرداشیم تورپاق اولا داش اولا / آرزی لارین سایی قدر یاش اولا / عومور وئررم خیدمتینه بو

              خالقین ،

              هر نه اولورسا اولسون ، یئتر کی خالقین باشی اوجا یاشاسین .

پاشا خان : بیر اووج تورپاق ائله وطن دئمک‌دیر ، نه آز نه ده چوخ ، آس اوبا اولماسا دونیادا اولماسین یا دا سئل آپارسین ، تورپاقدان پای اولماز آتالار

              دئمیش‌لر ، بو تورپاغا آند اولسون نه اؤزگه تورپاغینا گؤز تیکمیشیک ، نه ده باشقا اؤلکه‌نی اَله‌کئچیرمک سئوداسی باشیمیزدا وار ، وطن

              تورپاغینا اَیری باخانین گؤزونو اویاریق ، خان نه‌نه‌لرین بویله بویوک دده لرین بیزه تعریفله‌دیکلرینین یوزه دوخسانی تورپاق اوچون وئریلن

              قان‌لارین ناغیلی ایدی ، آلله اؤزو ایسته‌مه‌میش اوز وئرسه اسه پیس یئل اؤزوم تک‌جانا یئل توفان قارشیسیندا دایانارام بیر ذره بئله آتا بابا

              تورپاغیمدان قویمام اسکیله ، منجه ناغیللار بئله‌دیر .

خان ننه : ناغیل کیچیک‌لری دوموک ائتمک و یئرینده اوتورتماق اوچون دئییل ، ناغیل ناغیل اولسا بؤیک‌لری ده دینله‌مک اوچون اوتوردار ائوین

            بوجاغیندا خالچا اوستونده ، خان ننه‌م ناغیل دئیردی خان‌ننه‌مین آناسی دا ، ائشیتدیییمه گؤره ائلیمیز ائله اولوب هردن چؤرک‌سیز 

            اولموش آمما ناغیل‌سیز  اولمامیش ، هر دن شاد هر دن غملی و توتقون ، بونونلا بئله بو خالقین اوره‌ییندن قوپان ناغیل‌لاردا هیجان

            ایستیلیک اولموشدور ، بیر کئشکه سؤزو دایم اوره‌ییمیزده تکرار اولموش ، دئدیک کئشکه غملر قارا دئوین اوره‌یینه دوشسون ، سئوینج‌لری

            دنه دؤنوب تورپاغا دوشوب جوجه‌ریب ائله گول‌ چیچک بوغدا پای گتیرسین .

آسلان : بوغدا دیری قالماق اوچون‌دور آمما اینسانین قانی شرفیله بدنده دولانار ، کیشی الینه بئل آلارسا ائوینه چؤرک قیلینج اَله آلارسا شرف قازانار

          ، بیر زامانلار نه سرحد نه مرز نه دیوار وار ایدی ، ایسته‌دییین یئره قدر آتینلا چاپیردین آیاغین آلتینداکی تورپاقلار قورتارمازدی ، یامان

          زامانا اولوب مرز وار سرحد وار ، زهرمار لاپ قفس اولموش ، آمما ایندی بیر شئی‌لر واردیر کی دونن یوخ ایدی سرحد پیس اولسادا آدامین

          شرفینی اؤلچن تره‌زی اولموش ، آس اوبا خالقین اوره‌یی و آیاغی یئرینده دوزگون دورا دورا یوردومون سون اوباسی اولاراق قالمالیدیر .

اویونچو : رقص زامانی آیاقلاریمی برک چیرپیرام یئره ، اینانیرام کی اوبانین تورپاغی اوغلونون دایانیقلی اولدوغونو تام جانی ایله دویار ، اللریم گؤیه

            قالخاراق تانریما دئییرم بیر گون اؤزونه ساری چکه‌جکسن من ده اورکله گله‌جه‌یم ، آمما سنی آند وئریرم گؤندردییین سون یالواجا سنه

            ساری اوچاجاغیم گونه‌جن آیاقلاریمی گوجدن سالما ، قوی فیرلانسین ، مندن و ائلیمدن سئوینجی رقصی اسیرگه‌مه .

آشیق : شادلیق هامینین پاییدیر آمما هر آن سئوینیب گولمک اولمور ، دیلینی کسنده بارماقلارینی سیندیراندا سنه زامانادان بیر اوره‌ک گیلئیی

          سازی قوجاقلاماق بیر قوجاق حیرس یاناقلاردا گؤز یاشی قالیر ، بارماقلاریم سازیمین سیملری روحومون میضرابی اورک سئوینجیمی

          دوره مده‌کی‌لرله پایلاشماق اوچون باهانا اولموشدور آمما دئو اینسان‌لارین سئوینجینه دؤزه بیلمه‌دی ، اونلارا قفس دوزلتدی ، بویالی قفس،

          هر خالقا سویا میللته اؤزنه اویغون قفس ، کیم قفسه وروغوندور ؟ کیم ؟

          قورقوت یولو دئگیل عبث / سازا لاییق دئگیل قفس / منی سازدان آییران کس / سازسیز نئجه یاشاییم من ؟!؟

پاسکوویچ : ایمپراتورلوق گونو گوندن بؤیویور ، بیر عسگر آنجاق قان تؤکمه‌لی ایره‌لی گئتمه‌لی ، بو گون بوردا صاباح اوردا بیریسی گون هر یئرده ،

               عسگرین اوره‌یی داش کیمی برک اولمالی‌دیر ، رحم ایگیدلیک و گوذشت ائتمک قوشونون یئنیلمه‌سی دئمکدیر ، یئنیلمک ده باشی

               آشاغیلیق تحقیر ، هر ساواشدا اوستونلوک باشی‌اوجالیق دئمکدیر ، فرق ائتمز قارشی طرفین قوشونو واردیر یا یوخ ، گوجلودور یوخسا

               گوجسوز ، آنجاق چاپاراق ایره‌لی گئتمه‌لی یئنی اؤلکه‌لر آلمالی ، روس ایمپراتورو بیزدن بونو ایسته‌ییر .

                                                                              1

                                                                                 2 .

                                                                                 توی ‌دویون‌‌دور ، شاد بیر گونده آشیق دیرینگه چالاراق اوینادیر .

                                                                                 ناغی خان و پاشا خان ائلین آدام‌لاری ایله به‌ی گلینی یولا سالیر ،

                                                                                 گئدیرلر .

آشیق : یاخشی یول ، بورچالی ائلینین گؤزل قیزی ، آ به‌ی ائلینه سالام یئتیر ، دئی کی صاباح یولا دوشورم گلم اورادا توی توتوب شادلیق ائدک .

                                                                                 آشیق چیخیر ائشی یه .

گلین : آلله آمانیندا قال آس اوبام .

به‌ی : گؤز یاشینی بورادان آیریلماق آجیسی یوخسا سئوگیلینه قوشولماق سئوینجی ساییم ؟

گلین : دوزدور سئوگیلیم باشیمین تاجی‌دیر آمما اورک ائودن آیریلاراق بولانماسا سئوگیلییه لاییق وئریله‌سی دورو اورک اولماز !

به‌ی : باشیمین تاجی دوزدور آی اوزونون پاریلتیسی گؤزومون ایشیغی‌دیر ، آمما گؤز یاش‌لارین ایسه یاغیشا دؤنور بولودو ایلدیریمی خاطیرلادیر ...

گلین : اؤز زامانیندا یوردومدان و عزیزلریمدن آیریلماق اوچون یئری وار گؤز یومماغا ...  

به‌ی : یارین گؤز یاشی هر نه اوچون اولسا دا صبریمی توکتسه کیمه گیلئیله‌نیم ؟

گلین : گلین گؤزونه قوربان اولسون دولوخسانماغینی بیر ده گؤرمه‌ییم ، جانیم روحوم ...

به‌ی : گل گئدک .

گلین : اویناییرسان یا یول گئدیرسن ؟

به‌ی : بوتون یولو اورکدن اویناییرام ،

       سحر سحر باغدا گزن نازنین / دستینله غونچه­نی اوز قادان آلیم / سوسن ­دن سونبول ­دن لالا نرگیزدن / سیاه تئللرینه دوز قادان آلیم .

گلین : ساللانیب ساللانیب اوزونو اویمه / ائله سوزگون باخیب قلبیمه دیمه / یارالی باغریما گوز­ل داش دویمه / قویما سینه­م اوسته کوز قادان آلیم .

به‌ی : گوورچین ­سن ائیوانیما قونارسان / عرض ائله­ییم درد دیلیم قانارسان / ا­یری تئللی یاشیل باشلی سوناسان / گل بیزیم گول­لرده اوز قادان آلیم . گلین : دوروب حسنون کیتابینا باخارام / شیرین جانیم آتشینه یاخارام / شوقه گلیب شیرین شیرین اوخورام / چاتمیر تعریفینه سوز قادان آلیم .

 

آشیق : آشیق علسگرین قدرینی بیلسن / آغلادیب گوزونون یاشینی سیلسن / اگر قدم قویوب بیر بیزه گلسن / یئرین وار گوز اوسته گل قادان آلیم .

 

گلین : منیم ده اوره‌ییم سنین ذوقوندن جوشدو .

به‌ی : ائوینه خوش گلدین .

گلین : هله بیر یول گئتمه‌میشیک کی !

به‌ی : سنینله اولاندا زامان دایانیر ، بیر گؤز قیرپیمیلا چاتاریق ، گؤزلرینی یوم .

گلین : بیرلیکده یوماریق .

                                                                                 روس قوشونون غفیل یوروشو ، به‌ی ایله گلین موحاصیره‌‌ده ، هر ایکسی

                                                                                 ساواشیر . به‌ی صلیبه چکیلیر ، گلین توتولور ، هجومچولار گلینه تجاووز

                                                                                 ائدیر .

                                                                                 به‌ی قورتولماغا چالیشیر آمما هیجاندان هوشدان گئدیر ، گلین

                                                                                 هجومچولارین بیرینین الیندن قیلینج قاپاراق اؤزونو یارالاییب هوشدان

                                                                                 گئدیر .

 

                                                                                 آشیق یولا دوشوبدور .

آشیق : دونن آس اوبادا توی ایدی ، بو گون به‌ی اوباسیندا توی توتولاجاق ، دونیا بودور ، بو ،

          بیرینه قارداشدی بیرینه باجی / بیرینین باشینا قویدورور تاجی / بیرینین آغزینا زهردن آجی / بیرینین آغزیندا بال اولور دونیا / بیرینه

          لذذتین دادین قاندیریر / بیرینی سونولمز اودا یاندیریر / بیرینین بوینونو باسیب سیندیریر / بیرینین بوینونا شال اولور دونیا / آی رشید فرقی

          وار قره ینن آغین / اوجور کی گورورسن دره ینن داغین / بیرینین باغلاییر دیلین دوداغین / بیرینین آغزیندا دیل اولور دونیا .

 

                                                                                 هجومچولار رقص و شادلیق ائدیر .                                               2

                                                                                 به‌ی آغ پالتاردا و گلین آغ چادرا ایله گئتدیی یولو بیرده قاییدیرلار .

گلین : چاناقچی مولکوندن سفر ائیله دیک / منه قنیم اولدو یوللار آغلارام / شجر گلدی اوردو شیکار ائیله دی / توکر دیده لریم سئللر آغلارام .

به‌ی : ناگاهاندان بویله دوشدوم درده من / نئجه چکیم عشق اوزونه پرده من ؟ / گوزو یاشلی گلدیم تاغاوئرده من / پریشان اولوبدور تئللر آغلارام .

گلین : بیر شاه انداز شاهبازیم گئدیبدیر / کسیلیبدیر ایختییاریم گئدیبدیر / کوکسو داغلی بیر تاواریم گئدیبدیر / قورویوب لال اولوب دیللر آغلارام .

به‌ی : بیر پری دیل آرامیندا قان آغلار / چکیلیب سینه مه دوگونلو داغلار / اولوبدور بولبولوم لال اولوب باغلار / سارالیب سولوب گوللر آغلارام .

 

                                                                                 آشیق به‌ی ایله گلینی آغ پالتاردا گؤرجک سازی یئره قویور قیلینجی

                                                                                 گلینین الیندن آلیب رجز اوغویاراق هجومچولارا ساری یومولور.

آشیق : بیر قارینج توپراقینا مین جان فدا ائیلر رشید / ائیلسه ایشغال سنی بیر لحظه اغیار ای وطن .

                                                                                 ایشغالچی‌لار آشیقی ال قولو باغلی آپاریرلار .

آشیق : من عاشق آه و زاردا / جانیم دردده آزاردا / او گوندن کی قول اولدوم / ساتیرلار هر بازاردا .

                                                                                 ایشغالچی‌لار یوللاریندا هر کسی گؤرجک توتوب آپاریرلار .

پاسکویچ : روس امپراتورو سیزه آرخالاناراق روسیانی گئنیشلندیرمک ایسته‌ییر ، بس ساواشین ایره‌لییه دوغرو ، قارشینیزدا دایانانی آیاقلاییب

             کئچین ، بیز قلبه و اوغور ایسته‌ییریک ، آتلاری چاپین روس عسگرلری ، چاپین .

                                                                                 ایشغالچی‌لار کئفلی کئفلی رقص و شادلیق ائدیر .

                                                                                 آشیق ایشغالچی‌لارین غفلتیندن ایستیفاده ائدیب قاچیر .

 

                                                                                 3 .

                                                                                 ناغی خان یوخدان دیکسینیر ، ائله بیله‌سن پیس یوخو گؤروب .

 

                                                                                 آشیق سحر تئزدن اوبایا گیریر .

                                                                                 به‌ی ایله گلین آغ پالتارلا اوبایا گلیر .

                                                                                 آشیق به‌یین پاپاغی و گلینین قیلینجینی اونلاردان آلیب ناغی خانا وئریر .

آشیق : کئچمیشلری یادا سالیب / آغلاییرام هردن هردن / تئللی سازی سینه م اوسته / چاغلاییرام هردن هردن / یوخدور سارا ، نه خان چوبان           

           یاتیب یاسا گوللو موغان / آغلاییرام هردن هردن .

                                                                                 ائل یاس مراسیمی توتور .

                                                                                 به‌ی و گلین خالق آراسیندا گزیر ، گولاب سپیر ، قورآن یاییرلار .

آشیق : قانادیم اولایدی دونه یدیم قوشا / عومرومو گویلرده وئره یدیم باشا / آل قانا باتاندان قاراباغ شوشا / بیر گوزوم گولسه ده بیری ده آغلار .

                                                                                 ناغی خان به‌ی و گلینین قیلیجینی پاشا خانا وئریر .

آشیق : عزیزیم قاراباغا / قار یاغدی قاراباغا / ائلیم طایفام قیریلدی / توکولدو قاراباغا / عزیزیم قاراباغا / قار یاغدی قاراباغا / من اولنده چئویرین /

           اوزومو قاراباغا ،

          سندن آیری چکیلیب سینه مه چارپاز یارا واردی / قارا گئیدیرمه منه چون قارام اوستن قارا واردی / یانیرام غملی گونومدن اومودوم بیر یارا   

          واردی / منی تاپشیرما غمه غم منی ییخماقدادی ، دای گل .  

                            

                                                                                 4 .

                                                                                 ایشغالچی‌لار قانلی آخشامدا یئنه اسیر توتورلار و ایره‌لی گلیرلر ، بیر

                                                                                 چوخ ایسان گوجدن دوشموش .

 

آشیق : اینسان دردلرینی گل سازیندا چال / دوزوملی آشیق لاردان حکایت ائت / گل بیزه آی آشیق عشق درسی وئر / اومودسیز ساعاتدا دردیمیزه 

          یئت .

                                                                                 به‌ی و گلین آغ پالتاردا آسلانا بیر قیلینج وئریرلر .                              3

                                                                                 آسلان الده قیلینج گلیر ، ایشغالچی‌لارلا ایگیدجه‌سینه دؤیوشور .

 

آشیق : بیلیرسن آی آشیق دردیمیز بیردیر / گل گئدک سازیندا عشق دن دانیش / سیم لرین دیلی ایله خلقی هارایلا / گل بو درده منله بیرلیکده

          آلیش .

 

                                                                                 ناغی خان و پاشا خان داخیل اولورلار ، اونلارلا بیرلیکده آسلان و باشقا

                                                                                 دؤیوشچولر ایشغالچی‌لاری گئرییه‌ آپاریر .

پاسکوویچ : گئری چکیلیریک.

 

آشیق : دده قورقود سازی چالسا / دلی دومرول باش اوجالدار / بلی البته کی یولداش باشینی یولداش اوجالدار / سسله آشیق سازی چالسین /

          سسی میز بیرده اوجالسین / اویناماقلار یئنه دونسون / کاس شومشکلرگویه دونسون / قوی وئرک سس سسه با هم اوخویاق بیرده   

          کوراوغلو دلی سیندن / هجرین قوچ نبی سیندن / اوکی ظالیملری مظلولارین اوستونده ازردی / او کی آسلان کیمی داغلاردا یاتیب باغدا

          گزردی / اوخو آشیق اوخو / سن بیل او کی تانری تانییبسان / سوزومه دوز جالییبسان / سوموگوم قوی سازا گلسین / بولبولوم آوازا گلسین /

          یازمیشام ایوازا گلسین / گوچ آلاق قوی دلی لردن / باج آلاق اجنبی لردن .

 

پاسکویچ : گئری چکیلیریک ، توپخانا ، توپخانایا خبر وئرین .

                                                                                 توپ‌لارین سه‌سی .

 

                                                                                 آسلان ایگیدجه‌سینه ساواشیر ، آمما سوندا بیر چوخ یارا آلاراق یئره

                                                                                 ییخیلیر .

                                                                                 ائلین آدام‌لاری بیر بیر یئره دوشورلر .

 

                                                                                 ناغی خان و پاشا خان بیر تپه اوزه‌رینده دوروب تاماشا ائدیرلر .

ناغی خان : ائل مغلوب اولور .

پاشا خان : آس اوبا قانا بویانمشیدیر .

ناغی خان : گئری چکیلمه‌لییک .

پاشا خان : ایره‌لیله‌سه‌لر ، تبریزه کیمی گله‌جک‌لر .

ناغی خان : گئری چکیلمه‌سک ، قوشوندان بیر نفر دیری قالماز .

پاشا خان : بورادا قارشیلارینی کسمه‌لیییک .

ناغی خان : توپ‌لاری لاپ ایپیمیزی اوزوب .

پاشا خان : توپ لاریمزلا قارشی دورون .

ناغی خان : ماراغا توپخاناسی تک‌باشینا بیر ایش گؤره بیلمز .

پاشا خان : مگر آنجاق اونلار بوردادیر ؟

ناغی خان : بلی ، بیر توپ 100 توپ قارشیسیندا ...

پاشاخان : بس بو خوراسان توپلاری نئجه اولدو ؟

ناغی خان : عابباس میرزا اونلاری گؤزله‌ییر .

پاشا خان : گلمه‌سه‌لر یئنیله‌جه‌ییک .

ناغی خان : قوشون قیریلمادان گئری چکیلمه‌لیییک .

پاشا خان : اؤزون دئدین کی ، خوراسان توپخاناسینی گؤزله‌ییریک .

ناغی خان : سنینله عابباس میرزایا قالسا ، گئری چکیلمه‌ریک ...

پاشا خان : سن گئری چکیلمک ایسته‌ییرسن ؟

ناغی خان : قوشون قیریلاندان سونرا کیمله ساواشاجاقسان ؟                         4

پاشا خان : تورک اؤلر ، آما تورپاق وئرمز .

ناغی خان : تورپاق وئرمه‌لی دئییلیک .

پاشا خان : یول یولاجاق نه‌دیر ؟

ناغی خان : یئنی هجوم اوچون دالی ، دوغروسو ، تووا چکیلمک .

پاشا خان : چوخ توپ و عسگرله یاخشیدیر ، آمما ...

ناغی خان : من ائلی گئری آپارارام ، سن گئت سوراقینا ،،، عابباس میرزانی دئییرم ...

پاشا خان : منیمله گلمز .

ناغی خان : گوجله گئری چکدیر ، قوشون باشچیسیز اولسا روس تبریز تهران هارادی بیلمز ، گلیب آلار .

پاشا خان : بو سؤزلرله گئری چکیلمز ، جان وئرر تورپاق وئرمز .

ناغی خان : من ده تورپاق وئرمک ایسته‌میرم ، خوراسان و آذربایجان توپخاناسی ایله اونلاری قاییدیب توپا باغلاریق .

پاشا خان : آخی قبول ائتمه‌لیدیر ، یا یوخ !

ناغی خان : قبول ائتمه‌سه ، اؤز باشینی اونون قیلینجینا یاخینلاشدیر، دئی یا منی اؤلدور یا دا منیمله گل ، آخی ائل قیریلیر قارداش ، آنجاق بیر

               ایش گؤر ده .................................

پاشا خان : سن ائلین آرخاسینجا گئت .

 

                                                                                 به‌ی و گلین آغ پالتارلا اوزون زنجیری اؤزلری ایله داشیرلار .
آشیق :
من بیر اوشاق ، سن بیر آنا / او دور کی باغلی یام سانا / هانسی سمته هانسی یانا / هئی اوچام دا یووام سن سن / ائلیم گولوم اوبام سن سن /

          داغلاری نین باشی قاردیر / آغ اورپه یین بولودلار دیر / بویوک بیر کئچمیشین واردیر / بیلینمه ییر یاشین سنین / نه لر چکمیش باشین

          سنین ،

          خوراسان توپخاناسی گلمه‌مکله عابباس میرزانین و آذربایجان قوشونو داغیلیر ، یئنیلیر ، تورکمنچای و گولوستان موقاویله‌سی ایله بیر چوخ

          تورپاق روسییه‌یه وئریلیر ، بورچالی ائلی ایللر بویو روسلارلا گیزلی ساواش آپاردی‌لار ، روسلار اونلاری تانییاندان سونرا داها ساواشماق یوخسا

          تسلیم اولماقدان باشقا یول قالمامیشدی .

 

                                                                                 5 .

                                                                                 گئجه‌دیر .

پاشا خان : کئشکه خوراسان توپخاناسی گلسه‌یدی ، ایندی ...

ناغی خان : تورک قاجار ایله روس ساواشی هر نه اولسایدی ، اولوب بیتیب ، ایندی آرتیق تاریخه کئچیب ، سن بئله دوشون کی او واختدان آز

               کئچیب ، دونن قورتولوب ، قارداشیم آمما بیز هله دیرییک ، بو سازا سیغینیبسان کی نه اولسون ؟ اؤزونه گل .

پاشا خان : گلیم نه ایش گؤروم ؟

ناغی خان : ائلینین قایغیسینا قال ، بو بورچالی خانیندان ائله بؤیوک بیر اوماجاق دئییل .

پاشا خان : ائل اوز توپراقیندا یول گئدیر ...

ناغی خان : یول گئدیر دوزدور ، آمما باغلی ال‌لرله بوغولموش نفس لرله ، درد قان یارالارلا ...

پاشا خان : بیز مغلوب اولدوق بیلیرسن ؟

ناغی خان : آتدان دوشموشوک آددان دوشمه‌میشیک کی ، بس‌دیر ...

پاشاخان : نه بس‌دیر ؟ بیر نئچه یارالی یورغون توفنگچی و بیر نئچه چولاق آت ایله روس قوشونونو یئنمک ایسته‌ییرسن ؟

ناغی خان : اولمالی دئییل ، ائده بیلمریک ، بیلیرم آمما ....................................

پاشا خان : آمما نه ؟ دئ ، سوساندا اوره‌ییم بوشالیر ، سنین سوسماغین قورخولودور .

ناغی خان : منیم ایلک و سون سؤزوم بودور ، بیرگون عابباس میرزا روس‌لارین سوراغینا گله‌جک ...

پاشا خان : آهان ...

ناغی خان : سن عابباس میرزایا اینامینی ایتیرمیسن ؟!

پاشا خان : تهراندا اولانلار آدامدا ایمان قویمور قالا ، ایمانیمی الدن وئرمه‌میشدیم سؤز صحبت واریدی ایندی یوخ قارداشیم .

ناغی خان : هله بو ناغیل بیتمه‌میش ، مؤمون بیر قیلا چئوریلر ، آما ...

پاشا خان : اما نه؟ ؟؟؟ یوخ قارداشیم یوخ ، منیم یانیمدا داها عابباس میرزا ایله گولوستان و تورکمنچای آنلاشماسی بیتدی ...                          5

ناغی خان : آخی نییه ؟

پاشا خان : اونلار ائله بیله‌سن لاپ آللاه‌لاریندان ایدی کی بیز بیربیریمیزدن آیریلاق .

ناغی خان : سن عابباس میرزانی مندن یاخشی تانییرسان ...

پاشا خان : تهران بیر فقط عابباس میرزا دئییل کی ، اوندان سؤز ائشیتمیر ، ایندی یئنی قانادلانیب ایکی اوزلولوکله میدان اوخویان‌ آدام‌لارین الینه

              دوشموش ،،، ایندی یئنی یاشاماق یوللارینی تاپمالیییق ...

ناغی خان : من دئییرمی ، بیری گئتمه‌لیدیر ...

پاشا خان : ....

ناغی خان : گئدیب عابباس میرزا ایله باشی اوجا قاییدسین .

پاشا خان : یاخشی یوخودور آمما دوغرو اولماسی چوخ چتین ...

ناغی خان : بئله آسیلی قالماق ، سنجه داحا پریشان یوخو دئییل ؟

پاشاخان : اوتورماقدان باشقا چاره میز وار ایدی می ؟

ناغی خان : ائل روس چکمه‌لری آلتیندا ازیلیب .

پاشاخان : او طرف غریبه ایله دولوب سنی ایسته‌میر ، یعنی اجنبی تانیش دونو گئییب ...

ناغی خان : ائل آیاغا قالخیب ساواشمالی‌دیر .

پاشا خان : منیم اؤلوم اوزه‌ریندن کئچیب ساواشماعا گئده بیلر ...

ناغی خان : آزادلیغین قیمتینی بوندان آرتیق چوخالتما ...

پاشا خان : ائله سئچه بیله‌جه‌یین بیر یولو وار او دا بودور ( سیلاح چیخاریر ) ...

ناغی خان : اؤزون ایسته‌دین ( سیلاح چیخاریر ) ...

 

                                                                                 خانیم ننه اوینویانلا بیرلیُکده الده مشعل ایله ایچری گلیب اوتورور .

                                                                                 به‌ی ایله گلین ده آغ پالتاردا خانیم ننه ایله گلیرلر .

                                                                                 پاشا خان ایله ناغی خان خانیم ننه‌نی گؤرجک سیلاح‌لاری قیراغا آتیر و

                                                                                 اونون کناریندا اوتورورلار .

خانیم ننه : یارالی خان بوردا ایدی بو وضعیتی گؤرجک اؤز الیله جوت اوغلونو اؤلدوردو .

پاشا خان : خانیم ننه خبرسیز نییه ؟!

ناغی خان : خانیم ننه !!! باخیشلارین گؤیدن آغیر اولموش ، آی ائلین آناسی ، آما منیم گوناهیم ...

خانیم ننه : اؤلوم ایله دیریم آراسینی بو یورغون جانیملا دؤیوب گلمه‌میشم کی بوردا گوناهکار آختارام .

پاشا خان : ایشیمیز چتینلشیب ...

خانیم ننه : ایشین چتینلیگی جانی ‌برک آدام‌لار اوچوندور .

ناغی خان : من ده دئییرم ساواشاق .

خانیم ننه : نه ایله ؟

ناغی خان : سوسمالییق سا سوسوم .

پاشا خان : ها ایندی سنی بیر اؤپمه‌لییم ...

خانیم ننه : هله قرار وئریلمه‌ییب ، اوتور ، سیزه بیر احوالات تریفله‌ییم .

ناغی خان : واخت آزدیر منیم آنام .

خانیم ننه : بو چیخیلماز دورومون یول یولاجاغینی ائشیتمک اوچون ، واخت وار .

ناغی خان : ائشیدیریک .

                                                                                 اوینویان خانیم ننه‌نین سؤزلرینی رقص ایله ایفا ائدیر .

خانیم ننه : گونش خانیم مین ایل‌لر بویو هر گون دان واختی داغ آرخاسیندان شن گؤزلری ایله گؤرونمک اوچون بویلانیر ، هامی دا بیلیردی کی

               یوخونون سونو چاتمیش داها ، گونش خانیم بو ایللرده اینسان‌لارین سئوینجینی گؤرنده داها سئوینردی ، صوبحدن آخشاما کیمی گؤیده

               گزیردی و قیزیلی ایشیغی ایله یئر اوزونده‌کی آداملارا حیات باغیشلایاردی ، آما آدام‌لار نان‌کور و تنبل ایدیلر ، البته ازلدن بئله دئییلدیلر

               ، هر زامان قارا اورک دئو هاوایا اوفورنده تنبللیک کولک کیمی اسیردی و اونلارین جانینا هوپوردو ، گونش خانیم آدام‌لارین تنبللییینی

              گؤرنده اوره‌یی سیخیلیردی ، آخی گونش خانیمین گلیشی ایله چوخ آز آدام کیرپیک‌لرینی آچیب گؤیه سالام وئریردی ، گون‌لر          6

               کئچدی ، ائله بیر گون گلدی کی هیچ کیم گونش خانیمین ناخوش اولماسیندان خبری اولمادی ، قارا اورک دئو گؤردو کی گونش

               خانیمین اولوب اولماماغینین اینسان‌لارا فرقی یوخدور ، گئدیب گؤیدن ناخوش و قوروجان گونش خانیمی گؤتوردو ، ایندی دوران

               قارانلیق دورانی اولموش و زامانا ایسه یاراسالار زاماناسی ، هامی بو وضعیته آلیشمیشدی ، نه بیر نفر ایشیقلیق ایسته‌ییر نه ده بیر نفر

               گونش خانیمین صیفتینی خاطیرلاییر ، گؤیون قیزیل گلینی کؤچموشدو ، زامان آدام‌لارینین اوره‌یی قارا گئجه کیمی اولموش ، قارا

               اورک دئو هامینین اونون کیمی اولدوغوندان سئویندی ، بو یئرین ناغیلی ایدی ، بو طرف‌لرده بیزیم آذربایجاندا خالق گؤروب کی

               گئجه‌دیر ، داها گونش خانیم‌دان خبر یوخدور سحر تئزدن داغ دالیندان بویلانا ، هامینین اوره‌یی تولوب ، اونلار قدیم کیمی شاد اولوب

               اوخویوب اوینایا بیلمزدی‌لر ، آخی آذربایجاندا قدیمدن بری ساواشدان و اوو مراسیمیندن قاباق و غلبه زامانیندا و تانری‌دان شوکور ائتمه‌

               و طیلسیم‌لری سیندیران زامانیندان قاباق رقص ائدیلردی ، خصوصا ده گونشه سایغی و سیتایش آذربایجاندا چوخ اؤنملی ایدی ، اونون

               اودو ایستیسی ایشقلیق و قارانلیغی محو ائتمه رمزی ایدی ، بونا گؤره اودون گوجونون سیتاییشی رقص ایله ایفا اولوناردی ، بیزیم

               یوردون آدام‌لاری باشقا مساله‌لری کیمی رقص ایله گونشین آلاوولارینی منیسمه‌میشدی‌لر ، گونش قارا اورک دئوین الینه کئچندن بری

               هئچ کیم هله رقص ائده بیلمه‌میشدیر ، آتش رقصی ده خالقین اوره‌یی کیمی اؤلموشدور ، هامینین اوره‌ییینی غم بوروموشدور ، بیر گون

               هامی گؤرور بیر نفر قوپوز چالیر ، ساری گلین هاواسین ، خالق یاواش یاواش اوبانین اورتاسینا توپلاشیر ، هئچ کیم نئجه دویغو

               یاشادیغینی بیلمیردی ، آخی هامی ساری گلین رقصینی ایجرا ائدیردی ، گؤیون ساری گلینین یئنیدن دیریلمه‌سی اوچون اونو 

               سه‌سله‌مه‌لی ایدیلر ، یالوارمالی ایدیلر ، گئدیب قارا اورک دئوین الیندن قورتاریب گؤیه قایتارمالی ایدیلر ، او گون آذربایجان خالقینین

               روحو بدن‌لردن آیریلان هامی گؤیه ساری اوچان ایشیقلی و ایستی گونش خانیمی دئوین الیندن قورتاردیقلاری گوندور ...

پاشا خان : بس اوینامالیییق .

خانیم ننه : هله گونش گؤیده .

ناغی خان : اولمایا گلمه‌یه‌جک !؟

خانیم ننه : یارالی خان ایکی ایگید اوغلونو اؤز یئرینه قویوب گئدیب ، ایندی نه ائدیب نه ائتمه‌مه‌یینیز سیزدن آسیلیدیر ، آمما صاباح گونش

               اوغورلاندیقدا بیر نفر ساری گلین ماهنیسینی بو اوره‌یی سینمیش بئلی بوکولموش ائله اوخومالی‌دیر .

                                                                                 خانیم ننه اوینویان ایله بیرلیکده ائشییه گئدیر .

ناغی خان : بس یاشامالیییق .

پاشا خان : کسینلیکله ، آمما یاشاماق اوچون یئر اولمالی‌دیر ، بئله دئییل منیم آنام ؟ آنا ! خانیم ننه هانی !؟

ناغی خان : خانیم ننه هانی ؟

پاشاخان : بورادایدی آخی ؟!

ناغی خان : سن ده گؤردون ؟

پاشا خان : دیریلیب ؟

ناغی خان : آیاغینین آلتینی اؤپرم ، گئج اولمادان گئدک ، چوخ ایش‌لر گؤرمه‌لیییک ، گئتمه‌لیییک .

پاشا خان : منیم ده چوخ ایشیم وار ، بلکه سن اوبانین سون یاردیمچیسی اولاسان ، من ده سون قالانی .

ناغی خان : من ائلین یاریسی ایله بورادان گئدیرم ، بورچالی خالقیندان بیر قیسمی گؤیده گونش اولمایان گلن گون‌لر اوچون بوردا قالمالی‌دیر .

پاشا خان : من ده ائلین یاریسی ایله بوردا قالیرام کی یئریمیز دوشمن الینه کئچمه‌سین ، گونش خانیم بورادادا اوغورلانا بیلر .

 

آشیق : بورچالی ائلی ایکییه بؤلوندو ، بیری قالدی ، ناغی خان او بیری بؤلوم ایله آراز قیراغینا گئتدی ، روس قوشونو اونلاری ایزله‌دی ، ائل آرازدان

          کئچه بیلمه‌دی.

          آرازین داشقینا باخ / اوروسون مشقینه باخ / اوخورام درد الیندن / دئییرلر عشقینه باخ ،

          ناغی خان اونلاری عثمانلی ایمپراتورلونا ساری آپاردی، اورادا بو ائله قاراپاپاق آدی وئریلدی ، بیر مدتدن سونرا عابباس میرزا ناغی خانا

          قاییتماق اوچون دعوت گؤندردی ، قاراپاپاپق‌لار عثمانلیدان یولا دوشوب ماکی‌دان آذربایجانا گلدی‌لر ، اونلار روس‌لارین اسارتی آلتیندا

          یاشاماغا بویون ایمه‌دیلر ، آمما بو طرفده ماکی‌دان خوی سالماس و اوموریا کیمی تورک‌ ائللرله دولو ایدی ، عابباس میرزا کئچمیشده ماراغا

          مقدم‌ ائلی و افشارلارین یاشادیغی ایندی ایسه بوم‌‌بوش یئر اولان سولدوز ماحالینی قاراپاپاق‌لارا باغیشلادی ،

          حکم والا _ چونکی سیزین جاندان کئچمه‌یینز و خیدمتینیزین و بورچالی ائلی ایله بیرلیکده ناغی خان و اولادلارینین ایگیدلیک و

          جسارت‌لری تکرار بو یوکسک قدر بیلنه ( عابباس میرزایا ) معلوم اولوب ، اونلارا _ قاراپاپاپق ائلینه _ لیاقت اؤدولو اولاراق سولدوز ماحالینی

          وئردیییمیز زامان لازم ایدی کی ، یوکسک مقاملی ( ناغی خان ) جناب‌لارینا لاییق و سولو بیر کند وئرک کی بو مرحمت نسیل‌دن نسیله  

          قالسین ، بونا گؤره قیزیل وئریب آلدیغیم ، ناغادای کیمی تانینان نوجه‌ده کندینی زمانه‌میزین مجتهدی میرزا احمدی یاشینا گؤره وکیل    7

           ائدیریک کی باغیشلاما صیغه‌سینی ناغد 100 دینار پول و بیر من بوغدا شرطی ایله اوخوسون ، و اؤز مهری ایله و تبریزین سارایینین بوتون

           فاضیل اینسان‌لارینین شاهیدلییی ایله سیزه تقدیم ائتسین ، و آدی ‌چکیلن مولکون بونچاغینی اونون خصوصی مولکو اولاراق اونا

           سییورغال کیمی وئردیک ، بو باغیشلاییجی مرحمت ایله یاناشی آدی‌ چکیلن کندین ناغد و مولک و مالینی دا اونون سیورغالینا وئردیک

           کی بو مولکو اَلده ساخلاسین‌لار کی نسل به‌نسل دیوان ظابیطلری و مباشیرلری بو ایل قاهیر دولت ناغد قرار و حبه نامه‌یه حواله ائتمه‌سین

           ، قرار وئردیک کی دفترخانه دفترینده بو حکمو ثبت ائتسین‌لر و ده‌ییشیکلیک‌دن قورونسون و مقبول ساییلسین ،

           جمادی الثانی‌ده یازیلدی ، 1240 قمری ،

           قرار وئریلدی کی یوکسک مقام ناغی خانین خیدمتلرینه گؤره بی یازی‌یا اساسا نوجه‌ده کندینی سیزه باغیشلادیق ، ایسته‌دییی کیمی ائده

           بیلر ، موبارک رامضان آییندا یازیلدی ، 1245 قمری ،

           قاراپاپاق‌لار ناغی خانین باشچیلیغی ایله کئچمیشدن بری آدی تورک یوردو سولدوز اولان سولو بیر دوزنلیییه صاحیب اولموش‌لار .

 

                                                                                 صحنه 2 : سولدوز ؛ قاراپاپاق تورکلرینین یاشاییش مسکنی .

                                                                                 6 .

                                                                                 به‌ی ایله گلین تپه‌باشیندان سولدوزدا یاشایان خالقا باخیرلار .

به‌ی : ائوه گئدک ؟

گلین : یورولموشام گئدک .

به‌ی : ایندی ایسه راحات یاتا بیلریک .

گلین : یاتیب و ساری گلین یوخوسونا قوناق اولا بیلریک .

 

آشیق : حسرت کورپوسونه وای حسرت جانیم / قوی ایتگین ائللرین دردیندن یانیم ،

          دوشمانلار الینده اسیردی ائلیم / اوخشاما دئمه گه باغلی دیر دیلیم .

 

                                                                                 7 .

                                                                                 آشیق ساری گلین هاواسینی چالیب اوخویور .

                                                                                 اوینایان ساری گلین رقصینی اویناییر .

آشیق : ساچین اوجون هورمزلر / گولو سولو درمزلر / ساری گلین / بو سئودا نه سئودادیر / سنی منه وئرمزلر / نئیلیم آمان آمان / ساری گلین / بو

          دره‌نین اوزونو / چوبان قایتار قوزونو / نه اولا بیر گون گورم / نازلی یاریمین اوزونو / نئیلیم آمان آمان / ساری گلین / عاشیق ائللر آیریسی /

          شانا تئللر آیریسی / آیریسی بیر گونونه دوزمزدیم / اولدوم ایللر آیریسی / نئیلیم آمان آمان / ساری گلین .

 

 

 

 

                                                                                   سون .

                                                                                93.07.02

                                                                             

                                                   آس اولدوز . آس اربایجان . ایری آنا .

 

 

 

                                                               

                    8

تاریخ ارسال: دوشنبه 26 آبان‌ماه سال 1393 ساعت 09:13 ب.ظ | نویسنده: علی قبچاق شاهی | چاپ مطلب
نظرات (0)
برای نمایش آواتار خود در این وبلاگ در سایت Gravatar.com ثبت نام کنید. (راهنما)
نام :
پست الکترونیک :
وب/وبلاگ :
ایمیل شما بعد از ثبت نمایش داده نخواهد شد